|
|
 رحبوا معي بوالدتي ..وهي تحل ضيفة علي ..
|
امراة من رحيق الورد ..والقرنفل والياسمين ..
في ملامحها طيبة اهل السودان ..وفي حكاويها وصمتها ومشيها اصالة اهل السودان ..
اصدقكم لا تكبرني كثيرا وانا بكرها ..(تضحك عندما اقول لها ذلك ) فما بيني وبينها قد لا يزيد عن 18 عاما ..
في قسماتها صبر الام (السودانية ) القائدة والرائدة لاسرتها ..
تقود سفنية الاسرة بحنكة واقتدار منذ رحيل الوالد في شتاء ذلك العام القاس 1999م
وتحت قيادتها ..وأمرتها ..تغني العنادل والعصافير والطيور ..
في يوم الخميس الفائت وصلت ..
بعد ان كاد ان ينقضي اجل (الفيزا) والزيارة التي ارسلتها لها منذ اربعة اشهر - فلم تدخل جوازها للسفارة الا بعد ان بقي لانتهاء الزيارة (اسبوع واحد)- ولم تتحرك في اتجاهي الا بعد ان بقي لتأشيرتها ( 48 ساعة ).
- يعني مستغنية وما عايزه تجيناوالله بقيت تقيله ( قلت لها ذلك عند استقبالها)
- والله يا ولدي ..الخريف ما بتفوّت في السودان ..
- اها الناس كيف والخالات والعمات وحبوبه وجيرانا ..
- كلهم كويسين ومبسوطين الحمد لله -ما دام (ناسكم) ديل اتفكوا مننا وريحونا
- يا حاجة انت لسه ما خليتي المعارضة بتاعتك ..ولسه طابورخامس زي ماقال ليك حاتم
اواصل
|
|
 
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: محمدين محمد اسحق)
|
الاخ الكريم محمدين تحياتي وتقديري
وتشكر يا اخي على التحية والسلام - وحفظ الله كل الامهات - في كل مكان ..
المشكلة يا محمدين ان الوالدة الكريمة معارضة ...
تخيل ماذا قالت لي عندما قلت لها ان الحكومة عملت ليكم الزلط - قالت الزلط
غير الحوداث ما عمل لينا اي حاجة - احسن يخلونا بلا زلط ..
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: Murtada Gafar)
|
الاخ الكريم مرتضى جعفر تحياتي
والله يا مرتضى في قمة سعادتي لوجودها بيننا في هذه الفترة ..وتشكر على تحياتك التي
ستصلها - اما بخصوص معارضتها يا مرتضى - فالوالدة تعتقد ان كل شيء وراه دكتور الترابي
رغم ان الرجل بعيد عن السلطة -
لك تحياتي ...
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: Mohamed Doudi)
|
الاخ الكريم محمد دودي ..
اولا امل ان تكون بلغت كامل الصحة ..بعد ذلك الحادث
وتشكر يا اخي على تحيتك ..(برا بوالديك ) والله تخيفني هذه الكلمة يا محمد ..
والله يا محمد اشعر ان هذه الدنيا لا تسوى شيء ..مقابل عظمة الوالدين ..
ووالله يا محمد اشعر انني لو حملت هذه الدنيا على راحتي وقدمتها لهما (الوالد والوالدة)
فكأنني لم افعل شيء ..
أسأل الله وحده ان يمنحنا الطاقة والقوة والايمان للبرّ بهما وهما احياء وأموات ..
لك تقديري
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: luai)
|
التحايا للوالدة العظيمة وعليك الله خلي بالك عليها....وكان اشتكت منك....حسابك عسير معاي
لك ولها الحب والاحترام وعارفينك ما بتقصر معاها اصلك ود رضاء بس مبارت الكيزان دي لو خليتي تكون ماعندك عوجه تب .
محبتي
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: Dr.Mohammed Ali Elmusharaf)
|
دكتور محمد علي تحياتي وتقديري لك ...
وألف الف شكر على تحيتك وسلامك للوالده ..وهي في حدقات العيون باذن الله يادكتور
اما مبارت الكيزان عايز الصراحة ..يادكتور من زمن طويل ..عندما اعود متأخر
للبيت ..واغيب احيانا عن البيت اياما..كان صوتها وطنطنتها تصلني ..لاعتقادها ان دكتور
الترابي ما برتاح الا (يقرض) كل الشباب في السودان
لك تقديري ،،،
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: زول ساكت)
|
أخي العزيز لؤي
الف الف حمدالله على سلامة الوالدة وركز واسمع كلامها كويس مادام رفضت تسمع كلامنا اسمع الوالدة
Quote: - كلهم كويسين ومبسوطين الحمد لله -ما دام (ناسكم) ديل اتفكوا مننا وريحونا-
|
Quote:
الوالدة على طول
بدت لي رطل السكر وصل كم ...وتحلف ان فاتوره الكهرباء زادت والمويه زادت
ارتباطها بالانقاذ مرتبط (بقفة الملاح)...
كانت توزع بعض المؤن لاسر المجاهدين ...( شوال سكر وكذا )
قيل لي انها طردت الاخوان ( وقالت ليهم شيلو شوال سكركم وحاجاتكم وجيبوا الولد راجع )
وعندما عاد الى المنزل ..
وصلت مجموعة من المجاهدين للمنزل لتحيته ..(ولعلع الرصاص في سقف المنزل يومها )
وكان المحافظ معهم ايضا ...
قيل لي انها قالت (ما عايزين منهم تحية ولا يضربوا فينا رصاص ..ولايغشوه تاني عشان يسوقوه)
|
Quote: امراة من رحيق الورد ..والقرنفل والياسمين ..
في ملامحها طيبة اهل السودان ..وفي حكاويها وصمتها ومشيها اصالة اهل السودان ..
|
التحية لها يا لؤي وكل الحب وما تقصر معها فى الاسواق يعنى
أدفع بالتى هى احسن
وإجازة سعيدة
تخريمة
يعنى انت برضه مناضل من الخارج ؟ متى تعود كما قال اخونا ناذر
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: عبدالعزيز حسن على)
|
الاخ الكريم عبدالعزيز حسن علي تحياتي وتقدير لك ..
وشكرا لك يا اخي على كلماتك الطيبات ..وباذن الله الوالده دائما في حدقات العيون
وعايز الصراحة انا عايز (اجنده ) خلال وجودهامعي او حتى ( احيده ) ساكت . رغم
علمي بصعوبة ذلك . بخصوص الاسواق اكيد رغم انها قالت انها تحمل طلبات الاخرين فقط
تخريمة
اما بخصوص العودة ..فاؤكد لك انها قريبة ..
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: سجيمان)
|
سجيمان تحياتي وتقديري يا دكتور
وشكرا على المرور والتحية والسلام على الوالدة ..
اما (ذات الغلاط ) فقلت ليك من زمان ..لكن ما سمعت كلامي ..
اول ما يقولوا ليك ديمقراطيين وليبراليين وحقوق انسان اعمل الوصفة التالية!!
( تحسس مسدسك ) !!
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: luai)
|
السلام عليكم
الأخ لؤي
حمدالله على سلامة الوالدة
وتحياتي لها وخلي بالك منها فلن تجد لها مثيلاً
وصدقني معظمنا يدرك هذه الحقيقة متأخراً
دائماً تجدني اردد استدلال أمير الشعراء أحمد شوقي للرحمة
في معرض مدحه للرسول ( صلى الله عليه وسلم)
وإذا رحمـت فأنت أمٌ أو أبٌ *** هـذان في الـدنيا هم الرحماء
وما الناس الا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: الزوول)
|
الاخ الكريم الزوول تحياتي وتقديري
وشكرا لك اخي الكريم على تحياتك وسلامك ودعواتك للوالده ..ونصيحتك الغالية
(خلي بالك منها ) والله يا الزوول يا اخي احس باني لو خلعت عيني ومنحتهما اياها
فلن تساوي جناح باعوضة امام قدرها ومكانتها ..
أساله جلت قدرته ..ان يهبني الجنة ..بها وحدها ..
لك تحياتي ،،
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: luai)
|
Quote: عندما ذهب اخي الاصغر للعمليات في الجنوب خلسة في النصف الثاني من التسعينات ..دون معرفة اي شخص وكان دون الثامنة عشر ...وذهب بارادته ورغبته ..
اقامت الدنيا ..بعد ان عرفت بفترة طويلة ..
وقد قضى فترة ليست طويلة اذا اعيد بعدهاللشمال ..لصغر سنه ..
لكن في فترة غيابه ..
كانت توزع بعض المؤن لاسر المجاهدين ...( شوال سكر وكذا )
قيل لي انها طردت الاخوان ( وقالت ليهم شيلو شوال سكركم وحاجاتكم وجيبوا الولد راجع )
وعندما عاد الى المنزل ..
وصلت مجموعة من المجاهدين للمنزل لتحيته ..(ولعلع الرصاص في سقف المنزل يومها )
وكان المحافظ معهم ايضا ...
قيل لي انها قالت (ما عايزين منهم تحية ولا يضربوا فينا رصاص ..ولايغشوه تاني عشان يسوقوه ) |
فعلاً يا لؤي.. ويُخرج الميت من الحي
عارف أنا لو لاقيت والدتك دي ،ألله يديها العافية، حا أوريها الوصفة السحرية البيها إنت تخلِّي مَباراة الضلالية ديل.. أقول ليها يا حاجة استعملي حق الفيتو!!!!!
(ما عافية منك يا ولدي كان ما....)
أتمنى لها إجازة سعيدة بصحبتك.
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: محمد السر)
|
الاخ محمد السر تحياتي وتقديري
| Quote: فعلاً يا لؤي.. ويُخرج الميت من الحي |
لا يامحمد السر ..التغيير صعب وقاس بالتاكيد ..
والتجربة التي تسنم الاسلاميون فيها السودان ولازالوا فيها الكثير من المعاناة
والقسوة والاخطاء..لظروف عديدة لكن اؤكد لك ان السودان الان في الطريق الصحيح ..رغم وجود
العديد من الصعاب ..وهذا هو المطلوب ..
وتسلم يا سيدي ..
تخريمة :
عفوها ورضاها هو اقصى ما اتمناه صدقني ..والحب لها بلا حدود سواء كانت معنا أو (ما معانا) !!
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: luai)
|
الاخ لؤي
حمد لله على سلامة الوالده
وبركه الشفته طيبه.
بس اتزكر كل ما تملاء عيونك منها وتحس بأمان العالم كله لوجودها جنبك
كم من بنات و ابناء دارفور حرموا من هذه النعمه.
وعندما تحس بحنانها وخوفها عليك وقلقها عندما تتأخر قليلا عليها
ورغم محاولاتك طمأنتها بعبارة يا و الده ما تخافي علي
وتأكيدها لك كيف ما اخاف عليك
تزكر احساس امهات دارفور الذين القي اطفالهم فى النار وصدقني
هذا ليس فيلم هندي انه حقيقه لكن انتو ناس الجبهه نكرتوها
وادعيتوا انه الاعلام الغربي و اليهود من ابتكرها
لكن وامام اعترافات القتله ماذا ستفعلون وكيف ستنفون الحقيقه.
لؤي لم ارد تعكير صفوة زيارة ست الحبايب
لكنها تزكره و التزكره تنفع المؤمن.
اتمنى ان تقرأ لها كلماتي.
تراجي.
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: luai)
|
الاخ / لؤي
السلام عليكم ورحمة الله وبركاته.
الوالدة
نزلتِ اهلا وطبتِ سهلا
لك مناالحب والسلام والتحية
وتمنيات صادقات لكِ بالصحة والعافية ولكل الامهات
ودعوات للم الشمل لكل من اضاعته دروب الحياة في غياهب الاحلام والطموح
وعسى ان نعود ونلتقي او ياتو ونلتقي وتصفو بنا الحياة مرة اخرى .
ناصر موسى
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: luai)
|
| Quote: والتجربة التي تسنم الاسلاميون فيها السودان ولازالوا |
ياااااااا لطييييييييييييييييييييييف ياخ!!!!
يعني أنا إتفكَّ من عز الدين أقع فيك؟؟؟
يا مان أخوك ما بِنقُش حنك المثقفاتية البيش دا... تسنَّم دي يعني شنو؟؟
بلع!!!
قلع!!!
لطش!!!
لِحِس!!!
عمل تُلُّب فوقا بالليل!!!
!!!
سبحانك يا قدوس!!!
الأُم مستنيرة معانا والولد ضلامي مع الخيانة
لك دعواتي بالهداية على يديها...... ولها سنامي
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: محمد السر)
|
محمد السر سلام تاني ..
ياسيدي ما بختلف معاك في الكلمة اصلا ..تسنم ( او تلب )
لانه لم تكن هناك خيارات اخرى ..تعرف ان الاسلام الحركي ممنوع من الوصول للسلطة وغير مرحب
به ولا توجد فرصة للتغيير غير القوات المسلحة ..
والشواهد كثيرة التجارب في ايران وفي الجزائر (انتخابات الفازت بها جبهة الانقاذ)
لذا مافي حل الا ..الكلمة التي تقولها انت او انا وهي تسنم او تولى او عمل تلب فوقابالليل على كلامك !!
لك تقديري
| |
|
|
|
|
|
|
|
|
|
Re: رحبوا معي بوالدتي ..وهي تحل ضيفة علي .. (Re: هاشم نوريت)
|
الاخوان الاعزاء وليم اندريا وشدو وهاشم نوريت تحية طيبة
شكرا جزيلا على مروركم وتحيتكم وسلامكم ..ودعواتكم للوالده ..
شدو يا اخي هناك مأساة بدارفور امل ان تجد حل قريب عبر طاولة المفاوضات
وكل ما يرشح الان ان الامور تتحسن للافضل - قرات تقرير الامين العام للامم المتحدة قبل قليل
للجميع تقديري واحترامي
| |
|
|
|
|
|
|
| |
luai
kamalabas
بلدى يا حبوب
Mohamed Doudi
Murtada Gafar
محمدين محمد اسحق
Yasir Elsharif
المسافر
زول ساكت
سجيمان
الزوول
tmbis
خدر
المعتمد
banadieha
ادم الهلباوى
bint_alahfad
Osman M Salih
Tragie Mustafa
Elmosley
willeim andrea
هاشم نوريت
Aymen Tabir
فيس بوك
تويتر
انستقرام
يوتيوب
بنتيريست