|
|
|
 Re: تحـذير: بوستـات البورد ضـارة بصحتـك اللغـويــة. (Re: Hussein Mallasi)
|
شكرا يا ابو الريش على الانتظار
اها بتتذكر البوست دا ......  
Re: يا أخوانا وين الأخت الصحفية سـارة منصـور
المهم دا الكلام ادناه دا انت كتبتو ..... اها رأيك شنو
Quote: صـديق،
أثلجت صـدرى بإطلالتك الفنيــة.. ولقـد أتـذوق موسيقـاك الفـريـدة، ذات النكهــة الوحيــدة.. والتليــدة.
ويا صـديق عبـدالله.. كلامى ليك..
قول لينا حكاوى أتبـرة.. وعطبـرة السكــة حـديـد..
ما تحرمنا من زكرياتك..
ويا صـديق كلامى ليك..
النثـر بتعـرفـو.. والشعــر هيلك..
قول لينا عن عطبـرة..
ويا صـديق كلامى ليك |
ملحوظة:
ال Underline من عندي .....
.
| |
 
|
|
|
|
|
|
|
 Re: تحـذير: بوستـات البورد ضـارة بصحتـك اللغـويــة. (Re: أبوالريش)
|
نعم اخى ابو الريش
صحتنا اللغوية فى خطر
حقيقى اصل الذاكرة
اصابتها الثقوب
من زاد الطيب بله
انا مع مقترحك
الرباعى
واضيف لى المقترح الثلات
أن يعيـد الكاتب قراءة ما كتبـه، بعـد الإرســال ويتأكـد مرة أخرى من سـلامتـه اللغـويـة.
بعد البسملة لازالة شيطان لوحة المفاتيح
ولك التحية
عثمان احمد
| |
|
|
|
|
|
|
|
|
|
Re: تحـذير: بوستـات البورد ضـارة بصحتـك اللغـويــة. (Re: almohndis)
|
والله انا قايلة الحالة دي على براي لاني الايام دي بقيت اقيف واتلخبت بين السين والثاء والزال والذا فياترى ما هي المشكلة؟؟ لكن اتخيل لي احيانا نحن نميل للكتابة بالعامية وعاميتنا معروفة خاصة مابين الغين والقاف الاننا ما بنحب القلقلة ونميل الى الغلغلة ، ولا بنجيدة وسؤال برئ فيها شنو اذا كتبنا بلسانا نحنا ما بلسان عمرو ولا زيد فنحناسمينا افرو عرب واكيد نختلف عن باقي العرب وعندك المصريين قاف الف واليمن ، و مثلا في اللغة الانجليزية تجد اختلاف عن اللهجة الامريكية رايكم شنو دام فضلكم ؟ وبالله ما تمنعونا من الكتابة لانو المسالة فيها عدوة كما ماهو واضح .
| |
|
|
|
|
|
|
|
|
|
Re: تحـذير: بوستـات البورد ضـارة بصحتـك اللغـويــة. (Re: أبوالريش)
|
أحيي هذا البوست ,
قد نقع جيمعنا في أخطاء غير مقصودة فليصحح بعضنا بعضا . ولكن هنالك الكثير من أخطاء عدم المعرفة باللغة وهي مسألة باتت وجها مألوفا في هذا البورد .
أود أن اشير الى الياء(ي) والألف المقصورة (ى) وهما موجودتان في الكيبورد . ولكنهما غير موجودتان في معظم الكتابات , وهذا عيب سوداني خالص .
| |
|
|
|
|
|
|
|
|
|
Re: تحـذير: بوستـات البورد ضـارة بصحتـك اللغـويــة. (Re: Dr.Abbas Mustafa)
|
"وسؤال برئ فيها شنو اذا كتبنا بلسانا نحنا ما بلسان عمرو ولا زيد "
الأخت عائشــة،
دى مافيهـا حاجـة، وأهـو أنا مرات كتيرة بكتب بيهـا..
لكن الطـامـة تجى لمن نبـدأ نكتب بالفصحـى.. هنا اللخبطـة قاعـدة تحصل..
وما عنـدى شـك أنو السـبب هـو هـذه الأخطـاء الكثيـرة والمتكــررة مـع سبق الإصـرار والتـرصــد.
زمان فى المـدرســة الواحـد لو غلط فى حاجات زى دى، بيلقى التصحيـح (ومعاه علقـة) فورا.. فيصحـح فى اللا وعى أيضـا.. أما الأن، فعقلك الواعى يقول ليك إنـو دا خطـأ سيك منـو.. لكن اللا وعى ما بيعـرف حكايـة سيبك منـو دى.. ما عنـدو حتـة يختهـا فيهـا.. و هو ما بيجـدع أى حاجـة.. بس يرجاك لمن تكتبى، وبعـد داك بدل يديك الحـرف الصحيح، يـديك ليهـم الإتنين، ويخليك تختارى بيناتـم!!!!
دا التفسيــر لحكايـة التـردد بتاعنا لمن نكون عايزين نكتب كلمـة فيهـا ذال أو قاف!
أعتقــد دى مشكلـة حقيقيــة، وتحتاج لمزيـد من النقاش والبلـورة.
| |
|
|
|
|
|
|
|
|
|
Re: تحـذير: بوستـات البورد ضـارة بصحتـك اللغـويــة. (Re: أبوالريش)
|
ابو الريش
لووووووووووووول
لكن
عارف انا اكثر زول بيغلط
لانه جنى وجن المراجعة بعدين بكتب باصبع واحد و انفى بيكون طاقش الكى بورد.. بعدين انا اتعلمتا الحروف بعد تعب شديد
وفى واحدات ما بلقاهن تب وكتين اكوسهن
لكن الحمدلله ناس الحداسة ما مقصرين طوالى بيطلعو غلطاتى المطبعية ويسموها املايئة وانا بصلحها عقب
تاعبة روحى مالى مادام عندى مصححين لغوين..
وذى عشوشة دى عندى مشكلة ز وذ مرات جد ما بفرزهن ومرات الذ ما تتلقى.. يعنى تساهيل ساكت
واليايات ديل برضو مشكلة كبيرة
لكن اسع اجازتى الجاية للسودان فى اغسطس اتعلم الطباعة العربى واجى اشكل ليكم القطعة كلها..زينة كدى وصلاتى على موحمد
مقدما.
| |
|
|
|
|
|
|
|
|
|
Re: تحـذير: بوستـات البورد ضـارة بصحتـك اللغـويــة. (Re: أبوالريش)
|
كتااااار من كبارنا عطرو الفكر..
بينم من دخل من طاقات قلوبنا وبينم من نقر ابواب عقولنا.
.بس مسال منهم الاستاذ محمود, د.عبدالله الطيب,استازنا الطيب صالح ...الكتابة بالعامية فــــــــن...
ملحوظة ... انا ضد عدم الالتزام بقواعد اللغات..
لكن هل يمكننا التعامل مع دارجيتنا بمعرفة وقوةموسرة في التوصيل ...؟
question!
| |
|
|
|
|
|
|
| |
Hussein Mallasi
almohndis
عشة بت فاطنة
khider
bayan
فيس بوك
تويتر
انستقرام
يوتيوب
بنتيريست