|
|
 تهانينيا لوليد شريف .. مبروك الأمورة..
|
تتربى في عزكم .. ياابوالبنات
وحمد الله الف على سلامة المدام ..
وصلتنا أخبار تحت تحت بتقول أنو العضة جاية من الباوقة مباشرة .. وكمية كدا من التفاح
وهناك مشاروات تحتانية الآن يديرها ( المقاتل ) ودالباوقة .. في حشد لم يسبق له مثيل في تاريخ الرياض ..
يكون عينو على البنية من حسع دي للولد محمد .. يعني عايزين تشكوها يا باوقاب وتطلعونا بي ( قد القفه )
ياود الباوقة
بيرضيك؟؟
|
|
 
|
|
|
|
|
|
|
 Re: تهانينيا لوليد شريف .. مبروك الأمورة.. (Re: tmbis)
|
Quote: وصلتنا أخبار تحت تحت بتقول أنو العضة جاية من الباوقة مباشرة .. وكمية كدا من التفاح
وهناك مشاروات تحتانية الآن يديرها ( المقاتل ) ودالباوقة .. في حشد لم يسبق له مثيل في تاريخ الرياض |
اخو الاخوان تمبس .. مبروكة البنية .. وليد شريف حالف يضبح تور ... العضة العضة مطلب وطني ....
(( جعلها الله من اخوات نسيبة ))
ود الباوقة
| |
|
|
|
|
|
|
|
|
 Re: تهانينيا لوليد شريف .. مبروك الأمورة.. (Re: ود الباوقة)
|
| Quote: جعلها الله من اخوات نسيبة |
يا ود الباوقه
مورط نفسك مع الجماعة ديل شديد وكلما احجز فيك .. داخل لا جووه
.
.
كدي شوف لينا الترتيبات كيف الولد معتصم ( كتلنا) فيهو..
الخرفان الأيامات دي سعرها معقول .. والفحم راقد الله ما كتر إلا الشطة الخدراء والليمون واكيد في ( باكب ) من حاجات السودان ناس شمار والحركات دي ..
افيدونا اثابكم الله ..
| |
|
|
|
|
|
|
|
|
|
Re: تهانينيا لوليد شريف .. مبروك الأمورة.. (Re: tmbis)
|
Quote: الله يبارك فيك يامعتز
تجي تحضر السماية حقتنا دي والا نرسل ليك ( غنية بالرز ) |
خلاص يا تمبس اغنية خفيفة بالرز المفلفل وعليها شوية ( شمار ) اصلو معتز دا بحب الرز بالشمار وعليك الله يا تروتسكي تعزم معاك مستر كنق بنق ككوو ...اصلو زول ( سمايات )
| |
|
|
|
|
|
|
|
|
 Re: تهانينيا لوليد شريف .. مبروك الأمورة.. (Re: صديق الموج)
|
| Quote: ود الباوقة السماية برضو كركدى ..سامع قالوا حاجزها لى محمد،، |
والله يامووووج اقتراح خطير جدا .. خليني ادي خبر لي حميدة ،،
لكن انا ( باص )
وبالمرة جيب لي معاك( سفوفه ) يامووج نانو الكركدي بيعمل لي لووز ...
والله ياود الباوقه جهز التمر غايتو والفول المدمس المقاتلين ديل صنفوك وانت لسه شفت حاجة خلي ( المقاتل الشفيف الود حنين ) لما ياخد ليهو دش ويجي
والله جنس ورطه غايتو ..
 
| |
|
|
|
|
|
|
|
|
|
Re: تهانينيا لوليد شريف .. مبروك الأمورة.. (Re: tmbis)
|
الباوقه اللذيذ تفاحه
باوقاويه جديدة
من انتاج الرياض
وليد شريف والمدام
الف الف مبروك
تتربى في عزكم
السماية السماية السماية
لحم لحم لحم
قبل زحمة العيد وغلاء الخرفان
يا ابوالنسب تمبس
اصحى يا بريش
نحن هنا
| |
|
|
|
|
|
|
|
|
|
Re: تهانينيا لوليد شريف .. مبروك الأمورة.. (Re: tmbis)
|
الوجيه وليد بن شريف ..
نزف اليك تبريكاتنا وعظيم فرحتنا بمقدم الامورة ..
جعلها اللة قرة اعين والديها..
لو لونها فاتح زيكم سموها سموها انيسة..
ما تقعدو تشبكوني اسم اختها ببدا بي السين وما عارف شنو داك..
ولو لونها قمحي سموها
سوران
ولو خاتف لونين سموها
ياالسايق الفيات..
والحلقان على انا ..
| |
|
|
|
|
|
|
|
|
|
Re: تهانينيا لوليد شريف .. مبروك الأمورة.. (Re: tmbis)
|
تهانينــــا للأخ وليد شريف ،،
وحمداً لله على سلامة المدام ،، ومبروكة البنيّة ، وتتربّى في عزّكم ..
الاخ تمبس ،، عقبال عندك بالبكاري وقبلها بالشريكة الأمينة ، ندى الشروق
الغنّى ليْ زُرّاع أرضنا .. الأصيلة ، زي الشعاع ، يدخل رواكيبنا واوضــنا ..
| |
|
|
|
|
|
|
|
|
|
Re: تهانينيا لوليد شريف .. مبروك الأمورة.. (Re: tmbis)
|
صدقوا القالو الولد خال
الولد وليد شريف ، بيبقى في الحسبة ولد أختنا ، أمو بت عمناالمرحوم عثمان الخواجة الرجل الوسيم الجميل الذي كان خواجة بحق وحقيقة وأمها خالتنا فاطمة بت بربر رفيقة وحبيبة أمي أسماء بت السرة وثالثتهن زينب بت كحلاوي والدة أخي الراحل العزيز كمال الطيب الخضر { دقدق} نساء أمهات وحدتن بينهن شلوخ عشرة مطارق نالت نصيب منها حتى سيدة بت جمال الدين أو بت الجمال وست الجمال كما يحلو لهن التي كانت شلوخها مثلهن وليس مثل شلوخ الشايقيات المعروفة ولا أعرف السبب
نشأنا كلنا معآ في شارع واحد ولعبنا تحت ضل نيمة واحدة تجلس فيها الأمهات يورقن الخضرة ويعدن الطعام ، وكانت عندما تنادي أحداهن : ياولد : نلبي النداء جميعآ فكلهن على ذات الدرجة من المعزة ومن الإحترام وكان يصعب علينا في أحايين كثيرة أن نفرز أمنا الطبيعية من بينهن
ووليد أمه مريم وخالاته علوية ومحاسن وجميلة { إيمان} وخواله الكثر النجوم { اللواء محمد خواجة وعابدين وعبدالرحيم وعبدالحافظ والمناضلين هاشم وعبدالمنعم والحكم الليبي الجعلي وخيلانه في الجيرة والمحبة والهم الواحد نحن أولاد أسماء الجعلية وسيدة الشايقية وغيرهن من أمهاتنا في ذلك الزمن الجميل حين كانت الحياة بطعم المانقة المخلوطة باللحليب
الولد وليد طلع لي خالو أبو بنات وماظلم
يربن في عزك يا الوليد وعز آل خواجة الكرام
| |
|
|
|
|
|
|
|
|
|
Re: تهانينيا لوليد شريف .. مبروك الأمورة.. (Re: JAD)
|
العزيز تمبس
ارجو ان تسمح لي عبرك ان اتقدم بالشكر لك ولكل من تقدم بالتهنئة بقدوم مولودتي وان شاء الله نبارك لكم جميعا كل جديد .
الخال عبد الرحمن لك التحايا والاسرة الكريمة وسلام خاص للاخت رشيدة.
| |
|
|
|
|
|
|
| |
tmbis
Frankly
معتز تروتسكى
ghariba
صديق الموج
إسماعيل وراق
A.Razek Althalib
ابو جهينة
محمد أبوجودة
ودقاسم
أبو ساندرا
ahmed haneen
JAD
فيس بوك
تويتر
انستقرام
يوتيوب
بنتيريست