|
|
 الجمعة 20/5/2005 لقاء بورداب الرياض الاسري
|
الجمعة القادمة 20/5/2005
باستراحة العمارية ..
اللقاء الأسري الجامع لبورداب الرياض ..
وكان قد تقرر هذا اللقاء عقب اجتماعنا بالسيد القنصل بمنزل الأستاذ جلال داؤود أبوجهينة.
ستتم مناقشة مسودة الدستور التنظيمية المقترحة ، وشؤون العضوية بالإضافة إلي المناسبات المؤجلة :
- قدوم مولودة للأخ أحمد سعيد قرنفل.
- قدوم مولود للمرحوم كمال ( دقدق ) .. مهيار
- عقد قران وليد طه
- قدوم عائلةالوجيه ود الزين .
- قدوم عائلة عمران حسن صالح .
- شفاء إبنة إسماعيل وراق ( أسيل ) بعد العملية التي أجرتها.
نرجو حرص جميع الأعضاء علي الحضور والاتصال بالأخ معتصم أو وليد 399 أو بشخصي للمسالة التنظيمية والمالية ...
|
|
 
|
|
|
|
|
|
|
 Re: الجمعة 20/5/2005 لقاء بورداب الرياض الاسري (Re: وليد شريف)
|
| Quote: تمبس بالله ما تقلع لينا ضرس العقل بتاعك يوم المناسبات العامة وتغلط في كتابة الاسامي علي الصور لو ما عدلت اسمي علي الصورة اياها ماجااااااي . |
وليد شريف
اتصل علي معتصم قبل شوية وقال لي وليد شريف حالف ليك ..
وانا جيت داخل الآن من العيادة ولحدي الجمعة الجاية ما بخلي ضرس حايم.. بس كترو لينا النشأ
وخلي لي بالك من مصدق ده شديد
والله المحيرني يا وليد لحدي الآن ما عارف كتبت ياسر دي كيف
| |
|
|
|
|
|
|
|
|
|
Re: الجمعة 20/5/2005 لقاء بورداب الرياض الاسري (Re: معتز تروتسكى)
|
يا تروتسكي يا ابو الزمل
من ناحية متلوم معاك دي ما عايزه ليها درس عصر ..واسال معتصم بيقول ليك ..
لكن بي خلقتي الانا فيها دي والله كان بعتني طلطاشر جنيه ما اجيب ليك .. واتحداك كان تطلع مني بي حاجه كويسه ..
وبالمناسبة من فترة طويلة غير الونسه العازمك ليها محضر ليك كمية غريبه جدا لي ساورا وبي شكلك ده ا تشوف ليك طريقة بتاعت ( بنج ) شان تقدر تسمعه .. ( عصفور بيناتنا وعصفور ، يوما ما سيغني اطفال العالم لحنا واحد ، وطني ما اجملك .. وحاجات تانية غريبه جدا ) .. بس لاحظ اذا بتقدر تجي الرياض يوم الجمعة بيكون كويس خلاف كده اعمل نايم لحدي ما المزاج يتصلح معانا
طبعا نسيت اقول ليك مشتاقين ..
...........................................
خضر حسين ..
يعني حركاتك ما بتبطله بالساهل
ياخ اتصل ورينه انت وين ؟؟
ود الباوقه وغريبه وكل الاخوان اتمني يوم الجمعة يكون اجمل من كل اللقاءات السابقة ونحسم فيهو امور كثيرة
| |
|
|
|
|
|
|
|
|
 Re: الجمعة 20/5/2005 لقاء بورداب الرياض الاسري (Re: tmbis)
|
تمبس العسل 
مزاجك 1000
انعشنى وخليك قريب
بالله يالعندليب..
انعنشنى وخليك هنا
انت الصديق والزميل
من جنان الحب اسقنا
وعلم الازهار الغنا..
خلاص يافرده لو ماجيتكم ماتنسو تهلشو لى معاكم
وناس معتصم وشتات عليك دينك براحه عليهم فى حكاية المزاج دى
الود ده صغير وماتخربو لينا
نخلى ليك شتات (جواز مع الكراهيه)
خلاص موضوع ساورا ده مداخل تانى محل ما القاك فى بوست اقول ليك ساورا
وقعت فى شر اعمالك
| |
|
|
|
|
|
|
|
|
|
Re: الجمعة 20/5/2005 لقاء بورداب الرياض الاسري (Re: welyab)
|
حاضرون ..
بالله عليكم في ناس شوايقة اصحابي جد ليهم زمن ماشاركوا
واحد تخين واحد ضعيف ارجو اعتبار دعواتهم ...
وبعدين بمناسبة الدستور اقترح لكم اشتراك ثابت يكون دخل الزامي ...
والصف ... يكون اوجه صرفه (بهجات في وطن الجميع) ثقافة وادب ..
ولابد من ايصالات قبض فورم99 ... عشان الزمن الكعب..
والمنظمون بقيادة جهينة نحن مهتمون جدا بضرس تمبس وارجو ان تجهزوا له طقم اذا كانت قائمةالاطايب خالية من (الكبسة) ابعدها الله عنا
| |
|
|
|
|
|
|
|
|
|
Re: الجمعة 20/5/2005 لقاء بورداب الرياض الاسري (Re: A.Razek Althalib)
|
| Quote: وارجو ان تجهزوا له طقم اذا كانت قائمةالاطايب خالية من (الكبسة) ابعدها الله عنا |
عفارم عليك يا بروف !!!
كلمونا من بدري عشان ندبر حالنا !!! ونشوف لينا ويكة مع الوليدات ونجي جاهزين .
ولووووووووووووووووووووووووووووول ياتمبس على ضرسك الصار (كبري) لإستخدمات أخرى
| |
|
|
|
|
|
|
|
|
|
Re: الجمعة 20/5/2005 لقاء بورداب الرياض الاسري (Re: abuguta)
|
| Quote: ولووووووووووووووووووووووووووووول ياتمبس على ضرسك الصار (كبري) لإستخدمات أخرى |
تاني لوووووووووول يا عمران
ياخي ده بقى اشهر من مايكل جاكسون
امس جاتني رسالة من السودان مجهولة الهوية تسال عن حال ضرسنا وتتمنى لنا نوما هادي..
والغريبة اي دكتور امشي ليهو يقول لي ما بقلعو ليك وانا كلى اصرار اني اقلعو ياخ مش ضرسي ؟؟ انا حر فيهو وفي النهاية نصل لي خلاف طويل جدا .. وفلسفة عن اهمية الضرس من الناحية الجمالية ومساهمته الفعاله في خلق ابتسامة مشرقة ، طبعا ده اخر دكتور كنت معاهو امس قال لي انا ما بقلعو لان بيأثر علي الابتسامة لانو بيظهر فاضي .. والله ضحكته بشكل .. ولي آخر ضرس من الناحية التانية المقابلة ليهو ،، قلت ليهو معقولة يا دكتور يعني انا ح اضحك كدا لي اخر ضرس لحدي ما يظهر المكان فاضي ؟؟
علي العموم
إذا ما وصلت لي حل (جزري ) للمسألة دي من هنا لحدي الليلة بالليل فاليتاكد الجميع واي واحد جاي بكره اني ما ح اسكت علي المسالة دي وادعو كل المنظمات والروابط ، واللجان المنبثقة من اي حاجه ان ترفع مذكرات شجب بلغة حاده جدا لي اي جهة ليها علاقة بالضروس
ولا اراكم الله الما في ضرسا لديكم
اما إذا استمر الحال زي ما هو عليه لحدي بكره .. والله تعبتو معاي جنس تعب
ابوقوته..
والله حيرتنا معاك
امسك في ابوآمنه وابوامنه جح يمسك في محمد الشيخ ومحمد الشيخ ح يجيبك
اما إذا عايز تلفلف لمن تعرف حاجه تعال امشي معاي انا وشتات
| |
|
|
|
|
|
|
|
|
|
Re: الجمعة 20/5/2005 لقاء بورداب الرياض الاسري (Re: ابو جهينة)
|
تضامنا مع ابو جهينة
ود منصور علاء لو ضرسك.... عاوز قلعو..
عندى ليك مستوصف قريب ورخيص فى دفعو...
فيه دكتورة جميلة وشعرها..نازل افرو..
بمسكة ايدها .لضرسك تشيلو .تدفرو..
فلبينية ظريفة من بنات مانيلا
رقيقة خفيفة جاية شايلة مجلة
تديك البنج ..زى حلاوة كرملا
تشيل ضرسك ترمية فى ليك وسلة
| |
|
|
|
|
|
|
|
|
|
Re: الجمعة 20/5/2005 لقاء بورداب الرياض الاسري (Re: tmbis)
|
يا جماعة حيبب بلدو مفقود تليفون مقطوع وكمان غائب من المنبر .. وما قادرين نصلو
اذا اي زول عارف ليه تليفون يجر ليه سلك ولا يتصل علي انا بتصل عليه، وكمان باقي الاخوان
والحاضر يكلم الغائب عشان كل الناس تكون حضور، كما اتمنى حضور الناس الما قاعدين يجونا المرة دي يصلونا ..
الحمد لله اغلب الترتيبات ماشه على ما يرام الامن مستتب .. وكل الناس كويسين وبالف خير ..
ومافي زول ابا عشا الا تمبس عشان باقي عندو الضرس قايم عليه .. غالبو الاكل كتروا ليه من العصاير 
| |
|
|
|
|
|
|
| |
tmbis
ابو جهينة
waleedi399
خضر حسين خليل
ghariba
معتز تروتسكى
welyab
حسن الملك
A.Razek Althalib
عمران حسن صالح
abuguta
فيس بوك
تويتر
انستقرام
يوتيوب
بنتيريست