|
Re: يا أخوانا وين الأخت الصحفية سـارة منصـور (Re: منصوري)
|
الأخ الحليلة..كيف أمورك كلها..صاح كلامك.. وهو في النهاية إختيارها ونحن نقدر ونحترم إختيارها وهو الإنزواء بعيداً.. ونحن نقدر ذلك لأنه رأيها .. حتي يتبين خطأه من صوابه.. ولكن المروءة تقتضي أن نسمعها بأن المنبر ليس كله كما رأت هي من الظلامية والجدل العقيم ..
| |
|
|
|
|
|
|
Re: يا أخوانا وين الأخت الصحفية سـارة منصـور (Re: صديق الموج)
|
Quote: اكتب لك مناشدا العوده |
الاخ صديق الموج
تحياتي
الاولى بالمناشدة زول تاني غير الاخت سارة منصور لانو اظن انو الاخت سارة منصور قد تم تعليق
عضويتها .... و الله اعلم
Quote: (الحرية لنا ولسوانا) |
الاخ منصوري
دا كلام تمام .... بس لنا في الاول و بعدين سوانا
| |
|
|
|
|
|
|
Re: يا أخوانا وين الأخت الصحفية سـارة منصـور (Re: صديق الموج)
|
سارة تم ايقافها لمدة شهر وكلنا فى انتظار عودتها على الرغم من اختلافى معها فيما تحمله من افكار والا اننى ارى ان لها الحق ان تكتب ما تريد.. قديما كنت اعتقد ان للعدل لون واحد وللحق لون واحد ولكننى آمنت ان للحق الوان والعدل الوان
واذا سرق فينا........ فى انتظارك اختنا سارة اكثر القا وانتشارا
| |
|
|
|
|
|
|
Re: يا أخوانا وين الأخت الصحفية سـارة منصـور (Re: bayan)
|
الأخ منصــورى، أعتقــد أن الأخت ســارة تقضى فتـرة منـع من الكتابـة لمدة شهــر.. ورغـم إختلافى الكبيـر معهـا، خصـوصـا فى نظرتهـا لحقوق المـرأة، والأحوال الشخصيـة، إلا أننى أقـدر شجاعتهـا فى إبـداء رأيهـا. وإذا تجاوزت قوانين البـورد فى بعض الأمـور، فأنا أتوقـع أن تعتبــر هـذه فرصـة لتصحيـح المسيـرة، والعتـرة التى تصلـح المشـى.. فمكانهـا محفـوظ ولا يستطيـع أحـد غيـرهـا أن يملأه.
| |
|
|
|
|
|
|
Re: يا أخوانا وين الأخت الصحفية سـارة منصـور (Re: منصوري)
|
مرة وقبل ستة اشهر قال الأخ بكري..لقد قررت أن لا أسحب اي موضوع من هذا البورد..مهما كان.. والقراء هم الحكم..يبدو ان هذا القرار وقتو ما جاء والله شنو.. او بعض الناس اتمادوا في ظلم الآخرين..المهم نطالب بالإرجاع.. شكراً للأخوة المتداخلين في هذا البوست ونشكر لهم روح المروءة فيهم الحليلة صديق الموج حسين ملاسي بيان ابو الريش .................... في حاجة حصلت في البوست دا فرحتني شديد من زول بلدياتي وإن كان من بعيد لي بعيد.لكن مافي زول حايعرفا هي شنو..
| |
|
|
|
|
|
|
Re: يا أخوانا وين الأخت الصحفية سـارة منصـور (Re: منصوري)
|
يا حسين ملاسي.إنتا عايز تفتني مع الناس والله شنو.. متين انا قلتا ليك موضوع يا عشاي..بمناسبة كلمة عشاي دي..أنا ماعارف المرة الكبيرة لمان تتكيف من ولد يخدمها خدمة معينة أو يترسل لها تقوليهو يا عشاي.. لكن درج في اللهجة السودانية عشاي دي..عمرها ما تقول ليك يا غداي والله يا فطوري...بمناسبة عشاي دي نحكي ليك نكته يا حسين ملاسي..بالمناسبة إنتا الدكتور حسن حسين ملاسي الفي ام درمان قريبك والله شنو...؟ طيب نجي لي حكاية عشاي دي... قال ليك في الستينات أواخرها.. واحد مصري باحث قرر يقوم برحلة من منابع النيل لغاية مصبه.. وعامل ليهو مركب كدة بتاعة بلاستيك تتنفخ.. المهم مواصل كويس لغاية ما جاء نواحي كوستي هناك في قرية كدة بعد المغرب الوقت كان برد أربعيني او اربعاني.. والهواء شديد وهدومو اتعطنت موية وبقي يرجف من أولوا لى آخرو.. المهم شاف ليهو نار كدة في كوخ قريبة من البحر.. ربط المركب ومن الجوع عايز يموت..وقف بعيد.. كانت فرحته ان نادته إمرأة عجوز شمطاء صوتها أجش.. نادته بالعربية ..فرح فرح شديد لنطقها بالعربي وهو جاي من قبايل الجنوب مافيش عربي وخايف.. جلس بقرب النار يتدفأ.. وزاد فرحه حينما وجد العجوز تدخن لأنه مكمل السجاير من يومين وبرد البحر والخرمة طارت ليهو في راسو.. المهم قال ليها اديني سجارة بلي لهجتو المصرية وهي كانت تفور في لبن..مدت ليهو صندوق السجاير.. وكان صندوق بحاري( بحاري) الزمان داك..زي ما بيقولوا ومدت ليهو صندوق تاني سجاير من السعودية كانت تجي اسمها( البككوتي) ضععفنا عشان التشديد لغة منبر ونت..مدت ليهو الصندوقين.. والمصري شال من دي واحدة ومن دي واحدة..شرب واتبسط ناولته كورية لبن نتحها ..اتبسط.. هو سامع بالسحاحير في السودان والبعاتية وكان ما مطمئن ليها كتير.. المهم بعد شوية كدة المرة شافتو بعيد شوية من النار .قالت ليهو(أدن...زح على النار يا عشاي) فما كان من المصري إلا أن جن جنونه.. وافتكر هي تتودد له باللبن والسجاير ولكن مصيره راجيهو.فيا البحر جاك زول جري شديد على البحر ما وقف نامن دخل مركبو وقذفها في النيل..أي أنها ستتعشي به حينما قالت له ( أدن..زح على النار يا عشاي)
| |
|
|
|
|
|
|
Re: يا أخوانا وين الأخت الصحفية سـارة منصـور (Re: منصوري)
|
Quote: إنتا الدكتور حسن حسين ملاسي الفي ام درمان قريبك والله شنو...؟ |
كيف ما قريبي يا منصوري ... تعرف اي زول اسمو فيهو ملاسي اكيد قريبي و من الدرجة الاولى او
التانية بالكتير يعني لو لاقاك ملاسي دا حايم في اي حتة طوالي الصقو فيني و ما تخاف يا عشاي...
بعدين اسه اختنا سارة منصور منو الفيهم ..... المصري و لا العجوز الشمطاء ...
بنهظر يا سارة ما تزعلي مننا لمن تجي راجعة بالسلامة ان شاء الله ...
| |
|
|
|
|
|
|
Re: يا أخوانا وين الأخت الصحفية سـارة منصـور (Re: منصوري)
|
تلقيت اليوم أتصالا من الاخت سارة منصور شرحت لي ملابسات أيقافها ..ذاكرة أنه كان لموضوع كتبته لأحد الاخوة في الماسنجر ...وذكرت أنها أوقفت لشهر كامل وقد عبرت عن ألمها لطول فترة الايقاف وذكرت أنها كانت تتمني أن تعامل أسوة بالاخريين وخصوصا أن موضوعها كان بالماسنجر وليس المنبر العام... ووعدت أن تركز في المستقبل علي القضايا العامة وعدم التعامل بردود الافعال والشخصنة... وقد عبرت عن
سعادتها لمطالبة الاخوة باعادتها وطلبت نقل الشكر والتقدير لهم وخصت بالشكر الاستاذ منصوري ـ أنتهي ومن جانبي أرجو أن تنقشع هذه السحابة وسوء التفاهم وأن تتسامي جميع الاطراف فوق جراحاتها وتصفوا النفوس ويعود الود وتنتهي هذه المشكلة ومسبباتها وتداعياتها كمال عباس
| |
|
|
|
|
|
|
Re: يا أخوانا وين الأخت الصحفية سـارة منصـور (Re: منصوري)
|
طيب يا بكري اقرأ كلام كمال عباس عن سارة..أنو الموضوع بالرغم من أنو حصل في الماسنجر مع شخص آخر بعيد بعيد من المنبر.. بعدين كلام سارة نقلاً عن كمال.أنو سارة مازعلانة شديد ووعدت بعدم إعادة الكتابة في الشخصنة أليس ذلك كافي يابكري.. هذه الإعتذارات الجملة اليست بكافية..نرجو الإستجابة لآراء المشتركين.خلاص كدة مروا اسبوعين على التوقيف باقي الشهر خليهو لوجه الله..عشان إنتا زعيم منبر والزعيم دايماً بيكون فيهو طرف..
| |
|
|
|
|
|
|
Re: يا أخوانا وين الأخت الصحفية سـارة منصـور (Re: منصوري)
|
كل الناس خيرون بسبب جرثومة نفسهم البشرية.. وما الشر إلا من طوارئ الحكمة الإلهية المتفردة.. الذي يلاحظ الكم الهائل من الزوار لهذا البوست يشعر أنه استفتاء طبيعي بالترجي في الصفح عن الجميع والعودة بالجميع للمورد الصافي.. هذا نوع من الإستفتاء الأولي.وإلا لكان لهذا البوست أن يطمس في غيابت جب المنبر.. وما ذلك كذلك إلا بسبب الخيرين( الكاظمين الغيط والعافين عن الناس)( وجزاء سيئة سيئة مثلها، فمن عفا، وأصلح فأجره على الله)... ولكن عندما يكون الإسترحام وطلبه عن طريق الشعر والتطريب هو نوع آخر من الإستفتاء..قل أن ترفض القلوب الخيرة له الإستجابة.. ويكون المعني قريباً من النفوس.. .................. عندما يكون في قلب الإنسان متسع للجميع ويقبل حاجياتهم وينمي خيرها ويهدرطالها بقريحة الشعر المموسق عله يكون اقرب الي حظيرة القدس بالفضل وحده..من أجل ذلك قلنا الشعر ولحناه وأنشدناه هنا..مساهمة في الإصلاح العام..نأمل أن يكون بروح التجرد من الأهواء..حيث الجميع أحبابنا..ثم نأمل بعد ذلك أن نري كلمة من بكري.تعيد العضوة المقصودة على أمل المساهمة في بناء الشخصية السودانية في مجال الفكر والسياسة والإجتماع بما يفيض منه المنفعة العامة صديق منصوري
| |
|
|
|
|
|
|
Re: يا أخوانا وين الأخت الصحفية سـارة منصـور (Re: منصوري)
|
هوبفل.. والله أتاريك إنتا رقيق خلاص وتأثر فيك المواقف الإنسانية.الناس ظالمنك ساكت.. موش عشان موقفك هنا في هذه المسألة ولكن تعددت المرحمة عندك... ............. بعدين الحليلة وهي قريتكم.أصلك إنتا ذواقة التطريب الله يقدرنا نساعد الناس في المشماكل الإجتماعية بجميع ألوان طيفها نساعد باللحن المموسق هنا..
| |
|
|
|
|
|
|
Re: يا أخوانا وين الأخت الصحفية سـارة منصـور (Re: منصوري)
|
ازيكم ياالحبائب وكيفنكم لي زمان ماشفتكم ووالله الشوق بحر ، الاب الحنون والاخ العطوف يوسف بلال الموصلي والذي ازداد حبي لشخصه الراقي والحنون والذي لم يفارقني من نصائحه الابوية وكلماته الحنونة الاخوية والتفاكر كاالاصدقاء وتجدونه يستمع للكل للصغير والكبير ويعامل الناس جميعا بكل التواضع ولم اري منه لاغرور ولا تكبر فما اعظمه من فنان ومااعظمه كاب واخ فله مني كل الحب والتقدير ومزيد مزيد من الاحترام .
منصوري حقيقة ماعارفة اشكرك كيف علي كلامك الراقي وكل المجهود القمت بيه من اجلي ووالله لمن سمعت اغنيتك دمعي جري قبال ابتسامتي فلك كل الحب والمودة يانصير المراة وشاعرها العظيم وحقيقة كلماتك رائعة وصوتك جميل ودافئ ولك مني كل الحب وفي القلب دوما يامنصوري.
انور احمد عاجزة عن الشكر علي ثقتك بي وبانني ممن يستحقون شرف الدفاع عنهم ولك مني كل الحب والاحترام وموقفك كان موقف نادر وفريد من نوعه ووالله تشرفت كثيرا بمعرفتك فانت ياانور الحب في زمن اللا حب ولك مساحة كبيرة في القلب .
صديق الموج تسلم ويسلمن ايامك يارائع .
الحليلة كل الشكر والحب علي جميل كلامك يامتفردة ووالله دوما انتم في القلب.
الدكتورة الاخت العظيمة بيان والتي لم اجد في حنانها وحبها وعطفها علي كاني واحدة من بناتها او كاني اختها ورايت ذلك في نصائحها وكلامها الراقي الحنون وانتي في قلبي من جوة يابيان ووالله انتي امراة من ذهب اراك في رقة الورقةعندما تشائين وفي صلابة الحجر عندما تريدين وانتي دوما رمز للقوة والرقة معا فلك كل حبي .
حسين ملاسي والله لم اراك الا انسان جميل في احساسك وراقي في طبعك ولك مني كل الحب و بوستين للصغير الموجود في الصورة وماشاءالله عليه.
اسعد ابراهيم يااخ الاخوان والله انا اسعد مااكون بمعرفة امثالك من الشرفاء و زاد احترامي لك مع كل كلمة كنت اقرائها لك .
كمال عباس انسان محترم وغاية في الرقي والاصالة تحس وانت تخاطبه بانك تخاطب احد الزعماء ممن يشعرون بقيمة الانسان وينادون بالحرية ويدركون معني ان تكون انسان وتحيا وتموت وانت انسان.
ابو الريش انسان جميل ودافئ الاحساس ولقد كان قلقا علي في فترة غيابي اكثر من قلقي علي نفسي وتابع معي احداث كثيرة ويسال عني كانه ابن امي وابي وله كل حبي وتقديري ولكم لكم انا سعيدة به وبكم جميعا .
سيف الدين جبريل يارفيق وصديق وتوام الكبر وياليتنا عرفناك من زمان ياسيف ولكن مااجمل حياتنا بصديق حنون مثلك ومااسعدناباانسان عميق في احاسيسه وسؤالك الدائم عني وتفقد احوالي يجعلني اسعد الناس بصداقتك واخوتك ودوما في القلب ياسيف.
هوبفل يارائع وقد عهدتك دوما انسان صلب لايخاف ولايهاب هبوب الرياح ولا شدة الاعاصير متوكل دائما علي الله فلك حبي ولك في القلب مساحة كبيرة .
كبسيبة ياعسل والله انت احلي زول وكنت متابعة بوستاتك الجميلة وانت انسان حقيقة بائن عليك اصيل وود اصول ومحترم ولك مني كل كل الحب وطقم اسنان جديد عشان الضحكة تطلع بهجة .
degna اشكرك ياغالي بحرارة علي مطالبتك بعودتي وده موقف حقيقة ماكل الناس بتقدر عليه الا الناس الجدعة والناس ذات المبادئ والقيم ولك مني كل الحب .
فرح يافرحنا وسعادتنا تسلمي ويخليك يارب ويديك العافية.
عبد السلام الخبير لك مني التحيه والتقدير والاحترام وكل الحب والريدة سمعت الاسم قبال كده لكن مامتذكرة شخصك ولكن مواقفك تدل علي انك رجل بمعني الكلمة فلك مني كل الحب والاحترام .
٭٭ كل البشر معادن والمعادن تختلف ولكن الناس اثنان : رجال ونساء فهناك امراة من ذهب واخري من فضة واخري من نحاس واخري من حديد فتلك التي من ذهب هي في رقة الورقة ان شاءت وفي صلابة الحجر تفيد في كل زمان ومكان ولاتفني مع الايام وهي فوق ذلك رمز القوة والثراء.
٭٭تلك التي من فضة تفيد في معظم الاشياء وثمينةان تحسنت رياح البورصة يمكن ان تعتمد عليها احيانافي كل الاوقات او ان تعتمد عليها دائما في بعض الاوقات لكن من الصعب ان تعتمد عليها دائما في كل الاوقات.
٭٭ تلك التي من نحاس تفيد ولاتضر قوية ومرنة في الوقت ذاته والاهم انها موصل جيد للطاقة والحرارة والكلام .
٭٭تلك التي من حديد واخري من نيكل وثالثة من قصدير كل واحدة معدن والمعدن مادة ولايمكن ان يتغير اصل المادة.
ويبقي اصل الرجال معدنان ٭٭ ذهب او٭٭ حديد فاما ذهب لايتغير ولايفني ولاتنتهي الحاجة له واما حديد قوي لكن الايام تاكله فلا يبقي منه سوي هيكل .
وفي فترة غيابي عنكم وعن هذا المنبر ادركت الكثير من الاشياء وعرفت من النساء من كانت وستظل ذهب مجمر وعرفت منهن ايضامجرد قصدير، وعرفت من الرجال الذهب المجمر الذي يمثل القوة والثراء وعرفتهم اصحاب مواقف وانهم فعلا رمز للشرفاء وعرفت ايضانقيضهم تماما ممن آكلته الايام وهزته اعاصير الحياة ولم يبقي منه الا الهيكل وهذا لاحاجة لنا بمعرفته .
الاخ بكري اشكرك ياشجرة الصندل انك لازلت واقف صامد كالجبل الشامخ لاتهزه اعاصير ولا يخاف من ظلام الليل اتمني لك التوفيق واتمني ان تكون دائما نصير للمراة كشيخنا بابكر بدري رحمة الله .
احبكم جميعا وافتقدتكم جميعا وحتي من لم يذكروني اذكرهم انا ولهم في قلبي مساحة تسع السودان المليون ميل مربع بكل شعبه وناسه وافراده ولي قدام.
| |
|
|
|
|
|
|
Re: يا أخوانا وين الأخت الصحفية سـارة منصـور (Re: WaD OmI)
|
صـديق، أثلجت صـدرى بإطلالتك الفنيــة.. ولقـد أتـذوق موسيقـاك الفـريـدة، ذات النكهــة الوحيــدة.. والتليــدة.
ويا صـديق عبـدالله.. كلامى ليك.. قول لينا حكاوى أتبـرة.. وعطبـرة السكــة حـديـد.. ما تحرمنا من زكرياتك.. ويا صـديق كلامى ليك.. النثـر بتعـرفـو.. والشعــر هيلك.. قول لينا عن عطبـرة.. ويا صـديق كلامى ليك
| |
|
|
|
|
|
|
|