|
بكري ود الجاك .. السوداني الأصيل
|
الأخ بكري ود الجاك أعتبره واحد من أهم المشاركين في هذا المنبر .. تحمل مشاركاته طابع الجدية ومحاولة الاستكشاف بطريقة مستحدثة وذكية تنم عن ذوق رفيع .. وأدب جم .. ومقدرة سردية رائعة وربط علمي .. ولقد كنت في ضيافته خلال فترة قضائي لشهر العسل في شهر ديسمبر الماضي وبكري شخصية متجددة دائما.. أتحفني في لقاءاتي معه على شواطئ البحر الأحمر بأريحيته وكرم السوداني الأصيل.. و بالرغم من مشاغله الكثيرة وعمله إلا أنه أفرد لي مساحة من زمنه مكنتنى من القرب منه أكثر فأكثر بالرغم من معرفتي السابقة له منذ عدة سنوات خلت ... فلقد وجدت فيه أخلاق السوداني الشهم الأصيل الذى يقابلك هاشا باشاً لا تفارق الابتسامةمحياه جعلتني أقضي أجمل أيامي بميناء مصوع الاريترية ضيفاً على ود الجاك أو (جاكوز) كما يحلو لي أن أسميه .. وحقيقة ود الجاك طاقة متجددة يؤمن بمبدأ ( الحرية لنا ولسوانا ) إيمانا عميقا يتجلى في مشاركاته في هذا المنبر وهو مدافع صلب عنها.. فالتحيه له ولأمثاله من أبناء السودان هذا الوطن الذي يحتاج لكثير من المتجردين أمثاله .. ..أكرر تحياتي لود الجاك عبر هذا المنبر وله مني كل الود والحب.. وأرجو أن نرى مزيد من المساهمات الفكرية الهادفة لإثراء هذا المنتدى بما هو خير للسودان وأهله العظماء الصابرين .. ياسر هاشم خليل
|
|
|
|
|
|
|
|
Re: بكري ود الجاك .. السوداني الأصيل (Re: ياسر هاشم خليل)
|
ياسر سلام.
عارف بكري ده من النوع الممكن اصحابو من قولة تيت. يا ريت لو كنت في وضع يمرقني في ارتريا. اه يا ارتريا، الارتريين والاثيوبيين ليهم معزة خاصة جدا جواي.
الغريب هنا في الغرب تجد الاثيوبي المسيحي مثلا بالضبط ذي ود البيت واحد رغم حاجز اللغة، ده نفس احساس حتي الناس الكبار في السن.
لمان تقارن الوضع الغريب ده بالمصري المسلم مثلا تتعجب فعلا، كيف رغم الدين واللغة واواوا مافي حتي مجرد سلام حباب ما بين مجتمع السودانين وهؤلا الاخوة "افتراضا"!
الظريف في السودان الاخوان الارتريين كانوا دايما بدوروها معاي، بحجة اني ارتري متنكر لي اصلوا او عامل فيها سوداني، لبط ساكد!
نفسي اغمت وافتح والقي روحي في اسمرا او اديس.
كده بكري لو جمع يحكي لينا عن اهلنا ديل.
| |
|
|
|
|
|
|
|