كتب الكاتب الفاتح جبرا المتوفرة بمعرض الدوحة
|
|
 إنه الضحى بنكهة الأديب عثمان حامد سليمان
|
الليلة أنا مبسوط كيوم وضعت الضريرة فوق نافوخي
دخلت مكتبي صباح اليوم لأجد رسالتين بريديتين وضعتا فوق الطاولة ، أحداهما أعرفها تماما ، ولا أهتم بها لأنها تأتيني كل شهر ، ومعلوماتها دائما متأخرة عن معلوماتي ، وهي كشف حسابي البنكي ... أما الثانية – وهي سبب سعادتي - رسالة انتظرتها زمنا ، وقد صدقت وعدها ، وجاءت إلىّ في وقت حاجتي إليها . كنت أقدّر ما بداخل الظرف ، لأنني – فكما قلت لكم أنني كنت أنتظرها - وفتحت الرسالة في عجل ، وخنقتني عبرة ، وأنا أردد :
أهلا بك صديقي عثمان حامد سليمان ،،، وشكرا لك صديقي عثمان عووضة ،،،
لقد صدقني الأديب القاص عثمان حامد سليمان وعده ، صدق بتواصله معي ، والذي وعدني باستمراريته ، وصدقني حين أرسل إليّ – إهداء - إحدى مجموعاته القصصية والتي حواها كتابه :
مريم عسل الجنوب يليها غناء في العدم
وبرفقه إهداء جميل :
الصديق الأديب الرائع ودقاسم
أدعوك للتعرف على مريم
مع خالص الود والإعزاز
ثم توقيع
والتاريخ 6-7-2005
وتحيات :
تحياتي لأسرتك العزيزة
والحي بلاقي ...
ليتني كنت ( تمبس ) ، كنت صوّرت لكم هذا الجمال بخط يد الأديب الوريف عثمان حامد سليمان ،،،
فيا لسعادتي وأنا أتلقى هذه الهدية وهذا الإهداء ، ويا لسعادة أسرتي وهي تتلقى تحيات من عثمان حامد سليمان ، فتحيات الأديب تحيات متفردة ، ولها نكهتها التي لا تعادلها نكهة ،،،
هذا هو عثمان حامد سليمان ، الأديب الذي تقرأه بلادي ويقرأه القراء العرب ، ورغم كل ما يشغله من عمل ، وغربة ، ورغم كل حاجته للوقت للكتابة وإثراء إبداعاته وتجويدها ،،، يتذكرني ، ويخصص لي وقتا ، ويحفظني في جزء من ذاكرته ، ويتمدد كظل النخلة يمدّ يده ليصافح أسرتي ...
سأطلق الخبر هنا في سودانيزأون لاين ، وسأحدث كثيرين بالهاتف ، وحين ألتقيهم ،،، سأقول لهم أن فرحتي تعدل فرحة غمرتني قبل خمس وعشرين سنة ، حين غطت الضريرة منتصف رأسي ، يحيط بها منديل مزّهر ، يتقدمه هلال اقتنته أمي منذ صباها ، خصيصا لهذا اليوم ...
شكرا عظيما لك صديقي عثمان حامد سليمان ،،،
شكرا عظيما لك صديقي عثمان عووضة ...
والحي بلاقي ...
|
|
 
|
|
|
|
|
|
|
|
Re: إنه الضحى بنكهة الأديب عثمان حامد سليمان (Re: Alia awadelkareem)
|
الأديبة الشاعرة عالية عوض الكريم
وصباحك محبة
شكرا لمشاركتي هذا الفرح الذي منحني إياه القاص عثمان حامد سليمان ،،،
وأبكر آدم إسماعيل أيضا منحنا قبل حوالي سنتين فرحة مشابهة ، حين أذاقني طعم صداقة الأديب عبر المنبر الحر ، حيث تواصلنا عبر الماسينجر وفي المداخلات العادية... وأحتفظ بروايته ( الطريق إلى المدن المستحيلة ) وقد نشرها كاملة على الإنترنت .. ومحسن خالد ، ذلك الولد الذي دنياه ما تزال هاهنا يمدني كل يوم وكل مداخلة بتطويعه للغة ومقدراته الفذة في التزاوج بين عاميتنا وفصحانا ، وحتى عامية الآخرين ... وقد أسماها صديقي أبوذر بابكر ثورة اللغة ،،،
سأستأذن عثمان حامد في تقديم بعض نصوصه إلى قراء وأعضاء المنبر العام ...
مودتي ...
| |
|
|
|
|
|
|
|
|
|
هنيئا لك بمريم عسل الجنوب (Re: ودقاسم)
|
ود قاسم
هنيئا لك بمريم عسل الجنوب و هنيئا لك بتحيات القاص الأديب عثمان حامد.
شخصيا أعتبر نفسي أكثر الناس حظوظا بمعرفته
و الصدفة جعلت بين مكان عملي وعمله شارع واحد بس.
نتبادل الحديث المفيد عبر الهاتف يوميا تقريبا و عندما يسخن الموضوع بقطع الشارع و دقيقة أكون في مكتبه.
فهو شخص تستمع أيما متعة بصحبته و لديه القصص فهو يملكها ملكية خالصة و يسعدك الحظ لو كان فاضي شوية من شغل البنك و بدا الحكى. كثيرا ما أقول له يا عثمان حسع ما دي قصة جاهزة فيضحك و يقول لي : طيب ما تكتبها إنت.
تحياتى لك و للمبدع ذو اللغة الأنيقة و الرفيعة عثمان حامد.
الأخت علياء
يمكنك الحصول على معلومات أفضل حول القاص عثمان حامد في بوست بدري الياس
القاص عثمان حامد سليمان يتحدث لـ(الرأى العام) - "حوار منقول"
| |
|
|
|
|
|
|
|
|
|
Re: هنيئا لك بمريم عسل الجنوب (Re: هشام المجمر)
|
Quote: الأخت علياء
يمكنك الحصول على معلومات أفضل حول القاص عثمان حامد في بوست بدري الياس
القاص عثمان حامد سليمان يتحدث لـ(الرأى العام) - "حوار منقول" |
العزيز ود قاسم
نهارك ود
تعرف انا فارة نت يعني تقريبا بقري كل البتقع عليهوا عيني من كتابات
الشباب ديل
لكن الواحد جنس فرحتك دي بمسكه دفتي الكتاب ما بكون عاوز يفوتها
العزيز هشام المجمر
شكرا ليك للتبيه
لكن انا البوست دا ما فات اضاني
وزي ما قلت لي ود قاسم عاوزه افرح بحضن الكتاب
وسلامي للزول الجميل الاديب عثمان حامد
والوصيه امانه
وبكون جميل لو مديتونا بعنوان دور النشر التشرت ليهم عشان
تعم الفائده ونبطل نتسول المتعه
محبتي
| |
|
|
|
|
|
|
|
|
|
Re: هنيئا لك بمريم عسل الجنوب (Re: Alia awadelkareem)
|
عالية عوض الكريم
هذا مبتدأ الكتاب :
شمس ضامرة أخرى هذا الصباح تستند على قوائم متهالكة .
بيوت المدينة ساكنة في الرماد ، الشوارع مسكونة بالعتمة ، الحواري بالنحيب المتقطع والنسيم غريب الدار ..
وهذا خبره :
في الليلة السابقة استعاد عابر الطريق حكايته البائسة ، اقتنصصوته المجروح جمهرة المتكئين على شباك الساحل الممزقة ، انهمرت أنغام ربابته الباكية بنشيدها الأول .
وبين المبتدأ والخبر :
كل صباح تدخل الشمس من نفس النافذة .
كل صباح يدخل صوت النفير مع ضوء الشمس من النافذة.
كل صباح أخرج من الباب بعد أن أتناول إفطارا جافا .
كل صباح نحصي عدد الجنود فنجد واحدا ناقصا.
كل دي شحتفة ، وبيني وبينك كتاب في اليد ولا ألف كتاب في النت ...
أنا غايتو مسكت نسختي ، وأوجه رسالتي إلى الصديق عثمان حامد طالبا توسيع مظلة النشر والتوزيع ،،
| |
|
|
|
|
|
|
|
|
|
Re: هنيئا لك بمريم عسل الجنوب (Re: هشام المجمر)
|
هشام المجمر
نعم أنت محظوظ للغاية ، وقد هاتفني الأخ عثمان مرتين أو أكثر ، وبالفعل هو رجل ممتع ، وحديثه شيّق ، يشتطيع أن يشدك فتجد نفسك مصغيا لا يقطع إصغاءك إلا أن تجلجل بالضحك ،،، وكما في موقع غسر هذا هنا في هذا المنبر فإن أولادي يخلطون بين تحدثي إلى صديق عمري وديوسف ( د. محمد يوسف أحمد المصطفى ) وبين تحدثي مع عثمان ، ففي كل مرة أتحدث مع عثمان يظنون أنني أتحدث مع وديوسف ، باعتبار انسيابية الحديث ، ومتعته وتحريكه لكوامن الضحك التي تغيب عنا عادة في هذا الزمن الردئ ، فلا يردها إلينا إلا أن نجالس أو نهاتف أشخاصا مثل عثمان ...
أحسدك هشام ،،،
| |
|
|
|
|
|
|
|
|
|
Re: هنيئا لك بمريم عسل الجنوب (Re: ودقاسم)
|
ود قاسم الرجل الجميل والفنّان،...
ياخي إنتو جيلكم دا، مقطِّع الحلاوة دي قطيع،...
أما إنكم مساخيط وفنّانين بصحيح،..
دا تعليم زمان، ما بوري الزول حاجة ما عارفها وبس، أبداً، بخليهو قادر يعرف أي حاجة مادام حيَّاً،..
وأنا ما كنت عارف إنك صديق عثمان عووضة، أما حلاوات بصحيح،..
لأنو العثمانلية ديل، ود حامد سليمان، وود عووضة اتنيناتن أصحابي،..
فما أسعدك بهما،..
حبّيت أقول للجميلة عالية، إنو عثمان حامد دا كاتب راسخ وعريق و-قديييم،..
أوَّل قصة نشرها عثمان حامد سليمان هي (عاجبة) بمجلة (الوجود)، للأستاذ الراحل (بشير الطيب) وهو أحد رواد القصة القصيرة الأوائل، أظنَّه أستاذ بشرى الفاضل، لو غلط ممكن بشرى يصححني، ودا كان في ... بواكير 1970م،..
ثم أصدر مجموعته (رائحة الموت) عن "دار الحوار" -سوريا 1990م
ثم مجموعته (مريم عسل الجنوب) طبعتها الأولى 1995م،.. شرقيات بمصر
طبعة 2 ومزيدة (يليها غناء في العدم) أكتوبر 2002م
ويكتب من وقت لآخر بالصحف الخليجية،..
في السلام والوداعة يا ود قاسم،..
المحبة لك وللصديق عثمان حامد سليمان،...
| |
|
|
|
|
|
|
|
|
|
Re: هنيئا لك بمريم عسل الجنوب (Re: محسن خالد)
|
اجمل حاجة فى المنبر دا انه بدا يتشكل بطريقة تلقائية كل مجموعة تعرف كيف تتواصل ومع من تلتقى ولمن تقرا..
الاخوة المتداخلون الان فى هذا الموضوع او فى حضرة ودقاسم تجمعهم سمات جميلة مشتركة فيما بينهم وهذا واضح فى الاسلوب والفهم والادراك والاطلاع ....
واكاد اجزم ان هذه المجموعة اكثر اهتماما وجدية وانفعالا بما يكتب فى هذا المنبر ..لها حاستها الثقافية العالية ووعيها المستنير فى التقييم ..
فالاستاذ عثمان حامد رجل جاد فى كل شىء ووفى فى وعوده واذا احس ان الواجب يحتم عليه تقديم شكر او ملاحظة فلا يتوانى فى البحث عن سبل الاتصال بك والبحث عن اى وسيلة للوصول اليك ..وهذا ما لمسته منه والمسه كل يوم .. ومثله قليل ..
لتكن هذه المجموعة نواة لتجمع وتنوع عمل ثقافى جاد يعمل من اجل المرحلة المقبلة فى بلادنا ..
| |
|
|
|
|
|
|
|
|
|
Re: هنيئا لك بمريم عسل الجنوب (Re: الكيك)
|
الكيك
| Quote: فالاستاذ عثمان حامد رجل جاد فى كل شىء ووفى فى وعوده واذا احس ان الواجب يحتم عليه تقديم شكر او ملاحظة فلا يتوانى فى البحث عن سبل الاتصال بك والبحث عن اى وسيلة للوصول اليك ..وهذا ما لمسته منه والمسه كل يوم .. ومثله قليل .. |
يا سيدي لك الشكر الجزيل على إكرامك ضيفنا بما يستحقه ، وأعتبر هذه صينية غداء أتيت تحملها على كتفك من بيتك إلى ديواننا حيث الضيف هناك ...
| |
|
|
|
|
|
|
|
|
|
Re: هنيئا لك بمريم عسل الجنوب (Re: محسن خالد)
|
محسن خالد
هذه حكاية يا محسن ،،،
أنا دائما أحاول اكتشاف علاقاتي عبر المنبر ، ومن فترة كده طلعت قريب تماضر وهشام شيخ الدين ،،، وبصراحة أتصيد الجمال ، وأنت صيد ثمين ،،،
فادخل في علاقتي وادخل مودتي ... والواحد كده معناها يقوم يجيكم هناك ياخد ليهو كم بوسة ويرجع ، يديكم العافية ويخليكم لينا منارات أدبية سامقة ، وعليكم الله لو لقيتوا ترسلوا نسخ من ما كتبتكم للصديقة عالية عوض الكريم فلا تترددوا في أن تفعلوا ، فعالية أيضا تنتمي لمجموعة الجمال ..
آآآي شحدة عدييييل كده يا عثمان عووضة ، عندك مانع
| |
|
|
|
|
|
|
|
|
|
Re: هنيئا لك بمريم عسل الجنوب (Re: ودقاسم)
|
يا ابو طلال سلام
ياسيدي مافي مانع لانو
-عثمان حامد رجل كريم
- ولانه عالية تستاهل لانها اديبة مؤدبة
-ولانه انت ما ساهل --طلباتك اوامر و كلامك مابيقع ارض
-ولانه انا طلبت نفس الطلب من عثمان حامد مباشرة ومن بدري
انت العزوبية طارت ليك في راسك ولا شنو
| |
|
|
|
|
|
|
|
|
|
Re: هنيئا لك بمريم عسل الجنوب (Re: عثمان عووضة)
|
Quote: عالية عوض الكريم
هذا مبتدأ الكتاب :
شمس ضامرة أخرى هذا الصباح تستند على قوائم متهالكة .
بيوت المدينة ساكنة في الرماد ، الشوارع مسكونة بالعتمة ، الحواري بالنحيب المتقطع والنسيم غريب الدار ..
وهذا خبره :
في الليلة السابقة استعاد عابر الطريق حكايته البائسة ، اقتنصصوته المجروح جمهرة المتكئين على شباك الساحل الممزقة ، انهمرت أنغام ربابته الباكية بنشيدها الأول .
وبين المبتدأ والخبر :
كل صباح تدخل الشمس من نفس النافذة .
كل صباح يدخل صوت النفير مع ضوء الشمس من النافذة.
كل صباح أخرج من الباب بعد أن أتناول إفطارا جافا .
كل صباح نحصي عدد الجنود فنجد واحدا ناقصا.
|
العزيز ود قاسم
صباحك ود
يعني قلت احسن تقريني علي الريحه ماشي يا سيدي المقبلات لابد منها
Quote: وعليكم الله لو لقيتوا ترسلوا نسخ من ما كتبتم للصديقة عالية عوض الكريم فلا تترددوا في أن تفعلوا ، فعالية أيضا تنتمي لمجموعة الجمال ..
آآآي شحدة عدييييل كده يا عثمان عووضة ، عندك مانع |
ود قاسم طبعا انا خجلانه جدا وانت تحشرني في زمره صناع الجمال
فشكرا مكتنزة ... وعن تسول الكتب دي قصه براها ..زلا ادري ما اقول غير انه ما ممكن
اي زول يعجب بالكتب يقوموا الكتاب بأهدائه نسخه تحديدا في مزود اعلامي بحجم س.اون لاين
يعني بتخيل انه دا رزقهم برضوا وانا كفايه علي يا سيدي بس تدلوني علي عناوين
واضحه لدور النشر او الموزعين للحصول علي النسخ وكل محبتي للاديب الباذخ عثمان حامد
Quote: يا ابو طلال سلام
ياسيدي مافي مانع لانو
-عثمان حامد رجل كريم
- ولانه عالية تستاهل لانها اديبة مؤدبة
|
العزيز عثمان عووضه
صباحك ود
مشكور علي الاطراء
لكن ما قلت لي انت علاقتك بأديبنا شنو ...؟؟
Quote: حبّيت أقول للجميلة عالية، إنو عثمان حامد دا كاتب راسخ وعريق و-قديييم،..
|
سليل الابداع محسن
صباحاتك ندي
شكرا علي النبذه وتعريفي بقامه من قامات الادب ببلادي
والقومه ليكم معا حتي مطلع نهار بوادي اللقاء
محبتي
| |
|
|
|
|
|
|
|
|
|
Re: هنيئا لك بمريم عسل الجنوب (Re: عثمان عووضة)
|
عثمان
هي عزوبية نصاح ؟! والله أخوك لِكّة ، ما بيعرف يسوي الشاي ،،، وزي ما قلت ليك مافي حاجة غير موية الملح ،،،
ياسيدي دي موش تطير في الراس ، دي تطيّر الراس ذاتو ،،، بعدين جنس حر والله المكيفات بقت تجيب سموم ،،،
تعرف الواحد مشتهي ليهو أمسية خرطومية من بتاوع زمان ، وبصحبة إبراهيم سرالختم ،،، أو سهرة فوق راس السفرة بتاعة داخلية بحر العرب ... أو قدلة من مبنى البزينس حتى النشاط مرورا بكلية الآداب عليك الله يا عثمان بتتذكر عمك عبدو وعمك حبيب والرشيد وسبت والطيب محمد عثمان ،،، كدي حاول اتذكر الأسماء دي لاقتك وين ،،، دي حكايات عايزة محسن خالد وعثمان حامد الاثنين يتحكّروا ويمددوا أخيلتهم ويكتبوا...
| |
|
|
|
|
|
|
|
|
|
Re: هنيئا لك بمريم عسل الجنوب (Re: ودقاسم)
|
ابوطلال
انت كدة حتصومني عشرة ايام بلياليها -- مالك علي ياخي جايبني تاني بي كلامك الطاعم دا--
++
ياخوي العزوبية ولا الرفيق الفسل-- انا غايتو بعد بكرة عزابي-- وا حلالي
بعدين انت قايلني عجزت -- ياخي الناس القلتهم ديل يتنسوا كيف الحكاية دي قريب دا --كم وثلاثين سنة يعني
عمك عبدو دا طوالي بذكرني ايام جانوار وسنجام لمن كنتوا تسرقوا البنطون وتمشوا بيهو السينما في مدني--
الرشيد وحبيب ديل علي باليمين ناس السفرة وحنتوب الحلة
وسبت دا مش بتاع العجلة؟؟
الطيب محمد عثمان دا لخبته مع الطيب عبد الجميد بتاع الجغرافيا الشاطر داك
يلا -- تديني كم من عشرة؟؟
| |
|
|
|
|
|
|
|
|
|
Re: هنيئا لك بمريم عسل الجنوب (Re: عثمان عووضة)
|
جِدّو عثمان
إنت القراية بديتها بي حنتوب ؟
صحيح أن الريس بتاع الرفاص في حنتوب اسمو عم عبدو ،،
بس يا أخي التيم بتاع عمك عبدو ، والرشيد ، وعمك حبيب ، والطيب محمد عثمان ، وسبت ،،، ديل ناس 24 القرشي ،،، وكمان نعاهم الطيب عبد الحميد اللي إنت جبت سيرتو ،،، وكنت قد كتبت عنه قبل أيام في بوست أساتذة في ذاكرتي ،،، بشوف ليك الرابط عشان تكتب لينا شوية عنه ...
وعمك عبدو كان الطباخ ، والرشيد كان مساعد أو سفرجي ، وعمك حبيب كان جنايني ، والطيب محمد عثمان كان بيحب وردي ودائما كان بيغني الطير المهاجر ، وهو كان الفراش ، وبيولع الرتائن للمذاكرة ،،، وسمعت قبل فترة بوفاته ،، الله يرحمه ... أما سبت فهو كان يدير البوفيه بتاع المدرسة ...
| |
|
|
|
|
|
|
|
|
|
Re: إنه الضحى بنكهة الأديب عثمان حامد سليمان (Re: هشام المجمر)
|
هشام المجمر
عالية الأيام دي غائبة ... آمل أن ترسل لك عنوانها لتستلم هذه الهدية المعتبرة ، وعالية أهل لها ...عالية ممكن بعد ما تقرأ مريم عسل الجنوب تقوم تقدم لينا نقد أدبي للكتاب ، للغة عثمان حامد ، لطريقة الحكي عنده ، للبناء القصصي ، لتوجهاته الوطنية من خلال كتاباته ،،، وأشياء أخرى يمكن أن تقرأها عالية أكثر مما نقرأها ...
| |
|
|
|
|
|
|
| |
ودقاسم
المعتمد
هشام المجمر
محسن خالد
الكيك
عثمان عووضة
فيس بوك
تويتر
انستقرام
يوتيوب
بنتيريست