|
اساسي العريس
|
بالعديل والزين ووسط شبالات الحسان وزغاريدهن يتم بعد غدٍ الجمعة عقد قران الأخ (( الوجيه )) اساسي .. تمنياتنا له بحياة زوجية سعيدة وبيت مال وعيال مبروك مبروك مبروك مبروك
|
|
|
|
|
|
|
|
Re: اساسي العريس (Re: معتصم الطاهر)
|
يعنـي يا اسـاسـي لو خليتنا نفـك الشـمار دا من زمااااان كان الله بحاسـبك أهو في النهاية ريحتو فاحت
عموماً يا حـبيب الف الف الف مبـروك.. انشاء الله بيت مال وبلتون عـيال الزواج سـبيل الاولين والاخـرين والشـر الـذي لا بـد مـنه ربنا يهنيـكم ويسعدكـم ويبارك لكم في زواجكـم الميمـون بإذن الله تعالـي
التحية والتقديـر للأخ / علـي عثمان على هذه الاخبار الاساسية السارة
| |
|
|
|
|
|
|
Re: اساسي العريس (Re: waleedi399)
|
يا صـندل الليـل المضـاء ..
افـرد جـنـاح الشــوق .. حين تطـل سـيـدة النـساء.. المـجد جـاء .. المجـد جـاء لو زنـدها احتـمـل النـدى .. لكسـوت زنـدك ما تشـاء ثوب من العشـب النـدي وأبرتين من العـبير .. وخــيـط مـــــاء
تبريـكاتنـا وتهانيـنـا الحــارة ..
لعـريـس الموســم "اسـاســي"
| |
|
|
|
|
|
|
Re: اساسي العريس (Re: ali othman)
|
الحبيب الأخ الصديق
الرومانسى الأساسى الدبلوماسى
عريس!! عريس!!
ياللفرح وياللسعد وياللمباركات
لو أستطيع جمع كل الفرح الفى الوجود فى هذه اللحظه لأهديتك أياه أخى أساسى
ربنا يتمم لك على خير ويجعله زواجا ميمونا مباركا ويرزقك المال والبنون
وأن تكون الزوجة رفيقة عمر مديد سعيد يارب
كان بيننا وعد..
مزيد من الحب والمباركات
عزيز خطاب
| |
|
|
|
|
|
|
Re: اساسي العريس (Re: ali othman)
|
شكرا يا علي عثمان..
ألف مبروك يا أساسي.. ربنا يتم بخير..
من ناحيتي ما عندي حسة أغنية عرس جاهزة ولكن لدي هذه الأغنية لشاعرها "السماني" ومغنيها ابن السمانية وهي أنشودة جميلة تصلح هدية فأرجو أن تقبلها مني.. ولك مني أزاهير المحبة..
دمعة على الخد باقية..
والأماني الطيبة.. ياسر
| |
|
|
|
|
|
|
Re: اساسي العريس (Re: حمزاوي)
|
اساسى ناس الجريسى صرفولكم رواتب 10 سنوات لقدام ولا انت عملتها كدا عموما الكلام دا غير صحيح انو اساسى مودع قبيلة العذابة ياخى السنة دة شكلها كلها خير جابت جون قرن وسيدى واخرها عرس اساسى معلول السمبرية فرخت تلاتة معنى كدا الخريف كويس السنة دى عموما انا ما ببارك الى ان يصلنى اتصال منك كيف تخون عهود وتودع العذابة ياجلمود كنت زمان عامل فينا صنديد الليلة بعتنا خلاص مع لمة الزغاريد خليك شديد وانا عليك مش حقود لكن خايف عليك من لمة البنوت وتقوم تجوط.. وتكتب بوسط عريض ما داير عرس الا تجيبو لى منوت وبشاشا يكون فنان يغنى..وكوستاوى شايل الصوط... ودكتور ياسر يغنى ليك يامريود.. عليك الله ياساسى مننا ما تفوت وتمشى للمة البنوت ديل زى شوكة الحوت لو اشعلقت فيك ما يحلك منها الا الموت ولقدام
| |
|
|
|
|
|
|
Re: اساسي العريس (Re: ali othman)
|
أساسي ابن أخي لك الأماني الطيبة ، وربنا يتمم لك على خير ، ويجعلها زيجة مباركة ... والشكر لك على عثمان على نثر الفرح ،،، وأنا قلت أساسي كان طلع من منبرنا ما بيطلع من المنابر التانية ..
| |
|
|
|
|
|
|
Re: اساسي العريس (Re: ali othman)
|
دي طرشة ساي يا علي ..
اساسي شنو البعرس.. الود ده شوف عيني طهور ما مطهر..
ومع ذلك الف مبروك اساسي..الكلام القروش .. الطهور يطير..الاتطهرو عملو شنو؟؟
هسع مثلا انا عملتا شنو ؟؟
طهور بدون قروش ذي الشرا في القندول ..
| |
|
|
|
|
|
|
Re: اساسي العريس (Re: garjah)
|
أبشر بالخير..... شفته دعوات كوستاوي بتعمل شنو?
مبروك ليك و مبروك لأساسية. و قول ليها لو أساسي حاول يعمل فيها مقدده إتصلي بكوستاوية و ح تديك الوصفة.
Congratulation
| |
|
|
|
|
|
|
Re: اساسي العريس (Re: garjah)
|
وكاف وكفكاف وكفي بكفها وكاف كفوف الودق من كفها انهمر..
*** كفكاف جرايد ام حبر يا دابي الجبال ..قلبك صميم من حجر يا دود الوعر
قرجة يا لذيذ
كفة انجليزية وكده لووووووووووووولوز ما تقول كمان لي اساسي عندو جواز بريطاني ومجدد..
| |
|
|
|
|
|
|
Re: اساسي العريس (Re: banadieha)
|
بناديها يا رايق يا مرتاح...
ليك وحشة ودمتا طيب...
قلتا لي رد اساسي؟؟
خلي اللجي هنا وينكر ما اوردناه لو راجل ..
انحنا ياخوي ناس فقهاء عديل
وجاء في الاثر : اذا رايت مثل الشمس فاشهد..
وقد راينا مثل شمس الرياض الصيخود فشهدنا وحق القول ..
نحنا ياخوي ولاد قبايل والبجيناالرياض دي حرم بنكرمو تب ..
| |
|
|
|
|
|
|
Re: اساسي العريس (Re: ابوبكر الامين يوسف)
|
الاخ الكريم أساسى
بارك الله لكما وبارك عليكما وجمع بينكما على خير
الف الف مبروك , هذه العروسه لا بد ان تكون أساسيه ايضا وشديده الظلام والا تكون خزلتنا معاك
ربنا يخليكم لبعض ويجمعكم دنيا واخره
وضعها فى حدقات عيونك
وفى امان الله
لا اله الا الله
| |
|
|
|
|
|
|
Re: اساسي العريس (Re: ali othman)
|
ألف مليون مبروك يا أساسي وربنا يسعدك وأمنياتي القلبية لكم بالسعادة والرضا والأولاد والبنات الصالحين والصالحات
مودتي وإحترامي
| |
|
|
|
|
|
|
Re: اساسي العريس (Re: عبدالماجد فرح يوسف)
|
يا صـندل الليـل المضـاء .. أفـرد جـنـاح الشــوق .. حين تطـل سـيـدة النـساء.. المـجد جـاء .. المجـد جـاء لو زنـدها احتـمـل النـدى .. لكسـوت زنـدك ما تشـاء .. ثوب من العشـب النـدي .. وبرتين من العـبير وخــيـط مـــــاء ..
| |
|
|
|
|
|
|
Re: اساسي العريس (Re: ali othman)
|
الغالي علي عثمان سلام ومبروك لينا كلنا فرحة اساسي وزواجه الميمون نتمنى له حياة سعيدة مع زوجه
الأحباء دكين وقرجة سلام أعملوا حسابكم والله يلم فيكم اساسي دا إلا يوريكم المطهَّر برا بصلة
| |
|
|
|
|
|
|
Re: اساسي العريس (Re: بدرالدين شنا)
|
بدر الدين يا حبوب ..
تعرف كل ما اشوفكاتذكرك انتا وود السني في كوميديا عنتر وعبلة ..
لامن تجي تلف تقول ( اسكريم..اسكريم..اسكريم) بالضمة ..
ياخي انا ما عارفك ليه انتا بالذات سبتا الناس دي؟؟
وحاتك حسارة ..
وسعيد بي وجودك هاهنا في تهنئة هذا العزيز ..
رد الله غربته وجعل بينه وبين غاليته مودة ورحمة..
قميصك بصراحة عرص..
| |
|
|
|
|
|
|
Re: اساسي العريس (Re: DKEEN)
|
مولانا دكين..عقبالك في الأول والتاني..الطهور والعرس.. دا كان رد أساسي ولكنه أحتفظ بالتعليق على "شوفة عيني".
عزيز خطاب مليون سلام وشوق..ومن شوفة الكاميرا ديك وعيك..معقول كانت صدمة بالدرجة دي؟
| |
|
|
|
|
|
|
Re: اساسي العريس (Re: banadieha)
|
Quote: ولكنه أحتفظ بالتعليق على "شوفة عيني" |
الحبيب بناديها : قول ليهو دكين قال احتفظ بيهو في مكان بارد وبعيدا عن متناول الاطفال ..
وبدل النقة خلي اليفتش ليهو طهار ..
بالعدم قول ليهو دكين قال ليك حبابك ..انا البطهرك بس ابقى مارق..
| |
|
|
|
|
|
|
Re: اساسي العريس (Re: ali othman)
|
اساسى عريس مع انى ما مصدق الكلام دا والدليل عدم دخول اساسى للرد حتى الان
لكن الف الف مبورك وبيت مال وعيال
دكين وين ما ظاهر يا مان
اليوم لقاء بورداب السودان يا دكين اى وصيه
| |
|
|
|
|
|
|
Re: اساسي العريس (Re: ali othman)
|
حبيب قلبي دكين مني ليك سلام يا...
Quote: لامن تجي تلف تقول ( اسكريم..اسكريم..اسكريم) بالضمة .. |
تلك أيام خلت يا حليلة وصارت في طي النسيان وها أنت لم يبق معك منها غير ضمة واحدة بينما هما ضمتان
Quote: ياخي انا ما عارفك ليه انتا بالذات سبتا الناس دي؟؟ |
والله دا سؤال صعب بالحيل ولكنها الغربة واللقمة ولابد من العودة بمشيئة الله لك معزتي الخاصة وصدقني قاعد افرح بي ظهورك وأحزن بي غيابك
| |
|
|
|
|
|
|
Re: اساسي العريس (Re: ali othman)
|
قرجة أخوي يكفكفوا يازول الا يلفوا عمة عليك الله يا دكين كفي بكفها الكيف جبنه يا اخوي
اساسي القيافة الفايت الناس مسافة يداك اوكتا وفاك نفخ
| |
|
|
|
|
|
|
Re: اساسي العريس (Re: ali othman)
|
أخي أساسي بارك الله فيكما وجمع بينكما على خير ورزقكم ذرية صالحة عابدة شاكرة وحفكم الله بالحب والطمأنينة والسعادة والهناء
تحياتي فرانكلي
| |
|
|
|
|
|
|
Re: اساسي العريس (Re: Frankly)
|
عصافير الخريف في موسم الشوق الحلو .. أفردت للريح أجنحة الأماني .. التقت شوقاً وموعـدا .. على صدى الأغاني .. وصوت الزغاريد .. ونسمات الفال .. تمنطقت بصدق الأمل والدعاء .. أبحرت في جوف الفضاء بعمق الفرح وبركات السماء .. فهيَّج رحيلها مشاعر الوعود المتوثبة والزمن المرتقب .. ذلك الخريف المتوشِّح لون التلال الحالمة .. النازل من عيون الغيوم العاشقة .. وذلك الفضاء وقد اصطفت طوابيره على بساط الشرف وتكحَّلت سحائبه بدلالها لاستقبال "البلوفر الأطلنطي" .. الأساسي القادم من مدن الشوق .. محملاً بنسيم السواحل وعبق التواريخ المشرقة .. هاهي تيك مواسم الأشواق على ملتقى النيلين قد حان قطافها .. هاهو ذا العيد الملائكي قد تقاطرت ملامحه .. وهاهي ذي تلك التي شربنا صوتها على ندىً لم يفق من الفجر .. والصباح يشق فارسه "الأساسي" صمت المسافة وقد طال بضجيجٍ مبارك النداء .. هذه .. وتلك .. ثم والمراكب التي تحملنا دوماً اليك .. هو .. وهي .. والذين هشَّوا الموج على ساحليك ..
وهم يغنونك .. دقوا مزيكة الحواري .. رقصوا البنوت اعرضوا .. النخل اتاكى غني وردد النيل الأغاني ..
الحواري التي أهدتك خطاها يافعاً وحفظت خطوتك الأولى في جوف الثرى وادخرت صوتك لعرس الخريف والرحيل لمواسم الشوق الحلو .. والنخيل الراقص مع "البنوت" على مزيكة الحواري وهو يردد أغاني النيل .. كلهم .. وما احتمل زندهم من ندى .. الآن في مقدمة ركبك الميمـون .. بالعديل والزين .. والبيضاء تقدموا وتبرا .. و .. ألــــــــــــ مبروك ــــــــــف
والتحية والشكر للأخ على عثمان
Quote: تخريمة : مبروك ليك و مبروك لأساسية. و قول ليها لو أساسي حاول يعمل فيها مقدده إتصلي بكوستاوية و ح تديك الوصفة.
Congratulation |
وتبقى أنت يا كوستاوي جميلاًً .. وأصيلاً .. ونبيلا ..
| |
|
|
|
|
|
|
Re: اساسي العريس (Re: ali othman)
|
معتصم الطاهر عليك الله لوكان متزوج كان اتفرغ ليكم زي ده ؟؟
وليد 399 ياخوي الشكر في شان شنو ؟؟ اخوك شمتان سااااي
عزيز بيني وبينك الزول ده محتاج للدعوات دي حسة
القرضابي يازول السياسة دي مابت كلب ، ماتشوف الكتاحات دي حسة لكن لو اتقابلو شخصيا تعال شوف الشكر في بعض بس التقول جكس بس .
مصطفى وعقبالك يازوق اكان قلت لي معرس برضو مامهم عقبالي انا ادبل .
البرنس الله يبارك فيك ياراقي
نادوس شوفتي من ساجور اساسي كلمة العون ابت نزل في الجملة كلو كلو
عثمان صالح وتمنياتنا ليك بالسعادة
قرشو لا صدق ياخوي وعقبال مانشوف التروبل بتاعك .
ياسر الشريف تسلم ياحبيب ، غونية شنو التنزلها ليهو الزول ده نزل ليهو اماه لاتجزعي
حمزاوي لا المرة دي النمر هجم بالجد .
ابو قوتة ياخ ده حظ الولية الجديدة كسب ليهو عربية من البيبسي .
عمنا ود قاسم الله يخليك ومابقول عقبالك عشان الخالة ماتجيني طايرة
حليمة 2 الله يبارك فيك يااميرة
ملاسي لسان حال اساسي (( اقسمت اني عائد )) .
دكين ياحبيب يازول ها انا شن عرفني بالبتقولو ده لكن مابكضبك فأهل مكة ادرى بشعابها .
خدر بشهادتي ان كانت تقبل لدى محكمتكم الموقرة ذي ماقالت نادوس الله يكون في عونها فأساسي سقط واقفاً .
قرجة الزول كان حنين .
انور احمد والسعادة تباليك انشاء الله اما بخصوص اسم العروس الزول ده قال اسم الحريم عورة عشان كده لابد بيهو براهو .
كوستاوي ماعندك دعوة كده تلحقني بيها ، ياخ الزول فوقه الملائكة حسة داير تلحقو حتى في الخطة المنزلية ؟؟
مهاجر بقت على شحتفة شهور ؟؟ الزول ده مشحتف خلقة بس كان مقضيها صوم ساي .
لؤي الله يخليك ياحبيب بس الزول ده ماكان محسوب مع العذّابة لأنهم كانو عارفنه بائع القضية وفي اول ملف بيمشي نيفاشا .
ترهاقا ويبارك فيك ياشيخنا ، من الناحية دي المستنيرين يطمنو ماخداهو منكم ماخداهو
متوكل ويبارك فيك وتشكرات الاساسيين .
بناديها وهل عهدت في الكذب ؟؟ بس عليك الله ماتنزل رد الرياضيات عشان التهاني تتواصل ياخ ومايقلب طاولة مفاوضات .
دورشيد الله يبارك فيك ياملك .
ود عكير الله يبارك فيك ياسيدي عقبالك ياخ .
نهال وسعادتك ديمة ملازماك .
محمد الشيخ ياحبيب مشتاقين ياخ .
ياسر حنّا اصبرو على رزقكم الزول ده في شهور الانتظار والترقب حينجضكوم نجاض .
ابوبكر الأمين ويبارك فيك ياسيدي .
احمد عثمان عقبالك ياملك .
اختنا بت الأحفاد تأكدي بأنه لم يخذلك ياخ لكن في حدقات العيون دي كدي خليهو راجل ومايختها في حدقات العيون .
سيف الدين عقبالك ياامير
محمد عبدالرحمن الله يخليك ويبارك فيك .
حميدة احرس الصيوان ببرة عشان ناس الشكل مايجو يفرتقو الحفلة .
ناصر واصدق التمنيات ليك برضو
الصادق عليك الله الخبر دا ماشفتو في الجريدة ؟؟ عقبالك ياملك
وليد 500 ماتوصي حريص
بت الحسين عقبالك ياروعة
عبد الماجد تسلم ياسيدي والتمنيات ليك بالسعادة .
كمال عباس الله يبارك فيك
الشريف الله يبارك فيك
الحبيب بدر الدين ربنا يخليك ويبارك فيك ، الجماعة ديل ماتقربهم باقي لي عقدو اتفاقية في الرياض .
تولوس مابرد عليك عشان زعلان منك ياجافي .
عماد بطران وكتير ليك الاماني الطيبة .
ود عقاب يازول صدق والدليل برضو عدم دخول اساسي لأنو حسة هو بيلقط في الكشف .
يازول يازول كلمت اساسي بالعزومة العاملها ليهو وشيل شيلتك لو مانفذتها حتكون موضوع بوستات فترة الترقب .
الصادق خليفة ويبارك فيك ياسيدي .
د/ محمد تشكر على الاماني الطيبة .
ود وراق ياغالي وين ايامك ياخ ؟؟
عمران يازول ظلاميين شنو ؟؟ ديل في الحاجات دي مابهظروا بتلبو سريع جداً .
محمد الأمين يازول العذارى رمن طوبته من بدريييييييي .
فرانكلي الصديق مشتاقين وربنا يديم عليك نعمة الصحة والعافية .
شتات براحة على الزول ده ياخ رسل ليهو الكلام ده ايميل عشان يكب الحنك ويقشر بيهو على الجماعة
| |
|
|
|
|
|
|
Re: اساسي العريس (Re: ali othman)
|
اساسى العريس انا عجبنى ليه سيرته بالخميس انا عجبنى ليه اماته جن انا عجبنى ليه خالاته جن انا عجبنى ليه اخواته جن انا عجبنى ليه جن وزغردن انا عجبنى ليه أيووووووووى النقدة يا بنات!!
ألف مبروك وبالعديل والزين وإن شاء الله حياة زوجية سعيدة تحياتى
| |
|
|
|
|
|
|
Re: اساسي العريس (Re: Elmosley)
|
طوحّتك الزغاريد يا وغد مغشياً عليك مثل درويش امتصته الحضرة عميقاً الى شيمتها.. تلمظتك الدخاخين والخمرة ، توقظ فيك الرغبات المجنونه .. قبل ان تمتصك الرغبات الموغلة في صدأتها وعتتها للداخل ... وترزح هناااااك تحت كومة من بيت الصفيح او ربما سرير من قش تبحث ساعتئذ عمن يمسد وجع جيبك . وتنسى كيف تعيد ترتيب اعضائك ترتيق اوجاعك .. ربما هي اوجاع النبض ، وسيكلوجية البحث عن العصافير التي تشبهك بس وين يا وغد تلاقي البشبهك ؟ وفوق كل هذا وذاااااك .. سيمشط العديل والزين عصافير صدرك دون بوزك اذ قيل دوماً ان بوز المزنوق ليس جديراً بالكفي ومكفي البوز . الله ابدا ما ببوزي تؤكأ على الصبر ، يا بني .. موسق صبرك ، نوّته .. فالصابرات روابح .. رغم كل هذه المحاذير سنزف اليك امنياتنا بالعديل والزين .. واغاني الفرح .. وبيت مال وعيال
| |
|
|
|
|
|
|
Re: اساسي العريس (Re: ali othman)
|
تهانينا
ها انت علي اعتاب عش تأوى اليه مغارب العمر وصحو العشق تملأه الغاليه ضجيجا وبخور...
الف مبروك لك و للغاليه كثيرا... (اكيد امها داعيه ليها)
أسأل الله العلي القدير أن يجمع شملكم ويجعل التوفيق والرشاد حليفكم...
وبارك الله لك وبارك عليك و جعل كل ايامكم عديله و بيضا..
شوق
| |
|
|
|
|
|
|
Re: اساسي العريس (Re: ali othman)
|
الف مبروك ياالاساسي ـ ياخي انت عريس ومقوم شكلاتك لآخر لحظة؟ ـ اها ننتظر اساسي بعد العرس، وان شاء الله كمان بعد الابوة ـ وربنا يسعدك بالخير ـ
| |
|
|
|
|
|
|
Re: اساسي العريس (Re: هشام مدنى)
|
أحبة الندي أصدقاء الحرف ali Othman معتصم الطاهر waleedi399 عزيز ALGARADABI Mustafa Mustafa عبد الحميد البرنس nadus2000 Osman M Salih قرشـــو Yasir Elsharif عبد الحميد البرنس حمزاوي abuguta ودقاسم Halema2 Hussein Mallasi DKEEN خدر garjah Anwar Ahmed Kostawi مهاجر luai ترهاقا mutwakil toum banadieha Shao Dorsheed WadAker نهال كرار mohamed elshiekh Yassir7anna ابوبكر الامين يوسف Ahmed Osman bint_alahfad Saif aldin Hassan محمد عبدالرحمن humida ناصر جامع Elsadiq waleed500 مريم بنت الحسين عبدالماجد فرح يوسف معتصم دفع الله kamalabas elsharief بدرالدين شنا تولوس Emad Batran ود عقاب يازولyazoalيازول الصادق خليفة Dr.Mohammed Ali Elmusharaf إسماعيل وراق عمران حسن صالح حمزاوي محمد الامين احمد Frankly شتات مهيرة نادر Elmosley شرير والبرتقاله سجيمان ShiningStar سمندلاوى Munir هشام مدنى
غيوم عرفان وامتنان يسكبا مطر الحب أمام مقامكم
أبحث فيما اعرفه من مفردات مذ رأيت شجرة كرمكم الباسقة
فينكفئ النظر
والملم حياء تعبيري ولساني حالي أنى لي ...وكيف أجاري وأجازي
هذا الحب الجميل
فقير في الحرف أنا .. يداي عاجزتان عن مد بساط اللغة
لا أملك إلا شكراً أهديه لكم ملء الخافقين
ودعاء لكم بالسداد والخير والتوفيق والحفظ والسعادة
وأن يزيدكم الله نورا و وحبا
انثره على أجنحة ملائكة الخير والحب والجمال..
لكم جميعا أسمى آيات شكري وتقديري
والحمد لله قد تم عقد القران بالأمس في أم درمان الحب والجمال
وستكتمل الأفراح بكم جميعا في عيد الأضحية إن شاء الله
| |
|
|
|
|
|
|
Re: اساسي العريس (Re: tmbis)
|
| |
|
|
|
|
|
|
Re: اساسي العريس (Re: ali othman)
|
العزيز على عثمان
تحياتى ليك وللعزيز السمانى
تعرف أنا والله ما كنت مفتكر الموضوع جد جد وما قايل العنوان حقيقى
وانشاء الله بالسعادة والحياة الطيبة الجميلة
وتعرف يا اساسى لو عملت الهيلامنة فى عيد رمضان بدل الضحية أكيد حنكون معاك فى ناصر
أنا حاكون الوزير "بدون حقيبة" طبعا وحسين الأمين النائب الأول
وانشاء الله كمان العروسة تكون من "إندينا"
ودامت الأفراح
| |
|
|
|
|
|
|
Re: اساسي العريس (Re: ali othman)
|
الف مبروووك والله ياأساسي بالجد فرحنا ليك
مين كان يصدق !!! لووووووووول
اخيرا حنرتاح من كتير لووووووووووووووول
يازول والله الف مبروك وبيت مال وعيال وربنا يحفظكم
بس بالله ما تنوم بالصور بعدين اهم حاجة
دمتم
| |
|
|
|
|
|
|
Re: اساسي العريس (Re: Elnasri Amin)
|
الاحبة بت امدر osman68 هاشم نوريت tmbis lana mahdi خالد العبيد سارة حمزة zico أبوذر بابكر Elawad Eltayeb Hozy Elnasri Amin لكم اسمي ايات شكري وتقديري واتمني ان يجعل ايامكم كلها افراح وسعادة لكم جميعا حبي وتمنياتي الصادقة
| |
|
|
|
|
|
|
Re: اساسي العريس (Re: Anwar Ahmed)
|
صديقي انور
اتدري .. لدي ابن خالتي يكاد يكونك شبها ... كلما طالعت صورتك احسه امامي سبحان الله الما لقي شبهو ربنا قبحو لووووووووووول
في نعمة وعافية وسر (وشوق)
| |
|
|
|
|
|
|
Re: اساسي العريس (Re: اساسي)
|
ايووووووي .... ايووووووي ايويييييييييييييييي (طبعا دي زغرودة صاااااقعة من القلب) الف الف دشلومية مليون مبروك وانشاء بيت مال وعيال، عجبني ليك يا اساسي الاساسي رجعت الحوش ومعاك نصك التاني
| |
|
|
|
|
|
|
|