|
|
 كيف تصبح فى اقلة من سنة ...اغنى من صلاح ادريس
|
فى زول بعرف شىء عن شركة تدعى
gold quest inernational
لو صرت عضو فى الشركة دى
واشتريت احدى منتوجاتها وجبت عملاء وسجلتهم تحت اسمك
فى كل اسبوع سوف تكسب 42000 دولار
فى الشهر 168000
فى السنة متروك الحساب لاساسى لانه فى غيابه بكون ذاكر كويس
فى محاسبة التكاليف
افيدونا ياجماعة قبل ادخل عالم المال وافتح ليكم
|
|
 
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: بدرالدين شنا)
|
وأنا شخصياً غني بعودتك وبمعرفتك يا أعز عزيز
بدر السمح
شكرا على الترحيب الذى جعلنى من فصيلة صلاح ارديس
انا موجود لكن بقت زيارة للمنبر قب:بكسر القاف
نسبة للمواضيع المطروحة التى لم تتغير مع تغير الواقع
جون قرنق وصل وشارك الحكومة
تجمع لحفظ ماء وجه قال راجع خلاص
ناس دار فور امس شوف عينى دى ..نقل مباشرمن التلفزيون .. وقعو خلاص
ناس الشرق جون قرنق قال ديل حلهم عندى وانا بعرف لغة بجاولية
تجى تلقى ناس المنبر..بحاربو فى بعض...وبعد رفرش للصفة تلقاهم قلبو الحكومة
من بلاد الصقيع..
كدى ادينى شورة ..الناس ديل الاشتراك معاهم ب 600 دولار...اشترك ولا اتم بيها الشبكة
شكرا لحضورك المبكر
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: abuguta)
|
الحبيب ابو قوته
الف مرحب بعودتك سيدى
وكما عهدناك تبحث لنا دوما عن ما يفيدنا
هذا الموضوع مشتهر بشدة وبصراحة انا حاولت امشى فيه وشفت الناس بتكسب والشيكات بتجيها زى الرز لكن قلبى اكلنى وما واصلت معاهم ...
فوجئت بأن هنالك نشرات معلقة فى المساجد تحرم الشغلانة كمان ..
بصراحة فى امور كثيرة اصبحت ما مفهومة والواحد بقى يحتار فيها
عموما انا شايف كثير من الزملاء ماشين وكونوا جمعيات وفصول للتدريس كمان لانه بيسبق الشغلانة حصة تنويرية لابد من حضورها لفهم اللعبة ...
ياخوى الله يغنينا بى حلاله عن حرامه
مع كل ودى
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: قرشـــو)
|
هذا الموضوع مشتهر بشدة وبصراحة انا حاولت امشى فيه وشفت الناس بتكسب والشيكات بتجيها زى الرز لكن قلبى اكلنى وما واصلت معاهم ...
خالد
تحياتى
انا حضرت معاهم كم محاضرة..لكن نجدنى جارى مدير مبيعات قال لى ..سلفنى ال600 دولار وبديك ليها بعد 6 اشهر 1000 دولا قلت ليه كدا حرام..قال لى امال دى حلال يازول متلم قروشك عليك
وتم بيهن الشنطة..
شكلاا خالد
ولقدام
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: abuguta)
|
طريقة أسهل من كده
Quote: هذه قصة حقيقية تحكي كيف أصبح واحد من الجبهجبة المعروفين مليونيراً....
والقصة يرويها بلسانه:
ذهبت لدكتور على الحاج -وهو وزير- واشتكيت ليه الفلس الحاصل.. ورفع علي الحاج السماعة واتصل بمدير بنك السودان وقال ليه: زولنا دا رجل مجاهد وصرف كل ما يملك في سبيل رفعة الاسلام وعايزك تشوف ليه حاجة... وداك قال ليه خلاص خلي يجيني ... وقبل ما أخرج علي الحاج قال لي جيب الحيديك ليه وتعال ... ومشيت والراجل أداني 10مليون جنيه ... شلت ال10مليون ومشيت لعلي الحاج... قال لي: شيل ال10مليون وامشي ادفعا لنداء الجهاد وجيب الايصال وتعال ... فعلاً مشيت دفعت وجبت الايصال لعلي الحاج... وهو طوالي اتصل بوزير التجارة وقال ليه اخونا المجاهد دا كان آخر 10مليون عندو دفعها للمجاهدين ودايرك تشوف ليه حاجة... وفعلاً مشيت لوزير التجارة وأداني ترخيص لاستيراد حاجات كانت معدومة في الزمن داك... المهم شلت التصديق ومشيت تاني لعلي الحاج ... واتصل بواحد من التجار وقال ليه المجاهد فلان عندو ترخيص لاستيراد كذ وكذا وعايزك تاخد منو الترخيص وتديهو كاش ... ومشيت للتاجر أداني 100 مليون جنيه (مائة مليون) ومشيت لعلي الحاج شال 50 مليون ختاها في درج المكتب وقال لي يلا أمشي اشتغل بال50 ده في السوق.
هذه رواية حقيقية وقد يأتي يوم تنكشف فيه آلاف الحالات من مثل هذه ... مثل صبي الكافتيريا الذي أصبح يدير شبكة من الكافتيريات بين يوم وليلة
وأرجو أن تكون قصتي هذه بداية لروايات يعرفها الكثيرون منكم وجاء الوقت ليعرفها الجميع أمنياتي
|
http://nubianforum.com/vb/showthread.php?t=3821
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: Al Sunda)
|
| Quote: زولنا دا رجل مجاهد وصرف كل ما يملك في سبيل رفعة الاسلام وعايزك تشوف ليه حاجة |
| Quote: شيل ال10مليون وامشي ادفعا لنداء الجهاد وجيب الايصال وتعال |
| Quote: اخونا المجاهد دا كان آخر 10مليون عندو دفعها للمجاهدين ودايرك تشوف ليه حاجة. |
| Quote: المجاهد فلان عندو ترخيص لاستيراد كذ وكذا وعايزك تاخد منو الترخيص وتديهو كاش |
| Quote: ومشيت للتاجر أداني 100 مليون جنيه (مائة مليون) ومشيت لعلي الحاج شال 50 مليون ختاها في درج المكتب وقال لي يلا أمشي اشتغل بال50 ده في السوق |
---
الـSunda
أجمل تحية
عندي ليك أسئلة بسيطة:-
ممكن تجيب عليها(يمكنك الاستعانة بصديق)....
1- باب الجهاد اغلق ام لسه..؟
2- لماذا تكون الاشارة للأذن اليسرى باليد اليمنى..؟
3- هناك طريق مفقود اسمو طريق الانقاذ الغربي ..يكون في نفس الدرج البلع الـ(50) مليون اياها..؟
4- لعلي الحاج مقولة مشهورة صارث مثلاً زي ما عارف (خلوها مستورة) ..هل كان ذلك الدرج مكان الستر..
شكراً
عندي ليك شمار جهادي (ماكن) سيدو قالو يفتش لي بيت للايجار الايام دي ..بعد ما ختو ليهو عفشو في الصقيعة... هل تصدق؟ جيب اضانك قريب
naybawalashtarabaitfiarriyadbe60mallionsnat94beshaikminalmaleeiaubenafasalhanak:Mujahid malagebaituskonfeeho
دامت الشفافية
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: abuguta)
|
الشيخ/ أحمد أب قوته قنبلة الود الموقوته
أولاً يا سيدي الرزق بنزل مقسم للبجابد والمعسم. ولما كان ذلك كذلك أنصحك بأن تأكل ثلاث تمرات على الريق وتقرأ جريدة الدار وتفطر بي موية فول.
في عهود خلت وجدت كتباً عنوانه تعلم الإنجليزية في أسبوع ، قرأت الكتاب في خمسة دقائق وضاعت ذخيرتي اللغوية وأصبحت لا أنجلو ولا ساكسوني ، ومضي حين من الدهر فوجدت بين الكتب القديمة المعروضة في الأرصفة مع التسالي والخيوط والسجاير والصعوت تعلم العبرية في خمسة أيام نظرت ثم عبست ثم بسرت وأخيراً شتت بعد أن عرفت كلمة عبرية هي شالوم. وعليكم الشلاوم ذاتو.
أخي أب قوته ما قصدته من هذا القصص أن أمثال هذه الشركات تبيع الوهم فهم زي ناس ملوص يكسبوك في المرة الأولى ويخرتوك لآخر دينار من دنانيرك. ولكن برغم القروش سمحات والمال والجاه ، وحكاية الغني في القناعة دي فعلاً صحيحة وقول فصل لكين البقنع الديك منو ؟
بس يا أحمد يا أخوي في هناك عدة طرق للكسب السريع ، كأن يتم تسجيلك في أرسنال أو مانشستر يونايتد أو ريال مدريد أو ريال بتيس حتى ، أو تمارس كرة المضرب محترفاً بشرط أن تتغلب على كارلوس مويا وأندريه أجاسي وهشام الرازي أو تعمل ليك عضلات سمحات وتلعب مع لوس أنجلس ليكرز أو شيكاغو بولز في كرة السلة أو كرة القدم الأمريكية أو الملاكمة وأوعك من وزن الديك أو الذبابه أو العنز أوزنان ثقيلة وبالكتير إثناعشر جولة وضربه قاضيه وكم مليون دولار وشهر في المستشفي وكان دا حار وداك ما بتنكوي بيهو عليك بالتمثيل يعني تصبح أحد نجوم هوليود ، أها كان ما قدرت على كده فأستفغر الله إنه كان غفارا.
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: abuguta)
|
أخونا أبوقوته.. سلامات...
انا ما حصل سمعته عن الموضوع ده.. لكن نصيحة لوجه الله.. البجي سريع بمشي سريع.. ولو عندك أولاد أو أخوان بتراعيهم.. وبترسل ليهم ... خلي بالك ما يدخل بيتهم مال انت ما عارف مصدره.. عشان لو المصدر كعب... بمشي في اللحم... ما حأديك أحاديث ولا آيات .. ولا شغاله بفتاوي زول... واتوكل على ربك هو الرازق
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: مريم بنت الحسين)
|
واتوكل على ربك هو الرازق
اميرة البورد بت الحسين
شكرا على نصيحتك الغالية
صورتك دى ضفايرها سكت سنونى
صديقنى الصورة دى بتذكرنى بت خالتى لما يرسلوها
او يجبو لها الكركار..وتبدا التسريحة القصبية
وهى شعرها كدمور..وامها مصرة تبقيها جميلة
لكن الليلة لو شفتها طالعة فى الكفر..
واى ولد عندها يساوى صفر
خالص شكرى لك
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: abuguta)
|
الحبيب ابو قوته
انا مشترك لي ثلاثه سنوات
واول ما اشتركت هنا في الامارات قفلو المكاتب بتاعتها
وفي ناس كتير خسرو قروشهم منها
وانا شخصيا خسران الف ومئتين درهم لانو الشخص او صاحبي دفعهم وقال لي انا شايف مصلحتك هنا وانا كنت رافض
وبعد ان اغلقوا المكاتب دفعت للراجل فلوسو لانو ما عندو زنب
فالوضع غير الذي يصوروه ليك الناس والايام دي في حاجه تانيه اسمها القاونديرما Ganoderma وهي نظام بتاع ادويه من الاعشاب بتشتريها وتجيب ناس تحتك يشتوا بتحصل علي فايده من شراء هؤلاء الناس
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: abas)
|
عباس
الله ينور قلبك وقبرك
انا فعلا مثلك متلحنى واحد صاحبى وممكن يكون صاحبك..جمال مصطفى بتع الكاملين لو بتعرفه
الا يدفع لى..عشان يكمل الشجرة بتاعو...وعشان انا زول نشط...وانا محتاج للفلوس دى عشان اشترى بيها شبكة العروس..مش اخير ..من الامل السراب
بس جمال قال لى دى غير الشركة ديك..وهو مصر على اختصار سنين الغربة
شكرا للمرور..والنصيحة
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: abuguta)
|
أبو قوته والمتداخلين الكرام
صحيح قولد كويست ومثيلاتها كثير مدخل غريبة لعالم ثراء وهمي قد يصدق مع آحاد ويلم الغلة من اللآلاف بل الملايين.
ولكن لدي بزنس حقيقي لا يحتاج إلى رأسمال ورأسماله (الطموح - العلاقات - بذل الجهد)، التعامل يتم في منتجات حقيقية ملموسة ومفيدة واستهلاكية وأرباحها كبيرة.
يعني المسألة عمل حقيقي ولا يحتاج إلى تفرغ أو مؤهلات خاصة ويمكنك أن تحصل منه إذا إجتهدت وثابرت على دخل شهري قد يصل إلى 3 إلى 10 آلاف دولار شهرياً. (حقيقة وليس خيالاً).
لمزيد من المعلومات:
[email protected]
الشايقي
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: abuguta)
|
Quote:
Quote: هذه قصة حقيقية تحكي كيف أصبح واحد من الجبهجبة المعروفين مليونيراً....
والقصة يرويها بلسانه:
ذهبت لدكتور على الحاج -وهو وزير- واشتكيت ليه الفلس الحاصل.. ورفع علي الحاج السماعة واتصل بمدير بنك السودان وقال ليه: زولنا دا رجل مجاهد وصرف كل ما يملك في سبيل رفعة الاسلام وعايزك تشوف ليه حاجة... وداك قال ليه خلاص خلي يجيني ... وقبل ما أخرج علي الحاج قال لي جيب الحيديك ليه وتعال ... ومشيت والراجل أداني 10مليون جنيه ... شلت ال10مليون ومشيت لعلي الحاج... قال لي: شيل ال10مليون وامشي ادفعا لنداء الجهاد وجيب الايصال وتعال ... فعلاً مشيت دفعت وجبت الايصال لعلي الحاج... وهو طوالي اتصل بوزير التجارة وقال ليه اخونا المجاهد دا كان آخر 10مليون عندو دفعها للمجاهدين ودايرك تشوف ليه حاجة... وفعلاً مشيت لوزير التجارة وأداني ترخيص لاستيراد حاجات كانت معدومة في الزمن داك... المهم شلت التصديق ومشيت تاني لعلي الحاج ... واتصل بواحد من التجار وقال ليه المجاهد فلان عندو ترخيص لاستيراد كذ وكذا وعايزك تاخد منو الترخيص وتديهو كاش ... ومشيت للتاجر أداني 100 مليون جنيه (مائة مليون) ومشيت لعلي الحاج شال 50 مليون ختاها في درج المكتب وقال لي يلا أمشي اشتغل بال50 ده في السوق.
هذه رواية حقيقية وقد يأتي يوم تنكشف فيه آلاف الحالات من مثل هذه ... مثل صبي الكافتيريا الذي أصبح يدير شبكة من الكافتيريات بين يوم وليلة
وأرجو أن تكون قصتي هذه بداية لروايات يعرفها الكثيرون منكم وجاء الوقت ليعرفها الجميع أمنياتي
|
انت ما سمعت بالولد بتاع سوا الاصبح هامور ؟؟؟
يازول فى ناس الابواب بتنفتح قدامها كده على مصراعيها
بس كيف تصل لى واحد زى على الحاج ياخوى مخو بعرف يطلع القرش من فك الأسد ؟؟
| |
|
|
|
|
|
|
|
|
|
Re: كيف تصبح فى اقلة من سنة ...اغنى من صلاح ادريس (Re: قرشـــو)
|
الأخ قرشو
هذه حكايات عن الثراء الفاحش والسهل وبكل أسف نحن السودانيين ولا أريد التعميم ولكن إلا من رحم ربي بنحب الساهله عشان كدة كمثال في الخليج اشتهرنا في مسابقة الشرق الأوسط المليونية وكان الجماعة بيشتركوا فيها دون قراءة الصحيفة ولا يعرفون عنها شيئاً وكل ما يفعلونه هو الذهاب آخر يوم في الشهر إلى دار التوزيع والوقوف في الصف لشراء الصفحة الأولى (الخضراء) لكامل الشهر ثم استلام الإجابات مطبوعة كاملة وكل ما يفعلونه هو التعبئة والتي تتم في حوش الدار ثم إداع الكبونات بالصندوق؟؟؟
وكذلك سباق الخيل (مجلة المسابقة تحجز مسبقاً) والجوائز في المباريات التي يدخلها من لا يعرف حتى أي الفرق يلعب ضد أيهم؟؟
وهكذا راجت قولد كويست وبزناس وغيرها وزمااااااااان كانت الكرتلة وبعدها توتو كورة ....إلخ.
ليتنا نعمل فيما فيه الفائدة ونكون ثرواتنا من جهدنا وعرقنا ....
الشايقي...
| |
|
|
|
|
|
|
| |
abuguta
بدرالدين شنا
قرشـــو
Osman M Salih
Al Sunda
عادل فضل المولى
مريم بنت الحسين
abas
Al-Shaygi
فيس بوك
تويتر
انستقرام
يوتيوب
بنتيريست