سؤال صعب جداً وتستحيل الإجابة عليه بمجرد الكلمات والعبارات الجميله، فعشق المريخ هو احساس يصعب التعبير عنه... لان من يحب المريخ لن يدرى اي سبب يقدم على الاخر!!!
ألان المريــــــــــــــــــــــخ هو الكوكب القاهر ومحبى المريخ والتفوق تتعلق قلوبهم بكل ماهو قاهر وقوى!
ام لان المريـــــــــــــــــــــــخ هو الكوكــــــــــــــب ونحن قوم لانولى (التوابـع) كبير اهتمام!!
ام لان ذلك الكائن السماوى المنشاء يصطفى محبيه ولا خيار لمن اصطفاهم غير ان يحبوه لكل ماتقدم من صفات!!
نعم وايم الله لوضعوا الشمس واهبة الضياء والحياة لكل الكائنات على يمينى وذلك القمر (الذى لايضي إلا بعد ان تسقط عليه اشعة الفضل) من (الكواكـــــــــــــــــــب) على يساري(دعك منه وهو غير مكتمل ملتف عن نفسه فى حياء) لما إخترت غير المريــــــــــــــــــــــخ واهب الضياء والفرح والثناء...ذلك اللغز الكونى المُحير الذى ظل تحدياً للجميع فى الارض وفى السماء!!!
نعم فهو فى السماء ايضاً قد تعرض لبعض يائس المحاولات من مغامرى الفضاء من الذين يبغون شهره وذياع سيط وتسليط ضوء يدوم لاجال معدودة فينتهى خبرهم وخبر محاولاتهم مع جراءتها ويبقى كوكـــــــــــــــــــــــب العز إسماً ورسماً وتحدياً لايقبل الإنكسار..
والارض ايضاً لاتخلو من المغامرين ممن انتسبوا لذلك الواهن المنحنى المنطوى على نفسه شكلاً فى تعبير عن تقدم العمر الذى من اكبر علاماته احدوداب الظهر... وخجل بسبب عدم الإنجاز ومن كثرة مانسب إليه من فظائع.
نعم ذلك التابع جُرب بالقدم مُنذ القِدم هل من ينكر..فى الارض وفى السماء فهو تابع مطروق..فلاجديد إذا احدثنا فيه حدثاً اليوم او غداً فقد فعلناها من قبل وما اسهل ان نفعلها من بعد(امر هين)
نعم تتكرر المحاولات ويظن بعدها ضامرى الفكر فاقدى البصر والبصيرة انه النجاح!! ويكثر الصياح ويكثُر رقصهم الماجِن من اكبرهم إلى اصغرهم..لتاتى الصفعه!!
يالهم من قوم عجزوا عن التعلُم من التاريخ.فقبل ايام فرحوا مثل فرحتهم اليوم وبعدها أشقاهم الذى لم يعجبهم حسداً والذى ابكاهم كمداً كلما حلق امام مرماهم ولو لنصف متر(مسمــــــــــــــار بلاتر) الذى بسببه إزدهرت تجارة المسامير.
لهذا وقفنا بعد ان طربنا وقفنا مرفوعى الراس(حالنا دوماً) وهتفنا ملء الحناجر هتاف فعل فيهم فعل (الخناجر) بالطــــــــــــــــــــــــوووول بالعرض مريخنا يهز الارض..لسبب واحد وهو انهم لم ولن ياتو بجديد فقد كنا دواً ناتى بالجديد وهم ظلوا فى حالهم القديم اتباع خطانا.
عن نفسى وهذه رسالتى لكل من فرح من بنو الازرق ولكل من حزن ولو قليلاً من قومى ولو قليلاً ماكنت ابحث عنه فى المريـــــــــــــــــــــــــــــخ وجدته.
قرقرقرقرقرقرررررررررررررررررر تتهاااااااااااي هاااااااااااي هااااااااااي.. أحيييييييييييييييييييييييييييييي إستغفرتك يا مالك روحي .. أضحكي يا ركبي سنوني مكسرة ...
ياخ والله حننتوني عديييييييييل كده !!!!!! يا سامي يا أخوي والله المرة دي الكلام غلبك عديييييييييل !!! فكرت وقدرت ثم فكرت ثم أرجعت البصر كرتين عشان تجي تكتب جنس الكلام ده يا أبو السيم !!! والله عافي من طمبل وهيثم مصطفى الخلوك بقيت من علماء الفلك !!! إنت لسة شفت حاجة ؟؟؟ والله كان ما خليناكم تتكلموا بعد شوية عن الإستنساخ وإنشطار الزرة وإنبعاج الكرة الأرضية وتحديد النسل ما نبقا نحن هلالاب !!!!!
تعرف يا سامي عندي إحساس إنك لمن سألت روحك السؤال ده سألتو لي نفسك بي زهج كده !! مش؟؟ يعني تلقاك قلتو وبي الدارجي كده : هو نحن العاجبنا في المريخ ده شنو ؟؟؟ والله غير السكري والضغط ما عامل لينا حاجة !! وطبعاً لمن جيت وكتبتها باللغة العربية الفصحى إندثر المعنى الحقيقي..
طيب ما مشكلة انا حا أفترض حسن النية في سؤالك وحا أقوم كده أتبرع وأشاركك الإجابة!! تعرف زكرتني مسرحية عادل إمام الإسمها ( الزعيم ) لأنو في مشهد كده عادل إمام بيظهر وهو بيلقي في خطاب للشعب وهو بيقول : أيها الللللللللللل... هم إسمهم إيه .. لقد قمنا باللللللل.. هو إحنا قمنا بي إيه .. وفي مشهد كده بيسأل سؤال وبيقول : لماذا قمنا بالثورة ؟؟؟؟؟؟؟؟؟؟؟ وبعدها بيقول : انا مش عارف ليه قمنا بالثورة لأني ساعتها كنت في الحمام أها يا سامي لماذا تحبون المريخ ؟؟؟ والإجابة إنكم كلكم ما عارفين لأنكم ساعتها كنتو مطششين وما واعين !!! تعشقوا المريخ يا سامي لأنكم تعشقون البشتنة .... تعشقوا المريخ يا سامي لأنكم تعشقون الإنهزام .. تعشقوا المريخ يا سامي لأنكم تعودتم أن تكونوا ثانياً .. تعشقوا المريخ يا سامي لأنكم تخجلون الصعود لمنصات التتويج ... تعشقوا المريخ يا سامي لأنكم تحبون الوصافة ...
Quote: ألان المريــــــــــــــــــــــخ هو الكوكب القاهر ومحبى المريخ والتفوق تتعلق قلوبهم بكل ماهو قاهر وقوى!
والله يا جماعة بقيتوا تشككونا في معاني الكلمات زاتو !!! أسة إنت بي صحك كده قاصد كلمة قاهر دي من قهر يقهر قهراً فهو قاهر ؟؟؟ ولا قاصد قاهر بتاعت النسوان ديك يا سامي لمن المرا تقول ليك والله فلان ده قهران خلاص ؟؟؟؟ أين القهر يا سامي؟؟؟؟ أين القوة يا سامي؟؟؟؟ نعم المريخ قاهر وقوي لأنه صمد أمام الهلال ولمدة تسعين دقيقة فخرج متعادلاً.. نعم المريخ قوي لأنه أخيراً قرب الهوة بينه وبين الهلال إلى نقطتين أخيراً وماشين كويس الموسم الجاي نقطة والبعدو نتعادل في النقاط وبعد سنتين إن شاء الله تفوتونا .. نعم المريخ قوي وقاهر لأنه جاء ثانياً وليس كما الموردة التي تدهورت ..
Quote: ام لان المريـــــــــــــــــــــــخ هو الكوكــــــــــــــب ونحن قوم لانولى (التوابـع) كبير اهتمام!!
وهل سألت نفسك يا سامي كم ترتيب هذا الكوكب في المجموعة الشمسية ؟؟؟ الأن فقط أدركتم لماذا يستحيل على المريخ أن يأتي أولاً فهذا الكوكب ترتيبه في هذه المنظومة لا يجعله أولاً أبداً .. كم تمنيت أن يكون هنالك فريق إسمه عطارد يا سامي !!!!
Quote: لما إخترت غير المريــــــــــــــــــــــخ واهب الضياء والفرح والثناء...
صدقني يا سامي المريخ لو بيمنحك الفرح ما كان خلاك سهرت الليالي تبحت في راسك عشان تجي تكتب الكلام ده !!!! كلامك ده أبداً ما كلام فرح !!!
Quote: ...ذلك اللغز الكونى المُحير
والله يا سامي دي أصحّ عبارة في موضوعك ده .. بي الجد محيير جداً جداً ..حيركم إنتو قبل ما يحيرنا نحن زاتو ... فريق عندو ملعب جميل ومقصورة كبيييييرة ونجيلة سممممحة ورئيس نادي قروشو تراب وبعد ده ما قادر يفوز علي الهلال خمسة سنوات ؟؟؟ والله بي الجد حاجة تحيير ...
Quote: يالهم من قوم عجزوا عن التعلُم من التاريخ.فقبل ايام فرحوا مثل فرحتهم اليوم وبعدها أشقاهم الذى لم يعجبهم حسداً والذى ابكاهم كمداً كلما حلق امام مرماهم ولو لنصف متر(مسمــــــــــــــار بلاتر) الذى بسببه إزدهرت تجارة المسامير
والله يا سامي ووالله بي الجد جد انا لمن ألقا سيرة كأس الإنقاذ دي علي لسانكم والله بحن عليكم شديييييد والله لمن بقرب أبكي !!!!!! معقولة المريخ وجمهورو وصل للمرحلة دي من الإحباط والنسيان ؟؟؟ معقولة جمهور المريخ ما قادر يتزكر ولو مباراة دورية واحدة يحكي عنها ؟؟؟ معقولة المريخ وصل لي درجة المراريات الودية ؟؟؟؟ والله انا كنت خايف تجو تتكلموا عن مباراة تكريم أبراهومة كمان !!!!! مسمار بلاتر يا سامي لم تزدهر به تجارة المسامير بقدر ما إزدهرت به أسارير المريخاب وتهللت به !!! مسمار بلاتر يا سامي كان أخر أسفين يدق علي تعشكم المتهالك لتتضح لنا الرؤيا ويظهر لنا ضعفكم وحاجتكم تسألون الناس إلحافاً ... وااااااااااا حسرتي علي الكوكب !!!!!!!!!!!!!!!!!!!!!
Quote: هذا وقفنا بعد ان طربنا وقفنا مرفوعى الراس(حالنا دوماً) وهتفنا ملء الحناجر هتاف فعل فيهم فعل (الخناجر) بالطــــــــــــــــــــــــوووول بالعرض مريخنا يهز الارض
لا يا سامي لم تكونوا مرفوعي الرأس !!!!!!!! لا تكذبوا ولا توهموا أنفسكم !!!!!!!!!! كانت في حلوقكم غصة وعبرة نبرتها وااااااااااضحة في صياحكم المتهالك !!!!!! كنتم تهتفون وأعينكم تفيض من الدمع لأنكم لم تجدوا ما تحملونه !!!!! كنتم تهتفون بألسنتكم وفي صدوركم نار نار نار محرقة تحرق جوفكم ولعنات أكاد أراها في عيونكم تجاه النجمة إدارة ولاعبين ... لا يا سامي لم تهتفوا حباً في الكوكب ولكن هتفتم كراهية في القمر المنير ... لا يا سامي لم تهتفوا فرحاً بالوصافةولكن هتفتم حزناً علي ذهاب البطولة للهلال .. لا يا سامي لم تفرحوا من دواخلكم بل كنتم تودون أن تقتلوا الفرحة فينا ... لا يا سامي لم تهتفوا بالطول بالعرض كما هتفتم بها في 89 في مطار الخرطوم .. لا يا سامي لم تهتفوا بها للوالي جمال كما هتفتم بها للمرحوم عبد الحميد الضو حجوج .. لا يا سامي لم تهتفوا بها للعجب كما هتفتم بها لسامي عز الدين رحمه الله .. لا يا سامي لم تهتفوا بها لشعار النجمة الأحمر الوهاج الذي كان في صدر جمال أب عنجة وبدر الدين بخيت كما هتفتم بها لمرغني كنيد وشكوزي ... لا ياسامي لم تفرحوا ولم تهتفوا !!!!!!!!! ولن تفرحوا ولن تهتفوا قريباً إن شاء الله ...
هذا التابع يا سامي وفي هذه الأيام تحديداً تصوم لرؤيته وتفطر لرؤيته ... هذا التابع وفي هذه الأيام وبعد كل تحليل صيامك تولي وجهك شطره وتقول في نفسك : " والله الهلال ده كبير ده ما هلال 10 يوم "... هذا التابع عندما يكتمل قمراً منيراً وسراجاً وهاجاً لا تملك إلا أن تغلق كل الأنوار وتتأمل جماله وروعته ...
هذا التابع نحبه ولو سألونا لماذا نحبه لما ترددنا في الإجابة كما ترددت أنت .. هذا التابع نحبه لأنه يزرع الفرح فينا ... هذا التابع نحبه لأنه ما كسر بخاطرنا قريباً وما جعلنا ننام وفي عينة دمعة وفي حلقنا غصة ... هذا التابع نحبه بقدر كراهيتنا للكوكب..
12-18-2005, 10:20 PM
عمر عبد الخالق سعيد عمر عبد الخالق سعيد
تاريخ التسجيل: 08-14-2005
مجموع المشاركات: 2235
Quote: وهل سألت نفسك يا سامي كم ترتيب هذا الكوكب في المجموعة الشمسية ؟؟؟
تعرف يابو عمير ذكرتنى مجموعه من العطالة من الذين توقف بهم قطار التعليم عند المحطه السادسه(سنه ساته) كانو يقعدو تحت العمود وهاك ياتنظير (ابقى راعى ولا فراعى!! ) جامعة الخرطوم كانت زمان نمرة واحد!!
هسى عليك الله جوبا دى جامعه!!
يعنى يفتو فى حاجات هم اجهل الناس بها!! وانت تتحدث عن الكواكب وتعشق التوابع(عجيب دوت كوم)
Quote: صدقني يا سامي المريخ لو بيمنحك الفرح ما كان خلاك سهرت الليالي تبحت في راسك عشان تجي تكتب الكلام ده !!!! كلامك ده أبداً ما كلام فرح !!!
تعرف انا لى يومين فعلاً غالبنى النوم!! تعرف ليه؟؟
لانى يابوعمير محتار فى الكديسه الجابه منو( افياااا ولا ود عمها الاسد)
وزعلان لاننا ماقبضناها وضبحناها ليكم عشان نرهب الفيران وتشوف ليكم مساعد مدرب تانى(للسِهه والافيااا)
Quote: والله يا سامي ووالله بي الجد جد انا لمن ألقا سيرة كأس الإنقاذ دي علي لسانكم والله بحن عليكم شديييييد والله لمن بقرب أبكي !!!!!!
عليك الله بتقرب ولا بكيت(بصراحه)
Quote: مسمار بلاتر يا سامي كان أخر أسفين يدق علي تعشكم المتهالك لتتضح لنا الرؤيا ويظهر لنا ضعفكم وحاجتكم تسألون الناس إلحافاً ...
ياعمر عيب ضعف شنو والشهود قادة الكُرة فى عالم المستديرة(عجيب دوت كوم)
Quote: لا يا سامي لم تهتفوا حباً في الكوكب ولكن هتفتم كراهية في القمر المنير ...
ياعمر هذا الهلال لم ويلن يكتمل ليصل مرحلة القمر وإن وصل لن يعدو كونه (تـــــــــــابع)
Quote: لا يا سامي لم تهتفوا فرحاً بالوصافةولكن هتفتم حزناً علي ذهاب البطولة للهلال ..
كدى فسر لى دى كيف هتفنا حزناً(دى جديده لــــــنج)
Quote: لا يا سامي لم تهتفوا بالطول بالعرض كما هتفتم بها في 89 في مطار الخرطوم ..
لاتتحدث عن اشياء بعيده عن منالكم(تحدث محلى فقط ياعمر)
Quote: هذا التابع نحبه لأنه يزرع الفرح فينا ...
والله لا ادرى لكم فرحاً فرحتموه كما فرحنا مرات ومرات!!
Quote: هذا التابع نحبه لأنه ما كسر بخاطرنا قريباً وما جعلنا ننام وفي عينة دمعة وفي حلقنا غصة ...
هذا التابع العجوز كسر بخواطركم منذ النشاءة وإلى اليوم وانت اول من يعلم..
اسال الله لك الهداية ليخرجك من ظلمات العرجون القديم إلى حب الوهاج والسراط المستقيم.
10-26-2005, 03:57 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: نحن في المريخ القلوب مرتاحة انت يالهلال وين تلقى الراحة
ديمة في المريخ القلوب تتبكي ..القلوب تتبكي .. من لعب ناس هيثم تنكرش تتحكي ..تنكرش تتحكي.. وإنت يا مريخ ..إنت يامريخ..كورة جايطة وعكة ..كورة جايطة وعكة ..
وديمة في المريخ القلوب وسخانة ... وإنت يا عجب أمو ما لقيت لك خاااااااااانة ..
ديمة في المريخ تنهزم مغلوبة ... تنهزم مغلوبة .. كورة مافيشا ..مقصورة بس بي طوبة ..مقصورة بس بي طوبة .. جبرة فيصل ديل ..جبرة فيصل ديل ..بس قدر حبوبة .. بس قدر حبوبة ..
وديمة في المريخ القلوب وسخانة ... وإنت يا عجب أمو ما لقيت لك خاااااااااانة ..
شوف هلال الكون فينا هلّ ضوة ..فينا هلا وضوة .. بشتن المريخ ليهو غسل وكووة ..ليهو غسل وكووة .. قلاهو زي البيض ..غلاهو زي البيض ..بس تقول في طووة ..بس تقول في طووة ..
وديمة في المريخ القلوب وسخانة ... وإنت يا عجب أمو ما لقيت لك خاااااااااانة
يا كيجا: نحن دمنا الجوة ده كرياتو كلها بيضاء وزرقاء ..تقول لي شمع أحمر.. أحب الشوالي وأموت في المريخيييييييين ..
10-29-2005, 05:35 AM
حسين يوسف احمد حسين يوسف احمد
تاريخ التسجيل: 08-17-2005
مجموع المشاركات: 4490
سؤال صعب جداً وتستحيل الإجابة عليه بمجرد الكلمات والعبارات الجميله، فعشق المريخ هو احساس يصعب التعبير عنه... لان من يحب المريخ لن يدرى اي سبب يقدم على الاخر!!!
الاجابة :
(1) الحب في ذاتو مبرر كافي ...(أغنية)
(2) علمني لون الجرح النازف .. إن الأحمر اسمى من كل الألوان ...
(3) ان الذي يحب لا يسأل عن اسباب حبه. واذا سأل فليس بواجد له سبباً واضحا. والذي لايستطيع الحب الا لسبب واضح يدل على ان الحب في نفسه قد فتر او مات. (أحمد ميشيل عفلق )
لهذا ولغيره نحب المريخ .. ونمــوت فيه
10-29-2005, 05:35 AM
حسين يوسف احمد حسين يوسف احمد
تاريخ التسجيل: 08-17-2005
مجموع المشاركات: 4490
سؤال صعب جداً وتستحيل الإجابة عليه بمجرد الكلمات والعبارات الجميله، فعشق المريخ هو احساس يصعب التعبير عنه... لان من يحب المريخ لن يدرى اي سبب يقدم على الاخر!!!
الاجابة :
(1) الحب في ذاتو مبرر كافي ...(أغنية)
(2) علمني لون الجرح النازف .. إن الأحمر اسمى من كل الألوان ...
(3) ان الذي يحب لا يسأل عن اسباب حبه. واذا سأل فليس بواجد له سبباً واضحا. والذي لايستطيع الحب الا لسبب واضح يدل على ان الحب في نفسه قد فتر او مات. (أحمد ميشيل عفلق )
لهذا ولغيره نحب المريخ .. ونمــوت فيه
10-30-2005, 01:23 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
(2) علمني لون الجرح النازف .. إن الأحمر اسمى من كل الألوان ...
(3) ان الذي يحب لا يسأل عن اسباب حبه. واذا سأل فليس بواجد له سبباً واضحا. والذي لايستطيع الحب الا لسبب واضح يدل على ان الحب في نفسه قد فتر او مات. (أحمد ميشيل عفلق )
لهذا ولغيره نحب المريخ .. ونمــوت فيه
عافي منك يا هلال الملايين !!!!! بقيت لينا المريخاب منهم الفلاسفة ومنهم علماء الفلك !!!!!! والله أصبروا إن ما خليناكم تفلقوا بي الحجار في الشوارع ؟؟؟؟؟؟ بس تعرفوا يا كيجا وسامي وشيباويا حسين المشكلة شنو ؟؟؟ المشكلة إنو البلد كلها بقت إشارات وصينية واحدة ماف لكن مبدئياً كده شوفوا صينية الأربعين قرييييييبة وتكلة من إستاد المريخ !!!!!
تخريمة : كان ما خليناكم من حور (الجنان) ما نبقا هلالاب.....
سامي يا ود عبد الوهاب.. ياخ إنت زول من أم درمان وفي أم درمان أم درمان القديمة ..وفي القديمة في نصها عدييييييييل يعني زول أصيل ومأصل طيب ياخ ربنا أنعم عليك بي النعمة دي مالك شترتها بي حب المريخ ده !!!!!!!؟؟؟؟ شجّع الهلال وتكتمل اللوحة ....
Quote: ((والذى نفسه بغير جمال لايرى فى الوجود شي جميلا))
هلالنا يا سامي وبي بساطة كده ..: كلّ الجمال !!!!!
وشعارنا : لو قالوا ليك أوصف جمالك تفتكر تقدر تقول كل الحقيقة ؟؟؟؟؟؟
10-30-2005, 02:01 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: إنت لسة شفت حاجة ؟؟؟ والله كان ما خليناكم تتكلموا بعد شوية عن الإستنساخ وإنشطار الزرة وإنبعاج الكرة الأرضية وتحديد النسل ما نبقا نحن هلالاب !!!!!
معليش طول بالك يا سمسم .. وما تزعل اصلو الهلالاب لسانهم طويل كدا ..
بس تعرف المزعلني شنو؟؟؟ انت زول مريخابي وبتحب المريخ، ما عارف بتحب المريخ ليه؟؟؟
اذا سألتني عن حب الهلال، ولماذا نعشق الهلال كنت جاوبتك طوالي لأنو عشق الهلال جاري في عروقنا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
sheba
عمر الفاروق
عمر عبد الخالق سعيد
keiga2000
حسين يوسف احمد
waleedi399
فيس بوك
تويتر
انستقرام
يوتيوب
بنتيريست