ممكن يا خالد الحاج نسمع الاغنية دي واهديها الى روبينسون بمناسبة استبعاده من قائمة المستفيدين من افراح البورد مؤخرا .. والاخ سينت بن مينتال بمناسبة شراء مكيف جديد لنج ، وعودة البوتوجاز الى عمله . واهداء ممزوج بالحب والتقدير الى الاختصاصي الاول اساسي بمناسبة اتجاهه الى الضفه المفرهده من النهر وتركه تسجيم البورد واهداء خاص الى هوبــ فـــ و ل ، بمناسبة اجراء صيانه في عروقه وعودتها الى الشغل بكل يسر وسهوله .. ونسال الله له الثبات واهداء خاص جدا الى الاخ خالد الحاج بمناسبة انو ح ينزل الاغنية دي هنا .. واهداء خاص الى كل ناس البورد بمناسبة انني سمعت انهم ح يبطلوا اختلافات وسوف يرعون الود والحب بينهم .. واهداء خاص الى كل اميرات البورد المتوجات على قلوبنا ملحوظة : كل عضوة في البورد هي اميرة
وبهذه المناسبة العظيمة اسمحوا لي اخوتي ان احــــي الاخ اساسي بقوة انا بحيييك ياساسي
03-02-2004, 10:29 AM
اساسي
اساسي
تاريخ التسجيل: 07-20-2002
مجموع المشاركات: 16468
.. كراسي في راسك قمت( تتلامض) ما كنا كويسين وبتتملق في امان الله الصندوق الشهر دا تشمو قدحة ربنسون ظروفه زي الزفت قال وقال الادارة مهدداه بالطرد ونوم القوا تقول الله ما راضي علينا وقت نغترب ما نقع الا في افلس مغتربين ما ترجعوا وقت غلبتكم البلد دي
بعدين بتلبأأألك دي بيصرفوها من ياتو بنك دا الكلام البيجيب لينا الهوا
مساء التماسي..يا أخ أساسي مساء الخير ع الناس الحلوه بس.....الناس الوحشه لا الناس الطيبه بس....الناس الشر لا..الناس ال ميه ميه..الناس النص لا
Quote: احــــي الاخ اساسي بقوة
بالله شوف الزول دا ..حتي تحيته مليانه شر..يحييك بقوه قال..عموما نصيحه لوجه الله تعالي..الزول دا كان صاحبي زمان...أنصحك تبعد منه...دا كره البرتقاله حياتها..ونكد عليها لمن بقت دومه..صور ليها الدنيا جنينه كان مسمي نفسه عشاء البايتات قوا..البرتقاله صدقتو..والمسكينه أول ما راسها مال غير إسمه ووراها الويل..وعليك أمان الله البايتات قوا لي هسع بايتات قوا وما شافن منو نص تمره..عموما أنا نصحتك وإنت مخيــــر
العزيز نايل وما تتوقع مِن مَن سَمى نفسه شريرا غير الخربشة .. لا اعرف كيف صبرت عليه كل هذا وجعلته يسطر حرفا في رائعتك الشهرية .. فقط لاني اعلم ان تربية واخلاق الترابلة تزينك فتحيلك سودانيا مجاملا لتقبل مثله كاتبا .. ولكنه ما فتى يمارس شره ذابحا البرتقالة بترصد مسبق ليقابل احسانك له بنشر حروفه بالتمنع والتغالي عليك ونسي ان ( حوا والدة) ولكن بيني وبينك الولد قلمك سنين ورشيق بس مشكلته شرير
الاخ هوب فل الدين ممنوع والزعل مرفوع انا الله ابتلاني بي شرير وخلاني اقول يا ابو مروة تجيني يا عبد المعين انت كمان ؟؟ يا حلوين ارجو عمروا بلدكم وخليكم من الاغتراب القفته مخرومة دا وخلوها لينا السعودية دي بعيش فيها خنق بالمناسبة صحبك سنتي صارف حافز سنوي راتب شهرين + راتب الشهر يعني بقي مغندل عليك بيه وما بيزوغ منك زي ما زغت منه في مكة وعملت نايم هاهاهاهاها دي من عندي لاني قريت البوست لكن كان ما ضربت ليهو وفتنته بيك اضحك علي قال شالته نومة قال
عموما يحيا المديون ويموت الداين واشتراكية للطيش .. يا اساسى واحد كلمنى قال لى فى واحد فى جدة شحد واحد مكيف .. قال ليهو لو سمحت يا فردة ادينى مكيفك صالونك وبرجعوا ليكم .. صحى عندكم كلام زى دا فى جدة شاك
03-03-2004, 08:35 AM
اساسي
اساسي
تاريخ التسجيل: 07-20-2002
مجموع المشاركات: 16468
سبحان الله يا شاك؟ شرير الزول دا كان سايق الدباب النقلت بيهو مكيفي ؟ شاك انا شاكي انك عارف الحاصل كله؟ صحي الكلمك منو بالموضوع دا ؟ يا شرير خمسة شهور اظن كفاية لانه الكمبرسور يرتاح شوية وبعدين الصيف دخل ... ومافي داعي للاحراج شاك انا كنت مخليهو لزوقه لكن ما ظنيت يكون عنده زوق واسال نايل كان ما مصدق
03-04-2004, 02:11 AM
HOPEFUL
HOPEFUL
تاريخ التسجيل: 09-07-2003
مجموع المشاركات: 3542
Quote: بالمناسبة صحبك سنتي صارف حافز سنوي راتب شهرين + راتب الشهر يعني بقي مغندل عليك بيه وما بيزوغ منك زي ما زغت منه في مكة وعملت نايم
سنتى ميييين يا عباس
تخيل من شهرين وزولك ينونى .. العرس الحاله سعبه الدنيا غلت .. العمر راح .. نجيب قروش من وين هسي .. اتاريهو بيصرف نظري عن الصرفه
بس علي مين .. دا انا اخدك في مهمه خارج اوقات الدوام ونقلع منو راتبو .. ونخليهو يستلف عليهو زياده كمان .. هو قايل الدنيا دي سايبه سااااكت كدى من غير ربابيط..؟؟
والله ياسيدي الزول دا ، معصلج حد الصاموله الاخيره تعبنا معاهو قنا نمارس معاهو طرق جديده لقينا مافي طريقه غير (التملق) وخطب الود واريتو كلو يجي بي فايده
عارف ياشاك عندنا جيراننا (عائلة) في احدى شهور الحج ازنقوا بيتهم فيهو اربعة غرف ، ناس على قدر حالهم ، بيتهم فيهو مكيف واحد .. وفي ليلة اتلموا فيها كل حجاج الارض عندهم ، يقوم المكيف النص نص نص عمر ، ينتحر احتجاجا على زيادة ساعات عمله ، ولان الشفع كانو بالكميه ..كان لابد ان يستعينوا بمكيف من عندنا ويرسلوا (الرجال) ليباتو معانا .. ملحوظة سبق لجيران تانيين ان استلفوا مننا وباستمرار اغراض مثل بوتوجاز ... انبوبة غاز .. خلاطة ..رسيفر(دش) .. صاج عواسه كسره وجدة ياسيدي مثل امبده
يا شرير يعني انت ما عارف العايز الصرفة الاولي منو؟؟؟ ولا خايف منو؟؟؟ وتاني شئ الزغلول دا تاني تشمو قدحة ... ما تجيني تتمحرق.... ويا اخي يا شرير اساسي دا بقي راجل طيب ما عايز تسيبو في حالو؟؟؟
03-05-2004, 00:04 AM
DKEEN
DKEEN
تاريخ التسجيل: 11-30-2002
مجموع المشاركات: 6772
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة