|
|
 عريس لبنتى .... أما عجائب>>>>يازولyazoalيازول<<<<
|
Subject: عريس لبنتى .... أما عجائب
بوست طريف وجدته في الارشيف لاخونا يازولyazoalيازول
البوست نشر بتاريخ
Wednesday
Nov 07, 2001
11:16:34 GMT
Message:
الإخوة الكرام رواد البورد
قرأت بوست بعنوان
مطلوب عر
فحسبت أن شخصا يبحث عن غنماية ضائعة له
أو شىء من هذا القبيل ففتحت البوست
فوجدت الرسالة التالية وهى ملئية
بالأخطاء الإملائية والنحوية لشاب يبحث
عن عروس ، وحيث أن الحبيب عليه الصلاة
والسلام أمرنا أن نزوج لمن نرتضى دينه
فلم أرضى دين هذا الشاب الذى لم يكمل تعليمه
ولم يستطع أن يتفادى حتى الأخطاء الإملائية
فى خمسة أسطر ورسالته بالنص تقول
السلام علي الاخوه المتغربين والشموع المضيئه للسودان
اولا اهلا ومرحبتين بل الف بل مليون مرخبا من سوداني مغترب رغم صغر سنه الشديده علي الاغتراب لكن حال البلدالمهم يا اخواني واخواتي انا والله حالي حال في الغربيه واخيرا وصلت لقرار انتحاري وانا اليومين دول في البلد في اجازه واخر راحات لكن داير اخد رايكم في العرس والله انا يمكن جرسه قولوا زي ما تقولوا انا والله داير اعرس وداير حاجتين من الاخوان والاخوات الاولي النصيحه وزي ما اهلنا بقولوا ما خاب من استشار والتانيه دابر لي عروس بمواصفات سوبر والداير مواصفاتها يرسل لس رسالهوانا برد ليه بالتفاصيل ووالله جاد جدا
فما كان منى إلا أن رديت عليه بالرد التالى
ابنى العزيز
sudanino1
قرأت رسالتك المكونة من خمسة أسطر ووجدت بها
اثنين وعشرون خطأ أوردها أسفل هذا البوست
ووالله والله لولا هذه الأخطاء لزوجتك بنتى
ولكن نصيحتى لك أن تواصل تعليمك وتتقن الكتابة
باللغة العربية أولاًُ وفنيات الكمبيوتر ثانيا
ثم تتحدث عن الزواج
والله يوفقك
والأخطاء هى كالتالى
العنوان مطلوب عر وطبعا المقصود مطلوب عروس
الاخوه وطبعا المقصود الإخوة
المتغربين وطبعا المقصود المغتربين
مليون مرخبا وطبعا المقصود مليون مرحبا
لكن حال البلدالمهم وطبعا نسيت ان تضع مسافة بين البلد والمهم
حالي حال فى الغربية وطبعا المقصود حالى حال فى الغربة
وانا وطبعا المقصود وأنا
اليومين دول وطبعا المقصود اليومين ديل
فى اجازة وطبعا المقصود فى إجازة
واخر وطبعا المقصود وآخر
اخذ رايكم وطبعا المقصود آخذ رأيكم
جرسه وطبعا المقصود جرسة
اعرس وطبعا المقصود أعرس
الاخوان والاخوات وطبعا المقصود الأخوان والأخوات
النصيحه وطبعا المقصود النصيحة
وزى ما اهلنا وطبعا المقصود وزى ما أهلنا
من استشار وطبعا المقصود من إستشار
والثانيه دابر لى وطبعا المقصود والثانية داير لى
يرسل لس وطبعا المقصود يرسل لى
رسالهوانا وطبعا المقصود رسالة وأنا
برد ليه وطبعا المقصود برد عليه
جاد جدا وطبعا المقصود جاد جداً
فما رأيكم يا أخوة
هل أخطأت فى حق هذا الشاب؟
يازولyazoalيازول
_____
أتق الله حيث ما كنت واتبع السيئة الحسنة تمحها وخالق الناس بخلق حسن
|
|
 
|
|
|
|
Frankly
فيس بوك
تويتر
انستقرام
يوتيوب
بنتيريست