كتب الكاتب الفاتح جبرا المتوفرة بمعرض الدوحة
|
|
 الزواج العرفــــــــــــــــي
|
الزواج العرفي اصبح ظاهره مخيفه في السودان تحديدا في الجامعات
كل الجامعات من غير فرز سواء جامعة الخرطوم او الاسلاميه او حتى القران الكريم
انتشر لدرجة انو بقى شغل الاعلام الشاغل ....
ماكنت اتخيل لحظه انو ممكن يكون في زواج عرفي في السودان كنته فاكره حدو الافلام المصريه وبس....
ماخطر على بال انو السودان وبنات السودان واولاد السودان ينتهجو منهج زي ده
السؤال هل هو الفقر لانو نسبة الزواج العرفي منتشره وبشده بين بنات الاقاليم ؟؟؟؟
ام هو الغني ( اولاد المغتربين) ؟؟؟
ولا هو عدم الواعظ الديني ولا هو خلل في التربيه ؟
ولا كعب يكونوا ما فاكرين انو حرام ؟؟
بالمناسبه هل هو فعلا حرام قطعا دون خلاف ولا فيهو خلاف؟ ولو ماكان فيهو خلاف لي الناس مازالت بتتزوج زواج عرفي مع العلم بانو حرام ؟!!!!!!!!!!!!!
اسئله كتيره ومحن اكتر متنوعه كل يوم ماشه في زياده العالم الله تاني ح يحصل شنو؟
الله يهدي
نوف
|
|
 
|
|
|
|
|
|
|
|
Re: الزواج العرفــــــــــــــــي (Re: WaD OmI)
|
الزواج العرفي هو زواج صحيح، لكنه غير موثق، والتوثيق يفيد المتزوجين في حفظ حقوقهم، وربما الذي تعنيه الأخت نوف هو نوع آخر من العلاقة غير الزواج ، فشروط الزواج هي إيجاب وقبول وولي وشاهدين عدلين وإشهار.
والله أعلم
(غير معلن) دي هي الطامة ذاتها يا ترهاقا، فالإعلان او الإشهار شرط من شروط الزواج في الإسلام، بالتالي إذا كان الذي عنته الأخت نوف ليس فيه إشهار، ويبدو لي أنه ليس فيه ولي أيضا، فهو ليس بزواج (لا عرفي ولا غير عرفي) والله اعلم
| |
|
|
|
|
|
|
|
|
|
Re: الزواج العرفــــــــــــــــي (Re: Mandingoo)
|
يا اخوانا الحكايه شنو
في ورقه عند كل واحد زي القسيمه
لكن مافي اشهار ( دا ركن اساسي)
الولاده ما عارف الحاصل فيها شنو( مع وقف التنفيذ)
طيب هي عجباهو وهو عاجبه (اللوله شنو)
هي النصيحه والا الجنبها ...
دا افراج مؤقت عديل ...
| |
|
|
|
|
|
|
|
|
|
Re: الزواج العرفــــــــــــــــي (Re: Mandingoo)
|
(وربما الذي تعنيه الأخت نوف هو نوع آخر من العلاقة غير الزواج ، فشروط الزواج هي إيجاب وقبول وولي وشاهدين)
اذا كان الزواج العرفي (هو نوع اخر من العلاقه غير الزواج) فانا معاك وده قصدي غير كده انا بقول ليك قصدي وااااااضح وهو الزواج العرفي سواء كان زواج حق او باطل
والزواج البعنيهو انا غير معلن لانو الزواج العرفي من اهم اركانه السريه والسريه التاامه يعني ببساطه مافي زواج عرفي معلن ...
لك الشكر
نوف
| |
|
|
|
|
|
|
|
|
|
Re: الزواج العرفــــــــــــــــي (Re: WaD OmI)
|
salaaaaaaaam WaD OmI
you said
(((هل هو الفقر لانو نسبة الزواج العرفي منتشره وبشده بين بنات الاقاليم ؟؟؟؟)))
هل الفقر ملادم و قاصر علي بنات الاقاليم????!!!!!!!
وكيف علمت انة منتشر اكثر عند بنات الاقاليم????!!!!
if we assume you right:
هل هوقاصر عليهن ومادا عن المجتمع (الخرطوم)اليس لة 90% من حدوث هدا مدينة التوجة الاسلامي والحضاري لمادا فشلت في الحفاظ علي اعراض الناس , انا اوجة الاسباب علي دولةالتوجة الاسلامي والحضاري التي ادخلت نظام الطلاب دعم الصندوق ورفعت يدها عن مجانية التعليم .
| |
|
|
|
|
|
|
|
|
 Re: الزواج العرفــــــــــــــــي (Re: Anwar Ahmed)
|
اخخخخخخخخخخخخخخ
وين بلدو؟؟؟
داير لي واحده من بحري وواحده من ام درمان والتالته من الخرطوم
بموصفات متوفره في مظروف العطاءات عند التقديم ...
علي كل بنات العواصم الحضور باكراً
قلت لي بنات الأقاليم مالن؟؟؟
هوووووووووووووووو يا نوف يا اختي بطلي حقاره
نحن اهل العوض تفور عروقنا ونسيل الدم للركب
كب كب كب كب
بس حقيقي بتمنى انو ما تكون الظاهره دي منتشرة بقدر ما صورتيه
لأنو في الحاله دي بتكون طاعون
اخطر من الايدز حمانا واياكم رب العباد .. من كل مصيبه وفتنه
احتراماتي
| |
|
|
|
|
|
|
|
|
|
Re: الزواج العرفــــــــــــــــي (Re: HOPEFUL)
|
Quote: انا بقول ليك قصدي وااااااضح وهو الزواج العرفي سواء كان زواج حق او باطل
والزواج البعنيهو انا غير معلن لانو الزواج العرفي من اهم اركانه السريه والسريه التاامه يعني ببساطه مافي زواج عرفي معلن ... |
الزواج العرفي زواج حق وليس زواج باطل، والزواج البتعنيهو انتي ليس زواج عرفي، وما دام من أهم أركانه السرية، فهو ليس زواج عرفي، وبالتالي ليس زواج شرعي، و| Quote: فيه زواج عرفي معلن، وهو الشرعي |
وما دام ما معلن يبقى لا عرفي ولا غيره، سميه حاجة تانية غير الزواج
لا أعتقد انه ظاهرة، أو طاعون، فالسودان تتضخم فيه المسائل البسيطة (لأنه مجتمع متداخل ومترابط)، ويكفي ان أطلق إشاعة صغيرة الآن، فتجدها في الغد اصبحت على كل لسان وتلقفتها الجرائد وتناقلتها وسائل الإعلام، وربما ناقشها البرلمان كمان.. فهل أجرى أحد الباحثين أوالدارسين بحثا حول الموضوع؟ أم أن مجرد أن سمع احدنا قصة من احدهم، أو إحداهن- وليس من البطل أو البطلة في اغلب الأحيان- فإنها تصبح ظاهرة؟
كم من البنات تزوجت عرفياً؟ وكم عدد بنات العاصمة المثلثة؟ وما هي نسبة المتزوجات عرفياً الى مجموع البنات؟
| |
|
|
|
|
|
|
|
|
|
Re: الزواج العرفــــــــــــــــي (Re: Mandingoo)
|
تحضر الفتاة/ الشاب من مدينتها الى العاصمة او الى أي مدينة أخرى بها جامعة...تسكن في داخلية أو ما يسمى بذلك .....( صندوق دعم الطلاب ) يمنح الطالبات المتغربات 20 الف جنيه سوداني شهريا و هو ما يكفي لسد رمق الطالب / الطالبه لمدة يومين ....حتى لو كان من أهل العوض... كده فاضل في الشهر 28 يوم
العمل...؟؟؟
الشغل عشان تطلع مصاريفك...
ياتو شغل...؟؟؟
الشغل راقد و كلو بتمنو...
بس..
| |
|
|
|
|
|
|
|
|
|
Re: الزواج العرفــــــــــــــــي (Re: Mandingoo)
|
Mandingoo
والله ياريت تعمل لينا الاحصائيه دي ويكون جزاك الف خيـــــــــــــــــر
وعلى فكره كلامك الى حد ما صح نو في الاسلام في زواج عرفي لكن لفظ زواج عرفي اصبحت تعني نوع معين من الزواج وهو الغير معلن وبلا ولي وعندما تطلق لفظ زواج عرفي يتبادر الى الاذهان الزواج الانا قصدتو بدايتا
فالغلط حاصل معاك حق لكن مفهوم الناس استقر على الفهم ده
نوف
| |
|
|
|
|
|
|
|
|
|
Re: الزواج العرفــــــــــــــــي (Re: HOPEFUL)
|
هوبفــــــــــــــــــــــل
اولا ازيك يا ود امي ليك مده مابنته ....
عزيزي
انا ما قصدته انو بنات الخرطوم معصومات او ماداخلين في القائمه ابدا والله لكن نسبة بنات الاقاليم اكتر وبكتير كمان وبرجع وبقول هو ماقصر عليهن لكن ده الحصل .........
الا مـــــــــــــن رحــــــــــــــــــم ربي
وللاسف اخي هوبفل الطاعون ملا البلد ومافي حكيم يداوي
لك كل الود والاحترام
وماتنقطع مننا
نوف
| |
|
|
|
|
|
|
|
|
|
Re: الزواج العرفــــــــــــــــي (Re: Anwar Ahmed)
|
اخي انور
انا ماقلته انو ( قاصـــــــــــــــــــــر) فقط على بنات الاقاليم انا قلته( السؤال هل هو الفقر لانو نسبة الزواج العرفي منتشره وبشده بين بنات الاقاليم ؟؟؟؟)
واكيد ملاحظ الفرق
وعرفته من وين دي فانا بقول ليك لو كنته في السودان وشفته الحاصل ماااااااظنيتك تسالني السؤال ده ..........
بالنسبه لتوجه الدوله وبالرغم من اختلافي الشديد معاها لكن ماتكون دي شماعة اخطاءنا
القصه ماقصة دعم طلابي ولا قصة فقر قصة اخلاق ودين وتربيه
اقرا توقيع اسعد ابراهيم
لك كل الشكر والتحيه اخي انور
نوف
| |
|
|
|
|
|
|
|
|
 Re: الزواج العرفــــــــــــــــي (Re: WaD OmI)
|
WaD OmI hello
I agree with Mandingoo hereunder what he said
لا أعتقد انه ظاهرة، أو طاعون، فالسودان تتضخم فيه المسائل البسيطة (لأنه مجتمع متداخل ومترابط)، ويكفي ان أطلق إشاعة صغيرة الآن، فتجدها في الغد اصبحت على كل لسان وتلقفتها الجرائد وتناقلتها وسائل الإعلام، وربما ناقشها البرلمان كمان.. فهل أجرى أحد الباحثين أوالدارسين بحثا حول الموضوع؟ أم أن مجرد أن سمع احدنا قصة من احدهم، أو إحداهن- وليس من البطل أو البطلة في اغلب الأحيان- فإنها تصبح ظاهرة؟
كم من البنات تزوجت عرفياً؟ وكم عدد بنات العاصمة المثلثة؟ وما هي نسبة المتزوجات عرفياً الى مجموع البنات؟
in addition to
اختي توقعت انك تعتدرى وتعترفي بخطائك فكلنا معرضون للاخطاء وبما انك ملحة علي انك لم تخطائ اقول لك::::
{الزواج العرفي من اهم اركانه السريه والسريه التامه يعني ببساطه كيف علمت انهما متزوجين عرفي????
امااما بخصوص ما كتبتية( السؤال هل هو الفقر لانو نسبة الزواج العرفي منتشره وبشده بين بنات الاقاليم ؟؟؟؟)ملاحظة انك ربطي الفقر= كثرة الزواج العرفى عند بنات الاقاليم ممكن نستشير اهل اللغة العربية وهدا المنبر هو اهل لاهل اللغة!!! افتونا في قولها
اختي اعتدر لو كنت ازعجتك
| |
|
|
|
|
|
|
|
|
|
Re: الزواج العرفــــــــــــــــي (Re: Anwar Ahmed)
|
I agree with Mandingoo hereunder what he said
ياخوي/ انور احمد بالله حدد عربي والله انجليزى
معليش ياجماعه دى بره الموضوع
كان ممكن تكون بالاضافه الي in addition to /مره تانيه يانور من زعل معليش
| |
|
|
|
|
|
|
|
|
|
Re: الزواج العرفــــــــــــــــي (Re: Anwar Ahmed)
|
الأخت نوف
لو كنت قاعد في الخرطوم كنت عملت الاحصائية دي_ على الأقل استفيد منها في بحثي بتاع الماجستير- لكن ده ما يمنع انو الناس اللي اتكلموا في الجرائد وفي المنابر الاعلامية المختلفة انهم يعملوا احصائية تقنع الناس بدل أن يلقوا الكلام على عواهنه
شكرا يا ابو الأنوار
| |
|
|
|
|
|
|
|
|
|
Re: الزواج العرفــــــــــــــــي (Re: WaD OmI)
|
يا جماعه انتو مالكم زعلانيــــــــــــــــــــن؟!!!!!!!!!!!!!!!!!
ده موضوع مطروح للنقاش ماساه حاصله لي بناتنا في السودان .........
ولي اولادنا نناقشا نفسرا نحللا ( وده المطلوب ) ولا نقعد نناكف في بعض بسبب ومن غير سبب
لكم العتبى لو اخطاءت
نوف
| |
|
|
|
|
|
|
|
|
|
Re: الزواج العرفــــــــــــــــي (Re: WaD OmI)
|
Quote: ولا نقعد نناكف في بعض بسبب ومن غير سبب
|
الأخت نوف، أين المناكفة؟ نحن بنناقش بس، نحن ما زعلانين، ونزعل من شنو؟ ونتمنى ألا تكون (ظاهرة)، فكلمة ظاهرة كلمة كبيرة، وخطيرة، وربنا يحفظ اولادنا وبناتنا، وما تصل الحكاية لدرجة الظاهرة.
| |
|
|
|
|
|
|
| |
WaD OmI
ترهاقا
OMDRMAN
Mandingoo
ود شندي
HOPEFUL
ASAAD IBRAHIM
theNile
فيس بوك
تويتر
انستقرام
يوتيوب
بنتيريست