|
|
 كيف الوفا ؟ .......... قصيدة جديدة
|
كيف الوفا ؟
عرفتك بدرى وكت الكلام تاتى
عرفتك قبلما اعرف حقيقتك باكى
سبتينى كيف لى ضو النهار فى الخفا
سبتى الشرايين الكانت تزف ليك
كل الوفا
يمكن تكون خانتك اوقات التسكع والانين
والشوق القديم فارق قليبى الانطفا
وانا من زمان كايس طريقا يودى ليك
كل الدروب ساقتنى لى بحر الجفا
كيف الخلاص من ظلمتو
شاطيك بعيد من دون حنان
يكسر مراكبى وينسفا
ارحل بعيد فى عمقى واذداد لوعتين
لوعة فى لحظات اسيفة
واخرى من دهر المساحيق كيفن اوصفا
عارفك مخادعة ومن كم سنة
بس الانين يخفق معاك وكتين يشوف
غلبى وعذابات الضنى
الزمن ورانى اقدر ابوح بالكاتمو من
اول حريق شبّا القلب
سأقولو ليك يا اجمل منى
اهرب منى افوتو وين ووين اقبل
من غير اوريك آلام حبنا
شوهتى فينى التمنى الخاتيهو ليك
وكنت ظنيت الوصول من باب الهنا
بس اتاريك مخلوطة
بى زمن الضياع يا سوسنة
رجعى الحلم اللى عندك حبتين
تلقينى اول جرح مفتق بى طلعتك
هارب من الخوف الهِنا
لا حقيقة بدون زعل
تبكى الكمنجات بالدوزنة
اسمع حروفها تغنى لى
تعرف حريقى السببتو لى
من دون عناء
Alfatih Alsadig
|
|
 
|
|
|
|
alfatih
فيس بوك
تويتر
انستقرام
يوتيوب
بنتيريست