|
Re: عاجل لبورداب الخرطوم مطلوب شريك (Re: بت العرب)
|
أختي بت العرب تحياتي وسلامي ومرحباً بكي في هذا البوست نعم شريك مطلق دون تحديد للجنس شريك أو شريكة بما أن هنالك إمكانية لهذا العمل نريد أن نعرف الآلية لذلك من خلال الإميل أو الهاتف الجدية شيء أساسي في هذا المشروع
| |
|
|
|
|
|
|
Re: عاجل لبورداب الخرطوم مطلوب شريك (Re: ebrahim_ali)
|
يا ابراهيم سلام والله انت نيتك بيضاء ما لقيت الا الاتصالات والكلام الهباب دا ياخي شوف لينا شركة بترول نقل سياحي تصدير ثروة حيوانية(حصرياً كدا) فنادق 7 نجوم مدن سياحية مخططات سكنية وحاجات من النوع دا ... يعني انت داير ليك بوردابي خرطومي ابدل كي بورد بي كي بورد عشان يتابع مشاكل الزبائن ما كفاية مشاكل البورد والله ما عرفتك يعني دايرنا لمتين نرزح تحت الفقُر دا...؟ قال كيبورد قال ... استدراك هذا ليس تحريضاً ضد المشروع بل تفتيحاً للأذهان بالاستثمارات (الماشة) اليومين ديل والـ(بتجيب) عائد فوري..!
| |
|
|
|
|
|
|
Re: عاجل لبورداب الخرطوم مطلوب شريك (Re: عادل فضل المولى)
|
الحبيب عادل تحياتي لك وللنابغة المتوشح بالعراقي والصديري شكراً جزيلاً على هذه المداخلة القيمة تعرف أنو الاتصالات في فترة من الفترات كانت هي التي تدر مبالغ خيالية وبصورة لا يتوقعها حد الآن سوق الاتصال اصابه الكساد نوعاً ما لانو ما تجي في شارع أو سوق إلا وتجد محل اتصالات وما يفرق بينها سوى محل اتصالات وهذه تنطبق على محلات تركيب العطور والموبايلات حالياً شوف العقلية السودانية المقلدة نعم أنا أوافقك الرأي أن مشروع مثل هذا ربما لا يكون بالمستوى الذي يقارن به لشركات البترول (والله يا عادل دي بالغت فيها عديل كده) أول حاجة انا ما عندي قريب شغال في وزارة الطاقة ولا أنتمى للحركة الساعية للوزارة ولا المؤتمر الوطني الما خلى حاجة للجماعة الآخرين يعني دخلهم المساجد ودخل السوق نقل السياحي دي عائزين ناس جمال اوالي وصلاح إدريس وتصدير مواشي دي حصرياً للأمير الوليد بن طلال يعني ناس حدوب وناس الشيخ عبد الباسط وغيرهم من فطاحلة السوق ما عندهم طريقة غير يوصلوها الميناء وبس فنادق خمس نجوم ياخي كدي النلقلى لينا بيت في الفتيحاب بس كفاية والله مشاريعك طموحة وفعلاً مشاريع ضخمة لكن حيلتنا شنو نحن الغلابة ديل غير انو نجتهد في سبيل أنو ندبر رزق اليوم باليوم والباقي علي الله
وما زلت في انتظار الأخوة بورداب الخرطوم
| |
|
|
|
|
|
|
|