كتب الكاتب الفاتح جبرا المتوفرة بمعرض الدوحة
|
الجمال والروعة فى حفل الموصلى فى الدوحة ،،،
|
كان من اجمل الليالى فى دوحة الخير والجمال ،،
الحفل كان روعة بمعنى كلمة روعة ،،، غنى فيه الموصلى بى اعزب الالحان ،،
وتباري فيه الشعراء بإجمل الكلمات ،،
د.معز ،،، مدنى النخلى ،،،
الحضور كثيف من الجمهور ومن اعضاء سودانيزاونلاين،،،
كان معانا : محمد عبدالرحمن ، نادوس ، بهاء بكري ، معتصم الطاهر
واخرون ، هوازن ،لقمان همام ، واخرون ،،
يلا يا حلويين احكوا ،،
|
|
|
|
|
|
|
|
Re: الجمال والروعة فى حفل الموصلى فى الدوحة ،،، (Re: ودالعباسية)
|
وحاة الله قصرته (يقصّر الملح)... لكن عندنا أختنا جمهورية بي عافية شوية.. واجب الممارضه.. بس انا مسكته للحاجه اخوي الصغير .. وبركه الحضرو..ان شا الله استمتعتوا.. ؟ وده سؤال ده!؟ يلا أدونا الشمار... عشان انا مفروض اضرب لعمو الموصلي واعتذر ليهو..
بنت الحسين
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: ودالعباسية)
|
لكم التحية وكم كنت سعيدا بلقاء الاخوة والاصدقاء هى ليلة لاتنسى ...عطرت سماء الدوحة ابداعا ...القاوالفة ...الاستاز الموصلى غنى فابدع....دكتور معز هذا الرجل الشفاف وضع لمساته الانيقة فكانت احرف الخفقان ترقب اسمك المنحوت بالقلب الرقيق.... الغالى معتصم الطاهر...اضفت للمكان روعة لك التحية ايها الرائع.... العزيز ابوساندرا ...مااروعك بهذه الضحكة التى تجلجل القلوب حباوجمالا.... العزيز بهاء بكرى ...لك التحية ياصديقى فقد تفتحت فيك سنبلات الضوء ..وابراج الخيال ...هودج الاصداء والنفق الانيق.... الصديق فيصل عباس ....لك الجلوس لك القيام وماتبقى .... الصديق نادوس...كما انت منذ ان عرفتك فالابتسامة تكلل وجهك لتمنحنا الدفء والالفة... الحبيب محمد عبدالرحمن....كم انا سعيد بهذا الرائع لك التحية ياصديقى.. ود العباسية ....هذا الانسان الخلوق له كل الود والتقدير لك الاحترام ياصديقى الغالى... العزيزة مريم بنت الحسين العزيزة هوزى ...كم كنت اتمنى لقياكم ....حتما سنلتقى ... الجميع لكم ودى ...
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: ودالعباسية)
|
ودالعباسية الحفلة فاتتني عشان كنت { بخم الرماد } أصلها بت المغيرة كانت مسافرة تاني يوم الجمعة، لكن تابعت عبر إتصالات نادوس2000 ومحمد عبدالرحمن
أبوبكر الأمين يوسف : صورة وصوت من أخوك يوسف الرجل النضيف العفيف الذي ضل طريقه وإلتحق بالجبهة الإسلامية وكتر خيرك كتير على التحية الجميلة البتشبهك وياعزيزي ياها دي الفضلت لينا الضحكة المجلجلة
د. معز تعرف انا جبت معاي شنطة فيها الذي منو منعآ { للمفاجآت } غير السارة ، بس ربك ستر ، وطلعت زول مرن ، ولو عملت غير كده بتكون ما أنت وبعدين يا البحر جاك حجر ، بس تاني ربك ستر
معتصم الطاهر منى معتصم هويدا ما أحلاكم وربنا يحفظكم ويديم الحب والمعزة تخريمة : شفتو منى بين أحلى قوسين ، عيني باردة
محمد عبدالرحمن : إنت بس أقبل ، الناقصة من المرتب بيتموا ليك { عمو } معتصم ، أصلو خادم الفكي مجبورة على الصلاة وشكرآ على تحمل ترهاتي ومشاغباتي الفاجرة وشكر مضاعف لسترك حال جيبنا الذي فرغته بت المغيرة من الفرطاقة
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: ودالعباسية)
|
خضر حسين خليل
يا زميل يوم الخميس بالليل تم إبلاغي بالرحلة على الخليج وطلب مني الحضور في تمام الساعة السابعة مساء ، أكرر السابعة مساء الجمعة
يوم الجمعة وديت رشيدة المطار حتى دخلت صالة المغادرين ، ثم صليت الجمعة في مسجد المطار ورجعت البيت نمت نسبة للإرهاق بتاع يوم الخميس ، نمت ساعة فقط ، صحاني الجوع ، إتغديت وذهبت الحلاق حلقت عشان الرحلة ، ثم غسلت سيارتي { الكامري 2005 } وفي طريقة للبيت عشان أجهز للرحلة إتصل معتصم الطاهر ثم محمد عبدالرحمن وأبلغاني إنهم في المركب وأن المواعيد تعدلت للخامسة ! كنت محتاج لحمام بعد الحلاقة وفي خلال 20 دقيقة كنت معهم في العشرين دقيقة دي إستحميت ولبست ورديت 60مرة على تلفونات معتصم الطاهر
أها برآءة يازميل ؟
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: أبو ساندرا)
|
زمن يمنح الدنيا وهج الإلفة ونكهة البرتقال المعتق برحيق العافية
هؤلاء الشباب يخرجون من رحم السماء نجوماً على الأرض تهب الناس مداخل المدى والظل والعشق النبيل..
كانت لحظات سجلت على شغاف القلب وهج السماح ممهوراً بأشجار النخيل..
منذ حطت طائرتي وقبلها كان للحظات اللقاء حميمية ترضع من صدر السماء مطراً يهطل بالفرح ويزين الحقول بالنقاء..
كان كل فرد يرحل في دمائي ويسجل على جدران العشق بدواخلي اسماً من نور مقدس
تنتقل الدهشة بين ومضة واخرى محلقة بين:
عبد الرحمن (ود العباسية) محمد عبد الرحمن ابو ساندرا هوزي بنوسة نادوس2000 يوسف الموصلي
وكوكبة عكس الريح: داليا معتز بكري أمجد تسنيم هويدا (قوت القلوب) معتصم الطاهر نهى محمد ميرغني محمد السني دفع الله لقمان ودالعباسية الموصلي نادوس2000 هاشم الإدريسي وصحبه الميامين..
وبقية العقد الفريد..
كان للقاء معكم عصير برتقالة ونبع أحضان دافئة تصدح بالحنين وتمنح الكون دفء الأفئدة النابضة بالمحنة والشوق العظيم لكم
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: Elmosley)
|
اشعة نفرة تخطف البصر وتضيع في ضوئها معالم الزمان
التحية من على البعد ( من صقيع الاسكندناف ) لكل فرد
فيكم وكل وجه كان حضورا ليلتها ..
والتحية لك يا دفئنا في زمهرير المنافي ..ياموصلي
ونحن من هنا نتابع رحلة الألق ولدفء والابداع ..
وتحية ود عطرة لك ياود العباسية ..
خضرعطا المنان
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: Elmosley)
|
لك التحية يابروف ....نقف اليك احتراما وتقديرا ايها الشامخ.... العزيز معتصم الطاهر....مااروعك اضفت للمكان طعما له مذاق خاص ....اما عن صاحبنا المشوكش فى دقيقتين فقد هرب من الدوحة ومن البورد الذى لايفارقه لحظة .....ولكننا له بالمرصاد....وياباشمهندس مافى خط رجعه.... الاستاز الموصلى .....افتقدناك يارائع والتحايا لناس السلطنة الحلوين ومنتظرنك.....
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: ودالعباسية)
|
د . معز بخيت
يا زول { عصير البرتقال } ده خلينا منو ، نحن مع البرتقالة ديك الماقادر تنزع عنها ردائها يا حنين وأجيك بي وين ؟
معتصم الطاهر: المشوكش يستاهل قايلها جاية فحاول تغييبي وأخفى عني الموعد الجديد للرحلة قلت لي أخد كم ثانية؟ طولت نفسها معاهو الشليق
محمد عبدالرحمن يا حبيب ، شاكوش وبيرح وماحدش بيموت فضي موبايلك هناك ،و أرجاني في الكريبة!
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: ابوبكر الامين يوسف)
|
المكان نادى اصدقاءالبيئة ، وجوه سوادنية (سمحه ) تتوافد على المكان ، الطقس معتدل نوعا ما ، والكل فى انتظار سماع صوت الاستاذ الموصلى بعد طول غياب ، حقيقة كنت اخشى على الاستاذ الموصلى ، فبعد كل هذا الغياب يحتاج للكثير لكى يعيد التواصل مرة اخرى مع جمهوره وبدا الحفل .. نافر بغنى عليهو جاهل وقلبو قاسى وانا قلبى خاضع ليهو لى في المسالمة غزال نفسه هو الموصلى بصوته المعتق وادائه الجميل وتوزيعه الاروع ، وتيقنت ان تخوفى لامبرر له ، فنحن كتب علينا ان نقيم وطنا فى كل بلد من بلاد الدنيا ، وحيث ذهب الموصلى يجد جمهوره وشعبه الذى غنى له وحمل عشقه نبضات وانغام وحروف كانت ليله من اجمل ليالى السودانيون في الدوحة ، غنى فيها الموصلى واجاد واطرب ، دخلت الي الشركة في يوم السبت وبى طرب من ليلة الخميس الجميلة ، دخلت الي المكتب وانا اترنم بصوت عالى لم ابالى بأحد .. في الفجرية طالع طالع بيزرع في المزارع احب عمال بلدنا وصوت المكنة طالع بلدنا نعلى شأنا ياناس سودانا نادانا .. اخرجنا الموصلى من وحشة الغربه وكدرها ، وطوف بنا فى ربوع الوطن الحبيب ، مزارعه ومصانعه ، وحسانه وتراثه الجميل ونغمه الشجى .. بجى راجع تانى ...
بكرى جاييك وماناسيك ...
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: محمد عبدالرحمن)
|
ضيف جميل اخر حل علينا وشرفنا فى هذا اليوم انه الدكتور الشاعر معز عمر بخيت ، شاعر نحت اسمه على قائمة المبدعين فى بلادى بعزم وارادة جبارة ، معز له نفسه الشعري الخاص الذى يميزه وله تجربته التى تستحق الوقوف عندها مرات ومرات ، تحتاج لمجهود جبار حتي تستطيع ان توازن بين ان تكون شاعر وطبيب فى نفس الوقت ، فالطب كمهنة تستهلك كل الوقت ولاتترك زمنا لممارسة اخرى ، ولكن معز استطاع ان يضع رسمه هنا وهناك ...وحلق بنا فى هذه الليلة فى عوالمة الشعرية الباذخة التى تفيض عشق وهوى ، واتحفنا ايضا برائعة من روائعه الوطنية التى كتبها ابان الانتفاضة المجيدة ، وجدد ذكرى ابريل فى مايو المشؤوم ..كان معز فى هذا اليوم واحد من صناع الفرح والطرب الجميل ..شارك شعرا ورقصا وتواصلا مع الجميع بلطف وتلقائية وعفوية ....
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: محمد عبدالرحمن)
|
حضر من البورداب ..
ودالعباسية دينمو الحفل واكثر البورداب مشاركة وحضور (ماكسير تلج عشان سيد البوست جد جد والله)
نادوس ..اتى بكامل اناقته وغابت ابنوسته الجميلة ..شارك بفاعلية
معتصم الطاهر ..اتى يرتدي (الجلابية السوداينة ) بصحبة الاسرة شارك حضورا وحركة ورقصا فى بعض
الاحيان واصر علي الغياب شعرا !!(جاييك لقصة الشعر دي ببوست كااامل )
بهاء بكرى اتى متأخرا كالعادة ولكنه عوض تأخيره رقصا وطربا حتى نهاية الحفل ..
فيصل عباس (هذا الرجل البهى جدا ) ..غيابه الغير مبرر عن الساحة كان سبب في تاخير سماعه
بخبر الحفل ، حضر متأخرا وزاد بحضوره المكان بهاء ..
الرقم الصعب رقم صفر حضر ببشاشته المعهوده وبصحبته اسرته وكان بارز الحضور
هوزي ..جلست فى الصفوف الامامية للجانب الاخر مؤكده حضورها ومشاركتها وان لم التقيها ...
بكرى الامين القادم الجديد و(صاحبى الغتيت ) حضر وشارك ورقص وصور وفعل كل مابوسعه ،
الغريبة مرات (رايق خلاص ) افتش ليهو القاهو قاعد بعيد وبتأمل !! لكن بالجد كده انسان من نوع
خاص لاتحتاج لكثير وقت لتتواصل معه ، واحد من مكاسبنا فى هذا الحفل الجميل هدوء ونقاء
وتلقائية ( لكن بعد ده كلو مابخليك اصبر لى بس )
غاب عنا فى هذا اليوم ..
ابوساندار ..فقد فرض عليه سفر بت المغيره الغياب ( بالله ده كلو شهر
والله كتير كترة ...بعد ده كلنا فى الهوا سوا )
وغاب ودرملية لظروف الدوام الليلى الثقيل ..
مريم بت الحسين غابت لظروف اسرية ..
وغاب كيقا لاسباب غير معروفة واختفى من المنبر ايضا ..لعل المانع خير ؟
محمد الحاج الذى ظهر كالبرق واختفى... لم يحضر واختفى من المنبر تماما ...
| |
|
|
|
|
|
|
Re: الجمال والروعة فى حفل الموصلى فى الدوحة ،،، (Re: محمد عبدالرحمن)
|
Quote: نافر بغنى عليهو جاهل وقلبو قاسى وانا قلبى خاضع ليهو لى في المسالمة غزال |
محمد عبدالرحمن ، دعني اختلف معك ، كانت اسوأ ما في الحفل هو غناء الموصلى لهذه الاغنية ، اولا لم يكن يحفظها ، ثانيا كانت هنالك عدم تجانس واضح بين الموصلى وعازف الاورغن ، سؤالي : لماذا غناها الموصلى من اساسو ؟
اقول هذا ، وازيد بان الحفلة كانت اجمل حفلها شهدتها في الدوحه .
الشئ الثانى الذي لم يعجبنى في الحفلة ، هو الشاعر مدني النخلى ، حيث انني في الحفلة وجدت ديوانه الجديد (لا اذكر عنوانه ) وبه صورة مصطفي سيد احمد ، ثم عندما شدا بقصائده ، وبين كل قصيدة واخرى كان هناك ذكر للمبدع مصطفي سيد احمد ، سؤالي (رغم ان المكان ليس موضوعه ) لماذا يربط النخلي بين تجربته الشعرية ومصطفي سيداحمد الي هذا الحد ، برغم الفترة التي تعاونا بها ، الا انني اري ان الشاعر هو تجربة قائمة بذاته ، وتظل كل الارتباطات الفنية -ايا كان نوعها - هي عوامل مساعدة وليس اساسية . مدني النخلي شاعرا مبدعا ، دون مصطفي او مع مصطفي ، واعتقد انه آن الاوان لتجربته التحرر من مصطفي سيد احمد ( مع ايماني الكامل بان الربط بين النخلي ومصطفي ، هو من فعل النخلي نفسه ) ، واختم قائلا للنخلي ، الا تثق بامكاناتك ؟
| |
|
|
|
|
|
|
|