|
|
 نَضِم
|
واحدة كرهت راجلا كره شديد... لأنو كل ما تجى تتونس معاهو تلقا يحل فى الكلمات المتقاطعة... وقررت بعد مشاورات ناجحة مع جارتا..انو تقاطعوا نهائى وتفرض على حظر جوى وبحرى وفعلا نفذت
صاحبنا أضايق وجاء يناقشا فى رفع الحظر دا ...ما ادتو أى طريقة ....إلا بعد حلف ليها إنو تانى جريدة ذاتو ما يجيبة البيت ... وفى النهاية قرروا يفتحوا صفحة جديدة فى حياتم ....بعد ما فتحوها لقو فيها كلمات متقاطعة ...
( لسان حال بكرى أبوبكر وأعضاء البورد)
الحكمة فى إنك بخيل وأهلك أرابيب الندى أصلك بتدلع على والله الحكاية معاندة
( لسان حال الجيش الأمريكى لمقتدى الصدر)
أحرمونى ولا تحرمونى سنة الأسلام السلام
(البشير وحاملى السلاح فى دارفور )
انا ما بقول يا قلبى أقسى وخلى للحب الدرب لكن كمان ما تكون عنيد وتحب ليك زول ما بحب
(البشير - الترابى)
لو داير تسيبنا جرب وانت سيبنا ولو داير تحب حب وأنساه ريدنا
(أعضاء المنبر _وعادل عبد العاطى )
|
|
 
|
|
|
|
|
|
|
 Re: نَضِم (Re: omer almahi)
|
Quote: لو داير تسيبنا جرب وانت سيبنا ولو داير تحب حب وأنساه ريدنا
(أعضاء المنبر _وعادل عبد العاطى ) |
شكرا عمر الماحي علي احساسك الجميل
| |
|
|
|
|
|
|
|
|
|
Re: نَضِم (Re: omer almahi)
|
وما أجمل عودتك الشجاعة
أستاذ عادل
أخى أسعد وما أظرف ان تعود شهيتك الى البورد ويتراجع إحساسك بالإحباط
أبو الريش تعال أخد ليك ضحوة كاربة وتكون درجة الحرارة تعادل قوة قنبلة عنقودية
تفجر حميمها على ضهرك العريان . وحمارك الجيت بيه عار وفضل ضل الحلة عليك
وترجع روحك مارقة وسرجك فوق كتفك وقد دكا حيلك دكا حينها فقط ستعلم علم اليقين أهى طورية أم كدنكا
لتفسير المفردات الصعبة والشرح الحاسم عند أبوقوتة أو ودقاسم
لك ودى أخى محمد
| |
|
|
|
|
|
|
|
|
|
Re: نَضِم (Re: omer almahi)
|
عمــر،
الكلام دا قولو لواحــد حنكـوش..
أنا كنت بتيـرب لعمى (الله يرحمـو)، وعمــرى تسعــة سنــوات.. ولما كبرت شـويـة شـلت السلــوكــة منـو.. رعيت الغنــم فى عـز الصيف.. وشـايل سعن صغيـر، أخـد منـو بقـة واحــدة كلما العطش زاد.. مع السمــوم، السخانـة تحت ضل الشــدر واللا فى الشمس بــرا كل واحـــد.
عارف المكيف كان شنــو؟ تكون راقـد على يمينك فتـرة، لحـد ما تعـرق.. العـرق طبعـا ينزل ويبل الرملـة البيضــاء تحتك.. بعـد شــويـة تقلب على شمـالك.. وبكـدا يكون جسمك كلو بارد.. الجانب اليمين الكان تحت، مع العـرق يضربـو الهـو.. والرملـة اللينـة تبرد الجانب الشمــــال الكان فوق ومسخن.
يا زول ما تخلينـا نستـرســل.. الموضـوع دا طويل وعايـز تنظيــم.
| |
|
|
|
|
|
|
|
|
|
Re: نَضِم (Re: omer almahi)
|
أخى أبو الريش
ليتك أسترسلت ... , ولعلى قد نجحت فى إستدعاء مفرداتك الجميلة ... السلوكة... والسعن.. والضل ...والتيراب
ولنضع تيراب المودة...بيننا..وبين كل الاصدقاء
لك الشكر
| |
|
|
|
|
|
|
| |
omer almahi
Abdel Aati
ASAAD IBRAHIM
فيس بوك
تويتر
انستقرام
يوتيوب
بنتيريست