|
Re: الهادي نصر الدين (الضلالي) (Re: zoro)
|
أخى زرو لك ودى لا احد من سكان امدرمان القدامى لا يعرف (الهادى الضلالى) واعتقد ان الأخ / شوقى بدرى ، قد اشار اليه فى كتابه (ليلى ام درمان). الحديث عن الهادى يطول والكل يعرف له اشياء مشتركة واشياء تغيب عن الأخرين. هو من سكان حى ودنوباوى ، أنصارى ، له صلة قربى بالأخ/ حسين خوجلى. له جوانب قد لا يليق المقام بذكرها صريحة ، فيها مما يقال عن الشاعر أو نواس ، لكنه ليس بسوء أبونواس ذاك ، وبعض الناس يعتقد ان الهادى من أولياء الله الذين يظهرون بصور ومظاهر مختلفه ، تجده فى كل حفلة عرس وتجده ومعه المرحوم / أحمد داود فى كل ماتم ، الهادى كان يعرف تقريبا معظم بيوت أم درمان ، قبل ان تصل الثورات الى 75 حارة. أحيانا بعض الناس يحضرون الهادى لكتابة كروت الدعوة للأعراس، فلو قلت فلان فى أبى روف مثلا ، للتو اجابك انه فلان ابن فلان أبن فلان، وأن خاله فلان. يقال والعهده على الراوى أنه كان شيخ حارة لثلاث حارات بامدرمان ولديه كثير من النكات الطريفة عن الساسه الذين كانوا يضحكون لكلامه مهما كان قاسيا ، ويقال انه لم يدخل السجن الا فى عهد الأنقاذ. من نكاته المشهورة وحسب ماهو معروف ان نظام الأنقاذ عندما بدأ كان يسيطر عليه أبناء الأقاليم ولآول مرة لنظام حكم فى السودان. فقيل ان احد المسوؤلين سأله لماذا لا تؤيدنا يا الهادى وتحكى عننا النكات ، فأجابه الهادى (وهو معروف بتعصبه لأمدرمان)زمان حكمنا النميرى عندما يغلط فينا نذهب لبيت اهله فى ودنوباوى فنشكيه لعمه فلان ، ومعه مامون عوض أوزيد اذا غلط فينا نذهب الى ابوه عمك / عوض أبوزيد ، فنشكيه له ، لكن انت لو غلطت ، مافى طريقه الا نشكيك لا الله. للهادى بحر من الطرائف والمواقف التى لا تحصى ولاتعد وهو شخصية جديرة بالدراسة.
| |
|
|
|
|
|
|
Re: الهادي نصر الدين (الضلالي) (Re: zoro)
|
الهادى نصر الدين احد ظرفاء امدرمان وهو رجل لماح سريع النكته وهو من مواليد امدرمان بمنطقة ودنوباوى وتربطه صلة قرابة بحسين خوجلى ما اعرفه عنه قبل سنوات كان يعمل موظفا بمجلس امدرمان (محافظة امدرمان حاليا ) الهادى الضلالى موسعة فى معرفة الناس وخاصة عوائل امدرمان حتى انه فى فترة من السبعينات عين شيخ للحارة الساته بالمهدية(الثورات حاليا) واذكر جيدا كان يقوم بتحصيل العوائد كما كان متبع فى ذالك الزمان الا انها كانت فترة قصيرة اما عن شهامته فهو رجل المهام الصعبة واخ الاخوان تجده فى كل عزاء وفرح لدرجة انو وجود الهادى الضلالى فى الافراح اصبح ضروريا لذاكرته التى تحفظ كل عوائل امدرمان وخاصة بيت المال وابوروف والعمده والمهدية وحى السيد المكى والقلعة والكبجاب والملازمين فكل من اراد ان يدعوا كل الناس الى فرح ما عليه الا تكليف الهادى بكتابة كروت الافراح . اما من نوادره قالوا الهادى مره جاى ماش بميدان فى الملازمين ولقى ليه اولاد بلعبوا الكرة وقبل شال احذيتهم وطبعا بصورة هزار المهم واحد من البتفرجوا قال ليه يا الهادى البتعمل فيه ده شنو قام قال ليه (قلته اشيل الجزم ده اوديها لاولاد ودنباوى اوزعها باسطة) وليه قصة شهيرة مع الفنان ابراهيم عوض وطبعا الهادى مولع بابراهيم وتعود ان يجرى ورى حفلاته ومن ما يجىء الحفل على طول يقوم يطلع المسرح ويبوس ابراهيم عوض اعجابا بفنه المهم ابراهيم عوض يوم قالوا طلع المسرح وابى ما يغنى لمن الجماعه سألوه السبب شنو قال ليهم (مستنى الهادى الضلالى يأخد بوسته ويريحنا ) والهادى الضلالى متزوج وفى زواجه كان الحضور مهيبا فالرجل شهم ومقدام واخو اخوان وحمال تقيله وعبر هذا البوست احييه بالمناسبة فى نفس الحى الذى به الهادى الضلالى ضم ظرفاء امدرمان (المرحوم موسى ودنفاج) تحياتى
| |
|
|
|
|
|
|
Re: الهادي نصر الدين (الضلالي) (Re: بلدى يا حبوب)
|
من الطرائف عن الهادى ، قالوا ان المرحوم لاعب المريخ سينا وهو ظريف وصاحب نكته مثله عندما تزوج الهادى ، وكان حدثا كتبت عنه الصحف أن ركنا مهما من أركان العزوبيه تهدم بام درمان. قالوا أن سينا قال له يا الهادى بيع لى كشف العزومه بتاعك.
نواصل
| |
|
|
|
|
|
|
Re: الهادي نصر الدين (الضلالي) (Re: zoro)
|
فى مرة يا زورو أحتج عليه أبناء احد احياء ام درمان عن لماذا يتواجد الهادى) كثيرا (بحى الملازمين) ولا ياتيهم الا قليلا فرد عليهم بسرعة وطريقتو فى(تقطيع) الكلام مثل (التأته) :- - أجيكم كيف وناس الملازمين غنمهم بتقطع الشارع من الخط الأبيض. (يقصد مكان عبور المشاه).
| |
|
|
|
|
|
|
Re: الهادي نصر الدين (الضلالي) (Re: zoro)
|
طلما ذكرنا ظرفاء امدرمان بحكى ليكم طرفه سمعتها للرجل النكته موسى ودنفاج قالوا موسى ودنفاج زمن السيد على الميرغنى والامام عبدالرحمن المهدى جنن اهله وطبعاهم انصار.اهلوا فى زيارة للسيد عبدالرحمن المهدى بيته حكوا ليه عن شقاوة موسى ودنفاج وطلبوا منه يتكلم معاه كان يتهدى المهم السيد عبدالرحمن المهدى اتكلم مع موسى ودنفاج وبعد ما تم كلاموه قال للسيدعبدالرحمن تعرف يا سبدنااهلى ديل مستهبلين بمشوا لجنية السيد على ياخدوا الفاتحه منه ويجوك فى النهاية يعنى ممكن اقول ليك اهلى ديل شغالين بحكاية (الفاتحةعند ابوعلوه والحساب عند ابو عبده )وما كان من السيد عبدالرحمن المهدى الا ان ضحك.
| |
|
|
|
|
|
|
Re: الهادي نصر الدين (الضلالي) (Re: خالد الحاج)
|
زورو لك التحايا الهادى الضلالى متفق عليه راجل حبوب حاضر البديهة سريع النكتة وقام بادوار اجتماعية تظهر امثلتها فى ما كتبه الاستاذ شوقى بدرى
لكن يبدو انو الاخ خالد الحاج ذود الموضوع حبتين
البفهموا عن الهادى بحب يشاغل اى زول وجيه او وسيم او زوقوا راقى من اولاد امدرمان , حتى امام زويهم وحسب علمى كتير من اولاد امدرمان بحاولو يدخلو معاه فى مشاغلات بغرض الخروج منه بكلمة او قفشة ومشاغلتو غالبا ما تحمل شكل الدعابة البريئة
اما موضوع الطين الداير يخوض فيه اخونا خالد دة يمكن يقود الى الوحل ويغير موضوع البوست التحية
| |
|
|
|
|
|
|
Re: الهادي نصر الدين (الضلالي) (Re: Ahmed Osman)
|
أخوى خالد الهادى معروف مش بتاع (طين) ، هو بحب (الطين) ، وبين هذا وذاك فرق كبير ، لذلك البعض يعتقد أنه من الآولياء ، والغريب انه تزوج ,ذريته كلها من البنات. لا يطيق الناس القبيخة وأن كان البعض فرض عليهو أن يصادقهم غصبا عن أنفه، دائما ما يرتدى جلابية (دمور) ودائما ما يركب خ 11 (رجليه) (كلب حر). كان فى أم درمان فريق كورة مشهور بأنه لأعبيه جميعهم شباب قيافه ووسيمين ، ليس فيهم من قبيح فسماه (فريق السينما). طرايفو كثيرة جدا ، لكن بعضها يحتاج الى (دبلجه).
| |
|
|
|
|
|
|
Re: الهادي نصر الدين (الضلالي) (Re: خالد الحاج)
|
اخي خالد الحاج والله ما شفنا حاجه لكن الهادي كان بفضل صحبة الناس الشكلهم جميل ، و ابراهيم عوض و عبداللطيف ودالحاوي يحبون الهادي و يحترمونه . اخونا حسن العبد كان باك رايت للمريخ و كان كثير الاصطدام بصديق منزول و قد تحدث مشاحنات و مهاترات . و لكن بعد تكوين الفريق القومي و بعد هزيمة الفريق النمساوي و بعد اصابه رائعه من صديق منزو ل لم يتمالك حسن العبد نفسه و جري و قبل صديق منزول الذي قال له ( دي فرصه ما كنته حتلقاها ) . و لك التحيه شوقي
| |
|
|
|
|
|
|
Re: الهادي نصر الدين (الضلالي) (Re: Ahmed Osman)
|
الهادى الضلالى من الشخصيات الأمدرمانيه النادره. كنا حين نلتقيه يزيل عنا هموم الزمن الذي لا يرحم. اذكرعند ما كنا نلعب في روابط حى الملازمين و السيد المكى وحينها كان مصطفى النقر لاعبا فى تيمنا. كان دائما ينصحه بعدم اللعب معنا خوفا عليه من عدوة الجدرى حتى و لو فى الملازمين. عندى سؤال صغير . هل شاهد احدكم الهادي بدون عمامة أو لابس منطال ؟
| |
|
|
|
|
|
|
Re: الهادي نصر الدين (الضلالي) (Re: خالد الحاج)
|
أخى خالد نحنا فاهمنك وما عاوزين نفقدك المتعة بهذا البوست لكن معروف عنه أنه بحب الجمال ليس اكثر من ذلك ، ولولا ذلك لما حباه كل اهل ام درمان.
فى مرة وجد (الهادى) ، أحدهم وهو شاب وسيم لا يعرف من هو الهادى ولم يسمع به من قبل ، والهادى معروف بأنه لديه تلميحات ذى (مطاعنة) النساء، المسالة لم ترق لذلك الشاب ، فصمت غاضبا ، وفى نفس الوقت صمت الهادى عن الحديث. فقال له أحدهم يا الهادى مالك سكت ، فرد عليه (متمتا) :- أتكلم كيف والكهرباء قاطعة ؟؟ فذهب ذلك الشاب نحو حجر كبير ، وجرى خلفه الأخرون وأمسكوا منه الحجر وأفهموه أنه الزول ده كلامو فى خشمو.
| |
|
|
|
|
|
|
Re: الهادي نصر الدين (الضلالي) (Re: خالد الحاج)
|
الاخ خالد الحاج يا اخى والله فاهمك صاح جدا بل فى بعض الاحيان بكون من المفيد التطرق لكل شئ عند التوثيق
وبينى وبينك كدى مافى داعى للازهر دة لانو فتاويه اصبحت مثار جدل
واديك النكتة دى هدية
يحكى انو الهادى الضلالى لاقى ليه واحد سنة (بكسر السين) ناعمة كدة
وحلف عليه على شاى المغرب وحبة ونسة
اعتذر الشاب مبتسمابحجة عدم معرفته لموقع بيت ناس الهادى وكدة, ولكن امام الحاح الهادى وتفكير الشاب فى الزوغة اتفقا على ان يلتقيا فى مكان وزمان حدده الشاب بالطبع وكان المكان هو مدرسة امدرمان الاهلية حيث قضى الهادى اطول ساعات للانتظار ورجع يبرطم دون ضيفه
وعندما التقيا مصادفة كان الشاب جاهز الاعتذار حيث اقنع الهادى ان المكان المقصود كان امدرمان الاهلية العليا وليست العامة حيث انتظر الهادى ذلك المساء
المهم يا حبيب تكررت المحاولات من الهادى وتكررت الاعتذارات من صاحبنا وفى اخر محاولة ظفر الهادى بحق تحديد المكان الذى تكرر اللبس فيه
ودار الحوار التالى سأل الهادى الشاب عن معرفته بدار الرياضة فرد الشاب بالايجاب وعن البوابة الرئيسية فأكد ايضا معرفته بها وقال الهادى للشاب : طيب اكيد تكون شفت السبورة البكتبو فيها الاحرار ضد التحرير , .او الوطن ضد الفكى هاشم
و رد الشاب بالايجاب عندها قال الهادى للشاب: خلاص شفت ضد دى بس اقيف لى تحتا
| |
|
|
|
|
|
|
Re: الهادي نصر الدين (الضلالي) (Re: zoro)
|
مع احترامى لكل من شارك فى هذا البوست وعلى راسهم الاستاذ شوقى بدرى ولكن لماذا الدفاع عن الهادى الضلالى وماذا تعنون بانه يحب الجمال والوسامة اذا كانت عندالذكور فهو شاذ جنسيا او بتاع طين كماقال خالد الحاج وانتهاء مواقفه بطرفة يجب ان لاينسينا انه لا اخلاقى ويجرح بتعليقاته ومواقفة ثقافة السودانيين السوية هو صورة خادشة للفطرة البشريه وكسؤءه هذا فانه عنصري اصاب بتعليقاته ومقارناته وتلميحاته ابناء المناطق المهمشة لاختلاف المعايير الجماليه فزود ثقافة العنصرية بمقولات وتعليقات مسيئة نعم هو فى كل بيت بكاء او عرس هذا لاينفى وصفي له وكذلك وبدرجةاقل كان شعراء الحقيبة يصفون جسد المراه ثم يسبحون للخالق الذي خلقها فى نفس القصيدة
| |
|
|
|
|
|
|
Re: الهادي نصر الدين (الضلالي) (Re: zumrawi)
|
أخى زمراوى معاك حق والعتبى حتى ترضى
لكن نحنا فى أمدرمان نطرى حبانا.
صدقنى أم درمان هذه فيه حكم ومواقف تحتاج الى بحر مجلدات
وأمثال الهادى هذا (كلمه) منه تمثل نقد لا يستطيع أن يأتلى بمثله لو
أذا كتبنا 100 سنه فى هذا البورد.
أعطيك كثال لمجتمع أم درمان ياأخى :-
هناك شخص شبه (مخبول) أسمه طلقه دائما ما يكون موجودا بالمحطة الوسطى بأم درمان والكل يناديه (طلقه .. طلقه ..) ، فيجرى وراء هذا، وخلف ذاك ، وفى مرة ضرب أحدهم وشج رأسه حتى سالت دماءه، فأخذوه للبوليس وتم تحويله للمحكه ، وهنا ساله القاضى لماذا ضربت الرجل يا طلقة وشجيت راسه
فقال (طلقه) للقاضى قيل ان أجيبك (طلبتك بى الله يا حضرة القاضى تقول) لا الههههههههه الا اللللللللللللله ، محمد يارسوالللللللله بصورة (ممطوطه) فقال له القاضى ( لا اله الا الله محمد رسول الله)
فطلب منه (طلقه) أن يقولها مرة أخرى وعلى نفس ذلك النحو ففعل القاضى ، وعندما طلب منه (طلقه) ذلك المر عالى نفس ذلك النحو ، نهره القاضى قائلا ، ماتقول لماذا ضربت الرجل.
فقال (طلقه) ، يا مولاى أسم الجلاله وحبيبو محمد ، غلبك ان تصبر لنطقه 3 مرات ، فكيف بى أنا والكل ينادينى الف مرة فى اليوم (طلقه ..طلقه)، فقال له القاضى أطلع برائة يا ملعون.
فمن هو المحامى الذى يستطيع فعل ذلك مهما تعلم وحصل من خبرة أنها جامعة أمنا(أم درمان) ، بس مش الأهليه (بتاعت) الحناكيش.
| |
|
|
|
|
|
|
Re: الهادي نصر الدين (الضلالي) (Re: تاج السر حسن)
|
الأخ خالد الحاج والأخ زمراوى
لكم عاطر التحايا
بما أننى أمدرمانى أود أن أشهد شهادةً لله .
أولاً إن ستاذنا الفاضل شوقى بدرى والذى كتب الكثير عن أمدرمان وعن
أهلهاو أعتبره من أكثر الناس دراية بهم ،قد برأه من تلك التهمة وأنا
كذلك بحكم معرفتى اللصيقة بالهادى نصر الدين أقولها صراحةً ( حاشا لله
لم نسمع أو نشهد له ذلك قط ) فهى لا تعدو أن تكون بعض الملاطفات التى
يقولها متعمداً لإطفا جو من المرح يضحك به السامعين و ما شهدنا عليه
من سؤ .
ولكم خالص تقديرى و ودى
| |
|
|
|
|
|
|
Re: الهادي نصر الدين (الضلالي) (Re: zoro)
|
الاخ زمراى الهادى نصرالدين يمثل ثقافة امدرمان بكل عيوبها و حسناتها ,فهى المدينه التى استمتعت بكل عيوبه من عنصريه و شذوذ كما تدعى . فبدلا من ذم الرجل كان الاحرى بك ان تذم كل المدينه لانها تبنت ثقافته.
وبما ان امدرمان هى قلب السودان النابض و هى عنصريه فى نظرك كان اجدر بك ان تفتح بوست مخصوص لمناقشه هذا الموضوع الخطير. اما اذا كنت لا تعرف الرجل اصلا و تحكم عليه بما تقرا و تسمع عنه فاننى اطلب منك ان تتريث قبل ان ترمى الاتهامات يمينا و شمالا ودمتم النصرى امين النصرى
| |
|
|
|
|
|
|
Re: الهادي نصر الدين (الضلالي) (Re: Elnasri Amin)
|
الغزيز زمراوي لك التحيه من العاده افرح عندما اشاهد صورتك او اجد ردودك و هذا الشعور كذلك ينتابني عندما اري صورة الاخ الابن الشريف . في كتاب الحنق ركزت علي شيئين ، الشذوذ الجنسي الذي يعم كل السودان الشمالي و الشيوفينيه الاثنيكيه . انا لم ادافع عن الهادي الضلالي و لكن قلت انني ابدا لم اره مصحوبا باحد الغلمان ككل زعمائنا و لاعبي كرة القدم و الملاكمين . الذين كنا نشاهدهم في الحفلات و القعدات و معهم غلمانهم . و لم اسمع بان الهادي كان يمارس هذه العمليه مع زيد او عبيد . بعد حفله في بيت دوقو علي خور ابو عنجه لم يستطع صديقي الملاكم و العجلاتي عبدالرحمن كيكس علي السير فحملته اغلب المشوار . و كنت اعرف انه يسكن مع اهله عند الصهريج ابروف و لكن طلب مني ان اخذه الي منزله خلف السينما الوطنيه . و اكتشفت انه متزوج من شاب اسمه حسن و يسكن وسط العاهرات في غرفه صغيره . عندما ذكرت في هذا المنبر انه كان لعمي القاضي احمد بدري منزل في نمره اتنين يقصده رجال دولة عبود و يرقص فيه الغلمان . غضب الاغراب قبل الاهل . عندي بوست جاهز عن الشذوذ الجنسي في السودان سننزله قريبا . و لكن من الصعب ادانة الاخرين و هذه الممارسه كانت و لا تزال عاديه و العكس هو الغريب . كان هنالك اخ اكبر منا يعمل في مكتب حزب الامه بالقرب من سينما امدرمان الحاليه . كان يتباهي و يحكي مغامراته في الشذوذ الجنسي ، خاصه مع شاب وسيم كان يلعب للهلال و صار ضابطا للبوليس . و في يوم واجهه الشاب ليكتشف الناس انه لا يعرفه . و اوسعه ضربا . شقيق المدعي كان يقول ( اخوي مسكين ، بس مهووس بالكلام و هو ما عندو اي نشاط بالشكل ده ) . عندما سأل ناس ودنوباوي( حلة الهادي) الهادي لماذا لا يتواجد في ودنوباوي مثلما يتواجد في الملازمين ، قال لهم ( ناس حي الملازمين راقيين ، غنمهم بقطعوا شارع الزلط محل خطوط المشاه ) . شوقي
| |
|
|
|
|
|
|
Re: الهادي نصر الدين (الضلالي) (Re: zoro)
|
العزيز النصرى اثمن قولك ان الهادى يمثل شخصية ام درمان بعيوبها وحسناتها وقد اشدت بمعرفته للناس ولكن مالاارضى به هو الاحتفاء به قد يكون الكلام يخرج منه بحسن نيه ولكن ماذا نقول فى ترصده لابراهيم عوض واين موقع النساء اللواتى كن يشاهدن تلك المطاردة.... كيف يكون طبيعيا وهو يلح على شاب بمقابلته لوسامته وحتى ان كان ذلك لايختم بفعل جنسي فان مايسمى بحبه للجمال معاكسة للفطرة البشريه عزيزى النصرى الشخصيات الام درمانية عرفت بعيوبها وحسناتها وتم الاحتفاء بالحسنات.... الاستاذ الاريب شوقى بدرى قرات اطرائك صباحا فتاكدت ان يومى سيكون سعيدا اتمنى ان اكون دائما عند حسن ظنك واشكرك جدا واتمنى ان ننهل دوما من معرفتك وفى انتظار كتابتك عن الشذوذ الجنسي فى السودان
| |
|
|
|
|
|
|
Re: الهادي نصر الدين (الضلالي) (Re: zumrawi)
|
الأخ / زمراوى لك الود لا أحد أخى يحتفى به أو بشخصية مثل شخصية (المرحوم/ عوض دكام)، لكنها حقائق وواقع موجود بكل مافيه من سلبيات وطرفه. وكما ذكرت لك ان كلمة نقد من لسان شخص كالهادى الضلالى لا يستطيعها أمهر النقاد والصحفيين. أنه واقع موجود بكل جوانبه وطرائفه وحكمه ، واظنك تعلم ان كثير من المجتمعات العربية فى السابق ، وبعد فترة الخلفاء الراشدين فيها الكثير من الأنماط التى تشبه شخصية الهادى وغيرهم، المساله فيها نوع من التوثيق لمدينة أم درمان، ومكابر من يذكر هذه المدينه دون ان تكون شخصية الهادى احدى معالمها الجديرة بالحوار والوقوف عندها. وهى شخصية جديرة بالتناول لأن التعامل معها يعكس جانب من شخصية الفرد السودانى ومزاجه، فأنا على ثقة تامة أن شخصية اخرى ، تمارس نفس العمل يمكن ان تكون مكروهة وغير مرغوب فيها، لكن الهادى محبوب ومقبول من الكثيرين ن وهنا فى هذا البورد ،هناك مواضيع لو كتبها بعض الناس ، لوجدت تأئيدا وسندا، لكن لو كتب نفس المواضيع شخص آخر، لهوجم و قيل فيه ما لم يقله مالك فى الخمر. هذا هو المزاج السودانى ، والأم درمانى بصفة خاصة.
| |
|
|
|
|
|
|
Re: الهادي نصر الدين (الضلالي) (Re: zoro)
|
الهادي نصر الدين أو الهادي الضلالي كما يحلو لأهل ام درمان بمنادته هذا الرجل علم على رأسه نارو
وليد من أبناء حي العمدة لابد ويجب ان يكون يعرف الهادي الضلالي
| |
|
|
|
|
|
|
Re: الهادي نصر الدين (الضلالي) (Re: zoro)
|
الأخ الفاضل النصري أمين والعم العزيز والأديب اللبيب الأستاذ شوقي بدري حقا أنت مني بموقع الوالد والعم وبين أسرتينا أخوةصادقة ووشائج قل أن يجود بها الزمان أرخي أساسها رجال رضعوا لبن وطنية هذا الحيوان العجيب السودان ومازال يحير العلماء والفلاسفة بغضه وغضيضه ولأقرب لك المسافة وأنا متأكد سوف تعرفني من أسمي فأنا أخو قاسم بدري قبل أن أقول لك أنني حفيد الدرديري محمد عثمان رحمه الله يعني من قراقير المورده هل كنت مخطئا حينما قلت اك أنك بمكان الوالد عندي أستمتعت وأحرص في صمت الرهبان قراءة مقالاتك وذلك التوثيق البهي الذي تتحفنا به في هذا الزمن الردئ لكن هذا البست أستهواني أكثر نسبة للشخصية المكتوب عنها فقررت أن أدلي بدلوي معكم علني أشارك في صنع بسمة في نهاية هذا البوست تريحنا من حنين غربة وشوق للوطن وأهله الطيبين وجعاته ماشافن مساء الهادي مره جوهو أصحابه يسوقو لحفلة غنا ودقو الباب وقالو يلا أطلع بسرع نحنا ماشين حفله قال ليهم وين الحفله دي قالو ليه في المورده قال ليهم الحفله بمنو؟ قالو ليه الحفله بفرقة جاز قال ليهم لاحول جاز وفي المورده دي ما حريقه جاهزه لالالاأنا ماماش وكان مشيتو ما بترجعو سالمين هههها
الثانيه حادثة طريفة تربطني به شخصيا أن دلت علي شئ أنما تدل علي طيب وحسن معشره وحلو لسانه وسرعة بديهيته حصلت كالآتي خلال الديمقراطية الثانية كان جدي الدرديري الله يرحمه يسعي مع قادة الأحزاب أزهري والأمام الهادي وشيخ الضرير ومفتي السودان عوض الله صالح في عمل مسودة لدستور أسلامي كان حديث الصحف والمجتمع في ذلك الوقت وقتها في نفس الأيام كان زواج مصطفي عمر صالح سوار الدهب وهو أبن بنت أخته للدرديري والحفله كانت بأبراهيم عوض فنان الهادي المفضل والحفله كانت جايطه هجيج ورقيص شديد بنات السواراب كلهم خاصة بنات بابكر النور رحمه الله والدرديري خال لهو حينما دخلت الحفله أذ بالهادي يصرخ من فرط النشوة والرقيص مخاطبا شخصي الضعيف وكان خلف أبراهيم عوض يصفق ويرقص قائلا لي من خلف مكرفون أبراهيم عوض يا ود بت الدرديري يادكتور متوكل قلت ليه اه مالك ياالهادي عايز تقول شنو؟ قال لي جننتونا دستور أسلامي بالصباح ودستور يااسيادي بالليل أجتمعوا بس قرروا دايرين ياتو ونحنا بنباريكم عشان ما يجلدنا في الصباح ذي ما جلد الأنجليزي الكل عبر المكرفون سمع هذا التعليق لدرجة أنو أبراهيم عوض من الضحك غلبو يغني كل الناس كانت بتضحك
وفي الصباح حينما حكيت لجدي الواقعة ضحك كما لم أره قط وهو رجل كما تعرفه عصي الدمع والضحكة معلقا بنات الكلب عصايتي دي الا أكسرها فيهم يوم الجمعه الل يصبرن لي الهادي رجل حلو له دراية بمعرفة الناس وقدر الناس ولعمري بمثله ويمثلك ياأستاذ شوقي بدري كان وطني جميلا لك حبي وتقديري ولأستاذ النصري أمين كل الأجلال لنشاركه هذاالرجل الجميل زمراوي ياخوي ليك وحشه أشواقي حين تسعي اليكم تشتاق أخوكم د. متوكل محمود متوكل
| |
|
|
|
|
|
|
Re: الهادي نصر الدين (الضلالي) (Re: zoro)
|
من طرائفه أيضآ حينما لزم الهادي الضلالي سرير المرض وكان طريح الفراش في مستشفى النيل الازرق بأمدرمان .. فجاء لزيارته الصحفي كمال حسن بخيت بصاحبه رجل الاعمال صلاح أدريس .. وكان الهادي لم يشاهد صلاح أدريس من قبل ولكنه سمع أخباره فقط وحينما رأى كمال حسن بخيت مقبلا عليه لتحيته أن بادره الهادي ياها الفيك محرية ياكمال .. لكن وين أمير المؤنين الداسنو من الناس دا .. فضحك كمال وفهم قصده وقال ليهو .. اها يالهادي جبتو ليك ..لي عندك..
| |
|
|
|
|
|
|
Re: الهادي نصر الدين (الضلالي) (Re: zoro)
|
من طرائفه أيضآ حينما لزم الهادي الضلالي سرير المرض وكان طريح الفراش في مستشفى النيل الازرق بأمدرمان .. فجاء لزيارته الصحفي كمال حسن بخيت بصاحبه رجل الاعمال صلاح أدريس .. وكان الهادي لم يشاهد صلاح أدريس من قبل ولكنه سمع أخباره فقط وحينما رأى كمال حسن بخيت مقبلا عليه لتحيته أن بادره الهادي ياها الفيك محرية ياكمال .. لكن وين أمير المؤنين الداسنو من الناس دا .. فضحك كمال وفهم قصده وقال ليهو .. اها يالهادي جبتو ليك ..لي عندك..
| |
|
|
|
|
|
|
Re: الهادي نصر الدين (الضلالي) (Re: zoro)
|
الحديث عن الهادي هو الحديث عن مدينة باكلها,ولك الشكر ود بدري فيما سردت وما ستسرده,اما الحديث عن نقاءص الهادي فهذه اشياء غير وارده وانما تطلق من باب الدعابه ,واتمنى ان تكون لي عوده من طرائفه مع البشير ان قال له سمعنا بان الثورة تاكل بنيها ولكن لاول مرة نسمع بان الثورة تاكل ابائها كناية عن انقلاب البشير على الترابي
| |
|
|
|
|
|
|
Re: الهادي نصر الدين (الضلالي) (Re: ابو مهند)
|
أخي زمراوي مالك يا عزيزي تنجرف وسط حملات التشهير التي لا معنى لها؟ نسيت سؤالك عن هذا الأمر عندما قابلتك عصر اليوم ولا بأس من السؤال هنا: ما الفائدة من قلب الموضوع لطعن في أخلاق الرجل بلا دليل واضح؟ وحتى لو جئتني بالدليل ما الداعي أصلا لتداول الأمر بهذه الطريقة الغريبة؟ ثمّ هل تعتقد يا عزيزي أنّ محتوى هذا البوست يصلح للنشر في صحيفة سودانية؟! تحياتي أحمد الريّـح
| |
|
|
|
|
|
|
|