كتب الكاتب الفاتح جبرا المتوفرة بمعرض الدوحة
|
أكتب المثل الذى ترددة ومعجب به
|
الرائعون/ات تحيه طيبه
فكرة جميلة ورائعه , وتحافظ على التراث فالامثال تمثل حضارات الامم,ومهمه بالنسبة لاجيال اليوم والغد وكمان تكون صافي الحكمة او من تجارب حية فيها مصداقية الواقع,وخيال والفكر والامثال تختلف من بلد الى بلد وبلداننا العربيه كثيره وهناك العديد من الامثال,لانه فيها تميز يميز كل بلد عن الاخر بل احيانا تميز كل منطقه والامثال الشعبيه السودانيه تعبر عن واقع نعيشه ونلمسه وثقافات مختلفه فما اجملها.اكون شاكرا ادا تفضل الاخوه/ات يعرفونا بمثل متعارف عليه
|
|
|
|
|
|
|
|
Re: أكتب المثل الذى ترددة ومعجب به (Re: Anwar Ahmed)
|
انور العزيز فكرتك راقيه واصيله واتمنى تلقى النور .............. العزيز ملاسي عندو بوست على نفس الفكره واحتوى من الامثال الكتير فياريت يكون ده امتداد قيم لامثالنا السودانيه الاصيله ومثلي ليك
من تابع الناس مات هما ............... مع انو ماسوداني بحت لكنه مستخدم كتير بس للاسف مامعمول بيهو
سلمت ياانور
نوف
| |
|
|
|
|
|
|
Re: أكتب المثل الذى ترددة ومعجب به (Re: Anwar Ahmed)
|
Ashrinkaleالعزيز مشكور علي مرورك الكريم ولك كل الاحترام والتقدير ارجوا شرح هدا المثل لان في ناس looooool
العزيزه الغاليه نوف صراحه مشاركه تشكري عليها وتستحق الأشاده والتمجيد . فمثل هذة الأعمال تحفظ تبقي القليل من تراثنا الشعبي . لكي كل الشكر مني .
Mahathir تسلم علي مرورك الكريم ولك كل الاحترام والتقدير
ahmed haneen والله جميله خالص بالرقم من الاول فيه نوع من الخشونه, اضحكني المثل الثالث والله تسلم ياحنين علي المداخله ولك كل الاحترام والتقدير
| |
|
|
|
|
|
|
Re: أكتب المثل الذى ترددة ومعجب به (Re: Anwar Ahmed)
|
الأخ / انور لك التحية و خالص الود اعجبتنى الفكرة جدا و طبعا غربنا الحبيب مليىء بالأمثال ذات المعانى الكبيرة و بها من الحكمة ما يعجذ اللسان لوصفها عموما كل يوم ح اديك واحد يعنى بالقطارة لأنها غالية جدا .. اها .. هاك ده
( الله جعلا دقن شايب نار اكلا ) باللهجة الدارفورية
الفولانى
| |
|
|
|
|
|
|
Re: أكتب المثل الذى ترددة ومعجب به (Re: Rawia)
|
العزيز انور
لك التحية علي واتمني مشاركة جميع الأخوة
مثل سوداني قديم جدا
حمارتك العرجة... بتكفيك سؤال اللئيم
مثل افغاني
خيرا لك ان ترجع الي بيتك مخضب بالدماء علي ان تحيا حياة الجبناء
ولك ودي
| |
|
|
|
|
|
|
Re: أكتب المثل الذى ترددة ومعجب به (Re: Anwar Ahmed)
|
حجيتك ما جيتك (موش بقولوا كده برضه)..
اها يا أنور.. قالوا في مره كبيرة في السن.. عنده مزرعه صغيرة على قدر حالها.. تحفر.. وتزرع.. وتشقي.. وشغاله فيها شغل شديد.. اها.. عندها واحد جارها.. عامل فيها إنه يعني المره دي زوله مسكينه.. وكحيانه.. وبي تعبها داك .. ما بتعمل حاجة.. اها... لما الناس بقوا يحشّوا الحشيش.. المرا كل يوم قوم بدري.. تحش قدر البتقدر عليهو.. وتمشي ترتاح.. زولنا ده يجي يقيف.. ويأشر بي (دقنه)... انا بكره.. بحش من هنا لى هناااااااك (وهنااااااااك دي معاها رفعه للراس.. وبروز للدقن)... ويقصد طبعا يسمّع المرا.. وهي ما شغاله بيهو.. واليوم يمر.. وتاني يوم يجي برضه يقيف.. انا بكره بحش من هنا.. لي هناااااااك... والمرا انتهت.. وزولنا لسه يحش بي دقنه...
يا حليلكم.. حبوبة فاطمة المكي.. حبوبة زينب محمد خير (ام روبة ذات الشعر الطويل).. حبوبة ستنا المكي... رحلتم عنّي قبل الأوان
بنت الحسين
| |
|
|
|
|
|
|
Re: أكتب المثل الذى ترددة ومعجب به (Re: Anwar Ahmed)
|
المثل يا أحمد يحمل نفس معنى المثل البيقول على نفسها جنت براغث. أوك بفتح الكاف معناها ربط...قصرت معاك يا أبو حميد. الحالة اللغة العربية تعتبر أجنبية بالنسبة لينا..لوول والأمثال أعلاه تضرب لمن يدخل فى مشكلة و ويستنجد بغيره . وكمان أديك دى الجمرة بتحرق الواطيها الأخ Dreams أعتقد المثل البقول القلم ما بزيل بلم سودانى وليس مصرى ولكم الشكر جميا
| |
|
|
|
|
|
|
Re: أكتب المثل الذى ترددة ومعجب به (Re: Anwar Ahmed)
|
نديكم ديل ونرجع ليكم مرة تانية
1- أحسن من قولة هاك أزيدك 2- عينك في الفيل وتطعن في ضله 3- جوع بت البرقع الشوت رحطها 4- الما عندو تيلة يسوي الحد حيلة 5- معبوبات الكتلت روحها في ود راجلها 6- ناس البكا غفروا والجيران كفروا 7- التسوي كريت تلقها في جلدها 8- التسوي بايديك يغلب أجاويدك 9- تمر الفكي السيدو شايلو ومشتهي 10- كان اتطايبت النفوس اللقمة تكفي مية 11- سفرا بالأيد مو بعيد 12- طار طيرة اب ريش من الدريش
| |
|
|
|
|
|
|
Re: أكتب المثل الذى ترددة ومعجب به (Re: بت قضيم)
|
الأخ / انور
جيتك تانى ... اه .. هاك دا
( المى حامى و لا لعب قعونج ) ( الرجال دناقر ما كبر عناقر ) ( أم سلمبايتى ولا كدكاية ذول ) ( زيجة بنى لفيف و أكل تفاتيف كلو منو اقيف )
و ستبقى يا دارفور شامخا و الأقرب الى قلوبنا رغم بعد المسافات بيننا ادعو الله صادقا ان تعد لك سيرتك الأولى
الفولانى
| |
|
|
|
|
|
|
Re: أكتب المثل الذى ترددة ومعجب به (Re: Anwar Ahmed)
|
رغم ان الفكرة تبدو متخصصة في الامثال السودانية. الا ان اكثر مثل اعجبني هو مثل سعودي ولقد قرأته في رواية الاستاذ المرحوم (عبد الرحمن منيف) مدن الملح ، ونص المثل يقول : (( إن جن قومك ، عقلك ما بفيدك ))
| |
|
|
|
|
|
|
اكتب مثل (Re: Anwar Ahmed)
|
البمشى ورا الغنماية بتوديهو الكوشة
مثل حنتوبى يعنى من حنتوب
سمعتو من العزيزة رجاء العباسى وبقى مثلى المفضل
| |
|
|
|
|
|
|
Re: أكتب المثل الذى ترددة ومعجب به (Re: Anwar Ahmed)
|
(القعوي)القعونج بنط قدره البفنقل بي سرواله شجر كان إهوزز ولا وحيدا يا هبباي يا عبلاي(0عبلانج) تسلف قاعد وتخلص حقك متحزم بليلة مباشر ولا ضبيحة مكاشر وطني ولا ملي بطني
مثل انجليزي إذا أردت ان تعرف حقيقة نفسك فقم بإغضاب جارك. مثل صيني يظن الثعلب بأنه الأكثر ذكاءا ولكن فراءه معروض للبيع في الأسواق وهذا المثل ينطبق على الترابي مثل مصري قالوا للجمل رقبتك معووجة قل وإيه فيّا عدل
| |
|
|
|
|
|
|
Re: أكتب المثل الذى ترددة ومعجب به (Re: Anwar Ahmed)
|
اشكر لكم تواصلكم لتبادل الآراء وتأكيد معنى الحوار لأنها بداية الوحدة التي ضاعت معالمها في زمن البحث وتعظيم الذات ,كما أشكر كل من ساهم في هدا الموضوع ولو بالقرأه. elhilayla قصي مجدي سليم سارة منصور jini Abd-Elrhman sorkati aymen
| |
|
|
|
|
|
|
|