|
|
 بورداب الخرطوم رجال بقامة الهملايا 00 ونساء بنكهة الياسمين
|
بورداب الخرطوم رجال بقامة الهملايا
ونساء بنكهة الياسمين
وأطفال بمقاس البراءة
وشوارب بالحجم العائلي
وشعراء يجعلونك تترنح
وأنفاس ناعمة معطرة تكاد تحرق الخرطوم لو اشعلت ولاعة في ذلك اليوم
ونيل شامخ 00 لكنه مراهق عجوز ومتصابي
كان يتلصص كلما أحس بفراشة قادمة
ويلوي عنقه ويتأفف كلما اقترب منه منوت وابويسرا وابونورا وابوحراز
فراشات بكل جمال العالم والوان الطيف
وقلوب عرضها السموات والأرض
لأول مرة تجتمع الملكات ليس على صالة عرض
بل على بورد فسيح
ملكات للجمال وأخريات للموضة وبعضهن للرشاقة
ملكات للكلمة وملكات للبراءة وملكات النحل والعسل والرحيق
أطباق من لبن لم يتغير طعمه
وأطباق من عسل مصفى
ولوحة تشكيلية على هيئة قصيدة صاغ كلماتها المهندس وكل زملاؤه ببورداب الخرطوم
لوحة تكاد تفوق مارسمه دافنشي وبيكاسو ورينوار وفان جوخ وسيزار ومايكل أنجلو
كل شيء كان بريئاً في هذه اللمة الرائعة والظريفة
حتى العيون كانت تتلاقح مع العيون
والقلوب كانت تنبض مع القلوب
والأنفاس كانت تصطدم بالأنفاس فتومض في الكون رحيقاً وعطراً
الشوارب مع الشوارب
وفي وجبة العشاء الدسمة
كان الجلوس رائعاً
أشبهها بأن هذا ملح أجاج وذاك عذب فرات وبينهما جبنة وزيتون ودجاج وتفاح وعسل وآمال عريضة بقصة عشق لن تنته
كما أن للبوست بقية ولم ينته أيضاً
ساحاول أن أغمس ريشتي في قارورة من العطر لأكتب بقية البوست 0
|
|
 
|
|
|
|
|
|
|
 Re: بورداب الخرطوم رجال بقامة الهملايا 00 ونساء بنكهة الياسمين (Re: ابوحراز)
|
أخي/أبو حراز
ريشتك المغموسة في دواة عسل العشق نفحتنا في عاصمة الضباب هنا أريج الوطن. يا لك من فنان ساحر، تنثر لؤلؤ الكلم فاذا بجلسة أنس عادية لبورداب الخرطوم تتحول بفعل قلمك الفنان الى بساتين، ونيل وساحة فروسية وحسناء تغمز بطرفهاالكاحل قمر السماء ليتنزل الى الأرض فيشهد الناس أيهما الأحلى: هي أم القمر!!؟
بمثل هذا الأدب الرفيع نعيد الى الأذهان فصاحة معاوية محمد نور وحمزة الملك طمبل وشاعرية التجاني يوسف بشير حين ينثر وفصاحة عبدالله الطيب في أصفى حالاته وهو ينبري للكتابة كهاجس في "حقيبة الذكريات" أو "بين النير والنور". أدب كدنا نفقد الأمل في عودته مجددا لو لا بعض اشراقات هنا وهناك..لعل منها ما يخطه هذه الأيام يراع الدكتور منصور خالد الذي حول جفاف السياسة في كتبه الى أدب راق!
أنثر ورود الكلام علينا أخي أبو حراز‘ فقد نقلتني هذا الصباح بحلو كلامك الى وطن يقتلني الحنين الى وهاده ورباه!
هل لك أن تزف تحياتي الى المهندس وبقية الرائعين والرائعات؟
أخوك/فضيلي جماع
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: almohndis)
|
لقد فتحت شهيتي يا استاذي فضيلي جماع
ما كدت اتصور أبداً أن ريشتي المتواضعة سترسم على أوتارك هذا الكلام العادي الذي حوله قلمك الى ابداع
وماكدت اتصور أن قلمي سيحملك الى السودان
الى حيث الدفء والبساطة والشوق بلا حدود
كنت اضحك وأنا اغادر الجلسة الجميلة
أضحك من النيل المتغطرس
لأنه لم يحظ ولو بقبلة واحدة من المجتمعين حوله
كان يحلم ياسيدي
مثلما كنا نحلم نحن
لكن تحقق حلمنا بانفجار قنابل من العطر والرحيق
انفجرت حولنا وتبعثرت
لكنها لم تحولنا الى أشلاء
بل حولتنا الى ابداع والى كلمة والى قصيدة
حتى انفاسنا عبأناها في قوارير
وحملناها معنا
لأنها كانت انفاس مختلطة بانفاس
وكان رحيق مختلط بالرحيق
وكان أمل ممزوج بامل
وكان وكان وكان وكان وكان وكان وكان وكان
لاتسألني استاذي عن هذه الكانات
ابعثها اليك فقط لتذوب عنك كل جليد العالم
ولتقشع عنك الضباب
وفوق هذا وذاك علها تحملك مرة أخرى
الى حيث الشوق والحنين واللهفة
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: عزيز)
|
خطاب دي ياخوي نحن بنفهمها بالزاوية الضيقة
ماتكون المدام فاهعمة زينا كدا
تعرف ست النفر دي لو جات الإجتماع
الا كان اليوم داك نجيب ناس المطافيء
الظريفة دي قال بتغير قال
مرات تقول ليك شناتك دي مطمناني
لكن مرات غيرة لدرجة البكاء
تقول أنا توم كروز او دي كابريو
نفسك تشوف الملكات
لكن حارس لي فريزيان هولندا دا
والله انتو حاتروحوا فيها روحة عدوووك
حاجات كتيرة حاتفوتكم
واسكيرتات كتيرة
وبلوزات كتيرة
وعراريق كتيرة
قال عراريق قال
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: 7abib_alkul)
|
حبيب الكل
أول شيء خطك جميل 00 اللون الأزرق من األوان المفضلة عندي
ورغم كدا طبعاً ماقاعد اشجع الهلال
تاني شيء نفسي أكتب بهذه الطريقة
يععني كتاباتي اغلبها رومانسية
والخط الأسود في الرومانسي مابياكل عيش
والأهم من ذلك قلبك جميل
لكن أتمنى أن يسع إمراة واحدة
هن ذاتن بيني وبينك لو الواحدة دخلت القلب مابتدي فرقة معاها لأي واحدة تاني
مرات عاد مساخة عدوووووووك
تقول ليك أنا وبس
قال النيابة العامة قال
محروق على ود أختي
شغلتو مع واحدة محامية
والراجل جبناه من اهل العوض
وكانت المخاته سايلة يمين وشمال
هسي عرسها
شي عجيب
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: ابوحراز)
|
فاكهةَ البوردِ الليموني
* تُرى ما سرُّ العلائقِ بين هذا الشائخِ العجوز المتصابي ( النيل ) و منوت ، أبو ( يسرا ، نورا ، حراز ) ؟
* و هل يغارُ سيّدُ الأنهارِ العتيقةِ من غرمائه ؟
* كنتُ أراقبُ جريانه قبالةَ ( الأسكلا ) ، و عصفرته على ضفافِ الأزرق النشوان ، و هو يتلصصُ عل ( طفله حلوه ، شايلا لونا ، ترسم الوطن الشباب .. أدّت النيل ابتسامه ، غيّر النيل انحدارو ) ، ترى من كانت هذه الطفله الحلوه ؟
* سبقتني على اجتراح تفاصيل هذا اللقاء البوردي على ضفاف الأزرق قبالةَ ( متحف السودان ) ، و كنت أو الحكي عن ( تهراقا و باعنخي ) و هما يمدان الآذان مستمعين لإبداع بوردابِ الخرطوم ، فهل كان اختيارُ ( مسرح ) اللقاء صدفةً ، أم الليمون هو الذي قال بذلك ؟
و لنعاود الحكي المرطب للدواخل يا بن شيخوختي و تصابيَّ الحرازي !!!
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: ابوحراز)
|
فاكهةَ البوردِ الليموني
* تُرى ما سرُّ العلائقِ بين هذا الشائخِ العجوز المتصابي ( النيل ) و منوت ، أبو ( يسرا ، نورا ، حراز ) ؟
* و هل يغارُ سيّدُ الأنهارِ العتيقةِ من غرمائه ؟
* كنتُ أراقبُ جريانه قبالةَ ( الأسكلا ) ، و عصفرته على ضفافِ الأزرق النشوان ، و هو يتلصصُ عل ( طفله حلوه ، شايلا لونا ، ترسم الوطن الشباب .. أدّت النيل ابتسامه ، غيّر النيل انحدارو ) ، ترى من كانت هذه الطفله الحلوه ؟
* سبقتني على اجتراح تفاصيل هذا اللقاء البوردي على ضفاف الأزرق قبالةَ ( متحف السودان ) ، و كنت أود الحكي عمّا كان يجري في ذاكرةِ مروي و نبته - حبيبتي - و( تهراقا و باعنخي ) و هم يمدون الآذان مستمعين لإبداع بوردابِ الخرطوم ، فهل كان اختيارُ ( مسرح ) اللقاء صدفةً ، أم الليمون هو الذي قال بذلك ؟
و لنعاود الحكي المرطب للدواخل يا بن شيخوختي و تصابيَّ الحرازي !!!
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: منوت)
|
أخي الأديب/أبو حراز
بعيدا عن أي تواضع زائف أعترف أن أمثالك من المبدعين يشعلون نار الكلمة بكل ما فيها من لهب مقدس، حتى اذا أقتربنا منها فار تنور الابداع في عروقنا..حينها ينتفض الوطن الراقد في خلايا الدم، زوبعة تطوي الأبد وتبتلع الآباد. أن مثلك يا أخي الفنان منحوني في هذا الموقع أكثر من جسر ؛ نقلت فيه خطواتي بين ضباب مدن شمال العالم وشموس خط الاستواء. أطفأتم كثيرا من جحيم غربتي!
ان أمتنا ليست بعاقر. تسكن حينا، لكنها تعرف متى تزأر أسودها ومتى تغرد عصافيرها. بورداب الخرطوم مبدعون ومبدعات فوق حدق عيوننا حتى نلتقيهم قريبا باذن الله. ويسعدني انصافك لهم رجالا ونساء.
مالي أرى المهندس يحجز باسمي مقعدا ثم يهرب!؟ وبهذه المناسبة فهو أول الأحباء (من عندكم) ممن حيوني ورحبوا بي في هذا الموقع.اني أعده صديقا حلو الجناب وأتابع كل ما يكتب باهتمام.
فضيلي جماع
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: فضيلي جماع)
|
يقال : أن الملكة في مملكة النحل تقتل عشيقها
تقتله حتى وهي تعلم أنه الأول والأخير
لكن هناك في بورداب الخرطوم ملكة من نوع آخر
ملكة قتلت فينا كل ظمأ الغربة وآلامها
وقتلت فينا اليأس فحملناه غير عابئين الى مثواه الأخير
منحتنا الأمل
وفوق هذا وذاك منحتنا اللقاح
وتركت لنا الرحيق في مكانه
وهذا يخالف طبيعة النحل
انها 00 دريييييييييييييييم 00 الملكة النحلة
حيوية ونشاط ورشاقة وأمل وحلم كبير وتقديم رائع
كلمات تتقطر رحيقاً وزهراً وعطرا وياسمينا
حقيقة دهشت عندما رأيتها
فقد كنت أضع لها صورة غير الصورة الحقيقة التي رأيتها بها
فلقد كانت خواطرها وكتاباتها معتقة ومتعقلة
وجدتها كبيرة في أفكارها وخواطرها ومساحة قلبها
وقبل هذا وذاك فهي تحمل نصف براءة العالم
لاتسألوني أين ذهب النصف الآخر
بل إسألوها هي لماذا خبأته وراء عينيها !!!
شابة صغيرة جداً في السن
وعندما انهيت أنا دراستي الثانوية بالكاد هي تكون قد أمسكت برضاعة الحليب
كانت هذه الفراشة تحلق بنا
وتطير هنا وهناك لتعطر الجو بقفشاتها
هذه حقيقة ليست أحلام
إنما بركان من الأحلام
وبركان من القصائد
وبركان من الرحيق
إتركوها تثوووووووووووووور
لتقذف لنا بحممها المعطرة بأريج الحب والوفاء والإنسانية بلا حدود
إنها إمراة تجعلك تحلم في اليوم مائة مرة
وتتمنى أن لايـنـتـه الحلم
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: فضيلي جماع)
|
أستاذي فضيلي جماع
كان تأخري في الرد عليك مقصوداً
لأنني بعد قراءة عباراتك الرائعة أصبت بالدهشة والشهقة
توقفت فيها كلها
وتلعثمت حينما قرات عبارة
{ حينها ينتفض الوطن الراقد في خلايا الدم }
شاهدت من بين حروفك الوطن وهو ينتفض
شاهدت النيل وهو يفيض من هذه الانتفاضة
وشاهدت النخيل الباسق وهو يزأر من شدة حبه للوطن عندما ينتفض
حقيقة 00 أن الوطن قد غيّر حتى من فصيلة دمنا
منحنا العطاء والابداع والألق
وكما ذكرت استاذي
أن الأمة السودانية ليست بعاقر
فهي تعرف متى تسكن ومتى تزأر ومتى تغرد عصافيرها
كل العالم ياسيدي يعترف بان وطننا من أكبر الدول مساحة
لكنهم عندما يأتون الينا
يرجعون وهم يحملون إنطباعاً قوياً بان السودان من أكبر الدول سماحة !!
كلماتك جعلتني في قمة النشوة
وفي حضيض التواضع
وقد دفعتني كاندفاع شلالات نياغرا لأكتب كل محاولاتي المتواضعة
كم نتمنى أن تعود للوطن
وأن تتنفس من عطره وجماله
وكم نتمنى أن تكون مع بورداب الخرطوم يوماً ما
فهم يحملونك داخل حدقات عيونهم
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: منوت)
|
لا اعتقد ان النيل يومها قد غار من منوت وهؤلاء العجائز
بل سيكون قد إحترق حتى أصبح يبحث عن ماء ليطفيء به نيرانه
ألا تكفيه قبلته مع النيل الأبيض عند المقرن
قبلة على مر التاريخ
وأمام الناس
وتحدياً لشرطة النظام العام
لا أدري حتى اللحظة ماسر هذا الحب
الحب الكبير الذي يجمع مابين أنهار السودان ومدنه
أغتاظ كثيراً يامنوت عندما اشاهد القاش وهو يلتف حول خصر كسلا
وأحياناً يثور ويهيج ويغتاظ
فتعانقه كسلا وتهديء من روعه
فيرجع وينزوي بين ضفافه
وقد إحمرت وجنتاه
ليس غضباً من كسلا
وإنما من بقايا مكياجها !!!
تثيرني يامنوت أشجار الليمون في كسلا
تثيرني عندما تبرز نهودها
لتغازل القاش والتاكا معاً
وجبال التاكا كما قال عمر الحاج موسى
هي نهود كسلا
تحاول في كل يوم أن ترضع السماء
ما أجمل الطبيعة في بلادي
السماء في كل العالم ترضع الناس والأرض
ونحن طبيعتنا ترسل الحليب للسماء
ولا اعتقد أن السماء في بلادي ستبلغ يوماً سن الفطام
بل ستظل قصة العشق هذه على مر التاريخ
ارجوك
ان تذهب للنيل وتبلغه تحياتي
فقد ملأت كرشي منه
ومن يشرب من أنهار السودان
يكاد لايظمأ
تحياتي اليك
والى كل أهل بلادي
من الماء الى الماء !!!!!
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: almohndis)
|
الأديب حقا/ عثمان أحمد عبدالله (المهندس)
ليس مصادفة اذن أن ترفد أسرتكم المعطاء ساحتنا السودانية فنانا تلو الآخر وشاعرا الى جنب شاعر..وعندنا في السودان (الولد خال)!! قرأت الرائع محمد تاج السر، عاصرته في أروقة جامعة الخرطوم..أجيء في قفاه بقليل من حيث ترتيب السن. كان شاعرا مجيدا، وكنت آنئذ أحاول الوقوف على قدمي! شاعران يكتبان بالفصحى آنئذ عشقت كتابتهما الى حد ترداد مقاطع من قصائدهما: الراحل المقيم علي عبد القيوم، ومحمد تاج السر-متعه الله بالعافية. علمت لاحقا أن تاج السر اختار بمحض ارادته طريقا آخر غير الشعر (ربما لما في الشعر من مجلبة للفاقة وتعس الحال)!! قد يكون محقا في خياره، لكني أتساءل:أترى هجر جحيم القافية نبض الشاعر في زحمة أرقام دنيا المال والتجارة؟
أخي عثمان
أعطيتني برائع كلماتك ما أطال قامتي! هذا كثير والله؛ فنحن من بيئة يذهب "المشكار"بمبدعيهامذاهب التهلكة. واحد من أهلك المسيرية ،كان على ظهر حصانه..والمهر أطربته الزغاريد ورزيم النقارة، فظل يتقافز ويصهل، متحفزا للجري وخوض معركة وهمية، والحسان يزغردن للفارس والمهر معا؛ فما كان من صاحبنا الا أن ضربه بالسوط وهو يصيح: شوفوا الجواد المجنون دا..هو أنا الموت لروحي ما لاقيه..ألقاه ليك أنت؟؟
بشيشك على أخيك يا باشمهندس..فقد أطلت رقبتي مترا. وبالمناسبة فان أسلوبك يميل الى مراعاة الاختصار وتجويد الصياغة، وهو شيء أساس في جودة الكتابة المعاصرة. ولعل أكثر ما أضر بالنثر العربي طوال الحقب تلك الافاضة في المحسنات البديعية الى حد الابتذال. أسلوبك في الكتابة أنيق ومحكم.
تحياتي لكل الرائعين والرائعات من بورداب الخرطوم.
أخوك/فضيلي جماع
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: اساسي)
|
همرووووووووش وأساسي
الله يجازيكم ضحكتونا
اساسي فرجها على نفسوا وساعة مافي واحد سلم عليها وحياهو قام يحيي في نفسو
قال رومانسي قال
انت مش اجتمعت مع بورداب الخرطوم
اها قلت ليهم شنو وقالوا ليك شنو
طبعاً عاوزين نعرف الشمارات
بالمناسبة عندنا عرس يوم الخميس في جدة
المصيبة كالعادة دا واحد انا ارسلت ليهو فيزا
وجاء وسنتين ما أكملهم
لقى واحدة زي الصاقعة
اها طوالي خطبها هنا في جدة
والعرس بعد يومين
الطامة الكبرى
انا حا أكون وكيل العريس في العقد
بالله عاوزك توريني الكلام البيقولوا الوكيل في المسجد ساعة العقد
عشان الواحد يذاكر ويمشي
قال مأذون قال
همشروش
يا أخي المحل دا نحن عاملنو زي الحفلة الدكاكينية تقوم تفضحنا
اها امشي جامعة النيلين مادام عملت لينا دعاية
تلقى ليك محل فيهو اربعة بنات جميلات جدا
بس قول انا جايي من ابوحراز
قال أجهزة قال
من يوم عملناها اليوم التاني قفلناها
ضرائب ومحلية ومحافظة ودعم السكر ودعم الحجاج وهلمجرا
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: almohndis)
|
أخي المهندس
كم هو رائع هذا الإجتماع
وكم رائعة هذه الصورة
نقلنا هذا الفنان المخضرم وطاف بنا يومها في عالم بعيد
عالم من الحب الساحر
وكانت جلسة رائعة
مليئة بالشفافية
سأرد عليك لاحقاً بالتفصيل
وهناك تفاصيل أخرى في هذه اللمة لم اتطرق اليها
كثيرون اتصلوا يسألوا عن إكمال البوست
أخالهم أنهم يبحثون عن ملكة الجمال
ورغم أن الجمال الحقيقي كان في قلوبنا
وكان في لوحتنا
لكن برضو أنا مصر
أن هناك ملكات رائعات
قال يطرشق قال
عايزينا نطرشق أكثر من كدا
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: ابوحراز)
|
وردة بحجم العالم نهديها لبلقيس ملكة سبأ
اتت لإجتماع بورداب الخرطوم قبل أن يذهب لها الهدهد
وجاءتنا قبل أن يرتد إلينا بصرنا
رشاقة وجمال وتهذيب وحضور متألق
وقفشات تمسح عنا كل آلام السنين
إنها الأناقة بذاتها لكنها تمشي على قدمين
لكن أكثر ما أغاظني في هذه اللمة الرائعة
أن هذه الملكة من المفترض أن تجلس قبالتي في العشاء
ولكن فجأة يأتي بلدوزر ليقضي على كل الآمال
اتى ابونورا { رقم قياسي طبعاً في الجضوووووووم }
ومن ثم الحبيب ليجلسان قبالتي تماماً
أصبح على يميني شارب وأمامي شارب ويساري شارب
فطار كل الأكل من رأسي
والحمد لله أن ابويسرا قد غادر قبل العشاء
وإلا لأصابني مغص حاد وآلام مبرحة في الجهاز التنفسي
لم اصدق أنني قد فارقت قرجة والجعلي
فيأتي هؤلاء ليقفوا في حلقي
قال شنو !!! معجبين قال !!!!
ولم ينزل علينا المطر إلا عندما أوشكنا أن نشرب الشاي
فجاءت ملكة سبا تمشي على إستحياء بكامل أناقتها لتبعد عنا هذا الكابوس
ولو لم تصب لي الشاي
لقمت بمظاهرة من الأسكلا حتى العجيجة
ابونورا أكل كل الدجاجة التي كانت بطبقي
والحبيب أكل صحنين
أما أنا فقد كان هناك { فول حاجات } زي مابيقولوا السودانين الذين يصلون حديثاً للمملكة } طبعاً ترسل الواحد منهم تقول ليهو أمشي البقالة جيب لينا زبدة فول سوداني 00 يمشي للهندي يقول ليهو : عندكم فول حاجات 00 أخيراً يجي راجع بخيبتو ويقول ليك بتاع الدكان قال ماعندو
طبعاً رميت بكل هذا الفول في جيب البدلة وكنت حذر من أحلام والمهندس
فهؤلاء لو شاهدوك وأنت تقوم بهذا السيناريو
فالمصيبة كبيرة جداً 0
بمناسبة واقف لي في حلقي
قالوا في واحد كان بيعوم في البحر
فجأة مسكوا تمساح
الراجل قعد يكورك 00 التمساح قال ليهو يا خي ماتخاف
انا ما حا آكلك
لكن بس عاوزك تمشي تجيب لي قفة ليمون
لأني بلعت لي واحد من أهل العوض
وهسي دي واقف لي في حلقي !!!
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: Raja)
|
حروزي يا عسل
حمدا لله على السلامة يا جميل
مفروض اسلم عليك في البوست الاول حق العودة بس انت قلت مافي زول يجي يسلم عليك وانت جاي من البلد تعبان قلنا نخليك تاكل ليك اتنين كيلو تفاح وتستعيد لياقتك من جري السودان الكتير
وعايز اقول ليك اصلو بورداب الخرطوم ديل ناس حلوين وظريفين ما شاء الله عليهم ودايما متجمعين وان شاء الله ربنا يجمعهم في لحظات سعيدة
وده السودان ياهو ده السودان
ولك كل ودي
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: Raja)
|
وكفى وكفى وكفى يارجاء
كفى أن يأتي رحيق قلمك ليعطر هذا البوست
ويزيده ألقاً وحيوية ونشاطا
وكفى أن تعودي الى هنا بعد غياب
رغم أنك في مساحات كل القلوب
وكفى أن نقراك بلسماً وعطراً
وكفى أنك حملتينا مرة أخرى الى أعالى الهملايا
حيث يسكن بورداب الخرطوم هذه القمة
زكفى أن نثرتي لنا الياسمين
ياسمين بوردابيات الخرطوم
لك التحية
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: حبيب نورة)
|
الله عليك يا أبو حراز يا شاعر يا فنان
أنت أصلك قابلت بورداب الخرطوم واله قابلت الحور العين؟؟
ومشيت حدائق الشهداء واله جنة عدن؟؟
والله شوقتنا الخرطوم وأهل الخرطوم وأنا كنت سعيد في إجازتي الفاتت حضرت إجتماع مماثل بس الفرق بيني وبينك أنك إنسان حساس وشاعر وقدرت تنقل إحاسيسك وتعبر عنها بصورة جيدة وأنا المحسي الأعجمي من أين لي لسان عربي فصيح زيك كدا يا أبو حراز
الله يديك العافية ويخلي لينا ناس الخرطوم كدا سمحين وطيبين وسالمين دايماً
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: حبيب نورة)
|
أبونورة
كان العيون البتتكلم عنها دي عيون ابوحراز أمشي البس ليك نظارة
بالله معانا عزابي نظرو ضعيف دا مكرهنا العيشة
يشرب الشاي
وكبايتو ذاتها يشوتها ليك ضفاري لحد المغسلة
والمشكلة شنو تاني يلحقها جمب المغسلة ويديها ليك شوتة تانية
والمشكلة معرس ليهو واحدة زي نيكول كيدمان
ماعارف شافها كيف ؟؟
إن العيون التي في طرفها حور قتلننا
كتبت كثيرا عن العيون في فترة المراهقة
لدرجة أنني عندما اقرأ الآن ما كتبت لم اصدق نفسي أنني كنت بهذه الروعة
هسي الناس بقت تعبانة سااااااااكت
يعني الحكاية مامحتاجة تقول ليها أمسكي عليك عيونك ديل
تأتيك العيون في مكانك قبل أن تقوم من مقامك هذا
بعدين الفنيلة بتاعت صدام دي زي الشفتها قبل كدا وكانت لابساها لورا بوووووووووش
معتز
قال تفاح قال
التفاحة الواحدة في الخرطوم ب 1000 جنيه
يعني لمن تشتريها وتجي تاكلها
لازم تتلفت يمين وشمال
بالله هنا العزابة وقعوا فينا معلبات ساااااكت
شيء فول وشيء دجاج وشيء لحمة مهرووووووووسة
كل الإجازة ما اكلت فيها شيء معلب
البيض طازج 00 أول ما الجدادة ترميها تقوم توديها على الصاج
واللحمة طازجة
واللبن 00 ظريف اللبن دا 00 كل يوم صاحبك بكرطع ليهو قريب نص جردل
ملكة سبأ
تستاهلي العض فعلاً
هسي بعد النضمي الكتير دا كلو
جاية كاتبة ليك كلمتين وماشية
بكلم عليك المهندس
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: almohndis)
|
حبيب بلدو
انتو مالكم بتتشابهوا زي الأرانب
حبيب الكل
وحبيب بلدو
والحبيب
طبعاً بورداب الخرطوم أبلغ مما كتبت هنا
وما كتبته لاياوي اي شيء
لو رأيتهم على الطبيعة لأصابتك الدهشة والشهقة
هم رائعون حقاً
بعدين فصاحة شنو دي
افصح منك مافي
وكلامك جميل جداً
المهندس
والله مشكلة المسنجر الذي اغلق
طبعاً خلق تواصل مهم جداً بيننا
والواحد كان اول ما يفتح البورد يتشوق يفتح الرسائل
بالله حسي تقرأ المواضيع كلها على الريق سااااااكت
فيصيبك الكثير منها بالتخمة
صراحة الرسائل هي التي تفتح شهيتنا للبورد
لك التحية
طبعاً في زيارتي الأخيرة ذهبت لمكتب الدي اتش ال
نهائي لم اتوقع أنني في السودان
ياخي في ثلاثة بيشتغلن هناك غير عاديات خالص
لأول مرة اشوف لي شعر مسترسل حتى القدم
أوعا تمشي تتحاوم بهناك
قال دي اتش قال
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: Ro3ah)
|
سلام روعة
أتمنى فعلاً أن نجتمع مرة أخرى
وأن تتكرر اللحظات السعيدة التي عشناها بينكم
كنت رائعة جداً
وكانت كلماتك المعطرة هي قارورة عطرنا المفضلة مدى الحياة
تحملين في دواخلك أنفاس اليابان
ولكن أنفاس الوطن غلبت عليها
فكانت اريحيتك في الكلام
وكان حضورك المتألق
مازال في الأذهان وسوف يظل
لك التحية ايتها الرائعة
ومزيداً من الابداع
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: ابوحراز)
|
الاخ ابو حراز لاداعي ان اثني عليك فشهادة الاستاذ فضيلي تكفي
بعد الثناء عليك كنت اتوقع ان تتحدث لنا عن ملهمتك التى اوحت اليك بالاخيلية والتعابير المنمقة لماذا لم تتكلم عن ست النفر وهى لها الفضل كل الفضل فى جزالة اسلوبك ولو لاهه ماعرفت تخط حرف واحد!!!!فعلاً ملكتنا بلقيس حضور زاهي ومتالق دوماً
للحديث عن تلك الليلة لقد همس لى ود العجمي ماعرفت الزول دة ؟ واجاب بسرعة دة ماابو حراز سلمت عليك ياحبيبي وانت عامل فيها تقيل (لانك اديب ) كنت رقيق مثل نسمات تلك الليلةحاولت ان امدحك وقلت لك انك فاكهة البورد وكانت ابتسامتك تنم عن تعالي وجضومك زادن انتفاخ ناديت يسرا لتسلم عليك وانت مازلت انت كنت حريص ان اسمع صوتك لذلك قبل خروجي اخذت المهندس_ماعارف ليه المهندس مع ان دريمز هى من كان يقدم المتحدثين_ جانباً وقلت له لازم ابو حراز يقول كلمة عشان هاشم صديق يآمن لقد تركتك وخلفك مجموعة من الحسان من بينهن البت الشعرها منكش وذلك الوص من ابنتي يسرا عندما كانت تحكي عن تلك الليلة لوالدتها وامامك مباشرة الاستاذ هاشم صديق وشقيقه الدكتور حسن وعلى يمينك ولو على بعد شوية تجلس ملكتنا بلقيس ودريمز وبقة حسناوات البورد يعني موقعك كان ممتاز وانت فى البوستات رافع راسك لكنك كنت على عكس ذلك فى ليلتنا؟؟؟؟؟؟
في الطريق وانا عائد مع قريبي ود العجمي سالته ليه ابوحراز على الطبيعة يختلف عن ابو حراز بتاع النت؟؟ فقال لى وبسرعة يااخي اى زول بيجي من غربة خاصة لو كانت فى بلد عربي بتكون فيه حاجة كدة اشبه بالبلاهة وعايز ليهو فترة من الزمن حتي يبقي انسان عادي وطبيعي واذاع لى ود العجمي سراً وقال لى ياابو يسرا انت عندما عدت من ليبيا كنا نضحك على كلامك ونظراتك واى حركة تصدر منك ولكن الحمد لله حالتك تلك زالت بسرعة واكيد انت ياابو حراز بتكون رجعت للسعودية مثل ماجيت وقلبي معك واحسن حاجة خليك زول نت يعني ماتلاقى اى زول
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: ابو يسرا)
|
الأخ والصديق ابويسرا
لك التحية وأنت تحلق بنا مرة اخرى في محراب بورداب الخرطوم
وسبق ان رديت ليك في بوست ابوحراز جاكم راجع تاني
طبعاابوحراز كما هو
ولكن انطباعك الأول كاتن في لحظات عاجلة جداً
كنت مندهشاً وقتها
ولاوقت آنذاك للمرح والمزح
فانت في الخرطوم
وبإمكانك أن تعوض عينيك من ألق الخرطوم وجمالها
أما أنا فهي لحظات سريعة خاطفة
إن لم استثمرها
فعلى الدنياالسلام
وسنأتي لاحقاً حيث الوضوء بلا حدود والتيمم بلا حدود
بعدين شنو يا أخي فاتح لي الزراير كما يقول أساسي
أنا اعطيتك مجموعة من القفشات
وذلك عندما تحادثنا عن ضرب السوط في مناسبات الأفراح
أتذكر عندما حدثتك عن قريبي الذي تم ضربه
مين دا كان طيب مش هو ابويسرا
قال قفشات قال
تحياتي ليسرا والى ليلى علوي ونانسي عجرم
قال باسكال مشعلاني قال
راغب علامة دا الواحد لو قابله حايجضمه
ليه يقول بناتنا شينات
اتمنى فقط ان يقرأ بوستي
ليعرف ان المراة السودانية كم هي جميلة
وكم هي رائعة
وكم وكم وكم وكم وكم وكم
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: ود العجمى)
|
ود العجمي
مش ممكن طبعاً
لأنو صاحبك ابويسرا دا كان قاعد معاي باستمرار
انا افتكرتوا هو الإتكلم عن ضرب السوط
معليش أمسحها فينا
او إحتمال الواحد في اللحظة ديك يكون طاشم
لكن طاشم من شنو
من الرحيق الذي كان يتدفق يمنة ويسارا
حتى كاد أن يغرق النيل
رحيق ملكة جمال بورداب الخرطوم
صدقني كم أنا مندهش حتى اللحظة
وفي كل مرة أسأل نفسي عندما أوشك على النوم
ياترى 00 هل السودان بكل هذا الجمال
وهل هناك نساء في بلادي بمثل هذه الدهشة ؟؟
صدقني سقطت آلاف المرات من السرير
كل ذلك بسبب تشابك هذه الأسئلة في رأسي
ومن يدخل غرفتي
يقول أنني مع الجماعة
لنني كلما أتذكرها أقول 00 الله أكبر
لكن طبعا بيني وبينك الله أكبر حقتي هي القديييييييييييييمة
| |
|
|
|
|
|
|
|
|
 Re: بورداب الخرطوم رجال بقامة الهملايا 00 ونساء بنكهة الياسمين (Re: ابوحراز)
|
ابو حراز سلام
شنو الخيانات دى ؟ الكلام ده كان متين ووين وانا من بورداب الخرطوم لكن يعمينى ويطرش جيرانى ما سمعت بهذا الاجتماع الجميل والذى زينه حديثك العطر وزعلت جدا جدا لعدم مشاركتى هذا الجمع والعقد الفريد ويا ربى نلوم منو ؟ اكيد السكرتاريه ما شايفه شغلها ويا بورداب الخرطوم بالله ما تنسونا من هذه اللقاءات الحلوه وصحيح قالوا فى المثل الحى بلاقى اتمنى ان القاكم جميعا
لكن يا ابو حراز ما تقول لى قمه فى الابداع وتصوير المشاهد ليتنى كنت حضورا معكم
ام الاء
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: Teeta)
|
تيتا
غنتي كنتي غاتسة وووووين
بالتأكيد لم نحظ برؤية ملكة أخرى
ياليت لو حضرتي هذا الإجتماع الظريف
طبعاً لازم نفت ليك الشمارات
المهندس وأحلام وملكة سبأ هم ديل كانوا ماسكين دفتر العيادة
يعني هم وإخوانهم اتصلوا على الناس
انا طبعاً كلموني يمكن عشر مرات
وجيت من هناك فردة بس
لأني لو كلمت أهل العوض
والله كان شارع النيل كلو مايشيل الاجتماع دا
خرجنا ياسيدتي بانطباع رائع وجميل
وخرجنا بصداقات متينة وعريقة
وخرجنا برؤى جديدة وافكار قمة الروعة
ورأينا الجمال يتدفق من بوردابيات الخرطوم
دهشة حد الألق
ورحيق بلا حدود
ولأول مرة اتأخر بالسودان
تعرفي لماذا
لأنني عشقت هؤلاء القوم حد الجنون
وكنت أأتي كل يوم لأجلس بجوار النيل
لا لكي أملأ كرشي من مياهه
بل لأغيظه وأقول اليه هنا وبجوارك كانت تجلس الملكة
شكراً تيتا00 عندنا بت أختي اسمها توتا
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: Teeta)
|
تيتا
قامت شنو يابت الحلال
نحن مازلنا نتلمس الخطى الأولى لا لكي تكون لنا قامة
بل لنصعد لقمة قامة بورداب الخرطوم
رجال بمعنى الكلمة
ونساء حد الروعة
وأشياء أخرى لاتسأليني عنها
هؤلاء يجعلونك تحلم
عشنا معهم لحظات سعيدة جداً
وكم نتمنى أن نلتق مرة أخرى في حضرتك
لك التحية وأنتي تنثري الفرح مرة أخرى عبر هذا البوست المتواضع
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: ابوحراز)
|
العزيز خفيف الظل والروح ابو حراز
زمنا تمدد بيننا واختفت الضحكة وعلت مكانها العبرة.. فى هذه الساحة ..جميل اطلالتك بهذا العنوان المتفرد...لا اجد الكثير فى هذا السيل من الكلام البقوم النفس ويضفى مساحة من الفرح...
ولكن كم جميل ان يجمع هذا البورد.. ويخلق علاقات جديدة خارج اطر العلاقات التقليدية الاهل القبيلة.. ويجمعنا فى اطار تكنلوجى يتمدد الى اواصر علاقات اجتماعية وادبية .. وكانت الصدفة ان جمعتنى مع بعض بورداب الامارات بالشارقة ليلة ان تجلى الصادق الرضى.... والتقيت صدفة بدكتور محمد سيد احمد وانسانة والشاعر الفذ الكتيابى وخالد عويس... كم جميل ان يكون عنوان بعضنا مقرون باسم سودانيز اون لاين شكرا بكرى..فقد عوضتنا بوطن محدود المساحة واسع الخيال.. وشكرا صديقى ابو حراز
| |
|
|
|
|
|
|
|
|
|
Re: بورداب الخرطوم رجال بقامة الهملايا 00 ونساء بنكهة الياسمين (Re: sharnobi)
|
شرنوبي
لك التحية على هذه الطلة الرائعة بعد غياب
وآمل أن لاتكون كلماتي قد قومت نفسك وجعلتك تترنح
ولأنك لو كنت معانا فلن تسكرك الكلمات
بل سيسكرك الجمال الأخاذ
وستظل آهاتك المتقطعة ترسل بحرارتها للنيل حتى يستغيث
ستنسى لحظتها أمريكا
وستنسى البيتزا
وستنسى جوليا ونيكول وكاثرين دينوف
ستلتقي بملكات من كل صوب وحدب
مسافة كبيرة من الحدود الجغرافية تفصلنا عنك
ولكن مسافة الود التي بيننا مثلها مثل المسافة بين شفاه عاشق وعاشقة أثناء تأدية فرائض الحب
لك التحية والتحية لبورداب الامارات ولكل الذين التقيتهم والتحية لبكري ابوبكر الذي منحنا وطنا واسع المساحة والسماحة
ياخي عديل كدا عاوز ازور امريكا 00 المطلوب شنو 00 كلمت الموصلي عمل فيها نائم وكلمنا بلير برضو زي الموصلي 00 اها نشوفك انت كيف ؟؟ انا جاهز موية ونور لكن ما حا أجي طبعاً إلا بعد العرس 00 ماعندك جماعة عاوزين ليهم إمام مسجد في أمريكا 00 والله لو أخدوني أخلي ليكم المصليين ديل كلهم يبكوا 00 عندي خطب نارية عديل كدا
| |
|
|
|
|
|
|
| |
ابوحراز
فضيلي جماع
almohndis
7abib_alkul
عزيز
Ahmed Daoud
منوت
اساسي
شمهروش
ملكة سبأ
Raja
motaz
حبيب نورة
Habib_bldo
waleedi399
ابو يسرا
AnwarKing
ود العجمى
sharnobi
فيس بوك
تويتر
انستقرام
يوتيوب
بنتيريست