|
Re: للمغتربين فى الأرض: الصورة دى بتذكركم شنو؟ (Re: Khalid Osman Jaafar)
|
خالد جعفر والله الصورة دي بتاعتي أديني عنوان الموقع أمشي أشاكلهم الا الواحد يمضي في الصور عشان ما يلطشوها يعني؟ أنا نزلتها في بوست أول واحد اسمه: 22 يوم في الخرطوم والبوست التاني ما متذكراه لاحد الزملاء هنا كان عن الركشات وعملت فيه مداخله عارف لو كنت شلتها ما كنت زعلت لاكن حسي زعلانة انهم خاتينها في موقع تاني انشا الله ما تنفعهم
| |
|
|
|
|
|
|
Re: للمغتربين فى الأرض: الصورة دى بتذكركم شنو؟ (Re: Khalid Osman Jaafar)
|
سلام يا دكتورة،
لو الصورة حقتك ورينى سواق الركشة كان اسمو منو؟
لكن بالجد حقك على، وحقوق الطبع محفوظة طبعا
الغريبة قدر ما فتشت ليك الموقع الجبتها منو ما لقيتو
لكن لو الاسم الرفعتيها بيهو فيهو كلمة khartoum أو sudan يبقى فى احتمال أكون جبتها منك وما أخدت بالى
فى كل الأحوال حقك محفوظ وأنا آسف
أها.. Lucky Meal دا ما بيذكرك شى؟
| |
|
|
|
|
|
|
Re: للمغتربين فى الأرض: الصورة دى بتذكركم شنو؟ (Re: Khalid Osman Jaafar)
|
Quote: أها دى كيف يا جماعة؟ |
Two cranes, two high-rise buildings, part of a bridge including asphalt pavement, some light poles, a median, sidewalk and a parapet wall with a guardrail on it No pavement markings on the bridge deck and no speed limit sign
وبهذا فإن الصورة تذكرني يا خالد بدكتور زروق ودكتور عمر عبد النبي... وطبعا لم أنسى دكتور عبد الله إبراهيم حتى أتذكره
أحمد الريح
| |
|
|
|
|
|
|
Re: للمغتربين فى الأرض: الصورة دى بتذكركم شنو؟ (Re: Ahmed Alrayah)
|
الاخ خالد / لك الود والتقدير والله هيجت افينا كل المشاعر والواحد زي ما بقولوا جسموا لمن كش عديل كده من روعة كل شئ هناك واتذكرت ايام لا تنسى في تلك البقعة العزيزة جدا علينا .... وعلى العموم انا سيفت الصور ده عندي واتوفع منك تسمح لينا اذا اتطررنا لاستخدامها او نشرها في اي مكان او موقع . مرة تانية احييك للصور الرايعة جدا واتوقع اشوف المذيد منها في البوست ده منك ومن العابرين وياريت لو يكون مخصص لاي صورة من السودان بمختلف روعة اقاليمو وده دعوة مني عبرك اتمنى تجد القبول عندك وتسعى لينا فيها .
ناصر موسى
| |
|
|
|
|
|
|
Re: للمغتربين فى الأرض: الصورة دى بتذكركم شنو؟ (Re: Khalid Osman Jaafar)
|
سلام يا أبوحميد،
وينك يا راجل ليك وحشة. هو البعرس تانى الناس ما بتسمع عنو ولا شنو؟
معليش، بكرة ان شاء الله نتزوج، وأبقو لمو فينا تانى..
الا تاخد مواعيد من السكرتيرة
قلت لى كوبرى الانقاذ وعمارة بنك السودان ذكروك بدكتور زروق ودكتور عمر عبد النبى
وطبعا د. عبد الله ابراهيم
لكن غريبة انو ما يذكرك د.عبد الله خوجلى، أوبروف أبوبكر عبدالوهاب، أو استاذ عاصم..
عارف يا أبوحميد ديك كانت أيام جميلة جدا؛ والناس دى بالجد نحن مديونين ليهم لأنهم هم الختو الساس...
ما تعمل لينا (مدنية هذا الصباح) هنا..
| |
|
|
|
|
|
|
Re: للمغتربين فى الأرض: الصورة دى بتذكركم شنو؟ (Re: Khalid Osman Jaafar)
|
الأخ ناصر،
السلام عليكم
سعيد جدا بمشاركتك الرقيقة
كنت متأكد أنو فى أماكن فى الخرطوم ناس كتيرة ليها ذكريات فيها. عشان كده عملت البوست ده
عموما يا سيدى الصور دى ما عندى فيها أى حق. وكلها لقيتها على الانترنت. وكلما ألقى صورة حلوة وحجمها مناسب برفعها
لكن اؤيد دعوتك لتخصيص البوست ده للصور الجميلة من السودان. عشان كل البره يكونو دايما حانين للبلد وقلبهم عليها.
أها..
أى زول يلقى صورة حلوة من السودان يرفعها. ويا ريت الناس الجوه يرفعو صور حديثة عشان الناس تواكب.
على فكرة، مافى زول يصور لينا برج الفاتح عشان نعرف وصل وين؟
| |
|
|
|
|
|
|
Re: للمغتربين فى الأرض: الصورة دى بتذكركم شنو؟ (Re: Ahmed Elmardi)
|
للمغتربين فى الأرض: الصورة دى بتذكركم شنو؟
تذكرني الصورة بماكدونالدز المحل الذي لا اطيقه واعتبره واحد من أسوا أمكنة بيع "الطعام السريع" بالولايات المتحدة ولازلت افضل عليه ملاح ويكة مكرب بالشطة والليمون مع بصلة مقطعة كبار كبار
لا يذكرني موضوع الصورة الرئيسي بالسودان، الا بسبب اللوري بجوار المحل وشجرة النيم الظليلة
فعندما غادرنا السودان لم يكن به ماكدونالدز
فلم يكن قد "توجه حضاريا" تماما حينذاك
| |
|
|
|
|
|
|
Re: للمغتربين فى الأرض: الصورة دى بتذكركم شنو؟ (Re: Khalid Osman Jaafar)
|
يا حبة والله Lucky Meal أحبوا 1000 كان عندهم قرد ظريف...كلو اجازة لازم امشي اعضي هناك عشان اتفرج علي القرد (على ما اعتقد ناس السودان بيسموا الحركة دي عوارة اولاد المغتربين ) وبعدين قبل كدة حصل لي موقف ظريف في المكان دة ,,,مشيت لي عرس بتاع جماعة كدة في دار البياطرة ودة لصق المحل دة وكان صحن العشا نظام عينات طبية وكان عاضي للدين ,,,طوالي صاحبكم جليت المنظر وانبرمت لي جوا المحل واخدت لي 2 بيرجر من النوع البيعجبكم داك ومنها اتخذت نظرية اسمها( تامين الموقف) وهي انك تأمن الموقف قبل كل عرس تحسبا للاوضاوع المأساوية
| |
|
|
|
|
|
|
Re: للمغتربين فى الأرض: الصورة دى بتذكركم شنو؟ (Re: Khalid Osman Jaafar)
|
والله يامان صحبك في الاجازة ما عندو موضوع غير الصياعة في شوارع الخرطوم وزيارة اهلنا (بني دنقل) أنت عارف انا اتعلمت السواقة في الخرطوم خلال احدى اجازاتي وفي عربية هنتر موديل 67 وبعدين أنا بامارس هوايتي المفضلة وهي التصوير وبالمناسبة ما بحب امشي الحفلات البيكون فيها موسيقى القرد(ودي اتمنى تكون سمعت بيها ) ومافي احلى من اللف بي العربية اللي دايما بتكون مدججة بي اشرطة الاستاذ وردي فناني المفضل
| |
|
|
|
|
|
|
Re: للمغتربين فى الأرض: الصورة دى بتذكركم شنو؟ (Re: Khalid Osman Jaafar)
|
العزيز أنور،
السلام عليكم
أرجو أن تغفر لى تأخرى فى الرد؛ ولكن كما تعلم فان المشاغل والمشاكل لا تنتهى، والحمد لله على كل حال.
عارف، السودان ده عالم تانى. تكون فيهو زهجان وقرفان وتفتش للسفر؛ لكن يومك التسافر تلقى نفسك بتحن ليهو. تصدق مرات هنا أسمع أغنية معينة أو أشوف حاجة وألقى شريط طويييل من الذكريات قدامى. وكل واحدة بتجر أختها.
بعدين اليوم هناك ماااهل. ترجع من الشغل ولا الجامعة، تتغدى وتنووم وتتفرج على التلفزيون أو تلاقى شباب الحى، ده كلو قبل الشمس تغيب. أما هنا، فى الشتاء تجيك نفسيات. من الساعة 4 تلاقيها ضلمت.
غايتو الواحد لو لقى وضع مريح فى السودان السفر ده الا فى الاجازات
| |
|
|
|
|
|
|
|