|
مصيرنا بين العرقي والويسكي و..البلال!!!
|
في برنامج (في الواجهة) يوم الجمعة ــ 23 ابريل ــ وبينما وزير الخارجية يستعرض تطورات نيفاشا ، اذا بحجة الأسلام أحمد البلال ، يتدخل بشلاليفه مرة أخرى ويقاطع الوزير بقوله : طبعا الأنقاذ حكومة اسلامية وما مكن تتخلى عن الشريعة في العاصمة لأنو ده حيكون انتحار سياسي !! تصوروا أن احمد البلال أصبح مفتي الأنقاذ وعراب الشريعة ! طيب يا حجة الأسلام هي وين الشريعة دي الآن ..البنات بيخطفوا فيهم بالنهار والعرقي بتباع في البقالات والمخدرات تتباع في الجامعات والسي ديهات بتاعة السكس ببيعوها الأولاد الجنوبيين بتاعين السجاير .. يعني المشكلة يا شيخ أحمد ليست في الشريعة بل في البارات ..هل يبيعوا الويسكي والبيرة علنا واللا يخلوها على العرقي والمريسة فقط ..ويا سجم الوطن المصيرو معلق بين العرقي والويسكي وشريعتو بيدافع عنها أحمد البلال !!!
|
|
|
|
|
|