|
Re: أعادة مباراة الهلال والمريخ حتى تتحقق أحلام اليقظه !!! (Re: ali othman)
|
يا أخواننا شيبة وين؟..يكون كتب بوست الشماتة قبل بداية المباراة ..غلبه ينزله بعد الرصاصتين..قلنا الحقد شين ..أزعلوا لكن ما تحقدوا..قال نيتو قال..زولكم دة متأكدين انو برازيلي؟..البرازيل جابت روبيرو..الخلف الكية..بارك الله في كبير..الحقنة الأولي..مزمل بكرة كان نط الخليج ما بحلو..راكوبة..شنو ياخي ؟..يعني ما صورت لينا القونين..بكرة حتصور لينا الجرايد ؟..اريتك تقراها
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: sign)
|
أخوى (ساين) لك ودى، ناس (مزمل) كان بتفسحوا لمن كنا بعيدين ضيعوا حق الهلال ونحنا بنعاين والآن دخل ( راكوبه) و (شيبه) والبقر الأصفر !ّ! خذ منى هذه وقول الزول ده (سحار) ، المباراة العلقة دى ، سوف تشطب المهندس ( محمد موسى)!! و(العجوز) العجب الذى كان من المفترض ان يشطب هو و (ابراهومه) ، و(عبدالمجيد) و( فاروق جبره) و (خالد أحمد المصطفى) يوم مباراة التوالى (السابع) الذى أنقدهم منه اللأعب الكنغولى (زالو) ، وسوف تعيد الى بلاده كل من ( زكريا) و (شيكوزى) وحلاوة المولد ( البرازيلى) ، وسوف يشتكى كل منهم الى (الفيفا) بانهم لم يحصلوا على مستخقاتهم ، وتصبح شكوتين كل شكوى بى (قون) لماذا لم يحصلوا على مستحقاتهم ولماذا (الزعيم) يصنف فريق القرن؟؟
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: sign)
|
أخى ساين حتى لا نظلم كبير فهو الهداف للسنه الخمسه وهذا اعجاز ، عندما كان يلعب فى مريخ بورتسودان ، لماذا تركوه وأتوا ( بود الحلاوة) البرازيلى. وسوف يكون هداف العرب ، فكل عام يختار أحسن هداف عربى ، وبرقم قياسى لم يحصل من قبل ، ولو انا قابلتو وخل ميتة القلب دى ممكن فى كل لعبه يخرز 3 أهداف ، صدقنى الولد ده طيب زياده من اللزوم.
| |
|
|
|
|
|
|
إعلان ترحيل... (Re: ali othman)
|
مطلوب شركة ترحيلات جوية لنقل فيرنر مدرب المريخ لألمانيا، والحارس شيكوزي لنيجيريا ونيتو للبرازيل وزكريا لزامبيا. شروط النقل: المكان: استاد المريخ. الزمن: أسرع ما يمكن (أسّي لو في طريقة). مطلوب مع الترحيل مشرف اجتماعي لاخراج شيكوزي من الحالة النفسية التي مرّ بها وجعلته يشعر بأنه موتر سوزوكي. عدم اصطحاب الأطفال حتي لا يطالبوا بشراء نيتو باعتبار شبهه الشديد لعروس المولد. الرحلة One Way. اصطحاب عبد الإله وفيصل العجب لزامبيا ومحاولة إيجاد عقودات عمل لهم هناك (أي شغلانة غير الكورة مع مراعاة أنّ عبد الإله يمكن أن يصبح بطلا في التزحلق على النجيل). عرض شريط المباراة أثناء الرحلة كنوع من العقوبة وربط شيكوزي في مقعده جيّدا حتى لا يقفز من الطائرة عند رؤية روبيرو. يتكفّل نادي الهلال بدفع قيمة عقد الترحيل كاملة. تقدم الطلبات لعناية/ نادي المريخ للهزائم الكروية في موعد أقصاه صباح الغد أو يرحّـل الجميع كدّاري. أحمد الريّـح
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: ali othman)
|
أخوى على ، يا أخى (ضيعت) البنغاله ، ديل ناس طيبيين ، ناس (بندرنايكه) وبنتها ، وما تنسى كمان بنجيب منهم شوالات العيش.
المشكله اللأعب (الشات) ليهو كرة ، خبطة عشواء وضربت فى العارضه دا أمكن الشوته دى ن تخليهو استمر لحدى نهاية الدورة الأولى ، زكريا ده بذكرنى لاعب ، عندما كنا فى الروابط ملقب بى (طيارة الأمام) ما عارف التسمية دى جات من وين ؟؟
ومرات بقولوا ليهو (الرايح ليهو قرش) ودى عارفه لأنه كان طوالى (مدنقر) فى الواطه، يا أخى من أبجديات الكرة ، لاعب بدنقر فى الواطه ده ما بنفع ، شفت (كرويف) كان بتلفت ذى الغزال ، ألتقول بحاكى (هيثم مصطفى) !!!
هم جماعتك جربو (زكريا) فى مباراة هنا بالشارقه امام فريق اسمه الهلال القطرى طالع من الدرجة التانية للأولى ، مدربو ( مختار مختار) لأعب الأهلى المصرى سابقا ، فازوا على ذلك الهلال 5 / صفر ، زكريا (الرايح ليهو قرش) أحرز هدفين ، الجماعة صدقوا قايلنو ح العب مع الزعيم بنفس الطريقة ن هانت الزلابيه.
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: تاج السر حسن)
|
هلال الأحاد السعيدة للأحد الثالث علي التوالي يحقق الهلال النصر علي منافسيه ومناكفيه علي الأهلي القاهري في عقر داره مع أستحقاق التأهل وعلي المريخ بصواريخ ارض جو .أنه الهلال ومن يشبهك ياهلال الملايين عندما يلعب الناس علي الجرائد والمنتديات تلعبها انت في ارض المعمعة وتسحق المتطاولين وتنثر الفرح والحبور علي المريدين المخلصين لك حبا والهائمون بك . نعشقك لانك عودتناعلي الفرح وعلي قهر المستحيل عندما يظنك الأعداء فريسة سهلة ا لاصطياد تثور وتنتفض المدرجات موجا ازرقا هادرا .لم تعودنا علي الخزلان عندما تكون النتائج في المحك .العشق لونه ازرق بمساحة الفضاء الجون الممتد ابداعا يسطره كل من ارتدي شعار الهلال .نعشقك من الامس وحتي قيام الساعة ... والزعلان يطرشق..
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: sign)
|
يا ساين الكلام ده أنا قلت ليهم انا ود ام درمان ، عاصمة كل السودانيين ، ناس طيبيين لكن عند الشعور بالظلم النار بتولع.
حكيت ليهم نكتة بلدياتى (الحلفاوى) وقلت ليهم قالوا ليهو رمضان السنه دى جاى فى حر شديد قال ليهم مش فى صالحو.
أها هزيمة الأمل ظلما ومؤامرة وفيها الان نظر ، مش فى صالحهم.
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: abuguta)
|
يا ابوقوته أنسجام شنو ؟؟
أولا الأسكراب هنا عندنا فى الأمارات ما بخش.
وليك عليك بكره كم واحد مشطوب أما شيكوزى تةذكرة طيارتو جاهزه
وود الحلاوة البرازيلى ن المولد وأنتهى ...
وزكريا ده اشوفوفو ليهو خلوه اعلم الأولاد الصغار معنى (البقر اللونو
اصفروجميل وحلو يسر الناظرين).
لكن سؤال المدرب الالمانى ده من (المانيا) ولا (المنيا) ؟؟؟
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: abas)
|
تاج السر انت بس احتفل كده بالمحلي بتاعك دا وخلي لينا نحن المحولات جوا لو بتقدرو عليهن المريخ ياهو المريخ بطل الحوبة وحامل الكاسات المحمولة جوا انتو بس خليكم في محليتكم الغرقانين فيها دي والهدفين ضربة حظ شوف كمان عينة البقول صاروخ والبقول ابداع ياخي ابداع بتاع الساعة كم وصاروخ بتاع شنو انتو ما كنتو مندسين عديييييييييييل كده عملنا فيكم العجب العجاب بس انتو دائما بتاعين حظوظ واناطيين يابتاعين الاناطييييييين ودي باعتراف عبد الله السماني بتاعكم لو بتذكروه جيد ولا بي اناطين عبد الرحمن سر الختم المقعد ليهو فكي من امبررو قبل شهر في نادي الهلال وادوه اجازة صغيرة بعد مبارة الأهلي وجاءهم الأمل ورشاهم فتشوا ليهو فتيش وقلبوا ليهو الأرض قلب عشان يجهزو للمريخ وفعلا تم اللازم ووجدوه متخبي في دار السلام تقولو لي صاروخ اصبرو علينا بس شوية وشويتين وجاييييييييييييييييييييكم
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: ebrahim_ali)
|
يا ابراهيم على يا اخوى متين تبطلو هذا الكذب الكثير
أرجع وشوف منو الأندسه .. أنا أخو البنات ود أم در
أنا أتحديت عديل ، مش بى حلم وخزعبلات.
أرجع لى (بوست) مزمل أبو القاسم الكذب والحقيقة والنصر لنا
قبل يومين من المباراة، وحددت انه القون الآول من نصيب (تيرى هنرى)
لكنه لعب بدل عنه معتز كبير ولم يخيب الظن، زكأن بكم روؤفا.
ورينى فى زول شال سيفو واتحدى دغرى كده.
عاوزين تطلقوا الكذب ذى كذبتكم بتاعت المحمولة جوا...
نحنا فوث راسك جوا وبحرا وبرا.
نغلوب هسه هنا ، قال قون روبيرو ، صدفه.
لو كدى أرجوك ما ترجع شكوزى لحدى اللعبه القادمه.
نحن يا خوى مافاضين ليكم.
أن شاء الله بس يا السواح تكون البلد عجبتكم....
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: ebrahim_ali)
|
يا ابراهيم على يا اخوى متين تبطلو هذا الكذب الكثير
أرجع وشوف منو الأندسه .. أنا أخو البنات ود أم در
أنا أتحديت عديل ، مش بى حلم وخزعبلات.
أرجع لى (بوست) مزمل أبو القاسم الكذب والحقيقة والنصر لنا
قبل يومين من المباراة، وحددت انه القون الآول من نصيب (تيرى هنرى)
لكنه لعب بدل عنه معتز كبير ولم يخيب الظن، زكأن بكم روؤفا.
ورينى فى زول شال سيفو واتحدى دغرى كده.
عاوزين تطلقوا الكذب ذى كذبتكم بتاعت المحمولة جوا...
نحنا فوث راسك جوا وبحرا وبرا.
نغلوب هسه هنا ، قال قون روبيرو ، صدفه.
لو كدى أرجوك ما ترجع شكوزى لحدى اللعبه القادمه.
نحن يا خوى مافاضين ليكم.
أن شاء الله بس يا السواح تكون البلد عجبتكم....
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: تاج السر حسن)
|
أخوي التاج .. هلالك صباحك .. ونيلك أزرق والتاني أبيض .. بيضاء وعديلة إن شاء الله الصحفي مزمل الذي كان يسخر من محترفي الهلال الذين سجلهم في آخر أيام لتسجيل اللاعبين وقال كيف لفريق مثل الهلال أن يسجل ثلاثة محترفين في يوم واحد دون اختبارات .. كلام سمح بلحيل .. طيب تعالوا نشوف محترفي المريخ الذين كان لمزمل يد في توريط المريخ فيهم والذين اجتازوا الاختبارات مع العباسية ومريخ العيلفون: 1- شيكوزي ..حارس منتخب نيجيريا للشباب .. لم يكن لمزمل يد في تسجيله لكنه الإطراء الذي سبغه عليه جعلنا نصدق أن حامد بريمة رجع لحراسة مرمى المريخ 2- ساندرو البرازيلي .. أحد إسكراب الإمارات .. بتوصية من مزمل تم تسجيله .. هذا اللاعب مسجل ويشغل خانة خالد أحمد المصطفى المشطوب .. يعني فاقد تعليمي 3- نيتو البرازيلي .. التوصية من مزمل .. الراتب 7000 دولار .. الخانة غير محددة ... الأداء حتى الآن .. أربعة ضربات جزاء وصبع الشعر بلون أصفر (يعني لون المنقة الشايل المنقة .. مو عارف كيف نحنا بنشقى) 4- مشاوي .. (مُش أوي) نفسي أشوفوا .. لكن حرمتني ظروفو ممكن تقارن بينهم وبين أربعة الهلال المحترفين : قابيتو .. ما رجع بيتو .. نار مولعة .. والله أمس لامن انطلق وجرى وراهو ميرغني كعيب .. سباق الأرنب والسلحفاة في كتاب المطالعة (عمره 18 ألا قليل) تضرب في 2 يطلع عمر كنيد داريوكان .. الله يرحمك يا شيخ ادريس كباشي .. ثقة وهدوء وجسارة شباب زي أخوهو جابرييل (عمره 18 أو يزيد شوية) روبيرو .. شوفوا غيروا .. يعني سنتين مع الهلال ما شاء الله .. مستوى ثابت ومتطور .. تألق ما في أحسن من كده والعمر (23 سنة أو أقل) . الصلوي .. فتى الجنوب .. كواي القلوب .. ده إسموا (مزمل منخوليا) يعني أكثر الكلمات التي يسود بها عموده عن الصلوي .. وأرجى الراجيك .. خسّرت الخرطوم 3 رسوم شكاوي وبلاوي
محبتى .. سيف كلي
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: saifkeli)
|
أخوى سيف كلى لك ودى الناس ديل كانوا معتمدين على الأشاعات والوهم ، هم من لعبة زولو الوقف التوالى الكان مفروض أستمر لحدى الليله، ما عندهم شئ (يلموا الموجود يعشو بيهو الضيفان) عادة كرم سودانى أصيلز لكن اسمع منى دى العجب تانى كان قطع كبرى كوبر تانى، لومنى كما تسمع بيهو بكرة فى التاكا ولا الخرطوم 3 والمصيبة أنه أجى أغلبهم ، يعنى تخلى ووب تشطبو ووبين.
| |
|
|
|
|
|
|
Re: أعادة مباراة الهلال والمريخ حتى تتحقق أحلام اليقظه !!! (Re: تاج السر حسن)
|
الجرسة حصلت..الغلب حار..هاكم الأخبار (المرخرخة) دي.. نقلا عن سوكر..
1- تقدم نادي المريخ بشكوي في ساعة متاخرة من مساء الاثنين للاتحاد العام لكرة القدم ضد نادي الهلال طاع-نا في صحة مشاركة محترف الهلال الموزمبيقي قابيتو بحجة ان اللاعب كان قاصراً لحظة تسجيله بالهلال (مزمل دة بقي رئيس المرخرخين؟..تاني رجعوا مستشفي الدايات )..
2-تشير تحريات سودان سوكر ان مجلس ادارة نادي المريخ اتخذ قراراً في اجتماعه الاخير الاحد الماضي باقالة كامل الجهاز الفني للنادي بعد العروض المتردية للفريق و عدم ثبات نتائج النادي و تأخر اعلان القرار لاتاحة الفرصة للجهاز الفني للعمل في اعداد الفريق لمباراة القمة التي انتهت بفوز الهلال بهدفين دون مقابل للمريخ.( شاتوهم برة..عقبال (المخترفين)..).
3- تفيد تحريات سودان سوكر ان مجلس ادارة نادي المريخ يفكر في الاتجاه الي المدرسة المصرية في التدريب لقربها من البيئة السودانية و قصر فترة تاقلم المدرب علي اجواء الكرة السودانية و عامل اللغة الذي يشكل اهمية كبيرة .. و تؤكد سودان سوكر ان مجلس ادارة نادي المريخ سيبداً الاثنين التفاوض مع المدرب المصري القدير فاروق جعفر لتولي اعباء التدريب في المرحلة القادمة خصوصاً و ان الدورة الثانية ستبدأ في اغسطس القادم و من المتوقع ان يبعث مجلس الادارة بعضو المجلس عثمن الدقير الي القاهرة للتفاوض مع المدرب جعفر و المعروف عنه انه اغلي مدرب مصري و صاحب بصمة تدريبية واضحة في كل الاندية التي تولي تدريبها من الزمالك الي بلدية المحلة، الترسانة، المصري البورسيعيدي و قد قاد فاروق بلدية المحلة لاخراج الهلال من البطولة الافريقية الموسم الماضي .(شوفوا عقدة الهلال دي قوية كيف؟)..
4- صرف المريخ النظر عن الاستعانة بالمدرب المصري فاروق جعفر لقيادة الجهاز الفني للفريق في المرحلة القادمة بعد المبالغة في المرتب التي طلبه جعفر و هو 10 الف دولار في الشهر و تفيد متباعات سودان سوكر ان المجلس في طريقه للتفاوض مع المدربين شوقي غريب او حسن شحاتة و من المتوقع ان يحدد الممريخ المدرب خلال يوم الاثنين او الثلاثاء (الغالي بغلاتو..دايرين زول يهزم الهلال بالرخيص؟..بعدين مستعجلين مالكم؟ الجوطة دي كلها في أقل من 24 ساعة؟الغلب حار )..
5- من المتوقع ان يعقد مجلس ادارة نادي المريخ اجتماعاً الخميس لمناقشة هزيمة الفريق الاخيرة امام الهلال العاصمي ..(القعدة دي حيدورها ليهم منو؟ مزمل و زاغ..ننتدب ليهم منو يا اخواننا؟ راكوبة زاغ برضو..أها..شيبة ولا كيجة؟)..
5- قرر مجلس ادارة نادي المريخ اسناد الاشراف علي مباراة الفريق الاخيرة في الدوري الممتاز امام الاهلي مدني يوم الجمعة القادم باستاد الخرطوم الي لجنة مكونة من خالد الحمد المصطفي، اباهومة، عبد المجيد جعفر و اسناد مهمة مدرب اللياقة الي المدرب مكي في بداية لتكوين جهاز فني جديد و قد برز اتجاه للاستعانة بخدمات المدرب هشام السليني لتدريب الحراس .(تاااني ..العواجيز وصلوا..لو تموهم بالعجب مالو؟).
6-تفيد متابعات سودان سوكر ان مجلس ادارة نادي المريخ صرف الظر عن الاستعانة بالمدربين المصريين شوقي غريب و فاروق جعفر نسبة للمغالاة في الراتب من قبل المذكورين و برز اتجاه قوي للاستعانة بمدرب الفريق السابق سيناد كريستو مع وجود بعض الاصوات تنادي بعودة المدرب ماركو الذي صاحبت مسيرته مع المريخ بعض النجاحات و يجد قبول الجماهير و اللاعبين في حين هناك البعض في المجلس بدا في مفاوضات فعلية مع مدرب الهلال السابق المصري مصطفي يونس و في كل الاحوال سيكون بجوار المدرب الاجنبي لاعبي الفريق السابقين عبد المجيد جعفر و ابراهومة ..(مصطفي يونس حقنا داك؟..علي اليمين بريدنا زي عيونو..كل ما نمشي القاهرة شاياتنا معاهو..يشيل و يعزم فينا..آخر مرة حلف يمين ما يخلينا نسافر الا يهدينا مدرب حراس).. الجرسة حصلت..الحقنتين مسمومات
| |
|
|
|
|
|
|
|