|
|
 بسداسية بيضاء المريخ يدك حصون الميرغني وينذر الهلال
|
استطاع المريخ تحقيق فوزاً غاليا و مستحقاً على فريق الميرغني كسلا بنتيجة بلغت 6 /صفر في المباراة التي جرت بينهما مساء امس باستاد المريخ ضمن مباريات الأسبوع قبل الأخير للدوري الممتاز في دورته الثانية, وقد وضح من بداية المباراة اصرار لاعبي المريخ على تحقيق الفوز من اجل المنافسة على بطولة الدوري الممتاز وقد اجاد جميع لاعبو
المريخ كل في وظيفته وقدموا عرضا رائعا اطربوا به جمهورهم الغفير الذي ساندهم طيلة زمن المباراة وقد انتهى شوط المباراة الأول بثلاثة للمريخ دون مقابل للميرغني جاءت عن طريق عبد الحميد السعودي هدفين وهدف لعلي النونو ، وقد اظهر الشوط الاول اللياقة البدنية العالية لدى لاعبي المريخ التى مكنتهم من السيطرة الميدانية الكاملة على مجرى هذا الشوط وتنفيذ الجمل التكتيكية بنجاح تام اذهل الجمهور العريض الذي ساندهم في حين اكتفى فريق الميرغني بدفاع المنطقة من اجل الخروج باقل خسارة الا ان خط دفاعه ووسطه فشلا في وقوف الهجمات المريخية المتواصلة. شوط المباراة الثاني جاء اكثر قوى من جانب المريخ واكثر ضعفا من جانب الميرغني كسلا وقدم لاعبو المريخ خلاله الكرة الجادة والتمريرات السهلة خاصة من جانب قلق والنونو وعلاء الدين وزولو وبعد مرور دقائق من هذا الشوط قام مدرب المريخ المصري محمود سعد باجراء تعديل في صفوف فريقه بخروج عبدالحميد السعودي وامير دامر المصاب ليدخل مكانهما العجب وحسبو ، هذا التغير ساعد المريخ في مواصلة ضغطه على الخصم حتى جاءت الدقيقة 11 ليضيف يكيني الهدف الرابع ويردفه بالخامس فس الدقيقة 14 ويواصل المريخ مهرجان الاهداف ليتمكن العجب من اللحاق بهداف الدوري طمبل باحرازه الهدف السادس من كرة تلقاها من المدافع سفاري لعبها العجب مباشرة الى يكيني الذي لعب كرة عكسية سقطت من بين يدي كاشان ليضعها العجب هدف سادس وقد ساعد المريخ بالامس الكرة السهلة السريعة في بناء الهجمات من الاطراف ومن العمق . في الدقائق الاخيرة من المباراة قام مدرب المريخ باخراج النونو وادخال ضيوف ليستمر ايقاع المريخ وتضيع له العديد من الفرص بسبب التسرع حتى اعلن الحكم عن نهاية المباراة بفوز المريخ على الميرغني بستة اهداف . بلغ دخل المباراة 68 مليون و430 الف جنية
نقلاً عن صحيفة المشاهير
|
|
 
|
|
|
|
|
|
|
 Re: بسداسية بيضاء المريخ يدك حصون الميرغني وينذر الهلال (Re: ebrahim_ali)
|
العزيز / تاج السر
لك التحية والتقدير
يامان مثلما تحب وتشجع الهلال صدقني حبنا للمريخ اكبر واكبر من حبك للهلال . بعدين ده
مريخ السودان الشرف السودان . المهم تقعد تجقلب كتير بجيك شيبا وبعد داك حنقعد جنب
الحيطة ونسمع الزنبليطة و حتبدا وب علي وبي علي والحقني يابكري .
وللحبيب ابراهيم علي الف تحية وتحية ..
ورمضان كريم
| |
|
|
|
|
|
|
|
|
|
Re: بسداسية بيضاء المريخ يدك حصون الميرغني وينذر الهلال (Re: ebrahim_ali)
|
إبراهيم علي:
إنتو بتتكلموا عن كورة أمبارح دي ولا واحدة غيرا ؟؟؟؟
ناس المشاهير ديل يكونوا حضروا كورة يوفنتوس وميونخ ولا شنو ؟؟؟؟
غايتو ماف شي صاح في التحليل غير أسماء اللاعبين الجابوا الأقوان !!!!
شوف عيني في النيل الأزرق !!!!!!
لكن يا المريخاب ما بتعرفوا تطبخوا كويس حرقتو الحلة عديييييييييييل كده ..
قعدتوا فيصل عجب برة شوية وقلتوا لي ناس الميرغني الزول ده أول ما يخش تخلوهو يجيب قون ..
ده طبعاً غير إنكم كلمتو كاشان يكشح الكورة زي شيل الفاتحة لي السعودي..
ياخ خليكم طباخين زينا كده وسبكوا الحلة يعني 2-1 معقولة وبعد ده ما خلينا هيثم طمبل يجيب فيها قون عارفين ليييي؟؟؟
لأنو طمبل بصرتو في المريخ جاااااااااااااهزة
| |
|
|
|
|
|
|
|
|
|
Re: بسداسية بيضاء المريخ يدك حصون الميرغني وينذر الهلال (Re: عمر الفاروق)
|
الأخ/ ود المايقوما تحية وأحترام
وقبل ما نمش لى قدام الرجاء عدم ذكر اسماء أعضاء المنبر، من قريب أو بعيد والتركيز على المادة المطروحه، فأنا لم اذكر فى مواضيعى غير الهلال والمريخ واللاعبين والمدربين والصحفيين، ولم أتحدث عن (شخص) ود المايقوما مثلا، ,اصلا لا علاقة لى بالتحدث عن عضو منبر حيث أهتم بالروؤس، أما غير ذلك فلا ، ولا داعى أن أقول من هم اؤلئك غير الروؤس!!
أما لو اتجه الأمر نحو ما ذكرته أى الى تناول أشخاص واعضاء بالمنبر فأنتم يا سيدى ومعكم أمين المنبر من سوف تجقلبون وتبدلون الحقائق وتبدأون فى أنزال مداخلات تاج السر, وانه قال كذا وشتم كذا، والمطالبه بأقصائه ، لأنكم تهبشون ولا تتحملون الهبشه فطبعى أن أرد على الشخص بحسب طريقته، ودونك بكرى هات الأمان منه وجيب (سيفك) وتعال!!
واذا كنت متابع منابر آخر غير هذا الحريه فياه متاحة للأخر أى أن تقتص وتشتم من يشتمك، دون أن يظلمك أحد، فلقد كسرت جميع الأصنام هناك ووضعت على كتوفهم سيفى، وجئت الى هذا المكان أتبع لوائحه وقوانينه، من خرج على اللائحه أقدمه لأمين المنبر والرأى العام حتى لو لو يوقف يعرفه الناس على حقيقته، ولقد عرف الكل على هذا الموقع خلال فترة ايقافى السابقه أهداف هذا وذاك، واذا لمن يردعه أمين الموقع أو الرأى العام فلن يغلبنى أخذ حقى بضراعى ، واظنك كنت متابع لا نفع الكذب ولا نفعت الفبركه.
أخيرا ما فى (حوت بهددو بالغرق)!!!
| |
|
|
|
|
|
|
|
|
 Re: بسداسية بيضاء المريخ يدك حصون الميرغني وينذر الهلال (Re: تاج السر حسن)
|
الرشاشة تجتوج سلام ياخي سيب الجرسة والدنيا رمضان وما في داعي للولولة والسكلبة قبل ما نحلق ليكم رؤوسكم
اصبر شوية ياتجتوج وحتى لو ود المايقوما ذكر اسماء فيها شنو يعني ما هم اعضاء في هذا المنبر والواحد دائما بستشهد براي او قول عضو ما وشيبة دا قاموس مريخي متحرك يعني بالواضح المافضح بكشف كل الاعيبكم ياتجتوج .
لذلك خلي روحك رياضية وأرج الراجيك وجيتك تب على الهلال ما سعد هنا
| |
|
|
|
|
|
|
|
|
|
Re: بسداسية بيضاء المريخ يدك حصون الميرغني وينذر الهلال (Re: ebrahim_ali)
|
ود المايقوما سلام
اول مرة اسمع انه الحوت ودعم الحمار...
تفكرت مليئاً فى تصريح جمال الوالى الذى ادلى به يوم امس فيمايخص الكشف عن المنشطات فلم اخلُص إلا إلى شي واحد ألا وهو ان الهلال فريق ((نشيط)) من منشطات..عليه قررت اليوم وبعد تفكير تغير اسم ابو الهل من(كبير صغار الاندية) إلى ((نشيط صغار الاندية))
لكن ياجماعة لو جينا للحق المابخلى الهلال يتنشط شنو.
حوافز تعبانة
وخرابة مسكونه
وروائح تصيب بالغثيان.
والمنظر فى مجمله مافنان(الفنان الوحيد هناك الله عالم به)
فريق عمرو اكثر من 75 سبعين سنه ولى يوم الليلة ماخش دنيا(ههههه) يعنى ماجاب بطولة والبطولات هى التى تضخ الدم فى العروق لتزرع النشاط..المابخليهو يتنشط شنو..
الهلال قمة النشاط.
عليكم الله شوفو الهلال نشيط كيف
| |
|
|
|
|
|
|
|
|
|
Re: بسداسية بيضاء المريخ يدك حصون الميرغني وينذر الهلال (Re: ebrahim_ali)
|
سامي يا ود عبد الوهاب:
الهلال خش الدنيا وأحلي دنيا ...
مش الهلال معرس المريخ ده عرس عديييييييييل وعلي كتاب الله وسنة نبيه ؟؟؟
كاسات الدهب دي ما أحلي دنيا ؟؟؟؟؟؟
ختام الدوري الممتاز كل سنة وخشمكم ملخ ملح دي ما أحلي دنيا ؟؟؟؟؟؟
هو العرس ده كيف يا سامي؟؟؟؟
يا سامي عليييييييك الله ( لأيام دي بحلفك كتير مش؟) جيب لينا إحصائيات مباريات الهلال والمريخ الدورية في أخر 12 سنة لي ورا ورينا الحاصل عشان تعرف العرس علي أصولو ...
ده مفهومنا للدنيا الجديدة يا سامي ..
نحن ناس محلييين وزي ما السودانيين ما بيحبوا عرس الأجنبية وفي النهاية لازم تعرس سودانية نحن في الهلال ما بنستمتع إلا بي إلتهام فرق السودان وخصوصاً المريخ ..
يا سامي متزكر كيف بديتو تبنوا إستادكم ؟؟؟
متذكر المليار لإعمار الدار اللميتو منها أظن مليون بس ؟؟؟
متذكر شحدتكم للطوب من كماين الجريف الللوبيا ؟؟؟؟؟؟؟؟؟
الهلال يا سامي لو عايز يبني البيت الأبيض بيبنيهو بس خلي الريس طه علي البشير يزيد السيجارة جنيه وااااااااااحد ؟؟؟؟؟؟؟؟؟
بالنسبة لي موضوع المنشطات ده يا سامي لا نسألوا عن أشياء أن تبدا لكم ....
| |
|
|
|
|
|
|
|
|
|
Re: بسداسية بيضاء المريخ يدك حصون الميرغني وينذر الهلال (Re: ود المايقوما)
|
الأخ/ أبراهيم على والأخ/ ود المايقوما
من عادتى أن أبتعد عن البوستات التى يدخلها من يسئيون ويشتمون غيرهم مثل الشتيمه التى تراها أعلاه، وحينما ترد عليهم يستغلون الكثرة والصوت العالى والجقلبه تحصل والكذب يحصل وعدم النزاهة يحصل.
بطبعى أحاور وأخاصم شريفا وبصورة دوغريه وواضحه.
ولا يهمنى شخص صاحب البوست فقد يكون رجلا أو أمرأة أو لا هذا ولا ذاك!!!
أظنك تفهمنى جيد، ان لا أجقلب بل أكثر الأعضاء الذين يجعلون الأخرين فى جقلبه مستمرة.
لذلك ان كنت تقبل محاورتى عن الموضوع المطروح فالف مرحب أما أن كنت تريد أو غيرك يريد أن يغمز أو يلمز أو يذهب الى اسلوب الماشطات غير الكريمات أو من يحصلون على أموالهم بالباطل من أموال (محايات) أو (بخرات) أو عرق الغلابه فأقول لك، من تربى بمال حرام لا تتوقع منه خيرا مهما (تنطع)، وعلينا يسهل وعليك يمهل.
ملحوظه:-
ما أدخلنى الى بوستك هذا أنك بدأت التداخل معى من قبل بأسلوب مهذب ، فأن كنت تريد أن تبتعد عن ذلك الطريق فرجائى أن يذهب كل منا الى غايته، ولك الشكر.
| |
|
|
|
|
|
|
| |
ebrahim_ali
عمر الفاروق
بلدى يا حبوب
فيس بوك
تويتر
انستقرام
يوتيوب
بنتيريست