|
|
 الطيب مصطفي يصدر صحيفة يومية باسم الانتباهة
|
الطيب مصطفى وبابكر عبدالسلام أبرز المساهمين فيها
«الانتباهة» صحيفة جديدة تصدرها شركة المنبر
الخرطوم: الصحافة
وافق المجلس القومي للصحافة والمطبوعات في جلسته امس على طلب شركة المنبر للطباعة والنشر باصدار صحيفة (الانتباهة) صحيفة يومية سياسية شاملة ، واعتمد علي يس رئيساً للتحرير.
يذكر ، ان شركة المنبر شركة مساهمة ، من اكبر مؤسسيها وزير المالية السابق الدكتور عبدالوهاب عثمان ، ووزير الدولة للإعلام السابق المهندس الطيب مصطفى ، ووزير الصحة بالخرطوم السابق بابكر عبدالسلام.
|
|
 
|
|
|
|
|
|
|
|
Re: الطيب مصطفي يصدر صحيفة يومية باسم الانتباهة (Re: امير عبد الماجد)
|
اؤيد واامل لكن لو الطيب مصطفي وافق وعلي يس وافق تفتكر محسن بوافق ولو محسن وافق الجماعة بوافقوا ولو وافقوا الجماعة تفتكر القسم حايكون ثقافي بس ولو بقي ثقافي بس تفتكر تيموليت بترضي ولو رضت انا خايف الجماعة يزعلوا ولو زعلوا الناس حايردوا الزعل غايتو يازول انا مؤيد البزعل اليزعل
| |
|
|
|
|
|
|
|
|
|
Re: الطيب مصطفي يصدر صحيفة يومية باسم الانتباهة (Re: امير عبد الماجد)
|
مين على يسن هذا الذى اعتدى وتغول على حق محمد حامد جمعه فى منصب رئاسة التحرير , تقترح على محمد حامد جمعه ان يضرب عن الكتابه لكى يرغم هؤلاء الجماعه للانصياع لحقه الطبيعى فى رئاسة التحرير وتؤهله لذلك مجاهداته وكتاباته خاصة التى لم تتوانى عن الدفاع عن افكار الطيب مصطفى فى ايام محنة الاول والثانى من اغسطس وبحكم منصبه الحالى ( لا يذهبن فكركم بعيدا انا اقصد منصبه الصحفى ولا اقصد اى منصب آخر )
| |
|
|
|
|
|
|
|
|
|
Re: الطيب مصطفي يصدر صحيفة يومية باسم الانتباهة (Re: ahmed haneen)
|
Quote: البلد يتجه نحو تحول (ديمقراطي)
وفيه حرية إعلام وحرية كلمة
وكل صاحب رأي له الحق في أن يصرح برأيه
ومن يسطيع أن يصدر (جريدة) تعبر عنه
ليس أمامه حاجز في ظل (الديمقراطية)
وحرية الرأي..
أليس كذلك؟ |
نعــــــــــــــــــــــــــــــــــــــــم
هو كذلك
قد تختلف معهم
ولكن
لهم حق التعبير
عن موقفهم
عبر جريدة او غير ذلك
| |
|
|
|
|
|
|
|
|
|
Re: الطيب مصطفي يصدر صحيفة يومية باسم الانتباهة (Re: Al Sunda)
|
أن نادي الناس بالوحدة بين ارجاء الوطن الواحد قال الاخرون عليها ان تكون علي اسس السودان الجديد .. والسودان الجديد في اصله مرحلة انتقالية لانفصال قادم وحتمي ... فأن قال الناس مفارقة بمعروف وتقنين حالة انفصالية قائمة ... رموهم بالانفصالية والعنصرية وما الي ذلك ... في ظني بأن الكثير من الصحف والاراء ستصدر في سبيل تقنين انفصال قائم ويحتاج الي من يعلنه حتي يقطع للواهمين شعرة الوحدة الخيالية ....
| |
|
|
|
|
|
|
|
|
|
Re: الطيب مصطفي يصدر صحيفة يومية باسم الانتباهة (Re: mo)
|
..
إزيك يا أمير، وماك طيّب،..
أنا ماني جاي أشتغل معاكم -مبروكة عليكم، ودا ما كلام حَرَد، بل هو كلام طَغَى، وكلام زول شَغَّال في مؤسسات إعلامية ماكنة وليها كرعين، وكمان مستعد يقعد عاطل وما بشتغل مع البوليس المتثاقف، وكمان ممكن تعتبر الموضوع "تار" مع علي يس لأنو هو القتل روايتي (إحداثيات الإنسان لمدة 4 سنوات) كنت ح أجيب ليكم بيها فخر أصغر كاتب سوداني "عبقري" لكن بي وين مع علي يس وإسحق فضل الله، أها، بحمد الله وبركة علي وإسحق هسي بقيت كاتب عجوز، مالك داير تشغلني في صحيفة يكوسوا ليها في "الداية" يا هسي.. زي أي علاّمي مش إعلامي،..
وكلامي الفوق دا هظار، الما هاظار ياهو التحت دا:
| Quote: وزير المالية السابق الدكتور عبدالوهاب عثمان ، ووزير الدولة للإعلام السابق المهندس الطيب مصطفى ، ووزير الصحة بالخرطوم السابق بابكر عبدالسلام |
سؤالي ليك عن "القروش" "القروش" "القروش" (عندك قروش تصبح الملك قرقوش)، الجماعة ديل كلهم وزراء و(سابقين) –مرافيد،...
القروش البتفتح جريدة جابوها من وين؟ وألا فاتحنها بالدين؟
هسي أنا مهما ادَّخرت بقدر أفتح جريدة؟ علماً بإنو مرتبي بكون "قدر" أو "أكبر" من مرتب أي وزير سوداني نزيه،...
بعدين إنت زول عندك محبَّة لله والرسول وتانياً إعلامي، كتبتَ أعلاه:
| Quote: انشاء الله وحد لاقي |
نصيحتي ليك في الله إنو: (إنشاء الله)... بالطريقة دي معناها: بناء الله وتكوين الإله... يعني زي ما تقول إنشاء كبري وإنشاء مستشفى...
وهي تُكتب هكذا: (إنْ شاء الله)... عشان تبقه "إنْ" دي حرف شرط... وشاء "فعل"... أنت تشترط به تحقّق مشيئة الله أولاً ليتحقق ما تتحدث عنه ثانياً...
فافصل بين الحرف والفعل، ولا تصل بينهما...
وكمان أكسر همزة "إنْ" من تحت،...
والسلام عليك،..
..
| |
|
|
|
|
|
|
|
|
|
Re: الطيب مصطفي يصدر صحيفة يومية باسم الانتباهة (Re: امير عبد الماجد)
|
الاب الغالي حنين وينك يااخي والله اشتقنا ليك
شايفك شلت الصورة بصراحة كده احسن الزول مايخت ليهو صورة زول اصغر منو
بعدين انا ماماشي جريدة الطيب مصطفي انا قلت لو نزلت السوق بقراها ياكافي البلاء نظرك ضعف والا شنو ياابونا
الحكاية لو قروش ياوالد كان سافرنا معاااك نلم الدينار والريال ونتخارج من كتاحة السوق العربي
محسن جاايك يا اخوي
| |
|
|
|
|
|
|
|
|
|
Re: الطيب مصطفي يصدر صحيفة يومية باسم الانتباهة (Re: امير عبد الماجد)
|
الاخ العبقري محسن ازيك وسعيد بمداخلتك ومبسوط انك شغال في مؤسسات مااااكنة وقروشة كتيرة وماعايزنك تخليهالكن اكتب في الانتباهة يااخي شمعة في الظلام ترفع راس الهتيفة والمتثاقفين صاااح الجماعة ديل تيموليت والكلام ده ما بنفع معاهم لكن يااخي حاول ودافع عن فكرتك خليهو نضال الورق والكيبورد شوية وما تصدر احكام مسبقة وماتبني اراءك علي السماااع يعني علي يس وقف رواية بقدر يعمل اكتر من كده
بتقدر تكتب وتبدع ما حايقدر يحجبك عن الناس لا هو ولا اسحاق
بعدين التعاالي ده بضرسني كنت حااجيب ليكم جائزة اصغر كاتب عبقري يااخي انت لي هسه اصغر كاتب عبقري مسوط كده
الفوق ده هظاااار ساكت وانا سعيد بملاحظاتك وحا اعمل بيها ان شاء الله -(الزول يا محسن بقبل النصيحة من المجانين خليك من نصيحة العاقلين وفي العاقلين محسن خالد)
| |
|
|
|
|
|
|
|
|
|
Re: الطيب مصطفي يصدر صحيفة يومية باسم الانتباهة (Re: محمد حامد جمعه)
|
..
أمير أريتك طيّب،...
أنا قسمتلك كلامي لتلاتة
1- الأولاني قلت هظار
2- الأخير قلت نصيحة
3- والتالت قلت دا جد جد، وسألتك: القروش –القروش- القروش،...
وزراء مرافيد وكمان (أولاد فقراء) جابوا قروش الجريدة من وين؟
وألا إنت دايرني أجيء أكتب بس وآكل قروش (ممكن تكون سُحْت) ما معروفة جات من وين واتكدست في شكل صحيفة كيف؟
رجاءً جاوب على السؤال، الكلام الجاي جاي دا، بأبسط روح الدعابة بتقدر تعرف إنو ما تعالي بقدر ما هو مكاواة بظرف، آي نحن ما أصحاب، لكن التظارف ليه؟
أجاوبك:
لإزالة روح العداء من الكلام، يعني عشان تجاوبني إجابة إفادة، مش ترد علي رَدْ من تهجّم عليه شخصٌ متعالٍ،....
بعدين لاحظ مداخلة محمد حامد جمعة:
| Quote: وعادى الطيب مصطفى يطلع جريده ... مش حقو ... |
وكمان (مش حقو؟) الاستفهامية بسخر دي مظللّة بالأسود،..
القروش جابوها من وين، دا سؤال حقيقي يا أخ أمير، وبعيداً عن كل روح عدائية،..
..
| |
|
|
|
|
|
|
|
|
|
Re: الطيب مصطفي يصدر صحيفة يومية باسم الانتباهة (Re: امير عبد الماجد)
|
والله يامحسن السؤال ده مشروع جدا وحقيقي لكن قطعا الاجابة عليهو ما عندي بالمباشرة البتتكلم عنها دي انا زيك قاعد اسال من وين وكيف وليه وكلها تساؤلات حقيقية وملحة الاجابة عليها عايزة مستندات ومعلومات موثقة عشان ما نقول كلام ساكت بسيط ورخيص ومجاني
الفساد ده سؤال كبير جدا في السودان
ناس فقراء واولاد فقراء بقوا مليونيرات من الداخل وناس اغتربوا شهور ورجعوا مليونيرات ناس عملوا قروش اثناء الوزارة -اقصد اثناء تقلد المنصب -وناس عملوا قروش في المعارضة السؤال مابسيط كده يا محسن والتعاطي مع الفساد بالبساطة دي بيبقي طق حنك واتهامات ساكت
شخصيا ماسمعت عن الطيب مصطفي انو فاسد علي كثرت الاقاويل حول المسئولين الحكوميين لو عارف حاجه قول لينا
| |
|
|
|
|
|
|
| |
امير عبد الماجد
عادل فضل المولى
nazar hussien
صباح احمد
Hussein Mallasi
Abdulla Ageed
wadalzain
ahmed haneen
Al Sunda
mo
محسن خالد
محمد حامد جمعه
فيس بوك
تويتر
انستقرام
يوتيوب
بنتيريست