|
|
|
 Re: افتتاح الشبكة : مرحبا بكم في مشروع السودان للجميع .... (Re: hala alahmadi)
|
العزيزة هالة
تحياتي
عارف انو الموعد كان يوم 1/9 لكن تتخيلي انو 29/8 واحد يجي يقول ليك التصميم بتاع الموقع ما عاجبو وهو كان متابع من البداية والموقع كان مكتمل.
فرجعنا اعدنا التصميم من البداية واعادة توزيع البيانات.
لكن الحقيقة بعد ما انتهينا وضح فعليا انو مافي اي علاقة بين القديم والجديد والشباب كان عندهم حق.عموما في النهاية وصلنا ... لكن يادوب وصلنا للبداية.
وشكرا كتير علي المجهودات البذلتيها عشان المشروع اهو في النهاية ما ضاعت والمشروع حقيقي وايماني بيهو وايمان الشباب بيهو برضو حقيقي.
انشالله تكوني في الخرطوم
(بيني وبينك احتمال انا زاتي عايز ااجل الموضوع عشان تجي الخرطوم لانو مشروعك برضو زي ما هو مشروعنا) ... تتذكري ايام الترجمة المرهقة اهي اتحولت لي عمل فعلي.
| |
 
|
|
|
|
|
|
|
|
Re: افتتاح الشبكة : مرحبا بكم في مشروع السودان للجميع .... (Re: hala alahmadi)
|
العزيز متوكل توم.
في الحقيقة التوقيت جاء نتيجة لظروف العمل اي لم نخطط لموافقة اي شيئ ... ولكن تشاء الصدف ان يكون موافقا للعطلة.
وتشاء الصدف ان يكون ايضا موافقا ليوم مولد الرسول صلي الله عليه وسلم اي انه لا يسار ولا يمين ... زهذا ما نريده له متوجها نحو اهدافه التي انجز من اجلها بغض النظر عن الانتماء السياسي الثقافي الديني او العرقي ...
شكرا متوكل وسعيد جدا بهذه الاجازة التي تصادفت واظن انها بداية موفقة لارضاء الجميع واتمني ان يكون المحتوي والتصميم ايضا مرضي.
تحياتي
| |
|
|
|
|
|
|
|
|
|
Re: افتتاح الشبكة : مرحبا بكم في مشروع السودان للجميع .... (Re: عمر عبد الخالق سعيد)
|
مبروك..ومجهود مقدر يا جعفر
اها عاد يا اخوي... قول مواصفات الناس البيشتركو... عشان ما نتشالق ساكت....ونحرج نفسنا.. باقي انتو يا ناس " سودان للجميع"..... قاعدين تدورو الناس الشوية فووووووق....ناس البلكونات وراس السنة والاسلو دانس.......
وبعدين يا اخوي عليك الله ان رسلت لي دعوة للاشتراك قولها من حسي..... عشان ما تقعد تغالتني بعدين ونقعد في طلاقات...
| |
|
|
|
|
|
|
|
|
|
Re: افتتاح الشبكة : مرحبا بكم في مشروع السودان للجميع .... (Re: سجيمان)
|
يا دكتور سجيمان والله انت زول بتاع مشاكل بس ما اكتر
الوحيد الانا قدمت ليهو دعوة شخصية وجها لوجه مش بس في المنتدي وكمان في المركز الاعلامي لانو الاكثر اهمية وباعتبارك صحفي كمان.عايز تعمل لي فتنة.اها ومواعيدنا بتاعت الحوار المفتوح راجيك ليها وشيل شيلتك.وحدد ميدان المعركة علي كيفك انشالله في السماء ما بحلك.
بعدين يا دكتور هو اسمو السودان للجميع يعني اصلا كانت الفكرة اول وبعدين لقينا ليها الاسم مش العكس.حقو الواحد يسجل اسمك ويجي يكتب ليك الباسوورد هنا.
بالنسبة للمنتدي حاليا وفق القوانين المتعارف عليها والشئ الجديد فيهو هو انو بنحاول بقدر الامكان انو ما يكون نسخة مكررة من المنتديات. بمعني كتابة مواضيع للمنتدي.باستثناء الاخبار العامة.
وبالعربي ما القي عندك موضوع هناك حايم زي التاكسي في كل مكان.
اها كفاية كدة ولا افتح ليك بوست منفصل اقدم ليك فيهو الدعوة.
والله لو عايز كرت دعوة اوصلو ليك لحد بيتك.
| |
|
|
|
|
|
|
|
|
|
Re: افتتاح الشبكة : مرحبا بكم في مشروع السودان للجميع .... (Re: Gafar Bashir)
|
باشمهندس جعفر ..تحية طيبة
شكرا على اطلالة الموقع الجديد والذي آمل
ان يكون اضافة مميزة للمواقع السودانية على الشبكة
تجولت في الموقع ..ولي عودة مطولة له ..
فقط يا اخي الكريم اتمنى ان يتسع الموقع للجميع !! ليكون السودان للجميع !
ساحاول الدخول والتسجيل والمشاركة في الموقع ..وايضا تعريف العديدين بالموقع الجديد
امل ان يتسع الموقع لكل الاراء ..
لك وللطاقم العامل في الموقع الف تحية ..وتشكرون على هذه الجهود
والى الامام
اخوك
لؤي
احد الذين بدأو بموقع سوداني خلال فترة ما من السنوات الماضية
ثم اهمله ..وراح حتى الدومين
| |
|
|
|
|
|
|
|
|
|
Re: افتتاح الشبكة : مرحبا بكم في مشروع السودان للجميع .... (Re: luai)
|
الأخ لؤي
تحية طيبة
مثلما سبق وأن قلت للدكتور عادل الصادق ... سجيمان لم يكن الاسم اولاً بل كانت الفكرة ... السودان للجميع والاسم جاء ليحمل المعني وكان ذلك منذ منتصف العام 2004م.
وبرغم الاختلاف الجذري في توجهاتنا الا ان الموقع ليس مسالة شخصية فهو عمل بالكامل موجه لدعم مشاريع التنمية والمناطق المتأثرة بالحروب في السودان والمنبر الحر والمركز الاعلامي هو فقط مكان الالتقاء لكن هنالك عمل ضخم جدا في المستقبل نحتاج فيه لكل من يستطيع ان يقدم فهذا الموقع اضافة الي 12 موقع اخر ستشكل فقط المرحلة الاولي للمشروع ... ومرة أخري لن يحمل الموقع اي طابع شخصي والشرط الحدي الوحيد فيه هو احترام الاخرين واحترام شروط الحوار.وسنحاول تفادي كل المشاكل المعروفة سلفا علي حد علمنا.
مرحبا بك وبكل من يأتي عبرك وشكرا مقدما لهذا المجهود وبهذه المناسبة فنحن نحاول بكل ما نستطيع تقديم الدعوات اكثر للأشخاص الذين يلا يكتبون في اي مكان لسماع اصوات مختلفة ونتمني مقابل كل شخص يكتب في المنابر ان يكون هنالك عشرة لم يكتبوا وذلك حتي نبني ثقافة انترنت سودانية عالية ونشرك اكبر عدد في ماشريعنا التي نعسي اليها.
وشكرا لك
للتسجيل ارسال المعلومات علي البريد:
[email protected]
وسيتم تفعيل جميع الاشتراكات في الايام القادمة
| |
|
|
|
|
|
|
|
|
 Re: افتتاح الشبكة : مرحبا بكم في مشروع السودان للجميع .... (Re: MUNA OBIED)
|
ابو أمنة ..
الف مبروك الحلم الكبير ..
واتمنى أن يتواصل العطاء
العمل جميل جدا والبصمات واللمسات الساحرة واضحة ..
الموقع سيقدم خدمة ضخمة للجميع واتوقع استمرارية النجاح مع كل نقرة دخول للموقع ..
..
.
بالرغم من أن الامور تسير معي بسلحفائية فيما يتعلق بالاشياء المتفق عليها، لكن ما زلت أكثر تفاؤل بكل التصورات وبراك عارف لما الواحد يكون منتظر بيكون تحت راحمة ياتو ظروف ..
..
.
العمل ضخم .. والمجهود جبار
والفكرة من اوله اساس لكل هذا النجاح..
| |
|
|
|
|
|
|
|
|
|
Re: افتتاح الشبكة : مرحبا بكم في مشروع السودان للجميع .... (Re: Gafar Bashir)
|
الأخ جعفر بشير
لك التحية و الأحترام
| Quote: وهو مركز اخبار يشرف عليه عدد من الصحفيين المتخصصين برؤية جديدة وهو اضافة لوسائل العمل الاعلامي يعمل علي ايجاد نافذة لكل الاخوة الصحفيين من اجل حريات أوسع وفرص اكبر للنشر وفي ذات الوقت الوصول الي المعلومة باسرع وقت ممكن حيث بدانا في بناء شبكة من المراسلين حول اقاليم السودان المختلفة. |
نحن الآن أحوج ما نكون الي مجهودات صحفيين و صحفيات في قمة الأحتراف . بلادنا ملأي بكل أنواع المشاكل لكنك لا تقرأ أو تري عملا صحفيا مقدرا وراءه جهد تحقيقي تنقيبي تحليلي بدافع الوصول الي الحقيقة لتمليكها لكل مهتم بالشأن السوداني .
أعتقد أنه من هيكلة مشروع السودان للجميع ما يدعو للتفاؤل .
شكرا لهذا الجهد و الف مبروك .
| |
|
|
|
|
|
|
|
|
|
Re: افتتاح الشبكة : مرحبا بكم في مشروع السودان للجميع .... (Re: Kostawi)
|
العزيز كوستاوي
تحية طيبة
وشكرا علي هذه المبادرة الجميلة منك واتمني من كل الذين يحملون نفس الحلم ان يقوموا بدعم هذا المشروع من اجل اهدافه التي بني عليها.سواء عبر البريد او عبر معارفهم.
من المتوقع ان يبدأ المنبر الحر في الاسبوع القادم وحاليا فترة التسجيل لطالبي العضوية.
ونرحب بالجميع
| |
|
|
|
|
|
|
| |
Agab
nada ali
ابو جهينة
أحمد أمين
معتصم دفع الله
عمر عبد الخالق سعيد
سجيمان
الكيك
Abdulla Ageed
ودقاسم
Khalid Kodi
luai
نصار
د. بشار صقر
tmbis
abuguta
Mohamed Suleiman
Dr Mahdi Mohammed Kheir
Kostawi
Elsadiq
Asskouri
ابوبكر الامين يوسف
Hafiz Bashir
فيس بوك
تويتر
انستقرام
يوتيوب
بنتيريست