مبالغة والله مبالغة يا جماعة قبل شوية ختيت سماعة التلفون بعد ما اتونستا مع اخوى الاصغر منى و اللى زمان كدة ما شفتة ودار بينا الحديث دة بعد السؤال عن الاهل والاحوال والجيران برضوا اها يا الحبيب طيب انت عارف انى خلاص قررت الرجعة يا ... وزى ما كلمتك عاوزك تشوف ليا قطعة ارض اشتريها واعمل ليا فيها بزنس اقدر اعيش منة ويكون استقرارى ابدى فى السودان اها رائيك شنوا رد اخوى وقال يا حبيبى والله مافى مشكلة بس انت عاوز القطعة دى وين يا هشام هههههه وبما انى مغترب وفى امريكا كمان وصرفى بالدولار قلتا لية وقلبى قوى يا الحبيب عاوز ليا قطعة فى الخرطوم او العمارات او شارع المطار حاجة ذى دى كدة قال ليا تمام مافى مشكلة وعاوزها كم متر قلتا لية 1000 كيف قال ليا تمام بس انشاء الله عندك ليها قروش جاوبت اى يا الحبيب اخوك ملاان ما تشيل هم قام قال ليا اقول ليك حاجة وما تتخلع قلتا لية قول اها فى شنوا قام قال ليا انت يا هشام عارف ال200 متر فى الخرطوم والاماكن الذكرتها دى بكم قلتا لية اها قال ليا والله ال200 ب $200000 مئتان الف دولار اى المتر ب 1000$ والبيع بالدولار قلتا لية انتا بتتكلم جد قال ليا اى والله يا هشام الاراضى هنا وصلت ارقام فلكية والناس ما بتقدر تهبشا اها قول ليا يا هشام لسة عاوزها هناك ؟طبعا انا اخدت ليا صنة كدة وما مصدق معقولة الاسعار فى السودان بقت نار للدرجة دى يا جماعة والكلام موجه ليكم السودان مستوى دخل الفرد فية 2000$ فى السنة 2000$ فى السنة معقولة 200 متر تكون ب 200000$ دة كلام شنوا دة يل ناس والله 200000$ دى تجيب ليك فى امريكا دى خمسة غرف فى ويست فرجينيا وفية اسطبل بتاع حصين و حمام سباحة شوفوا الفرق ما بين امريكا والسودان مع العلم ان مستوى دخل الفرد فى امريكا 17000 فى السنة عليكم الله دة كلام يا ناس عليكم الله الله يحرقكم يا حكام السودان عليكم دينكم وايمانكم دة كلام بيدخل عقل يا البشير يا طة يا وزير الاسكان يا المسؤل منوا انتوا فاكة منكم الحقوا بسرعة واعملوا ليكم سقف للحد من غلاء الاسعار و كفاية النهبتوا كفاية حسبى الله ونعم الوكيل حسبى الله ونعم الوكيل وقفلت السماعة بعد ما قلتا لاخوى عليك الله اصرف نظر واهون ليا اجيبكم هنا وتعيشوا معاى بدل ما انا اجى و اموت مغصة فى السودان دة حسبى الله ونعم الوكيل فيكم 2000$ مستوى دخل فرد وقطعة ارض 200 متر ب200000$ شى عجيب شى يحير
03-17-2004, 07:05 AM
Hisham Amin Hisham Amin
تاريخ التسجيل: 12-08-2003
مجموع المشاركات: 6069
هشام مفهوم انو بعدك عن امريكا ممكن يخليك ما متابع اسعار الأراضي.. لكن عليك الله المعلومة دي جبتها من وين..
Quote: السودان مستوى دخل الفرد فية 2000$
دة حوالي ستةأضعاف مستوى دخل الفرد في السودان..دخل الفرد في السودان لا يتجاوز 340 دولاراً...راجع الرابط أدناه لموقع البي بي سي
http://news.bbc.co.uk/hi/arabic/middle_east_news/newsid_2221000/2221631.stm بالنسبة لأسعار الأراضي في السودان...فهذا يعتبر أكثر مجالات الإستثمار ضماناً بالذات لإخواننا الخليجيين...يعني قد لا تصدق أن زميلي بالعمل سعودي الجنسية (الذي كنت استغرب كثرة زياراته للسودان مؤخرا) عرض علينا نحن السودانيين بالعمل قطع أراضي بالقرب من كافوري...هذه الأراضي يشتروها ضمن صندوق استثماري..ويتركوها فترة ثم يبيعونها..لذلك فالأسعار الآن جنونية
03-18-2004, 05:51 AM
Hisham Amin Hisham Amin
تاريخ التسجيل: 12-08-2003
مجموع المشاركات: 6069
السلام والله كلام جد غريب ... الاخوان ابو الريش وحليم الاخ ابوا الريش فكرتك مقبولة وجارى البحث عن تاجر سلاح لشراء الدبابة الاخ حليم انا والله حتى مسوى دخل الفرد ما عارفة لكن وبحسبة سريعة وبعد الحديث مع احد الاخوان قالوا انوا الواحد بياخد لية 250000 جنية فى الشهر ولامن يشتغل شغلانة تانية بيدخل نفس المبلغ فقمتا حسبتها بالدولار عاشان كدة جبتا الكلام دة والارقام دى ولو كلامك طلع صاح يبقى الطامة بقت اكبر والله يدى العافية بس واتمنى انوا ما يجى يوم ونلقى كفيلنا فى السودان سعودى ولكم ودى
03-18-2004, 06:50 AM
فيصل عباس فيصل عباس
تاريخ التسجيل: 03-08-2004
مجموع المشاركات: 1345
يا هشام سلام تعرف عندما تكرم علي الاخ بكري واعطاني الحق في عضويه البورد كنت سعيد جدا بالفكره فقط باعتبار انني امتلكت لي ارضيه في مكان عندو علاقه بالسودان وعندها اعلنت لابنائي بانني تمكنت اخيرا من امتلاك ما يمكن ان يورثوه بعد مماتي ولهم الحق في الدخول الي المحاكم لتحديد ورثه كل واحد منهم في هذا المكان السايبيري. بعدين ياهشام رايك شنو نقترح لينا مكان جديد ونوزع اراضيهو مجانا ونبحث لينا في احرف من الحروف المكونه لاسم السودان ونسميهو بيها ، ونستنى الراجينا من اشباه الرجال وقبل ده ما تشغل بالك بالسؤال الماعندو اجابه وشوف ليك اقتراح جديد ونفذو كيفما اتفق مع السلامه
03-18-2004, 07:24 AM
Hisham Amin Hisham Amin
تاريخ التسجيل: 12-08-2003
مجموع المشاركات: 6069
السلام يا فيصل عباس والله فكرة احتمال نعمل منها قروش لكن الخوف بعدين يجوا ناس الحكومة ديل ويحيلونا للصالح العام ويستولوا على الفكرو والعائد المادى واما قطعة الارض المورسة فى سودانيس اون لاين دى ابقا عليها عشرة لانوا بعدين بيع النصيب حايكون بالدولار ويا بخت الاولاد تحياتى
03-18-2004, 09:19 AM
abuguta abuguta
تاريخ التسجيل: 04-20-2003
مجموع المشاركات: 8276
قطعة ارض ياناس قالوا غالية خلاص لو انت فى تكساس زى ابقوتة وكدباس ياود ياعباس دولارك الحساس ايش يسوى مع جرقاس
ياخوى البلد اتملت اجانب وبقو سماسرة اراضى فى ناس معانا فى المملكة ساقوا كفلائهم واستثمروا فى السودان يعنى البلد بقيت زريبة هوامل عشان كدا مفروض نتجمع نحن المهاجرين المساكين ونشوف لينيا ارض فاضية على قول اخونا الفوق ونعمل لينا مدينة نموزجية انما ايه...خلوها مدينة سودانيز اون لاين مش اقتراح جنونى وتسلم ياطيب قال قطعة ارض قال
03-18-2004, 09:23 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
.. . سلام يا هشام انت الظاهر عليك بالجّد طولت من السودان؟؟ بعدين اخوك ما قصر ختاك على ارض الواقع ؟؟ حاجة تانية شارع المطار ( افريقيا) دا بقي الشانزليزية بتاع السودان .. يعنى لو مشيت شرق شوية كدا على المعمورة واركويت والمجاهدين وحاجات كدا جديدة غايتو ب 150 مليون -100 مليون كدا كيف معاك ؟؟ وما تصل سوبا لانها تعتبر مزارع وبيتشات بتزيد ،، بس احسن حاجة ترجع على غرب امدرمان جنب جامعة امدرمان الاسلامية بتلقي ليك الف متر كدا على البحر ب 60 مليون بس اهم حاجة تجيب معاك بابور كهرباء وحفارة موية على بال ما الخدمات تصلك بعد 5 سنوات ..
قول يالطيف ياهو السودان بلد المتناقضات مساحة مليون م مربع وسعر المتر 1000 دولار النيل يعبرنا من اقصي الجنوب الى الشمال وعطش فى قلب العاصمة ثروة مائية ونفطية ونعيش فى ظلام دامس اكبر ثروة حيوانية واسعار خرافية للحوم والدواجن اراضى زراعية ومحاصيل متعددة ومجاعة تضرب كل انحاءه .. ويقول ليك البلد بخير كل شئ فيّ .. والله الا اسرق لب بنك واجى ..
سلام
03-18-2004, 03:37 PM
Hisham Amin Hisham Amin
تاريخ التسجيل: 12-08-2003
مجموع المشاركات: 6069
السلام الاخ تبلديا لا جد يعنى الواحد يعمل شنوا معقولة الحكومة السودانية ما جايبة خبر لغلاء الاسعار دة وبعدين ياخى نيجريا فيها بترول ودولو عضوة فى الاوبك ومصر وتونس وا وا وا ووالله العظيم الناس المن البلدان دى مرتاحين لانهم بياخدوا بالدولار ولامن يفكوة لعملة بلدهم بيساوى شى وشويات والبلدان دى متطورة اكثر من السودان واعداد سكانها اكتر من السودان يبقى كيف نحنا نصل لهذة الدرجة من الغلاء انتم ما معاى يا ناس انوا الحكومة دى ما حاكمة شى لانوا من ابسط اداة الحكم المعمول به وكما اسلفت وضع حد لغلاء الاجور والاسعار ودة شى عملوة المصريين حتى لا يتلاعب المتلاعبون لكن والله البحصل فى السودان دة نهب وسرقة كدة عديل اما اقتراحك بننشاء قرية سودانيس اون لاين فلى 50% اذا تحقق وفتناكم عافية
03-18-2004, 05:24 PM
ASAAD IBRAHIM ASAAD IBRAHIM
تاريخ التسجيل: 11-26-2003
مجموع المشاركات: 3920
ابو السعود تحية طبية انتا عارف انا يادوب ابتديت افهم معانى كلمات اغنية المرحوم مصطفى سيد احمد (اغنية عم عبد الرحيم)الظاهر انوا البلد بقت ما بلد والدنيا اتغيرت احى انا لكن ولا يهمك انا ما برجع عن قرارى كان مدنى بمشى وكان الحصحيصا بمشى وكان تندلتى بمشى بس ربك يسهل قول امين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hisham Amin
Abureesh
فيصل عباس
abuguta
ASAAD IBRAHIM
فيس بوك
تويتر
انستقرام
يوتيوب
بنتيريست