|
Re: بورداب الرياض،،، بورداب العالم،،،، جاءتنا البشاره، (Re: ود شندي)
|
ألف مبروك المولود يا ود شندي .. ويتربى في عزكم ..
--------------------------- ** كانت عندنا عادة في بلدنا حتى وقت ليس بالبعيد.. بيحفظو "ضلوف" خروف السماية..اها نامن المولود يتم الاربعين يوم .. حبوبتو او واحدة من النسوان الكبار بيشيلنو..ومعهن مجموعة من الشُفع .. ويمشوا بيهو للشدرات الفي طرف الحلة..ويختاروا شدرة "سمُر" او "سيال" وهي اشجار شبه الصحراء لا تخلو من القدرة على الصبر..فيعلقوا عليها "الضلوف" وهي مربوطة.. ودي اشارة منهم -على ما أظن- اشارة تيمن بالخدرة والشدر والطبيعة.. وكمان بياخدوا منها"عليقات" خدراء يعني صفق من الشدرة ويمسكوها ليهو في يدو..وكل هذاالطقس تصاحبه دعوات بي طول العمر وخدرة الضراع وبالطبع النديهة بي بركة كل الأولياء والصالحين أن يغطوا عليهو من كل شر.. وبالطبع يتم تقسيم التمر او الحلاوة لمجموعة الشفع التي تشهد هذا الطقس..الذي لا أظنه يخلو من مسحةالطقوس الفرعونية..كما في طقس دفن السرة..وطقس تبادل السن مع الشمس ..وغيرها من الطقوس..
اقعدوا عافية
| |
|
|
|
|
|
|
Re: بورداب الرياض،،، بورداب العالم،،،، جاءتنا البشاره، (Re: صديق الموج)
|
الحبان
ها انا اليوم ارتدي جلبابي مرصع بقطع الدرر نعم انها من صنع محترفين اكرم اليوم نفسي بتشريفي ومعرفتي لهذه الكوكبه اسمحو لي احبتي ان اكون بينكم بجلبابي هذا وتلك الالفيه التي طوقتمون بها عنقي دعوني اترنح وادور علي حلقه الشيخ يا لها من الفه ومحبه ونقاء احبتي ابقو معنا وان لاتتوقفو
| |
|
|
|
|
|
|
|