|
|
|
 Re: اها .. دي اجمل صورة في 2005م وهدية لمحبي الهلال والمريخ . (Re: ود المايقوما)
|
العزيزة / نجود
بتاع اللاوية اكيد هلالابي اصلا الجماعة ديل جنهم حاجات زي دي من زمان . بس المرة دي ماقدرو يمسكو ليهم كديسة جابو الفكي ظااااااااتو . لك تحياتي .
قريبي العزيز
تكبر تنسى . ودي هدية مني ليك ( لحن الخميس ) انشاء الله امباره اتعشيت كويس اهم شى سفاري ( قصدي الصحة ) :
Quote: سئل الحارس المعز: لماذا لم تصد ركلات الترجيح الحمراء؟
قال: في الأولى يا اخواني .. الحظ رماني .. في السيف اليماني!
في الثانية.. قلق مال.. وهز العرضة شمال!
وفي الثالثة.. خدعوني قالوا معطوب .. رماني شمال.. وولع العرضة جنوب!
وفي الرابعة.. (الجندي) أداني التحية .. دموعي سالت .. والصد أبى ليّا!
وحقوق الطبع محفوظة للمريخي المبدع نهاد شاخور!
داريوكان احتفظ بالجنسية وأرسل الترجيحية الى غابيتو .. في موزمبيق!!
المريخاب فرحوا لجنسيته.. وعقبال (الشلوخ)!
قلق عامل عنتر .. وعنتر عامل قلق!
ألم اقل لكم إن حالتهم ستصبح صعبة للغاية من غير كورة.. ولا مقصورة.. ولا عنتورة؟
وآه يا عنتر!
لماذا رفض لاعبو الهلال استلام ميدالياتهم الفضية؟
ألم يشاهدوا الطريقة المثالية التي تعامل بها نجوم المريخ مع مراسم تتويج الممتاز؟
مبروك يا أرباب.. جالك قلق.. وعنتر.. وأبوه كمان!!
وصدق إبراهيم عوض الذي كتب: للنصر مقومات.. يا مريخاب!
مريخ يملأ العين.. صاقعة.. ومهند.. وعنتر!!
والذي ناديه بغير جمال لا يرى في الوجود شيئاً جميلاً!
إيليا أبو ماضي نفسه يرغب في (جمال)!!
ترقبوا هدية (الصدى) ومفاجآتها لأبطال كأس السودان!
داريوكان ياما كان !!
جنسوووه.. شلخوووه!!
غاب الكديس.. فاحتجب الهلال!
(الوداع).. تعالوا بكرة!! |
تبكو بس . ناس تاكل تركين في العشاء وناس تبات بدون عشاء .
ماشفت شهاب صحبك مبسوط كيفن
| |
 
|
|
|
|
|
|
|
|
Re: اها .. دي اجمل صورة في 2005م وهدية لمحبي الهلال والمريخ . (Re: ود المايقوما)
|
ود المايقوما الحبيب وكل المريخاب
مبروك عليكم الكاس وتستاهلوا
بس ما تنقصوا حق الهلال
وكيف رايكم في الحكم التحفه ده
وسمعت كلام فيصل الحكيم امس في عالم الرياضه ده راجل ما بختشي
ورايك شنو في القون بكل صراحه
ورايك في تغير خالد عبد الرحمن في اخر لحظه
ورايك في البلنتي بكل صراحه
النتيجه ما خلاص اتعرفتمافي مشكله لكن عاوزين نعرف الصدق
| |
|
|
|
|
|
|
|
|
|
Re: اها .. دي اجمل صورة في 2005م وهدية لمحبي الهلال والمريخ . (Re: ود المايقوما)
|
المشكلة إنو الهلالاب عايشين وهمة إنهم نادي (شيلسي) الفريق الذي ماندر أن يهزم ويقهر . ونسوا أن المارد الأحمر في فترة إعادة توازن الفريق بعد الهزة التي أحدثتها شطب مجموعة من قدامي الفريق وشئ طبيعي أن يختل توازنه لفترة .. وهاهو الكوكب الأحمر يعود من جديد سريعاً مارداً يعرفونه جيداً بفتية عجزت ألسن صحافة الضلال بوصفهم (عواجيز) وجاءوا ليؤكدوا أن الكبير كبير . ويقدمون موسماً رائعاً .
صحافة التبريرات والتحكيم فاشل أجدى لها أن تلتفت لما هو أهم وتوجد ما ينفع الهلال وتبرز مكامن الضعف والقوى في فريقها لمتابعة مسيرة (دوري العرب) بدلاً من هذا النواح والبكاء في ساحات صحايفها وتصغير ودونية جهود الغير.
نحترم جيداً الهلال ونتمنى له مسيرة مشرفه ..
ودائماً فوق لمريخنا العظيم
| |
|
|
|
|
|
|
|
|
|
Re: اها .. دي اجمل صورة في 2005م وهدية لمحبي الهلال والمريخ . (Re: ود المايقوما)
|
الحبيب / عباس
الشكاوي يوم الخميس .
انت عارف صلاح ادريس عمل مؤتمر صحفي وقدم شكوى وقال الحكم ماحسب لينا فاول خارج خط 18. جنس محن .
بلنتي قال . ياخي قبل كده في هلال مريخ الحكم حسب بلنتي للمريخ جاابراهومة المسعودية يشوط البلنتي الحكم قال : لا خلاص الكورة مابلنتي . تزكرها ولا نسيت .
الهدف اوف واضح ومافي اي ضبربة جزاء بس زي ماقال صلاح ادريس الحكم ماحسب ليكم ضربة ركنية وعشان كده نطالب باعادة المباراة .
ياحبيبنا كل الكلام ليس الا مناكفات والهلال والمريخ عينان في راس واحد واتمنى فوز الهلال على الوداد وربنا يوفقكم انشاء الله .
لك تحياتي الكتيررررررة
| |
|
|
|
|
|
|
|
|
|
Re: اها .. دي اجمل صورة في 2005م وهدية لمحبي الهلال والمريخ . (Re: ود المايقوما)
|
الحبيب / ايهاب
نورت البوست . وشكرا جميلا لك . اها شوف صلاح ادريس قدم شكوى :
| Quote: وفي مباراة الهلال امام المريخ في نهائي كاس السودان امس الاول نقض الحكم هدفا صحيحا احرزه فريق الهلال في الشوط الاول كما نقض ركلة جزاء صحيحة ارتكبت مع المحترف النيجيري قودوين كما صرف فاولا بالقرب من خط 18 مع العلم ان كل تدريبات الهلال في الايام الماضية ارتكزت علي تنفيذ الجمل التكتيكية لاحراز الاهداف من الضربات الحرة المباشرة. |
| |
|
|
|
|
|
|
|
|
|
Re: اها .. دي اجمل صورة في 2005م وهدية لمحبي الهلال والمريخ . (Re: ود المايقوما)
|
ود المايقوما
الله يديك ويدي كورتنا السودانيه العافيه
و الله منانا انو الهلال يفوز و بعدد وافر من الاهداف حتى يضمن الاياب و منانا يغلب كل الفرق العربيه ويشيل الكاس و منانا لكل الفرق السودانيه ان تحسن تمثيلنا لان فرق جيده= منتخب جيد وعاوزين 2010 سودان يكون مشارك في كاس العالم وده ما بيحصل لو كانت فرقنا بتطلع من الادوار التمهيديه وبتهزم في بلادها و لما تتعادل تكون فرحانه ولان مايميز إدارتنا عن الاخرين هوعدم وجود طموح وكذلك لعيبتنا.
انا بحكي ليك حادثه تنور عليكم لماذا نحصل على الهزائم و عشان ما امشي بعيد احكي عن خروج الهلال الاخير من تونس ومن حكى لي انسان خلوق سافر مع البعثه في نفس الطائره :
(بناء على نتيجة الخرطوم الهلال محتاج يفوز او يتعادل او ينهزم بهدف او ينهزم بفارق هدف او ينهزم بفارق هدفين ويكون احرز هدف ينهزم 2/صفر و تحسم بضربات ترجيحيه)
الطائره في المدرج بها كل اللاعبين و الادارة الفنيه و عدد من مجلس الاداره يتقدمهم صلاح إدريس عدد من المشجعين و بعض الفنانين يتقدمهم كمال ترباس
تأخرت الطائره لانهم منتظرين ندى القلعهالتي تأخرت وإضطرت الطائره ان تقلع بعد تعذر وصول ندى؟
بمجرد اقلاع الطائره يتقدم صلاح إدريس ويبداء في مخاطبة الركاب (يا جماعهالحاله واحدة وماتخلوا بينا حواجز ونفتح باب النكات ويبداء بنكته خليعه جدا)؟؟
عند و بوصولهم تونس لم يتوقف اعضاء البعثه عن السكر والعربده؟؟( الا من رحم ربي)؟؟!!
يفوزوا كيف اللاعبين وهولاء قدوتهم؟؟؟؟
لم أدخل استاد منذ مباراة الهلال و الرشيد العراقي تقريبا في نهاية 86 او بداية 87 وكانت مباراه وكا الهلال هلال (وليد طاشين صبحي منغستو طارق ووووو) وحضرت غير متعمد مباراة السودان ونيجريا في استاد المريخ في تصفيات المؤهله لكأس العالم 2002 و ما اعتقد امشي تاني لمباره خارجية الى ان ينصلح الحال. استمتعت الاسبوع الماضي بمباره وديه بين تضم كوكبه من مريخ الثمانينيات و هلال الثمانينيات وعدد من نجوم العاصمه و ضمت عاطف القوز و صبحي وابراهومة المسعودية و عمر العلمين والمبدع دوما فائز نصر الدين و عدد اخر من المبدعين حقيقة رغم ان السن له حكمه الا ان ابداعات فائز (الذي لا اعتقد انه يقل عن رونالدينو بشئ مع فارق السن)و ون - تو إبراهومه و راسيات عمر العلمين و تسديدات صبحي انستني مرارات الكره الان.
حقيقه الوعي الاداري والتفكير الابداعي للاعبين أساس اي نهضة في الكره
عجبا يا ود المايقوما عن أي مريخ وهلال تتكلمون انهم الان لا يشبهون الليق لان الليق اجمل واروع.
الكرة تطورها يبداء من حصص الرياضه في الابتدائيه /الاساس التي اوقفت والساحات الرياضية التي صودرت ز
أداري جاهل+ لاعب جاهل = ..............
| |
|
|
|
|
|
|
| |
صهيب المحسي
بدرالدين شنا
keiga2000
abas
بنفسج
ابوعسل السيد احمد
saadeldin abdelrahman
ELSUNNI
فيس بوك
تويتر
انستقرام
يوتيوب
بنتيريست