|
|
 بغرانه من ناس رجاء وراويه وتماضر
|
السلام عليكم يا ناس الله
والله مشتاقه ليكم شديد ومدبرسه شديد مع القرايه, قلتى افك دبرستى ده شويه اصلا نحنا ما واخدين منها حاجه
لكن انتو حقارين ياناس البورد
يغيبو الحلوات تماضر وراويه ورجويه تسعه يوم وترجعوهم بالطبل البلدى والمظاهرات
ونغيب نحن تسعه سنين ولا تشتغلو بيناولا تهببونا
ماقلت ليكم انتو حقارين؟
والله رجويه وتماضر وراويه صحباتى وبحبهم موت وسعدت جدا لرجوعهم برغم عدم متابعتى للبورد لكن برضو بغرانه, اكضب يعنى؟
اها ده حردتى ماشه وماراجعه الا لما تعملو لى مولد ذى بتاع رجويه وطمطم وراويه
البغرانه
وفى امان الله
لا اله الا الله
|
|
 
|
|
|
|
|
|
|
 Re: بغرانه من ناس رجاء وراويه وتماضر (Re: Rawia)
|
اختنا بت الاحفاد مولد البسيطة دي ....
بس ما دايرين نشغلك من القراية و كدا ....
يعني لو كنا عملنا ليكي جلبة كنتي حتضطري تخلي القراية و تجي تشوفي الحاصل شنو
و نكون اتسببنا في تشتيت انتباهك ...
امنياتنا بالتوفيق و السداد و دوام النجاح
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: Raja)
|
الاخت العزيزة بنت الاحفاد
والله سعيد جدا بإطلالتك من بين الكتب علينا
اول ما دخلت البودر افتقدك وافتقد بوستاتك القيمة الثرى
وان شاء الله ترجعي وتواصلي المشوار
الله يوفقك دنيا واخرة
واصلح الله اعمالنا في الدارين
انه ولي ذلك والقادر عليه
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: طيفور)
|
بت الاحفاد
كدى انتى احردى الاول... و لمن تكملى العدة تعالى راجعة
وشوفى نعمل ليك شنو؟
نحن العدة بتاعتنا اصلها ما بتكمل
دحين فى دراستك للتكنولوجيا دى ما عندك لينا سوفت وير ينقص لينا العدة دى ؟؟؟
| |
|
|
|
|
|
|
|
|
 Re: بغرانه من ناس رجاء وراويه وتماضر (Re: bint_alahfad)
|
الحبيبه راويه
مشتاقه ليكى شديد, شوقنا بحر يا عسل, الله يخليكم لينا يا حبيبه
الاخ الاخ الكريم اسعد ابراهيم
وعليكم السلام ورحمه الله
الله يخليك , عارفنك ما بتقصر, بخصوص البارتى اى زول ماسجل اسمو هنا ممنوع من دخول البارتى, حنعين لينا كم بودى قارد كده, تشكر للدعوات
الحبيبه الملكه ملكه سبأ
بالله نحنا عادننا من الجميلين فى البورد؟ مافى زول ادانا خبر , تسلمى يا حبيبه
وفى امان الله
لا اله الا الله
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bint_alahfad)
|
الاخ الكريم حسين ملاسى
عزرك وجيه, نشوف لما نخلص قرايه حتكون حجتكم شنو
شكرا مره اخرى
رجويه حبيبتى
نورتى البورد بطلتك البهيه وابتسامتك الجزابه, ليكى وحشه كبيره والله, الحمدلله انو ما كنت متابعه البورد الايامات الفاتت والا كنت اتبهدلت ذى الناس الاتبهدلت بفراقكم
اعجزتنى كلماتك الدافئه الرقيقه عن الرد, فلكى كل الحب والود, فى انتظار رجوعك مره اخرى
الاخ الكريم فرانكلى
سعدت جدا برجوعك مره اخرى, ولرجوع مساهماتك القيمه التى نستفيد منها كثيرا, الف حمدلله على سلامه الرجوع
بارك الله فيك للدعوات المباركات وجزاك بمثلها انشاء الله
لك كل التقدير والاحترام
وفى امان الله
لا اله الا الله
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bint_alahfad)
|
الاخ الكريم طيفور
الله يجبر بخاطرك زى ما جبرت بخاطرى, تشكر كثيرا لهذا الكرم النبيل, تحياتى
الاخت العذيذه تماضر
اولا حمدلله على السلامه والبورد نور بوجودك
بس كده على الحرده؟ لو بقت على كده تبقى ساهله من الليله بنحرد ليكم
للأسف لسه مالقينا طريقه لسه تنقص العده, لو عرفتها بقولها ليك, شكرا للطله
وفى امان الله
لا اله الا الله
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bayan)
|
كيف حالك يا بت الاحفاد - مرحبتين حبابك ، حاشاك انتى من (البغر) بس كده خلصى العليك وطلى وحتشوفى الاهازيج والزغاريد من كل بنات البورد وبالاخص ( رجاء - راويه - وتماضر ) والعرضه من اخونك فى المنبر
سائلين الله لك التوفيق - وشدى حيلك و الله معاك
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bint_alahfad)
|
الحبيبه بيان
مشتاقه ليكى بالاكثر يا حبيبه, وعارفه ما ببعدنى الا الشديد, عارفه بحبكم يا غاليه لانو ما حيكون اقل من حبى لكم, لكم خالص التقدير
الاخ الكريم على اسماعيل
مشكور جدا لحسن الظن( اتمنى ان اكون ختيت الجمله فى مكانها الصحيح) بغرانه يعنى غيرانه مش كده؟ لكن اطمئن بغرتى من النوع الصحى يعنى انا ما بحسد اخواتى الحبيبات بل العكس بتمنى لهم كل خير فهم يستاهلو كده واكتر, فحب الناس نعمه لا تضاهى, واخواتى اثبتن انهن جديرات بهذا الحب الذى اتمنى ان يشملنى جزء منه, تشكر للتشجيع ورفع المعنويات
شيرى العسل شخصيا زايرانى فى بوستى؟ ده براها عايذه ليها احتفال وتكفى لفك الحرده, تسلمى يا حبيبه لنشر الابتسامه فى كل مكان, اشكرك للطله الجميله وللدعوات الصالحات, ولكى بمثلها انشاء الله
وفى امان الله
لا اله الا الله
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bint_alahfad)
|
الاخ الكريم The Rain
تشكر يا سيدى على الكلمات الرقيقه وانشاء الله ما تشوفو وحش, شكرا للدعوات والامنيات الطيبه ولك بمثلها انشاء الله
الاخ الكريم بدر الدين شنا
سلالالالام
اعتبرها ده زوغه من القرايه اصلا القرايه طول الوقت ممله شديد, انشاء الله كل ما الاقى وقت بديكم طله,
الف مبروك للحج, حجا مبرورا وسعيا مشكورا انشاء الله, اسفه لتأخير التهنيئه لكنى لم اعرف بحجتك من قبل, مش قلتى انى ما كنت متابعه البورد الايام الفاتت! مشكور للطله
وفى امان الله
لا اله الا الله
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bint_alahfad)
|
الحبيبه سودانيه
ومعزتك عندى مابعرف معنى الكلمه ده, انا شفتها حايمه فى البورد قبل كم شهر كده فقلت اقشر بيها, لكن خمنت تكون معناها غيرانه والله اعلم, ما تسألينى اقشر بيها معناها شنو لأنى لروحى ماعارفاها
عارفه بجد وحشتينى موت, انا شامه لى ريحه حاجه داساها منى غايتو لو الفى بالى وبالك اطمئنى ماحننساكى من الدعوات, بس مايكون فيها خيانات, اوكى؟
خالى العذيذ خالد
انشاء الله ما تشوف وحش, تشكر كثيرا للطله ولللأغنيه الجميله وانشاء الله ماعدمناك ابدا
خالص شكرى
وفى امان الله
لا اله الا الله
| |
|
|
|
|
|
|
|
|
 Re: بغرانه من ناس رجاء وراويه وتماضر (Re: bint_alahfad)
|
تسلمي يا عسولة و مشتاقين يعني كتير علي ايميل و لا ابغر من ناس بضربوا ليهم عبر القارات
نحن لينا الله .....و تمي لو عارفة يا حنكوشتي العسل
اقول ليك زهجت من السودان شقتك ما فيها اودة زائدة اجيك اسبوع كدة عشان اقول ليك كل الشمار
هاههاهها شمار غالي جدا ...
تسلمي و سلمك الله من كل شر
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bint_alahfad)
|
الحبيبه سودانيه
لا والله لو رسلت ليكى كل يوم عشره ايملات ما كتيره عليكى, لكن تعرفى يا حبيبه انى بكسل من الايميل وخصوصامع زحمه القرايه, لكن انتى رسلى لى تلفونك لو ماجننتك بالتلفون بعدين ما تتكلمى معاى
لينا الله وعيشه السوق...ده من الكلمات السمعتها مؤخرا وعجبتنى شديد
يا حبيبه عندى اوضتى براى وكبيره , كانت مشاركانى فيها اختى قبل ما تتزوج وترحل, لو ما شالتك اشيلك فى عيونى, انتى بس كدى تعالى نحنا لاقيننك وين ياعسل؟
لو محتاجه فيزا كلمينى ارسل ليكى دعوه اقول جايبه خطيبتى مش هم قالو الحاجات ده عندهم عادى, خلاص,
خصوصا فيزه الخطيب/ الخطيبه ما بتحتاج تعقيدات زى الفيز الاخرى اليومين ديل, اقرى الكلام ده بسرعه عشان امسحو حسه ناس البورد يجو يقولو بنت الاحفاد فسدت, واتأثرت بناس لندن. بهزر , ما اهزر يا اخوانا
ياحبيبه منتظره الشمارات, وكلمينى لو ايملى عندك ولا لا, يلا تحياتى واشوفك بألف خير
وفى امان الله
لا اله الا الله
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bint_alahfad)
|
بت الاحفاد
يابت كبرنا...نحن الجداد ديل لاشبعنا فوقك شوف لاناضمناك..وعشان
مالينا فى الطيب نصيب لقينا الامتحانات شادهاك..رضينا بنصيبنا
لكن لو بتأمنى انو الاعمال بالنيات فى اليوم الواحد بنسأل منك
مليون مره.
نتمنى ان تكون حصائل اعمالك من الامتحانات سبائط رطب..وترجعى فرحانه
وتفرحينا..يومها سوف يكون الطرب معقودا والغناء مسموعا..والى ذلك
الفرح لك من الود الكثير ومن الامانى ما لنفسنا,.
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: Nada Amin)
|
الله يجازي محنك يا عسولتي التاريخية خليتيني اضحك براي في المكتب و الليلة و الليلة ..يقولو البت رجعت علي حافة الجنون تسلمي عسولة
خطيبتك خطيبتك و مالو ما برضو حرية شخصيةولا ايه ... لووووووووووووول
ما عندي فيزا و بس قولي خطيبتك دي حلوة
موافقة علي الاودة بس انا مجنونة حبة و كروري كتير عشان كدة حاولي تشوفي ليك حتة تانية
ما عندي ايميلك الان
و ح ارسل التلفون بس اياك تقولي فلست بيك اصلي نضامة و ماعندي اصحاب لسة في السودان و غربة داخلية شديدة....بس دعواتك
بس رسلي ايميل فاضي علي [email protected]و الباقي علي
بحبك يا عسسسسسسسسسسسسسسسسسسسسسسل و بموت فيك
بيضاء السريرة صادقة النية
و عذبة انت كالطفولة كالاحلام
........
سلمت لي
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bint_alahfad)
|
هسع لو سوينا ليك مولد ما بتقولي بدعة
بعدين الواحد لامن يقول انا ماشي عندي قراية ما مفترض يسالو منو لامن يجي براهو يقول خلاص خلصتا قراية ..
انتي اخترتي درب القراية وناس راوية وتماضر اختاروا البورد ...
ومعلوم انو القراية دي بتنفعك..
لكن كدى خلي البورد ده ينفعم..
واهو كل زول بختار طريقو
بعدين انتي حاقرة بي كده في شان شنو ؟؟؟
ميسنجراتي تتطاقش وانتي ولا على بالك
اكلنا عشاكي ؟؟
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bint_alahfad)
|
اعتزر اخوانى واخواتى الكرام لتأخير الرد لأنشغالى الشديد
الاخ الكريم صديق الموج
اشكرك كثيرا لمرورك هناوللأمانى الطيبه, لك كل التقدير والاحترام
الحبيبه رجويه
مكرر احبك
مكرر احبك
مكرر احبك
لك ودى يا عسل, يا من تدخلين البهجه لقلبى بمجرد طلتك على, لكى كل التقدير والاحترام
الحبيبه ندى امين
اسعدتنى طلتك وشكرا لمرورك من هنا, بخصوص الامتحان فباسيت السيورى والحمدلله, فضل البراكتيكل, لسه ما عارفه متين, الله يوفقك انشاء الله فى الامتحان , لكى كل الود
خطيبتى العسوله سودانيه
كيفك حبيبتى, معليش ما رسلت ليك الايمل, حارسله حالا بعد ما ارد هنا انشاء الله, قلتى لى عايزه تستولى على غرفتى وتطلعينى منا بره, مافى مشكله يا عسل, كل يهون عشان خاطر عيونك, عارفه يا حبيبه لو مافى ناس من البورد شافونى حقيقه واتكلمو معاى كانو حلفو انى راجل لانو بيقولو كيف بنت بتتغزل فى بنت كده, مع انو ده شئ طبيعى بيناتنا نحنا البنات لكن الاولاد مابيفهموهو(عشان هم خشنين مع بعض
انتظرى ايمل منى ياعسوله, وانا بموووووت فيكى كمان.
وفى امان الله
لا اله الا الله
| |
|
|
|
|
|
|
|
|
|
Re: بغرانه من ناس رجاء وراويه وتماضر (Re: bint_alahfad)
|
الاخ الكريم عبد الله بابكر
اولا لك الشكر والتقدير لمرورك من هنا, وشكرا لزوقك.
بس حبيت الفت نظرك لحاجه, كلمه عسوله ده او اى كلمه بتاعت كسر حواجز وكده مقصوره للبنات فقط, يعنى لا احب اى رجل ينادينى بها, وانا عزرتك لأنك جديد وما عارفنى وكده, بس عليك الله المره الجايه ماتنسى, اشكرك لتفهمك مره اخرى
الاخ الكريم اساسى
برغم ما فهمت حاجه لكن برضو مشكور لمرورك من هنا, تحياتى
العسوله سمسم
صاده معناها شنو؟ انى وى رجعت ارد ليكم يا عسل وراجعه للدراسه مره اخرى, انتظرى ايمل منى عسولتى, تحياتى وحبى
الاخ الكريم دكين
اشكرك لمرورك من هنا, انت رسلت لى ماسينجر ؟ هو وينو زاتو الماسنجر, انا اختفيت فتره وما كنت بقرب فيها البورد جيت لقيت الماسنجر مافى افتكرت نشلوهو,
حسه عليك الله انا اقرأ ماسينجرك بياتو طريقه, اعتزر ان اعتقدت اننى تجاهلتك لكنى لم اطلع على البورد من زمن
العزيزه تماضر
شكرا لمرورك من هنا مره اخرى
الى اللقاء بعد نهايه امتحاناتى بأذن الله
وفى امان الله
لا اله الا الله
| |
|
|
|
|
|
|
| |
bint_alahfad
Rawia
ASAAD IBRAHIM
ملكة سبأ
Hussein Mallasi
Raja
Frankly
طيفور
Tumadir
bayan
shiry
THE RAIN
بدرالدين شنا
معتصم دفع الله
Dia eldin khalil
صديق الموج
اساسي
فيس بوك
تويتر
انستقرام
يوتيوب
بنتيريست