(راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟

(راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟
هذا الموضوع قد يبدو بسيطا تافها ويتعلق بالمجال الكروى الذى لا يهتم به الكثيرون لكنه يلمس أهم قضايا ومشاكل الوطن ( قول الحق وكتمانه والأنحياذيه الساذجة والمزاجية الفطيرة ، فارجو أن تصبروا عليه حتى النهايه وأن تتناولوه كقضية عامة وحسب ما يراه ضميركم وقناعاتكم). الأخت / روايه: أبدأ بالقوارير أحتراما وتقديرا لهن مكررا قول الشاعر الفذ نزار قبانى( هم كالأطفال نحبهم مهما لنا أساءوا) , واضيف ببيت خاطب به شاعر الحقيبه محبوبته (غضبك جميل ذى بسمتك .. على كل حال طبعك جميل) ، وهى أنثى جميلة الوجه كما الآحظ من صورتها ولابد أن قلبها كذلك ( فالوجة مرآة القلوب)، تداخلت فى نزاعى الغير فكرى مع المدعو / شيبا (أورد مداخلتها أدناه)، اطرح عليها سؤالا برئيا ، نعم أعلم ياسيدتى أن المدعو / شيبا عضو قديم بهذا البورد وهو ينزل دائما أغنيات الراحل /مصطفى سيداحمد ، فهل هناك شئ آخر ؟؟ وهل ذاك الأمر يعطيه الحق فى أن يسئ ويشتم ويستفذ الأخرين( أوردنا شتائمه أدناه كذلك) ، ثم يظهر كالحمل الوديع ويفترى الكذب على من أساء اليهم ، بأنهم من بدأوا تلك الشتائم والأستفذاذات، أسألها مرة أخرى هل المدعو،( شيبه) ممن شهدوا بدرا وقيل لهم ( أخطئوا فأنى غافر لكم) ؟؟ متى نتعلم أن نفرق بين أن فلان يعجبنا لأنه ينزل اغانى (مصطفى سيداحمد) أو لأنه يتوافق معنا فكريا أو لأنه عضو قديم فى البورد، لكنه مخطئ فى هذا التصرف والا فالأنقاذ لا محالة ذاهبة ، لكن القادم أسوأ! الأخ/ راكوبه:- بعد أن أخترت العقل فلا داعى أن أصفك بالمحاور الغير نزيه أو بعدم الأمانة ، وهذه االقضية لا تعنينى كشخص أسمه (تاج السر) ، لكنها تهم كل باحث عن الحق والحقيقة ، فقد التزمت بقالب جامد ,اصريت على عدم أدلائك باى راى فى قضية كنت أحد أطرافها الحقيقيين وبعد أن قدمنا لك كل الأدلة وحددنا الشخص الذى بدأ الشتائم ، وللأسف الشديد فاخلاق الفرسان الذين احترمهم تتمثل فى صدق الرجل حتى لو أخطأ وأصر على خطأه ، ان يعترف بأنه من بدأ السباب والشتم ويرفض الأنكسار والأعتذار فذلك رجل احترمه ، لكن أن يكذب الرجل ويتهرب عن شئ فعله فذاك ما يجعلنى أندم على مداخلتى المهذبه معك عند بداية الحوار حول(الهلال والمريخ) ، خصوصا بعد أن تدخل الجنس اللطيف فى أنحياذ بلا وعى او ادراك ، فنحن لم نتعود اساءة النساء مهما اخطأوا فى حقنا ، ونتشرف بلقب (أخو البنات) تقديرا للمرأة. أعددت الرد أدناه ، لكنى وجدت هذه المقدمه ضرورية بمكان ، بعد أضطلاعى على ردك واصبحت أنت كاتم لكلمة الحق، وأنت جالس فى مكان ثقب المركب وتحسب نفسك من الناجين! كان من الممكن أن تبين الحق ولو عليك ثم توقف الحوار، أن تقول نعم أنا (مريخابى) ,أساند المدعو/ شيبه ، لكن بدأت ألأساءة من قبل فلان ، وواصل فيه المدعو / شيبه ، الذى وصفنا (بالفئران) وتستكثر علينا الجميله (راويه) ألأشارة اليه (بالمدعو). لكن أن تدس السم داخل العسل وتحاول أن تظهرنا كمن بدأ بالأستفزاز والشتائم ، فالله يسألك عن هذا وأنت تعلم نوع المقالات التى أنزلتها قبل ان يبدأ من تحاول حمايتهم بكلماتك الملتويه عن الحق والعدل ، أما ذاك المدعو شيبه( فكاذب) وكفى وهى أسوأ خصال الرجال . والأنقاذ سوف تذهب لكن القادم لا محالة أسوأ. واهنئكم جميعا فقد نجحتم فى ايقاف فرحنا بهزيمتكم، وجرنا لمواضيع أنصرافية، لم يكن هدفكم منها الوصول (للحق) ونجحتم فى أضاعة وقتنا عن المساهمه فيما يفيد هذا الوطن، وما تميل اليه النفس من طرح مواضيع فنية ورياضية وأجتماعية تنأى عن الشتائم والسوقيه ، التى نعرف لها حينما نجد المحاور مستعملا لأسلحتها، قى صلف وغرور. ومن المؤكد سوف نفقد الكثير بعدم محاورتكم لنا. ألأخ راكوبه:- أريد أن الخص مادار فى هذا البوست حتى أتفرغ لقضايا أكثر اهمية فأنا بطبعى لا أحب الجدال البيزنطى الذى لا يؤدى الى نتائج. و حتى لا تظهر كذلك بمظهر الحملان الوديعة أنت ومن تدافع عنهم أرجو أن أوضح الأتى:- أنا صاحب الأسم الواضح تاج السر لا أحبذ ألأسلوب الأنطباعي والحكم الساذج على الأمور و تميل نفسى الى المعادله الحسابية البسيطه ( 1 + 1 = 2). لذلك كما قلت لك سجلت رايا واضحا فى المشكلة التى دارت قبل فترة فى هذا البورد بين كل من ألأخت / سارة ، ورجاء والأخ / خالد ، وقد خالف رأى كثير من المتداخلين بل أفردت (بوست) عنوانه الضمير الغائب والحياديه ........ يا سيدى لقد بدأت مفالاتى الرياضية برأى صريح حول لماذا اختارت الفيفا فريق الهلال السودانى فريق القرن بالسودان دعمته بالحجج والبراهين حسب قناعاتى وثقافتى ومعلوماتى الكرويه. تداخل الكثيرون من أنصار فريق المريخ ومنهم سيادتكم ، طرحتم أسئله أجبنا عليها وطرحنا أسئله لم يجب عليها أحد منكم وانما اتجه معظم المتداخلين الى أساليب أستفذاذيه صبرنا عليها ( كموضوع البقر ، والتنابذ بالألقاب). ثم تطرقنا الى مباريتى الهلال والأهلى المصرى ، وحللنا وأوضحنا الطريقة التى يمكن أن يتجاوز بها فريق الهلال فريق الأهلى وكذلك تعرضنا للأستفذاذ ، بل وصل الحد ان كتب احدكم ( اتمنى فوز الأهلى حتى تعود الأمور الى نصابها) وذاك شخص سودانى له مكان فى هذا البورد الوطن ّ!!! وله معجبون ، مثل المدعو / شيبا. كان المتداخلون ( راكوبه ، اساسى ، حمزاوى ، كيغا، شيبا) أرد علي أستفذاذتهم منفردا، لذلك كثيرا ما أختلطت على تلك الألقاب المتشابهة . وفى أحدى تلك المداخلات ذكر ، الأخ / كيغا ، عبارة وصف بها أهل الهلال ، وأنا منهم ( أن يطلع كل قرد لشدرو)، فماذا كنت تريد منى أن افعل ؟؟ هل أذهب وأبوس ( خده الأيمن ثم الأيسر كذلك)؟؟ ثم أستيقظ من نومه المدعو / شيبا ، ووجدنا قد أجبنا على مداخلة من الأخ / حمزاوى ، بعبارة (كيغا) ،عشان اطلع (كل قرد لشدرو). (واختلط الأمر على بين حمزاوى وكيغا) فقد أتى بها كيغا ورددنا بها على مداخلة (لحمزاوى)، وقد أعتذرنا للأخ / حمزاوى بعد أن تاكدنا من صاحب المداخله ، وهذا لا يبرر الأساءة التى جاء بها المدعو / شيبه ( فئران) ،بل طلب من أمين الموقع (بكرى) برشنا (بالمبيد)، دعك من عنوان مقاله ( أقلام صدئه متسلقه) ولا أدرى فمن يعنى بكلماته تلك ، وهل معنا كتاب من( صحفيى الزمن الضائع) ؟؟ نحن يا سيدى خرجنا من السودان فى عام 89 فمن نتسلق؟؟أرجو أن تحيل هذا السؤأل للأخ/ مزمل ابو القاسم ، فهو صحفى معروف ويعلم أكثر منا فقد ظهر خلال فترة خروجنا من السودان. وواصل المدعو شيبه أستفزازه ، الذى لو كان بقربى لا يستطيعه فهو لا يعرف اى نوع من الرجال يخاطب،(العبارة المهذبه نرد عليها بعبارة مهذبه والأستفذاذ باستفذاذ مثله وقلة الأدب بقلة أدب مثلها بل أسوأ). وفى عدم أمانة لا يحتاج الى دليل وصفنا ( بالفئران التى كانت مختبئه) !! وبالمنطق من يختبئ المنتصر أم المهزوم ؟؟ يعنى سوء ادب وعدم امانة وكذب. والان يا سيدى تريد أن تكيل لنا النصائح والوعظ ، أبدا بمن بدأ ذلك حتى تكن عادلا ومنصفا وامينا ، فلكل منا سلوكه فى الحياة ، انا لا أبدأ الشتائم والسب واذا أخطأت أعتذر فورا فى شجاعة الفرسان ولا أقبل التعامل مع أى شخص لا يعتذر عن خطأه وبوضوح ، ولا احب المجاملة في أشياء لا تقبل ان يجامل فيها، وكلام مثل (مشى ، ويأأخى الموضوع بسيط) فى قاموسى الأشياء البسيطه مثل الكبيره ، والحق يعلو ولا يعلى عليه . وأخيرا أنت لا تصلح للحكم فى ما جرى فانت جزء أساسى منه سعيت للأنتصار على ما طرحنا من رؤى باسلوب غير عقلانى أو حضارى، أطرح عليك وعلى غيرك الأسئلة فتذهب نحو أشياء أنصرافية ، وألان بدأت تمثل دور الحمل الوديع المنضبط بادب الحوار والعقلانية والاخلاق. نحن يا سيدى أبناء أم درمان التى ليس فيها ( شايقى او دنقلاوى ، أو جعلى ، أو خلاف ذلك) لا عصبية نعرفها بل جنس أسمه (أبناء أم درمان) منذ زمن بعيد نتحاور قبل مباراة الهلال والمريخ ونتجادل ، وعندما تنتهى المباراة يذهب المهزوم وبدون نقاش ، وطولة لسان ، يقول لصاحبه مبروك فى شجاعة الفرسان ويترك له الفرصه كى يفرح ويطرب ، لا أن يخرج من مخبئه فيتهم الناس بالباطل بانهم كانوا مختبئين بل يزيد عليها بأنهم فئران ، ثم يجد من هو مثلك يغطى عليه ويدعمه ، ثم يدعى أن الطرف المعتدى عليه هو من أعتدى ، و يكتم قول الحق. ختاما:- كان هذا البورد من بعد يمثل لى أملا وحلما لما نتمناه من سودان جديد ، لكنى أكتشفت فى فترة وجيزه هناك مجموعة رجالا ونساء تحمى بعضها البعض ويجامل بعضها البعض بالحق أو بالباطل ، لذلك (لا يغير الله ما بقوم حتى يغيروا ما بأنفسهم) ، فلو ذهبت الأنقاذ سوف يأتى من هم أخطر من الأنقاذ ،هم من عينة الذين يدافعون ويحمون بعضهم البعض بالحق والباطل ، الآن فى المجال الأدبى والفكرى ، وغدا فى مجال الصفقات المالية والتسهيلات، واذا كان هذا هو الحال فعلى السودان الف سلام. خاطرة أخيره:- لقد حذرنى البعض مشفقين موضحين لى أن( شيبا) هذا يهتم بأغنيات الراحل مصطفى سيداحمد ، وينال تاييد الشيوعيين الذين بتعصبون له ويدافعون عنه ، وأحمد الله فانا لست شيوعيا أو أتحادى أو حزب أمه ، أنا سودانى وكفى وشعارى السودان أولا، واطرب لأغنبات المرحوم / مصطفى سيداحمد بلا حد ، بل أن أفضل ماكتب له من أغانى كانت على أيدى اصدقاء أعزاء لى، هم (محمد عبدالله شمو) و (ازهرى محمد على) و (عبدالقادر الكتيابى) وليس من بينهم شيوعىواحد. وأنا أم درمانى عمرى 48 سنه ، جاء جدى محاربا مع الأمام المهدى لأخراج الأستعمار ، وأستشهد أخوه بجبال كررى وأنا هلالابى بيتنا يجاور أستاد الهلال ، وعمى هو من أسس فريق حى العرب ، بشهادة الفنان/ أبراهيم عوض، وقد أنبثق من فريق حى العرب (تيم عباس) الذى أنبثق منه (لهلال) ومنه أنفصل (الهلالاب الزعلانين) ومنهم المرحوم / أبو العائله وسموا فريقهم بالمريخ ، لذلك فمن يشجع المريخ ، بمكن ان يكون سودانى وأم درمانى لكنه ليس اصيلا. ولى أن افتخر بكل ذلك، فمن قبل افتخر (محمد بن عبدالله) وقال (أنا أفصح الناس بيد أنى من قريش). فمن اراد أن يقف معى ومع الحق والعدل فمرحبا به ومن اراد ان يقف مع الباطل ويسانده جهرا ام سرا ام بحيادية تناى به عن الشبك فنحن لها( سودانيين ام درمانيين أصلاء وهلالاب). _____________________________________________________________________________________________ (1) مداخلة الجميله (راويه):- (لاارى اى سبب او علاقه تستوجب ذكر رجاء او خالد) ملحوظه خرى نعرف شيبا وحمزاوى وهما ليسو (مدعوان) وانما اعضاء بورد لهما بصماتهما احيلك لمكتبه مصطفى سيد احمد -------------------------------------------------------------------------------- راوية ابسط من حركاتك دي DKEEN جورج -- دى كفك ولا غيمه _____________________________________________________________________________________ (2) أساءة وشتيمة المدعو /شيبا، بعد عودته من (مخبئه) (حتى ان كل المارين بامدرمان وقتها ظنوا ان الحكومة قد وقعت اتفاق السلام مع حركة التمرد فخرجت تلك الجاهير بهذا الفرح الطاغى ولكن ..اذا عرف السبب بطل العجب " فالسيد ابو الهل " حقق انجازا كبيرا بانتصاره على المريخ ..وهو انجاز عالمى بحق وما يزال تاجو و .... والبقية الباقية من الفئران التى خرجت فجاة من جحورها بعد خسارة المارد المريخى بالامس يهذون من اثر الانتصار ).. ...................................................................................... (3) ثم اساءة اخرى من المدعو / شيبا (كما تعلن ادارة البورد نيابة عن العزيز بكرى ابوبكر عن حاجته الماسة الى ادوية ومبيدات قوارض بعض ان ظهرت الى سطح الارض اعداد كبيرة من الفئران التى كانت مختبئة فى جحورها لاعوام كما يسرها تعلن عن جائزة قيمة لكل من يقبض على فار " حيا او ميتا " او من يعيد فارا الى جحره يرجى الاتصال بادارة البورد). وشكرا ____________________________________________________________________________________ (4) وقبلها وهى البداية من الأخ / كيغا:- (كان كلوا قرد طلع شجرتو لكن زي ماقلت دي سياسة ناس المريخ حنينين وانتظرو الراجمات القادمة والهلال هو اخر فريق ينهزم من فريق صاعد يادوووب للمتاز عندي امل اعود في موسم الامطار) _____________________________________________________________________________________ ** فهل بعد هذا نلام لو قلنا ما قلنا أيها الحسناء الجميله التى تسر الناظرين (روايه) ؟؟ الأجابه متروكه لضميرك وضمير البورد. (عدل بواسطة تاج السر حسن on 05-07-2004, 05:18 PM) (عدل بواسطة تاج السر حسن on 05-07-2004, 05:20 PM) (عدل بواسطة تاج السر حسن on 05-07-2004, 06:29 PM) (عدل بواسطة تاج السر حسن on 05-07-2004, 06:58 PM)

05-07-2004, 05:50 PM

Ahmed Alrayah

تاريخ التسجيل: 07-21-2002
مجموع المشاركات: 6684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
أخي التاج أوّل حاجة أنا هلالابي زيّك وانت عارف، لا أودّ التعقيب على أصل الموضوع فأنا أعلم صعوبة إيجاد حلّ لمشكلة بين عضوين في منبرنا هذا والتجارب كثيرة! كما أنّي اؤكد أن الجميع أخطاوا ولا يهمّ كثيرا من البادئ طالما وصل النقاش لهذا المستوى بين الجميع. ولكن يا عزيزي -وأرجو ألا تهمني بالانحياز-، لم تعجبني النبرة الغريبة التي تصدّرت مقالكم أعلاه والخاصة بالأخت راوية، لعلك تعلم أنّي لست من أنصار بعض ما تكتب هي بل إن طرف سوطها قد مسّني غير مرّة، وحتّى لا أتركك للتنقيب عمّا أودّ انتقاده فيما كتبت فما لو يعجبني هو ايراد صفات مثل (الجميلة) و (الحسناء الجميله التى تسر الناظرين)، أرجو سحب هذه العبارات التي لا معنى لها ولا تخدم غرض هذا البوست، هذا فضلا عن كونها تمسّ إحدى الأخوات وأنت قد وصفت نفسك بمحترم النساء ومقدّرهنّ، ولك يا عزيزي مطلق الحرية في فعل ما تراه مناسبا. مع فائق احترامي. أحمد الريّـح

05-07-2004, 06:10 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: Ahmed Alrayah)
أخى أحمد لك الود والأحترام ياعزيزى أنا أتابع ما تكتب واعرف انك هلالابى ولك بعض الميل الى جهة سياسية ، وقد نتفق أو نختلف فى أحترام، يا سيدى ما يحزننى حقا أنك حتى الآن تواصل ما لا أحبه من أراء فجه ، فقد أوردت الدليل وأريد رأئا واضحا من المخطئ ؟؟ (بدل أنت وشيبه) ، هذا ليس عدلا ، أن كنت ترى أنى مخطئ فقولها دوغرى ، وذاك أهم مما تناولت. أما موضوع الأخت / راويه التى أحترمها رغم عدم المعرفة ، لكن ليس بالضرورة أن اتفق معك ، يا سيدى انا شاعرأو كما يقول المدعو / شيبا، ( متشاعر) لا تفرق معى ، صدقنى وقبل أن تتداخل الأخت / راويه ، افرح كثيرا عندما ارى صورتها متداخلة فى احدى البوستات ، فهى جميلة ولاشك ، وليس فى ذلك عيب، الا بفهمنا السودانى المتخلف القديم ، أنا اقول( للأعور أعور فى عينو) ، فهى جميله وذاك حق رغم أنها تداخلت بصورة لم تعجبنى ، وكنت أنتظر منها ان تقول أن شيبه هذا ، عضو قديم ، وينزل اغاتى مصطفى سيدأحمد التى نحبها ، لكنه أخطأ فى وصفه للهلالاب ، بالفئران بل كذب وادعى ، أنهم مختبئين والشى الطبيعى ، أن يختبأ المهزوم. أخى أحمد أتمنى أن ارى منك رأئا واضحا ، أبيض أم اسود فى الموضوع الأساسى ، ولا برضك تخاف مثلما قيل لى من الشيوعيين ، رغم ميولك الأخرى ,التى لا تتفق مع ميولى لكنى احترم خيارك. (عدل بواسطة تاج السر حسن on 05-07-2004, 06:51 PM)

05-07-2004, 06:25 PM

Ahmed Alrayah

تاريخ التسجيل: 07-21-2002
مجموع المشاركات: 6684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
أخي التاج شكرا للاهتمام، ويا سيّدي أنا لا أخشى أحدا، بل إنّي أكتب ما يمليه عليّ ضميري، قرأت هذا البوست بتمعّن ولم أجد فيه ما يختلف عمّا قبله، أما رأيي فقد قلته بوضوح: إن الجميع أخطأوا ولا يهمّ كثيرا من البادئ طالما وصل النقاش لهذا المستوى بين الجميع، وبالمناسبة كتبت أنا في بوست (القضية) الذي كتبته أنت ما يلي: (لا داعي للمداخلات التي من شأنها توسيع الشقة بين المختلفين، لن أملّ ترديد أنّ المشاركات المنحازة هي سبب معظم المشاكل هنا) وكنت أعني راوية نفسها التي انحازت لشيبة بوصفه عضوا قديما له مساهماته الفاعلة رغم أنّ هذا لا يعفيه من الوم إذا أخطأ وقد أخطأ. وعلى أيّة حال رأيي لم يتغيّر وكنت أتمنّى أن تسحب العبارات التي ذكرتها ولكن أتت رياح ردّك بما لا تشتهي سفينتي. وبالمناسبة كفّارة درون حيّ العرب! أحمد الريّـح

05-07-2004, 06:47 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: Ahmed Alrayah)
أخى احمد الريح ن صدقينى هذا هو حال السودان الذى يؤلم لقد اوردت كل الأدلة التى توضح ما وجه الينا من شتيمه وانت معنا ماذا كنت تتوقع منى عندم يبدا احدهم ويوقول لك ( يا قرد اطلع شدرك) ؟؟ أو(اين كنت مختيئ يا فأر)؟؟ أو ( يا بكرى رش الفئران بالمبيد)؟؟ هذا الكلام أوردته بالدليل ، ولا زلت تخفى رائك؟؟ تخيل أنك دخلت البورد وجدت شخص يسئ لشخص مثل عمك تنقو الذى يورد الغناء الجميل، فى شفافية راقية ، لو وجدت شصا يسئ اليه ، فرد على ذلك الشخص ، هل يلام ؟؟ أخى احمد صدقنى الله يسألكم عن كتمان الحق ،فمالكم كيف تحكمون؟؟

05-07-2004, 07:15 PM

Rawia

Rawia
تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
اسفه (عدل بواسطة Rawia on 05-07-2004, 08:33 PM) (عدل بواسطة Rawia on 05-07-2004, 09:14 PM) (عدل بواسطة Rawia on 05-07-2004, 09:15 PM)

05-07-2004, 07:31 PM

Ahmed Alrayah

تاريخ التسجيل: 07-21-2002
مجموع المشاركات: 6684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: Rawia)
تعرف يا تاج السر... ردّي عليك أكسبك ردّا مؤيدا من أحد الذين بسببهم كتبت هذا البوست... ما أسهل بيع المبادئ ! أحمد الريّـح

05-07-2004, 07:34 PM

Ahmed Alrayah

تاريخ التسجيل: 07-21-2002
مجموع المشاركات: 6684

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: Ahmed Alrayah)
اعتذر يا التاج عن تحويل البوست لمنحى آخر، وأرفع قلمي عنه حتى يعود لما من أجله كُتب. أحمد الريّـح

05-07-2004, 07:48 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: Ahmed Alrayah)
أخى أحمد الريح لك ودى يأخى أنا( دنقلاوى) جددى رحمه الله عندما مات لم يكن يحسن اللغة العربية يذكر المؤنث ، أو يؤنث المذكر ، لكن مصيبتى انى عامل شاعر او (متشاعر) لكنى لا افهم الكلام الا دوغرى ومباشرة ، ويجذبنى للنساء عيونهن ، فهى اول ما يراه النظر ، لذلك أرجو ان تفصح عما تريد والله لم افهم حتى ارد امكن رجعت لأصلى وما كان عليه جدى.

05-07-2004, 07:38 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: Rawia)
الأخت راويه لك الأحترام، بداية اقول يا خسارة كلما توقعت منك شئيا اتيتى بعكسه ، توقعت طالما أنك لم تراجعى ما جرى فى تلك البوستات ، وطالماأنك لا تهتمين بالكرة ، وطالما أوردت من ادله واضحة وضوح الشمس. أن تعتذرى عن أنحياذ واضج انه بلا مبرر. أن تقولى مجرد انك وجدتى اسم اختك فأتخذت موقفا ضد من كتب الموضوع فذاك امر خطير يستاهل النقاش ، فهل تقفين مع اختك حتى لو كانت مخطئه؟؟ علما بأنى لم أخطئها فى ذاك الموضوع ، ليس مجاملة ولكن بالحق والعدل؟؟ هل تعلمى أن قوانين العمل لا تسمج بعمل شقيقين فى مكان واحد لهذه الأسباب؟ لقد ضربت المثل فى موضوع (أختك ,سارة) بوقوف الكثيرين على الحياد فى أرائهم رغم اننا جميعا نتعاطى مع بعضنا البعض من خلال ( مخفى) ، فماذا لو كنا نتعامل مباشرة. وهل هذا هو السودان الذى نحلم به ، ونسعى لتغيير الأنقاذين بالسيف والكلمه لنحل محلهم ونفعل أسوأ منهم ؟؟ أخيرا سيدتى ، فطالما انت (أنثى) وانا ضعيف اما النساء ، وفى النساء أمرأة جميلة ولا شك، سوف احل عنك فقط اذكرك انت من تتداخلتى فى (البوست) السابق وأكراما لمقامك أفردنا لك بوست بحاله. (عدل بواسطة تاج السر حسن on 05-07-2004, 07:42 PM)

05-07-2004, 08:14 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
وصلتنى للتو معلومه من احد الأخوان ، والعهده عليه أن المدعو/ شيبه ، لديه صلاحيات واسعة فى هذا البورد بحكم انه يشرف على مكتبة الراحل/ مصطفى سيداحمد ، وانه يمكن بتلك الصلاحية ، أن يوقف مشاركاتى ، فى هذا البورد ، اقول بداية لقد ادركت سبب احجام الكثيرين من الادلاء براى وأضح رغم انهم يرسلون لى ما يؤيد موقفى ، واعذرهم فلكل شخص وجهة نظره فى الطريقة التى يسير به حياته. لكننى لن أخشى ولا يهمنى ان اواصل او اتوقف فى هذا البورد المهم تصل كلمتى التى اؤمن بها وحتى آخر لجظه، لكننى أشير الى تهديد على ذلك النحو ، فى احدى مداخلات المدعو / شيبأ ، هذا يمكن أن ترجعوا له فى مقاله. واطالب بسحب هذه الصلاحية منه ، فهو عضو غير آمين ، يكذب ويختلق الأكاذيب ، ويرمى بها الآخرين ، فكيف تعطى له مثل تلك الصلاحية ، أن وجدت فعلا لديه صلاحية. ولا اعتقد ان مكتبة الأستاذ الراحل / مصطفى سيداحمد ، رغم تقديرنا اليه تعلو فوق جسم الوطن ، أن كان هذا المنبر وطنا، ولا أعتقد ان مثل مصطفى سيداحمد ، يتشرف بأن يشرف على مكتبته مثل المدعو / شيبه. (عدل بواسطة تاج السر حسن on 05-07-2004, 08:16 PM) (عدل بواسطة تاج السر حسن on 05-07-2004, 08:18 PM) (عدل بواسطة تاج السر حسن on 05-07-2004, 08:22 PM)

05-07-2004, 08:14 PM

Rawia

Rawia
تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
اسفه (عدل بواسطة Rawia on 05-07-2004, 08:33 PM)

05-07-2004, 08:27 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: Rawia)
الأخت راويه ، مع كل أحترامى لشخصك لكنى اشعر بان مداخلاتك فى هذا الموضوع غير جادة ، وهخو موضوع جادة ، يمكن احيانا ان نفتح بوستا للنكات أو الشعر ، وقد اجد لك العذر ، بحسب المعلومات التى وصلتنى قبل قليل. وأنزلتها للتو هنا فى هذا البوست ، فيمكن مراجعتها أن شئتى.

05-07-2004, 11:27 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: Rawia)
العزبزة راويه ، بقدرما أمتلؤ غضبا عندما أشعر بأستفذاذى أو الأساءة لى أو استحقار أحد غيرى ، بغير ما يتعبنى (أعتذار) شخص عظيم ، خصوصا حينما تكون امراة ، قلا عليك والعظماء هم/ن ، الذين يعرفون كلمة الأعتذار ومتى تقال، وفعلا (الرجوله) قيمة وليس عضلات ، فما قمت به عجز عنه لسان الرجال. لك تقديرى وأحترامى ، يا بنت الأصول. (عدل بواسطة تاج السر حسن on 05-07-2004, 11:32 PM)

05-08-2004, 00:07 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
00

05-08-2004, 07:30 AM

sheba

sheba
تاريخ التسجيل: 12-15-2002
مجموع المشاركات: 1874

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
تجتوج المكابر القالانو شاعر ..اسمح لى ان اصطحب كتاباتك الرائعة معى فى هذا البوست لانك وبكل ما تحمل هذه الكلمة من معنى زول راقى والناس هم البلغطو عليك تجتوج المكابر القال انو شاعر .. كمان بقيت تخاف .. جابت ليها رجفة ؟؟ انت مرعوب مالك ؟؟ احب اطمئنك انو حق التسجيل وايقاف الاعضاء والادارة فى البورد هى من خصوصيات الاخ العزيز بكرى ابوبكر فقط ... وهذا الامر معروف عشان كدة ما تخاف وخت فى بطنك بطيخة صيفى .. وبعدين انت مش قت بكرى جابنى مجاملة فى البورد ..اثبت على كلامك دة وخلى الباقى على ربنا وبدا " تجتوج المكابر القال انو شاعر " يعيط " زى مابقولوا اخوانا المصريين .. والله مسكين .. وحالتو تحنن ..وتصعب على الكافر ..محتاج من يربت على كتفه وداير زول يطبطب عليهو .. عشان الزول ده ما يزعل يا اخوانا .. نطبطب عليه وناخدو فى حضنا .. جاملوهو بى كلمة.. كلمتين .. وخلونا نقول ليهو " شيبا " دة اصلو مما دخل المنبر الحر دة من يجى كدة سنة ونص فى 15/ 12 /2002 اصلو جنو مشاكل .. ودى ما اول مرة يشاكل زول ...قبل كدة زعل وخلى المنبر وحرد .. لامن جا راجع بعد تحانيس وبعدين هو اصلو مما جا المنبر الحر دة فاتح لينا البورد مناحة .. شابكنا مصطفى سيد احمد لامن كرهنا ليهو والغريبة انو ما كان بيكتب فى اى حاجة ولا مواضيع غير مصطفى الله يرحمو .. ولمن كترت مواضيعو البيعملها عن مصطفى وعملت زحمة فى البورد بكرى ابوبكر زاتو زهج منو ومن كلامو الما عندو فايدة دة .. وشال مواضيعو دى وختاها فى صفحة براها سماها مكتبة الراحل مصطفى سيد احمد يعنى بكرى اصلو زهجان منو شديد وداير بس سبب عشان يطردو من المنبر .. عشان كدة نحنا نجمع التوقيعات ونعمل بوست ونطالب بفصل العضو " شيبا" زى البوستات الاتعملت قبل كدة وكدة نكون ارتحنا منو ويا دار ما دخلك شر والعجيبة الليلة اول مرة نعرف انو بيعرف كورة وكمان مريخابى على السكين ..والله خسارة " مريخابى ؟؟ّ !! هو زول بحب مصطفى سيد احمد زاتو المفروض يكون هلالابى الخلاهو يشجع المريخ شنو ؟؟ تجتوج ..اظنك ما شفت صفحة الراحل مصطفى سيد احمد اكثر من 300 موضوع بمداخلاتها تحتوى على جوانب توثيقية هامة غير الاغانى ...واظن ان الاغانى تعتبر توثيق ايضا ولا شنو يا حبيب ؟؟ فنى اغانى ؟؟ وكمان حكايتك شنو كلما نزنقك فى بوست والدائرة تضيق عليك نقتح بوست جديد ..والله جننت الباندوث جن هو اصلو ما ناقص ..

05-08-2004, 08:22 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: sheba)
أنت يا( مركز القوه) شيبه الذى تخيف الآخرين( بأغنيات مصطفى سيداحمد الرقيقه) !!! لكنك لن تخيفنى ، فأنت لا تعرف مع من تتحدث. أنت من بدأت الشتائم بعد أن خرجت من (مخبئك) وقد اثبتنا هذا على هذا البورد ونحن فى شجاعة الفرسان نعترف باننا واصلنا لأنك من النوع الذى لا ينفع معه ا الآ هذا الأسلوب(فلكل حصان) طريقة لترويضه، ,اعلن أسفى للحصان ( لتشبيهه) بك فقط كنت أريد منك لو كانت لديك شجاعة أن تعلن ذلك مثلى وتقول نعم انا من بدأت الشتائم وتحقير الاخرين ، فلماذا تخاف وانت (مركز قوى) ولديك سلطه على (البورد) كما قيل ن ويهابك الناس يا ( سامى شرف) ، لماذا تخاف وانت من يتحكم فى مكتبة / مصطفى سيداحمد ،التى بدونك وبدونها سوف يكون السودان خراب. لماذا تخاف وكما قلت يمكن( بهبشة الماوس) أن تبعدنى عن هذا البورد ؟؟ لكنى سوف أظل اكشف الحقائق (مهذب مع المهذبين) كما ترى فى هذا (البوست)، لم تتبدل لغة المخاطبة فيه الا بعد دخولك (النتن). ولا زلت أخجل من كذبك وتزييفك للحقائق ، فى وقت أعتذرت فيه (النساء) عن هفوة بسيطه فهل بعد هذا يجب ان يكون لك وجود فى هذا البورد ، دعك من ان تكن لك سلطه أو حتى اشراف على اى شئ فيه وأن كنت تستند على( ألأقدميه) ففى الخدمه العسكريه يظل (الصول) يعمل لمدة 30 سنه ، لكن فى نفس اليوم الذى يتخرج فيها(ملازم) جديد يصبح فوق راسه!! وهذا المثال على شاكلة (الخرطوم) و (الفرع) أرجو الا يغيظك فتفتح باب جديد لشتائم لا تحملها. وقد قال العارفون : (الطريق لمن صدق وليس لمن سبق) ، اعلم انك لن تفهم هذا المعنى ، يامن تتدثر بعشق اغنيات / مصطفى سيداحمد ، وكم من عاشق لأغنيات الكابلى ، لا يفهم معنى ( ضنين الوعد)...

05-08-2004, 09:03 AM

sheba

sheba
تاريخ التسجيل: 12-15-2002
مجموع المشاركات: 1874

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
تجتوج المكابر القال انو شاعر مشكلتك انك ما بتعلم من اخطاءك للاسف الشديد .. ونحنا عن طيب خاطر .. بنستغل اخطاءك الكثيرة ضدك ..وعلى احسن ما يكون .. الله يخليك لينا يا رب ... كتب تجتوج انا المدعو شيبة فنى اغانى فقط وعاد ليكتب ما يلى ونخليكم مع هذا الفلم الرومانسى الرائع مع الود تجتوج الشاعر المرهف الاحساس ....................... تجتوج هسة بدل ما انت بتكابر مع زول واحد فتحت لى نفسك جبهات تانية براك بتجيب لى نفسك الكلام وتالب الناس عليك .. انت زول واحد مجهجهك وما قادر عليهو ؟؟ تاجو .. روق المنقة.... السكة الماشى فيها دى خطرة و بتوديك الاخرة .. خليك فى الشتايم احسن على الاقل اخف شوية .. .. واسمع الكلام وبطل مكابرة ..

05-08-2004, 09:41 AM

abas

abas
تاريخ التسجيل: 07-27-2002
مجموع المشاركات: 6254

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
الاخ العزيز شيبا الاخ كيقا هو الذي بداء بالسب علي الاخ تاج السر وتماديتو في هذه الشغله فرجاءا اوقفو هذا الاخ تاج السر ارجو ان تكف عن هذا السب

05-08-2004, 11:20 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: abas)
والله يا (شيبا) يا يا(حيوان) لا املك الا أن احييك على نجاحك فى جلب الهلع لكل من اراد أن يتداخل ضدك ويفضلون مراسلتى على البريد الألكترونى هم يعترفون لى بانك معروف (ولد قليل أدب صعلوك) وهذه هى طريقتك ، فمبروك عليك انك ( صلاح قوش ) بتاع هذا المنبر ، وامكن بكره تكون (صلاح قوش) النظام القادم ، الان ادركت معنى ، حيثما كنتم يولى عليكم ، الان فهمت ليه ربنا ابتلانا بنوع ذلك الحكم، لأنه فى نوع زيك فى السودان ، يا غبى لو انا مرعوب ماكنت بكتب كلام ذى ده ، وكنت بعمل ذى الأخرين، اخاطبك من وراء حجاب. لكن معاك لحدى النهاية اما تسلم الرايه او تعتذر . وصدقنى انا لا يهمنى حتى المرتجفين منك من أبناء عشيرتى الهلالاب، فلو تصدوا لمن مثلك من زمان لما أحتجت ان اضرب امثله (بجامعة الخرطوم) و (الفرع)، تركوا لمن مثلك الملعب خاليا، (فرعينوا) لزمن طويل، علما بانهم يمثلوا 75% من الشعب السودانى، لم يستطع احدهم ان يقل لك مباشرة بما يعرف عنك أنك (صعلوك ، سافل، قليل ادب منحط) وهذا اسلوبك لتطفيش الذين يخالفونك الراى. أنى يا سيدى لا احتاج مواعظ من احد يخشى فى قول الحق لومة لائم ، لقد بديت بالأساءة ، وفلة الأدب ،فاذا كان الخرون يرضون لصعلوك مثلك ان يصفهم (بالفئران)،فأنا لا أرضى أن اشبهك حتى بالفأر، فذلك كثير عليك، لذلك رددنا لك باكثر مما أبديت، وهذا هو طبع ناس ام درمان الأصليين( كرماء مع المؤدبين ومع قليلين الأدب)من امثالك. طبعا انا فاقد الأمل فى (رجولتك) انك تعترف وتقول انت من بدات هذه الأساءة، والأن تحاول ان تستنجد بمن (يفكك) من هذه الشبكه. بائن الله جابنى هنا عشان أوقف نوع امثالك فى حدودهم ، ولن اسمع لأى شخص الا اذا اعلنها واضحة انك انت المسوؤل عن هذا التردى، وانا اعترف بمواصلتى فيه، لكن أين ( رجولتك) فى الأعتراف والتحدى. مرة اخرى ، مبروك عليك منصب ( صلاح قوش) المنبر. بس وين بيوتك بتاعت الأشباح ؟؟ وهل انت اعور؟؟؟ فالذى لا يعترف ويكذب كذلك هو اعور.

05-08-2004, 01:43 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
أضغط هنا لماذا تبحثون عن سيرة (صلاح قوش) .. فهو بينكم و معه (سامى شرف)!!!

05-08-2004, 02:16 PM

sheba

sheba
تاريخ التسجيل: 12-15-2002
مجموع المشاركات: 1874

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
والله جننتنا جن كل ما نزنقك فى بوست والحلقة تضيق عليك تقوم تفتح بوست جديد ..ارحم الباندوث شوية خليك فى بوست واحد للنهاية كل ما البوست يتملى بالشتايم بتاعتك تقوم تفتح واحد نضيف .. الفايدة شنو انت قاعد وحا يحصل اخوهو .. وكل شتايمك القديمة موجود فى الحفظ والصون ومالو نجيبة معانا فى البوست الجديد تجتوج المكابر القال انو شاعر ...مشكلتك وقعت معاى وانا شايقى صعب ..رغم انى لى سنة ونص شغال بوثق للراحل مصطفى سيد احمد .. كافى شرى وقاعد فى حالى .. كل شكلة تلقانى بعيد منها ..نوثق .. نروى .. نحكى ..ننزل اغانى.. " فنى اغانى " زى ما قلت .. لكن مرات الواحد الجن بقوم عليهو خصوصاً لمن الموضوع يتعلق بى مصطفى ولا المريخ .. والغريبة انو الاثنين ببدو بى حرف " الميم " وكمان لمن يلقى ليهو واحد مكابر زى اخونا تجو ... دى فرصة لا تعوض ..الواحد يقزقز معاهو شوية وخصوصا انو سريع الانفعال ويثور ويشتم لاقل الاسباب عشان كدة نحنا استغلينا نقطة ضعفـو (دى ما نقطة الضعف الوحيدة هو قال انو كمان ضعيف امام الجنس اللطيف " زى ما قال وبقينا نشتغل معاهو بى طريقة " سهر الجداد ولا نومو " كلما يهدأ شوية نديهو شوية حطب يولع زيادة ...الود ده ما بستفيد من الاخطاء تجتوج المكابر القال انو شاعر انت مالك بقيت تهضرب تانى .. الحمى جات راجعة ..انت لازم تشوف دكتور سريع.. القال داير يفصلك منو من المنبر .. قول بسم الله .. والله انت فى زول اداك عين عديل كدة .. يا عين ياعنية يا كافرة يا نصرانية ..امرقى من الود تجتوج ... ويمكن فى زول سحرك وعمل ليك عمل " غايتو على الطلاق ما انا " .. شوف ليك دكتور عشان الحمى .. وشوق فكى عشان العين دى وكمان لازم تتحصن بالقران وتشوف ليك زول يرقيك عشان السحر .. شكرا يا ود يا تجتوج والله انت الفيهم عاجزين على الشكر ودى حاجة بسيطة ياخى انت والله زول تمام ليه بقولو عليك كدة ما هو انت هسة اشدت بى مهاراتى ... وبالمناسبة عايز اقول ليك سر خطير "خلى بينى وبينك بس " الزول القال ليك وضع النجمة على خلفية البوست وكدة ..دى حاجة ساهلة من طرف الجيب ...ماعندها علاقة بى ادارة البورد ..فى حاجة اسمها اكواد المنتديات للخطوط وادراج ملفات الصوت والصور وغيرها من المزايا ومعروفة لمعظم البورداب .. ولابداء حسن النية من جانبى انا بهديك كود وضع خلفية للمنتدى على الاقل تقدر دلوقتى تقول طلعتة بى فايدة من العبد لله .. ..واهو كلو ثواب .. (عدل بواسطة sheba on 05-08-2004, 02:25 PM)

05-08-2004, 02:52 PM

مراويد

تاريخ التسجيل: 09-08-2003
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)
السوادنه لما يقوموا على شى امانه ما بيبدعوا وببدعوا زى ما بقول واحد صاحبناهسه ده كله فى جلده منفوخه !!!! والله انا بريد الكوره جدا وهلالابى لكن زى مرضتكم البتخليكم تتهاترو بالطريقه دى حمانا الله مننا غايتو شفنا الهوليقان هنا يدوروا ضرب فى بعض ومع البوليس لكن اول ما يتخاجوا من الكوره الواحد عادى وينسي الموضوع وتلقا عندو اصحاب من "الاعداء" و مرات ساكت بدون ماتش يعملوا مواعيد فى الخلا ويتالبعوا لما الدم يسيل، بعدها يقعدوا فى خلاهم ويطلعوا بيرتم و عضتم ويتونسوا مع بعض و كل زول يفحط بيتوا اما نحن بنو سودان حتى فى دى مشاترين ومخالفين يا ساتر ياخى

05-08-2004, 05:10 PM

sheba

sheba
تاريخ التسجيل: 12-15-2002
مجموع المشاركات: 1874

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: تاج السر حسن)

تجتوج انت عارف طلباتك كلها اوامر ..سالت عن بيوت الاشباح اهو جبناها ليك لحدى عندك .. قصرت معاك ؟؟
" انا اصلى فنى اغانى" وجاهز بى عدتى وهدوم الشغل ...

لكن بالله شوف معاى كلمات الاغنية دى كتبها مصطفى زاتو الله يرحمو
..........
بين سجن وبيت اشباح ... وعطالة ودم مباح
ومزلة تودى الغربة.....والغربة جراحة جراح
والحل فى بلدك زاتة.....تتحدى سلاح بسلاح
تهزم خفاش العتمة......ويغسل سودانا صباح
************
الخمج الماحق سوقنا.....من بعض وفا المحتاج
والعبرة الرابطة حلوقنا....من فيض كاس الدجال
الوهم الداير يسوقنا......اصبح مفضوح الحال
ما فضل الا مروقنا.......وبسلاحنا نعدل المال
*********
يا غضبة نيلنا الطامح......وكتين يكسح طوفان
يا سيل الشعب الجامح.....فى الثورة بعد عصيان
يا ضراع الولد الجارح......بسلاحك فى المليان
الكى للالم الناتح.....والعبرة لكل غبيان

نتمعن فى الابيات دى

Quote:
الوهم الداير يسوقنا......اصبح مفضوح الحال
ما فضل الا مروقنا.......وبسلاحنا نعدل المال

ياربى الوهم الداير يسوقنا دة منو ؟؟؟ " غايتو انا ماقت حاجة ..الله يرحمو مصطفى هو الكتب الاغنية دى

سبحان الله ؟؟ شوف مصطفى بيقول لاستاذنا الموصلى البردد معاهو فى الاغنية ويظهر صوتو فىالخلفية
بيقول ليهو .. الوهم .. دى عالية شوية لانو قالها بصوت منخفض

... عليك رحمة الله يا مصطفى والله تقول حاسى بينا

اصبح مفضوح الحال .. دة منو ياربى ؟؟ الفضحو منو ؟؟ انا اسمى مكتوب ؟؟.... لا ..... طيب !!

Quote:
يا غضبة نيلنا الطامح......وكتين يكسح طوفان
يا سيل الشعب الجامح.....فى الثورة بعد عصيان
يا ضراع الولد الجارح......بسلاحك فى المليان
الكى للالم الناتح.....والعبرة لكل غبيان

الله يرحمك يا مصطفى .. والله بس تقول قاعد جنبى وبتكتب وتغنى ... قت كدة ... الكى للالم الناتح والعبرة لكل غبيان

غايتو الكى وانتهينا منو زمان " الله يكتب الشفاء انشاء الله .... فضلو الغبـيانين

(عدل بواسطة sheba on 05-08-2004, 05:13 PM)
(عدل بواسطة sheba on 05-09-2004, 07:08 AM)
(عدل بواسطة sheba on 05-09-2004, 07:09 AM)

05-08-2004, 07:32 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: (راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟ (Re: sheba)
أنبح كما تشاء يا شيبه ، أقصد يا (صلاح قوش) ، نطط من بوست لبوست كما تشاء ، فمهما أوردت من أساءة ، انا لا انكرها لكنها كانت رد على أساءتك ، عندما خرجت من المخبأ وقلت ( فئران مطلوب رشها بالمبيد)، فها هى الفئران ، تجعلك تكره يوما خلاك تصلها. ومهما تتدثرت بأغانى مصطفى سيداحمد ، الذى ازعجته فى مرقده ، فاخلاقه لا تشبه أخلاقك. بختك يا(صلاح قوش) فقد ارهبت حتى الحسان ، اللأئى طلبن منى سحب أسماءهن من بعض المداخلات، خوفا من لسانك ،هل تريد منى أن اعطيك الدليل ؟؟ خسئت ، لن افعل فنحن أخوان البنات ، حماة القوارير. أن كنت أنت تخيفهن فأنى لن أفعل وأبرز خوفهن منك، أخشى ان تكون قد اسئت لأحداهن قبل ان ندخل الى هذا المكان، واخشى أنهن لم يجدن من ينصفهن منك. فنحن لن نرضى فى الحسان والسودان والهلال. يا(وليد) لقد بدأت كتابة رواية واصلت فيها 25 سنه ‍‍‍‍‍، فلا تستعجل انا معاك والزمن طويل. أخيرا سؤال صغير ، هل بدأت بالشتيمه أم لا ؟؟ أتوقع منك الا ترجل كعادتك ؟؟

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]