ياسر مبيوع يارائع يامبدع يااصيل وينك ووين اراضيك والله نحنا اتلومنا معاك وماسآلنا عليك ، والله واحشنا ياياسر وواحشانا ايامك واغانيك الرائعة الحلوة وكل الناس بروشستر الجميلة مشتاقين ليك وبيسلموا عليك بشدة وبيقولوا ليك انك فعلا واحشهم شديد ، وياريت ترجع لينا البهجة ياياسر وتجئ تتحفنا يوم كده تقضيه في روشيستر معانا وكل الناس مشتاقة لي ياسر الدكتور الفنان المبدع الاصيل وسؤالي ايضا عن العزيز عبدالله فلوت وكيف بالله حاله ؟ سلامي الشديد جدا لشخصه الرائع وكل الحب لكما معا ولكل المبدعين من ابناء وبنات الوطن وبهديك الوردة دي نيابة عني وعن كل الناس الحلوة المشتاقة ليك وبتحبك بروشيستر ودمت ابدا..
ياسر الغالي _ تحياتي مرة اخري والظاهر حنحمص البوست ده انا وانت بس من شدة الشوق والله ياياسر شوق شديد لي طلتك البهية علينا في روشيستر ولم تتآخر يوما عن تلبية نداء اهل روشيستر وكنت دوما حاضرا بنفسك وعودك الجميل وابداعاتك الراقية وصوتك الساحر الجميل ... عاصم بخير والايام دي مشغول في الامتحانات الله يعينه ومحمود عبدالعزيز بخير وشغال ليه في مشروع حفلة للصيف الايام دي وبقي عازف اورغن رهيب وشغال تدريبات شديدة ومكثفة يوميا علي الاورغن ووالله كل ماتجئ سيرتك يقول لي ياسر ترك بصمة حقيقية بروشيستر فياسر كان اول فنان سوداني يغني ويصدح ويبدع ويغرد بمنطقة روشيستر وكم نحن نشتاق له ونفتقده .. وطبعا العملاق يوسف الموصلي ابدع ياياسر في حفلته بروشيستر وبرغم اني ماذهبت لكن لااشك في ابداعه وروعته تلك الليلة ووالله عيني باردة عليكم ياناس آيوا سيتي ماشاءالله كلكم مبدعين وفنانين ونجوم حقيقية تضئ سمائنا في الغربة .. كل الحب ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة