|
دام الفرح لينا ضاءت ليالينا الزميل بن بن عريسا
|
انت الانسان الغنيتك اتمنو الناس اتمنيتك ياريتك تفكر ياريتك كم صبر وعشم استنيتك انا وانت قبل ده اتلاقينا وشقينا علي الدنيا جداول
الاعزاء بالبورد بكم يكتمل الفرح بدعوتكم لحفل زفاف الزميل بن بن عضو البورد علي الجميله بقامة الوطن الزميله رجاء . اذن حان الان ميقات الاندلاع الزمان . 1/ابريل 2004 والدعوه عامة
وبيت مال وعيال بن بن رجاء
|
|
|
|
|
|
|
|
Re: دام الفرح لينا ضاءت ليالينا الزميل بن بن عريسا (Re: خضر حسين خليل)
|
اولا يا خضر ... حدد مكان العرس ..
لانو مناسبة زى دى مستحيل نغيب عنها ..
كان فى المملكه ولا في السودان ولا في مدغشقر ...لازم نحضر .. رجاله كده ...وحريقه في الكفله من عرعر ليــــي خميس مشيط..
مبروووووووووووووووووك اخى بن بن ... وعقبال ليك الرائع خضر ... ولكل عزابة البورد ... خاصة ..الممتنع بشدة عن الفكرة (محمد ادريس)
وده اليوم الدايرنو ليك يا بن بن... تراراااارا وهاك دى كمان (ايوى ايوى ايووووووووووووووووى)... قصرت معاك
حقيقة الف مبروك ..وللاخت رجاء .. وربنا يتمم ليك على خير .. وبيت مال (كميه) وعيال(بالدست)
| |
|
|
|
|
|
|
Re: دام الفرح لينا ضاءت ليالينا الزميل بن بن عريسا (Re: خضر حسين خليل)
|
الاعزاء تحياتي للجميع وشكرا لجميع المشاركين في بوست الفرح هذا العزيز وليد احمد ود وتقدير اولا اعتذر للربكه العملتها ليك بي نقطه الزمان العامله زي يوم 10 المهم ياعزيزي الزمان هو الاول من ابريل او 1/4 /2004 بالنسبه للمكان لم يتم تحديده بعد . المهم العقد في جامع الجريف شرق . وياريت بنبن يدينا باقي التفاصيل . ومرحب بالنحل ونلتقي ياعزيزي .
| |
|
|
|
|
|
|
Re: دام الفرح لينا ضاءت ليالينا الزميل بن بن عريسا (Re: خضر حسين خليل)
|
حبينا الغالى بن بن الف مبرووووووووووووووووووك
ويا عزيزى خالد ابا
ممكن اهداء خاصة للعرسان ...
اغنية سيف الجامعة : Quote: (يا من احبك واشتهيك ) |
كل الجمال وهبوهو ليك قالو الشعر في مقلتيك .. اتمنى امثل بين يديك تسألني عن إعجباي بيك
لو عندك الاغنية اكون شاكر ليك يا حبيبنا يا غالى ....
خضر حسين كل الحب لك بالمناسبة ان شاء يوم شكرك ما يجى قبل ما نهنئك بزواجك ...
محمد
| |
|
|
|
|
|
|
Re: دام الفرح لينا ضاءت ليالينا الزميل بن بن عريسا (Re: Raja)
|
عميق شكري يا حمزاوي يا وفي
ويا رجاء .. تبلدينا دا الايام دي شبكته ملخبطه وانا عندي معاهو شكلة وقانص ليهو في الضلمة في نهاية الشارع بعكازتي الطويلة وانتظري لي ليهو .. بس هو عارف عشان كدة ما بجي بالشارع
وبعدين انشاء الله يا رجاء نشوفك منورة بالثوب الأبيض الزاهي وحواليك كل الاهل وملائكة الافراح ونجي كلنا نغني ليك ياعديلة يا بيضا
| |
|
|
|
|
|
|
Re: دام الفرح لينا ضاءت ليالينا الزميل بن بن عريسا (Re: خضر حسين خليل)
|
سلااااااااااااااااام يا خلق
امس اتصلت بالعريــــــــس بن بن .. ومشيت نكت البوست ده من الصفحة السادسه ..
وطبعا هو الايام دى مافاضي لاي بورد او نت .. ويومو كلو من سوق لي سوق ..ما خلي سوق في الرياض ما خشاهو .. ولسه الدور على اسواق جده .. (بينى وبينكم الزول ده مصر يعمل ليه شيله ستاشر ستاشر ).واكيد ماعندو زمن يخش البورد ... ده بالنسبه للناس البتسال من عريسنا بن بن .
وطبعا العرس اتحدد يوم الخميس 8/4/2004 . المكان نادي التامينات .. الخرطوم شارع البلديه جوار القيادة العامه ..(لي شلاقتو ماشي ليهم لحدى قيادتهم). وهو حقيقة وجه الدعوة لكل البورداب واكيد بورداب الخرطوم . وحتى زوار البورد من الخرطوم .. يعنى دعوه عااااامه .
ربنا يتمم بخير اخى بن بن ..
واكيد حنكون معاك في اليوم الجميييييل ده ..(عقبال لي) ..
ياحريم البورد ...ما تفكو لينا زغروده كاااربه كده للعريس...
| |
|
|
|
|
|
|
|