|
|
|
 Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
السيد الجديد الشديد صديق الموج
قف
ونحن نمر بكاسر الامواج يسعدنا ان نرسل برقية تهنأة
لذراتكم المتطايرة و التى يبدوا سوف ترطب اجواء البورد
الحارة و الجافة عدى بخات الظرفات بقيادة سي جى و اخرون
قف
نرحب بزيارتكم لدولتنا الفتية و نشكر مدير جوازاتنا الهميم
على منحكم جنسية و طننا الشامخ
يلا ترقرق ابداعا
الف مرحب بمقدمكم الميمون
| |
 
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
لووووووووول
اها تتصور صاحب التكشيرة دى بعرف يضحك اساسا؟
الموت و الحياة متباريات يعنى ما مشكلة لو الواحد
جا لبوستاتك الظريفة و هو صارى
لكن العيب نفرح لفقد عزيز لنا او لاعزاءنا
اعمل حسابك من لعنة صرتى دى فى واحد علق عليها اتشات
من المنبر و انت يادوب نازل الميدان غايتو نكلم الحكم
يفوتا ليك المرة دى
لكن مقابل الواسطة دى بالله كلم الجماعة الكاشين من كلامى الجادى
و صورتى المرعبة قول ليهم يتعاملوا معاى عادى زى الزبادى
يدخلوا بوستاتى و يرسلوا مسنجرات و شمارات و عادى يعنى
و الله ما بخربش
تسلم يا ظريف
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
صديق الموج ،، الرجل الجميل ،
مرحب بيك إضافة جميلة وغالية للمنبر الحر ،،
مرحب بيك إضافة قوية لبورداب الرياض ،،
يا بورداب الرياض ،، مبروك عليكم صديق الموج ،، حا تشوفوا أن انضمام صديق للمنبر والمجموعة سيشكل بعدا جديدا ، دعما للعلاقة ، والترابط ، والتواصل ، فصديق رجل العمل العام النظيف ، رجل المواقف الصلبة،
( الموج الغطى البحر ) هكذا رحب استاذنا عبدالله فرح حمدتو بصديق في إحدى ساحات العمل العام ،، وكان لي تعليق على هذا الترحيب ،، الموج جزء من البحر ،، لكنه يغطيه ،، وصديق حقيق ببلاغة عبدالله فرح ، وحقيق باحتفائنا به ،، وعقبال كل الناس الرائعين بالرياض ...
وزغرودة وشبال لصديق ،،
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: mohamed elshiekh)
|
يا هلا .. ويا مرحي .. ويا مرحبا
أهلا بالصدِّيق عشا الضيفان .. موج البحر
مرحبا بسيل الكرم وطوفان العزة
صديق الموج .. أو صديق ود الموية كما يسميه ظرفاء المدينة
الرجل الزئبقي الذي لا تقيده الكيمياء وقوانين الجدول الدوري
ولا تنال الاجواء المتعكره من جغرافيته الرايقة ومزاجه اللطيف
وليك النم والشكر يا ود الباسل بابكر
هنيئا لنا بصديق الموج
وحللت أهلا ونزلت سهلا
صلاح / شتات
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
والكلمة ماعون الفكرة
دخلت بباب الحقيبة وإنتخبت { غزال شردت مني وجعلت قلبي وادي} مدخل يهبش الوجدان المثقل بنواح الحقيبة وإشتهاءاتها المضمرة والمعلنة ، وفضاءاتها الرحبة في سباته وقرمصيص والطريق الشاقي الترام ، فمرحبآ بك عند الأسكله ، أهدر بأمواجك وأغمر المكان/ البورد بالروائع وأعرف أن البورد كالموج مرة يهدي ومرة يودي ، وما تهتم للأيام.
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
الأخ صديق الموج
مع أني لا زلت طري العود وجديد علي البورد، لكن هذا لا يمنع من الترحيب بك0 وللذين لا يعرفون صديق الموج وبالذات رجاء العباسي، فهو واحد من كتاب صفحة وطن الابتسامة بجريدة الخرطوم على أيام الصدور بالقاهرة0 وكانت له صولات وجولات خفيفة الدم نأمل أن تتواصل هنا لتخلق نوعا من التنويع في البوستات0
صلاح يوسف
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
سلامات
بهي الدخول ياموج وكلامك يشحتف الروح وينتفا نتف نتف
بالله خليني احبك من هسي عشان لو اخلتفنا نختلف بي حب
شكرا جميلا لقدومك وصدقني الواحد حاسس بي صدقك بيطل ببهاء من خلال تعليقاتك التي لا اشك في عفويتها
شكرا اخرا ان متعنا الله بمعرفة من هم بروعتك وقدرتك الرهيبة في الكتابة
شكرا بعد الاخر
تقدم انت سوداني
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
الشفيفه تماضر.. عماتك براهن ...واعمامكم كلهم خالد واحمد وحسن الله يرحمهم وعزالدين الله يديهو العافيه وهسع البركه فيكم فى عباس كوره وبعرف طالب وعصام وعوض ومنى عبد الله وهويدا عبد الباسط وبعرف ام السعاده وفتج الله ومحمود ومريم واسحق وشبشه وعوووووك
ازيدك والله كفاك...بعرف اميمه ورشا وعفاف والصادق وشمس الدين ودعثمان ود الاسطى وعوووووك وشمه وابراهيم ودعثمان وعشه زياده لها الرحمة. حيرتك مش كده، قاصد عنادك والله
المهم انا ود البيت مش من فرقة اولاد البيت لا انا ود الحيشان الطيبه ديك،،،، لو مغالطنا اسألى ابوعبيده الرامى فوق بيتنا،،،،
وانا من اهلكم شنادقة شندى،،هاهاهاهاهاهاهاهاها
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
اخى ود رمليه.... سلام
ترحيبكم الحار بى وكلامكم اللطيف نزل على باردا كحلمات الشفاه على ظامى الخدود دثرنى..زملنى...بحميميه غريبه.
وبعدين بالله الدنيا دى كلها لو الناس نطرت لها بعين فاحصه..مستحقه خلاف...ما ياهو فى الاخر بنموت...وهسع نحن مفارقين اهلنا بى خاطرنا..
عزيزى اتمنى ان لا نختلف..وكما اسلفت ... اذا اختلفنا..فليكن بعشق..
التحايا لك والتشكرات ردوم.
حاشية: شيخ البرعى فى مدحة مصر المؤمنه فى بيت بقول (امنه الرمليه)
تكون دى الوالده ونحن ما عارفين ..وبمناسبة عيد الام طابت اماتنا وتغشاهن رحمة الله حيات ميتتات ودمتم،،،،
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
فيصل حبابك..والجابك يجيب عقابك
اولا ..انا اسمى صديق الحاج الطيب الموج..وامى اسمها نازك طارق عادل وبدلعوها بقولوا ليها ...عشه بت البشير واهلى من ناس امدرمان...وصديق الموج ده اسم الدلع يعنى ادغمنا الحاج فى الطيب(ادغاما بغنة) قامت طلعت كده..وانا اجرت من راجل اسمه عمى بكرى وبالامارة لما المفعوصة بت شيخ الدين(تماضر) مشت عشان تشترى (البوت) اقصد البورد ده..قالت لى بكرى انا عايزاه فاضى,,قام هو قاليها الا صديق الموج ده طول عمرو ساكن (عشواوئى) واول مره يسكن فى بيت محترم بى نورو وما ممكن نطلعوا.
هسع الايجار استحق والا مالك ناهرنى كدى...تنهرك المجبه التسكن قليبك ومصارينك وكلاك...وتزيد سماحتك..يا حلو.
وبعدين بكرى ده زاتو زول عديل..وود ناس.. وطيب..(كدى النتملق شويه يمكن يطلع صاحب بكرى)...شفت .. والله زول اخو اخوان عديل كده ومن شدة ما طيب لى هسع لا رحب بى لا نزل الورد حقوا البنزلوا للناس كلهم ...لكن انا ولا زعلان منو ولاحاجتين...اها ( قوم شيلو قوم بيه )جنكم شمارات . وهسع قول ليه مازعلانين منك ونحن الما عندنا ادب مفروض الورد ده نجيبوا نحن وكدى . اها شكرا وادخل اشرب ليك( ورد) والا حاجه عشان تعرفنى انا حكاية الورد دى لاشاغلانى لاهامانى ؛ ودحين( وردتك ) الله والرسول..اقفل البورد ده بى وراك وما تنسى سلم على بكرى اب شعرا لى عند نص ضهروا.
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
| Quote: قرأ اسمى صديق الموج اليزا |
كما توقعتك وأشرت لك في بوستي الأخير إنت زول ما ساهل وأنا بحب الردود الزي دي
يا ناس الرياض ربنا أخد منكم الشفيف خالد عويس وعوضكم بالكثيف المخيف صديق الموج
ياخي مرحب وتاني مرحب بيك والبورد بي قدومك يكون كسب (الموجا عمر) أخ الملا عمر يعني كدا ناسي البريدم زادو زول
والله ما قنعان وحاسي عندي كلام كتير وحاسي بي إني حا ارجع تاني
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
تماضر الحبوبه
قلتى لى من شنادقة شندى ...ما يقومو المعمشين ديل يقروها
ليك من (شناقطة) شندى ونطلع موريتانيين كمان نقوم نمرق من حكاية
قسمة السلطه والثروة المدوره اليومين ديل.
شايفكم استغليتوا الترحيب بى وقلبتوه بوست وكدى ..ما بسألكم،،،،
____________________
نصار يا اخى سلامة البسمة...بعنى انت قريتا صاح
ومتاكد.. كان كده اخير الصورة الاولى
وبعدين انت رافع صورتك ..ما صاح كده ..راعى لى شعور كبسيبه
ده والله بزعل.تسلم
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
طه الحميم...تحياتى
يا اخى الارواح جنود مجنده ما تعارف منها ائتلف وما تنافر اختلف
وزى ما قال المثل :الما بتلموا فى الكاسنجر بلمهم الماسنجر
وما تقول لىالمثل ده جبتو من وين..قطعتو من راسى المدوقس ده..
كالعاده مالينا فى (الطاها) نصيب لكن سمعت من رواد الشاطى
عنك وياحليلهم.
شمس الدين ومحمد عبدالله الريح بقينا نشوفهم فى التلفزيون.
اما صلاح ابراهيم مع انو فى الرياض لكن لا نراهو الا خطفا
دحين يا اخوى حبابك الف....وشكرا بى (جدتك) دى ترحب بى من
(جدتك) الاولى بكسر الجيم والثانيه بالفتح.
تحياتى تصل جمال السنوسى وحدباى وكل اهل جده ودمتم،،،،،.
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
لا تخشي يا هذا في البحر لومة لائم
طالما انت الموج
لن تقف دوامةً في طريق القارب
ولن يخرق احدهم السفينة
و أظن اهن ليس في البعيد ملكٌُ يأخذُ كل سفينةٍ غصبا
الابحار مشروع
والمجداف يلتمسك العزر
فهو يخجل من مداعبة حروفك
ولكن هل لك في ان تتركه وشأنه يمارس الرحيل في كل المواني
لا تحرم المرسي من هذا الشرف
شرف الرحيل
أليك
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
بهاء الدين يا حبيب..ولما احكى لى تماضر عن الواثق وغازى
وبشير وعبده وسليمان شندقاوى والفاضل الشيخ يعنى لما اعمل بوست
اقول فيه شنو.؟؟ وبعدين يوم عيد الميلاد خليها تسأل منو مقداد
قريب ليها بى غادى..وياحليل الصادق شيخ الدين.
__________________________
ابوقوته حبابك
يا اخى الجكس بغنى ويقول :
صديق الموج ......السكونو لوج
تجى انت تقول لى الفروج...انت شعرك ده بتعملوا وانت ضارب مهوج
بس الحمدلله الما قلت لى شيخ العلوج
اقول ليك وبدون ما اغمض عينى واخاف ....بحبك
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
بدرالدين شنا انزار اخير
ما تعاكس بناتنا فى البوست ده . فاهم؟؟؟
QUITE
تماضر حلوه..... كدى يا تماضر جيبى السكين من ضراعك دى خلينى
النقوم على الجنا ده.
والله يابدر اخوك مو جديد قدر ما قلت اسوى (كوت) حقتكم الظريفه ديك
نعمنى من ما دخلت البورد ده بفتش على شيتن(اكتكتو) مالقيتو
هسع وكتين لقيتو غلبنى كلو كلو، سويت كليك باليمين عشان اسوى كوبى
واظهروا وبعدين ارجع وحاتك ولا التكتح.اها قول تانى مشيت سويت سترل
سى وبعدين سترل فى (وفىالحالتين انا فاشل ومالاقى البكوتتنى)
والمزعلنى قلت يا جماعه اهل العوض ناس بدر الدين وشتات بسواالكوت
يغلبك (يا النجيض )وكتين تب صعب على وحارقانى عدم (الكتكته)
ترانى سويتو (ايديه) ساكت وقلت ده ما كلام . جنس المعاكسات دى ما
بنقدر عليها و مابنخليها تعدى ساكت وزى ماقال المثل:
(الموت ولا الكوت) عليك الله رايك شنو فى( كوتى )مااخير مت (الكوت )
اللابسو كبسيبه.
وفى ذمتك دى لاقاك عطش (كوز)قدر ده. شكرا ياحلوين،،،،
َ
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
والله يا ود الموج البوست بتاعك راقى وفنان ....
لكن انا ما فتحته ابدا عشان صورة كبسيبة ده قلت هو صديق ده جا متين قبال ما نسمع بيه كويس طوالى عمل بوست لكبسيبة قايلاك كاتب حاجة عن الصورة الشينة دى لكن لما شفت الردود ماشة كتير الشمار حرقنى وفتحت الكلام الحلو ده .
لى صديقة من الزوار اليوميين للبورد قالت بطلت البورد لانها حامل فى الشهور الاولى وخايفة تجيب ليها مصيبة زى كبسيبة .
حبابك الف يا ود نازك طارق يا ظريف .
امال
ام وضاح
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: essam&amal)
|
ام وضاح العزيزه
خلاس قولى لى صاحبتك صورة كبسيبه ربطناها،لكن
معاها حق نحن الرجال ديل قاعدين نخاف نشوف صورة
كبسيبه،يقوموا نسوانا يتوحمن عليهو.
انت ما سمعتى بى الاغنية البتقول
واحدين قالوا شفنا الشافه ما شفتوها يا خلانى
صورة كبسيبه الفى المنبر ماذيانى
وبعدين يا كبسيبه تعال شيل ترحيبك ده واختانى.
ام وضاح حبابك الف.،،،،،،،،
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
العزيز نزار حسين فهمى مراحب
اشكرك ويانا اولاد قلبا ،لكن بعد ان ضاقت الحيشان لى جوه
وترهلت كان لابد من الثوره وكانت قسمتنا ونصيبنا,فروضنا نفوسنا
عليها،غير راضين بها،ولكن تأكد مازلنا نحنمل عبقها.
\
وامدرمان هى صرة السودان ،ويكفيها فخرا انها تتميز عن مدن السودان
باشياء كثيرة.وحتى اختيها تتميز عنهمابان الخرطوم تشرب من
النيل الابيض(بحر ابيض) وبحرى تشرب من النيل الازرق ولكن بعد
ان يلتقيا تشرب امدرمان( بكرى) النيل.
وانت خابر (البكرى) فى القهوة سمح وطاعم وفى كل شى عليك بالبكرى
وزى ما قال المثل وليد اليوم يا ا يد البكرى قومى بكرى واشربى
بكرى الى اخر المثل الما اقدر اصل ليه لى نهاية.
فعلا من فتيح للخور للمغالق من علائل ابروف للمزالق
قدلة يا مولاى حافى حالق بالطريق الشاقى الترام
ولنا عودة لامدرمان وحتى ذلك العشق سلمت،،،،،،
| |
|
|
|
|
|
|
|
|
|
Re: لى زمن بهاتى لى سجيمان وشتاتى00ياناس كبسيبه زاتو طلع بعاتى (Re: صديق الموج)
|
نادوس2000 سلام تعظيم.......انت زول والا هايلوكس
بهاء الدين بكرى!!!! هو من اشار اليك(بئس الاسم الفسوق بعدالايمان)
سوف تندم كثيرا عشان ما سمعت وصيته..ايها (القادوس)ايها
السودان الجميل.
طبعا اسمى صديق..شكلها كما تريد...وانطقها ماشئت.
فكلها صحيحه...او على الاقل اتعشم ان تكون كذلك...
يالظريف...يا اللطيف
ياابو دما......خفيف
يالظل ...............الوريف
ياعينة....... الخريف
يالراجل ....الشفيف
ازيدك والا.......اقيف
يا اخى شكرا..وحباب توقيعك السمح ده ..وحباب حميد حيثما حل.
| |
|
|
|
|
|
|
| |
صديق الموج
nada ali
نصار
الصادق خليفة
معتصم دفع الله
tmbis
بهاء بكري
سجيمان
ود محجوب
ودقاسم
mohamed elshiekh
شتات
الجندرية
أبو ساندرا
إسماعيل وراق
Raja
maman
Salah Yousif
Tumadir
ودرملية
فيصل عباس
mahmed alhassan
walid taha
بدرالدين شنا
طه حسن عبدالله
حبيب نورة
Mohamed Adam
abuguta
haneena
essam&amal
nadus2000
فيس بوك
تويتر
انستقرام
يوتيوب
بنتيريست