|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
سودانية العزيزة
حديثك هذا متوفر بكثرة في مجتمعنا السوداني والعربي بصورة عامة موضوع العنوسة وموضوع الانتظار وموضوع الاختيار
لي تعليق بسيط عزيزتي
أولا الوم تلك التي تركت دراستها وكرست نفسها للبحث عن عريس والتفرغ الكامل للموضوع
أحيانا أستعجب من النساء اللواتي يؤمن بان الله خلقهن فقط للزواج ومن دونه ،، الحزن والاكتئاب والسخط هي من نفسها ، والمجتمع ينظر لها بنظرة شفقة
أظن أن الله خلقنا لعبادته اول شي ، والزواج ليس فرض ولا حتى فرض عين
ولنا انواع كثيرة من العبادة كطلب العلم والعمل
دوما المرأة العربية مسخرة فقط لكي تتزوج اولا ولكي تنجح في علمها او عملها ثانيا واحيانا اخر شي تفكر فيه لا ادري لماذا
لو أنها اجتهدت في علم تتفقه فيه وابتعدت عن التفكير المستمر والادمان بالخيالات لكان اوفر لها لو أجادت صنعة او حرفة حتى لو تمارسها من منزلها ساعدت بها نفسها واهلها وملأت وقتها لو تطوعت في عمل خيري في مستشفى او مركز رعاية او اتجهت لمدرسة او رياض اطفال لكان اوفر لها
ودي وجهة نظري الشخصية تمنياتي يا سودانية
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
العزيزة سودانية2000 .. كل عام وأنت بخير .. وعساك ناقشت الرسالة؟
العزيزة هوزي .. كل عام وأنت بخير ..
المتزوجات قابضات على الزناد ومرابطات على ثغور عش الزوجية .. وغير المتزوجات قابضات على الجمر .. وعيونهن مفتحة لأي ثغرة وأي فرصة للانقضاض
أتمنى لكل من لم يتزوج/تتزوج السنة القادمة يكون/تكون مع من تهوى وتشتهي.
تحياتي،،،
العائد من أرض الرباط
جاد
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
الاخت سودانية الف تحية وفقك الله وانتى تتناولين هذا الموضوع الذى اصبح هاجس يؤرق الاسرة قبل البنت...والذى ساهم فى تفاقمه الشباب ..لا اقول بعزوفه بل باستصعاب امر الدخول لعش الزوجية. كمان والله يا ناس نحن كسودانيين رغم تغير ظروف المعيشة لسه متمسكين بحاجات قديمة تزيد من خطورة الوضع وتعقد القضية.
هسى لو مشيت عايز تعرس بت واحد يقول ليك تعال سوقها بفستانها اها لمن تجى تسوقها امها تقول ليك (سجم خشمى كيف بفستانا؟) طبعا بفستانا دى معناها انك جايب كل حاجة تلاته..تلاته رغم ده واحتمال لو جبتا ستة..ستة تقول ليك امشى شوف ناس الستة ذكرتينى بواحدة قريبتنا لسة ما اتزوجت وكل ما تجيب موية او اكل لابوها يقول ليها الله يديك ود الحلال يا بتى..فى مرة كان زهجانة قالت ليهو : والله يا ابوى المرة ود حلال ود.... غايتو ما عارفه
عموما يا اخوانا المسألة مسألة وعى وليس اكثر لازم يكون فى وعى
يا دكين ادينا رايك يا هموم
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: walid taha)
|
بعد مشيت لقيت ام بلينا عرسوها...وهي كانت مثالا للصمود والاقتناع والقناعة بصاحب النصيب...منذ ان كانت بنت يافعة عرفتها مكافحة في الجروف والحواشات ومصنع النسيج..والمدرسة ...والتدريس...والاحتطاب وهي بجندر تحتار فيه ندي امين والجندرية...عواسة...ومربية,,,واخت اخوان...تحلب وتخش اللبن...وتصرر...وتقادح في العرس والختان والولادة...وهي ما كانت تخشي علي نفسها من عنوسة برغم تقدم العمر وكانت تقول لي لما اسألها...البيت بنزل من رب العالمين...عاد كان نزل...بيجوا ناس المساحة يكسروه؟؟؟؟؟
وها هي تزوجت...وانجبت وناس المساحة لم يهدموا عشها وانا في غيابي وطشيشي...مشيت باركت ليها
ولقيتها اصبحت من اجمل ما خلق الله...وسعيدة غاية السعادة...
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
سودانية 2000 الزولة دي لو بتشبهك كده قولي ليها في واحد دينو وايمانو يتستر وحالو ينصلح .. قد لا يكون فارس احلامك لكنو دون شك فارس ساي واخو اخوان... وبعرف العيب.. وكان زمان زول مروة.
Quote: لو كنت شابا لما وجدت خير منها ؟؟ كل الجمال و الخلق و الدين؟؟ |
اعتبريني اخوكي الدايره ليهو الخير واتصرفي معاها على هذا الاساس ..
او ما تعتبريني اخوكي واتصرفي معاي انتي على نفس الاساس..
دكين الفارس ساي
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: DKEEN)
|
والله يا دكين ..جابوك من وين انت انا طفيت الانوار و...واتعشيت وخلاص داير امشي انوم الودانى اقرا كلامك دا شنو ما عارف..يا خى انت ده قصه تانيه
بينى وبينك..لو امورك مشت شوف لينا الاخت لو بتشبها كان ما عندهم بنات الاهل واكان مافى ان شاالله بت الجيران انت يا الشقى رامياك حديه تسلم يا لذيذ واختم بيك يومى
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
عزيزتي سودانية2000
الموضوع ده حيوي وواقعي جدا،و بضرب على وتر حساس في نسيجنا الاجتماعي كمجتمع محافظ تحمل تبعات تعقيداته المرأة. مشكلة العنوسة نفسها تعريفها يختلف من مجتمع لآخر و في المجتمعات المتقدمة كل ما تعلمت المرأة و استقلت اقتصاديا كل ما تأخر سن زواجها.
في السودان و على الأخص في المدن يتوقع من الفتاة الزواج بعد مرحلة التعليم الجامعي" ان توفر لها ذلك" و بالتالي يصبح عدم زواجها مباشرة بعد هذه المرحلة هاجسا يؤرق مضجعها و مضجع أسرتها و تصبح بؤرة مستهدفة لبقية الأهل و الجيران و هم يرمقونها بنظرات الشماته أو العطف و تلاحقها أسئلة "ما خطبوكي و مشتقاتها" أينما ذهبت.
لكن مشكلة عدم الزواج تواجه الجميع ، رجالا و نساءا على حد سواء و الشاب السوداني نفسه يجد صعوبة بالغة في العثور على فتاة أحلامه. اذن هي مشكلة مشتركة و لا داعي لتمثيلها بأنها مشكلة المرأة فقط حيث تكون الحلول المطروحة على قرار رئيسنا الهمام من تعدد زوجات و خلافه، فالتبعات السلبية التي تفرزها تعد في نظري هدامة لاستقرار الأسر ومساؤيها أخطر بكثير جدا من ظواهر العنوسة و ان كنت لا أحبذ استعمال هذه الكلمة و أفضل بدلا عنها استعمال مصطلح تأخر سن الزواج.
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: Nada Amin)
|
Quote: اشهدوا يا ناس البورد انا في حل من عهدي للودلادكين لانه راجل عينه طايره ونحن رجال عينهم طايره ما بحومواعلينا منقتنا مردوده علينا |
يكدها صاحب النصيب -------
الاخت سودانية
موضوعك جميل وجميل جداً وياريت نشوف من اخوه والاخوات بعض الحلول العمليه ولو بالجماعي والدبل حتى..
اكره ما عندي حين اري مثل هذه الفتاة .. وقد بدت كزهره علي وشك الزبول ولم تجد من يقطفهاااااااا!
وصدقوني لن يون هنالك حل الا بالمثني والرباع والتساهيل الاسرية والهمة من صاحبه الشأن في تسهيل الأمر لطالب القرب
والسلام
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: hanouf56)
|
بناتي العزيزات بما فيهن الابنه التي قالت عني انني صديقتها اللدوده اهديكن سلاما ومحبه لشد ما يحزنني وجود مثل تلك الفتاه التي تنقطع عن التعليم انتظارا لفارس الاحلام وقد انقضي عهد الفرسان والحصين البيض وانتهي عهد الحريم وبما ان الزواج هو قسمه من عند الله فلماذا لا اتعلم واعمل واخلق لنفسي بنفسي ظروفا افضل تشغلني بدلا عن الانتظار لشئ مجهول, لزواج ربما ينجح وربما لا ربما يكون نعمه وربما يكون نقمه لماذا هذه الانهزاميه والاستسلام للهيمنه الذكوريه من باب ظل راجل ولا ظل حيطه . متي تستطيع الفتاه السودانيه الثوره علي هذه المفاهيم من ان الحياه لا تستقيم ولا تكتمل الا بوجود رجل واي رجل ؟؟؟!! وبدلا عن تزكيه هذه الفتاه وتحريض الرجال للزواج منها يجب ان نقل لها ان مفهموها بالي ويجب عليها ان تتحرر من عقليه الاستسلام لهيمنه الثقافه الذكوريه يجب عليها ان تتسلح بالعلم و ان تعمل كمثل الفتاه البسيطه التي اوردها لنا نزار حسين ولا داعي للدموع والانهزام . وصراحه لله عزوبيتي ولا الزواج من بعض الرجال
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
الأعزاء كوستا دوما دكين هنوف 65 هوزي هوب فل ندي امين جاد دكين سعد ابراهيم نزار حسين وليد طه وليد 500 وكل الاصدقاء الكرام مشغولة و بجيكم برنامجي ملخبط و ظروف السودان زمنك ما حقك و برنامج كل يوم ينفذ بنسبة تقل عن العشرة بالمية و يا حليل زحل رغم كربها الامر يجعلني افكر في تكوين حلقة لدراسة الامر و او العمل كخاطبة بين بنات الداخل و اولاد الخارخ و كمان الداخل بس خوافة حبة و هو طبعا عمل خير لكن الامر يحتاج دراسة متانية افضي حبة و بعملها انشاء الله بس يا دكين اسعلها لو قالت ممكن ارجع ليك هواء بس انا برة لوووووووووول سلمتم
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
Quote: الأعزاء كوستا دوما دكين هنوف 65 هوزي هوب فل ندي امين جاد دكين سعد ابراهيم نزار حسين وليد طه |
دكين مرتين يا خوانا.. ملاحظين الكبكبات دي كيف؟ تغيب سودانية من البوست تلاتة ايام وتجي تقول اسمك مرتين .. وكمان تقول ليك
Quote: بجيك هواء وانا بره لووووووووووول |
والصواب وهو الراجح انو سودانية قصدت تقول لي بجيك هواء وانا بره ايووووووووووووووووي
وانا ما بهمني الصورة دي صورة بت تركية او صورة او صورة بت كنعانية الشي البعرفو انو الزول لامن ينزل صورة في محل مفترض انها تكون محل صورتو معناتا انو هو واثق انو صورتو المانزلت اجمل بي مراحل من الصورة التي نزلت واعطت انطباع بان الصورة المنزلة هي لصاحبها (وكالة بالاغلاق مع التصرف) ...
ويا سودانية انا راجي الرد وكلي حضور... كان من زولتك الشكرتيها لينا ديك وطلعتيها السماء ...او من البت البتجينا من السما هواء وانا بره ابشر لي خلق الله والضحك شارطني لوووووول
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
العزيز دكين
بما انه انا رشحت نفسي خاطبة وكده حاعمل بروفا عليك انت اول ضحية! لووول
المهم يادكين اول شي في شروط
العزيزة سودانية دي زول رايقة وراكزة وانت سيد العارفين فاول شي مطلوب منك تخلي كبكبتك الكتيرة دي ده اول شرط وتركز وتروق ذيها كدي
وبعد كده بنديك الموافقة المبدئية وما تنسى ( بشارتي ) بضم الباء
تمنياتي
عقبال عندكم
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
سودانية ألفين:
هوزي:
أنا وكيل الخطيب يا جماعة ..
أصلي متمرس ومضروب شاكوش في الثمانينات عشان كدا كونت مناعة ضد أي شاكوش ولو بالمناولة
لأني بحب الجمال (في عيب يا جماعة؟) .. الصورة دي يا سودانية جذبتني .. ونفس الطعم ابتلعه موكلي دكين ولكن بصورة متعمقة أكثر .. فأصر على المضي قدماً في الأمر .. أنا شخصياً أرشح موكلي بكل قوة وأتقدم بطلب للعزيزة هوازن.
وفي انتظار الردود
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
سلامات يا ناس الحلّة.... سودانية.. الجميلة.. تحية للطرح الجاد.. رغم أن جاد وإخوانه قد أحالوه إلى موضوع خفيف الظّل.. مما خفف من دمعة حزن أختنا المنتظرة... أعزائي جميعاً.. طبعاً القاعده إنه مافي زول مرتاح... العرسوها تشكي.. والولدت تشكي والماولدت تشكي.. والقاعدة في بيت أبوها تشكي.. والبتقرا تشكي.. والبتطبخ تشكي... الله يدينا الرضا... لكن.......... المجتمع ظلم المرأة من زمان... قبل يومين طُرح للنقاش الفرق بين تقييم المرأة الآن وبينه في السابق... سمعت (باندهاش وفم مفتوح) عن جميلات ذكيات.. أخرجن من المدارس للزواج... وعن قليلات حظ في الجمال رُفضن في الزواج وقيل لهن بالفم الملآن... (شينات!!)... زمن ليس ببعيد.. زمن أمي كان كذلك.. تقيّم المرأة بجمالها... وبالطبيعة الحال.. لما الواحده تلقى الأبو والأم.. والأخ والأخت بفكّروا كده.. حتفكّر كده.... الشي المستغرباه.. إنه الزمن ده ما فيهو فكر زي ده.. لا أذكر أني قد جلست مع صديقة نتحدث عن جمال فلانه أو قبحها.. أو حتى عن أنفسنا.. والحقيقة أن الكلام عن الزوج نفسه كان على أساس تقييمي للعقلية .. ومن ثم الجمال... طبعا الناس بقولوا ليك.. مما تقولك ليك جمال الروح.. معناتها شينه... ولا تعليق لي.. ...
البنت ظلمت نفسها.. مافي أدني شك.. وحصرت حياتها وعُمرها كلّه نحو هدف لا أعتقد أنه يسوى...أحترمها إن كرّست حياتها لزوجها وأولادها.. هذا أعظم ما يمكن أن تفعله إمرأة.. ولم يعظّم الله مكانة الأم إلا لهذا... لكنها كرّست حياتها قبل ذلك...
غايته.. في النهاية.. القسمة ما جات.. يا قول حبوباتنا..
بنت الحسين
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: مريم بنت الحسين)
|
امرأة بلا رجال
كانت ليلة روتينية وسط مجموعة من النسوة ، وحديث نسائي قوامه التململ من الشعور بالملل , وعلى ذكر الملل جاء ذكر الرجال ! وباشرت النسوة عادة الشكوى من الرجال ، وهى عادة ورثنها عن أمهاتهن , وورثتها أمهاتهن عن جداتهن , جيلا بعد جيل ، منذ اختراع مجالس النساء الشكوى من الرجال في مجالس النساء ، مثل الوقوف على الأطلال في مطلع القصيدة الجاهلية ، كلاهما أمر حتمي تمليه القوالب المتعارف عليها ، ويستهل بها الحديث في كافة الأغراض ، وكأنها استراحة تقليدية للعقل قبل أن يبدأ في التفكير بكامل طاقته ، استراحة يسترسل خلالها اللسان بثرثرة هجائية تنال من الرجل ، ومن تحكّم الرجال ، ومن سيئ خصال الرجل ، ذلك المخلوق كثيف الشعر طويل الأظافر وحدها كانت تجلس صامتة في ركن الغرفة ، امرأة على مشارف العقد الخامس ، كانت تبدو مثل عملة ممسوحة المعالم ، امرأة من ذلك النوع الذي تراه عشرات المرات فلا تحفظ له اسما أو يبقى في ذاكرتك شيء من قسمات وجهها ، لا لقبح في الوجه أو قصور في الخلقة ، وإنما كان بها خجل عجيب يحني ظهرها ويطأطئ رأسها ويسدل جفنيها ويخفض من صوتها ! وكأنها طيف امرأة ، أو كأنها تلك الزهرة البرية التي ما أن تقترب منها الأصابع حتى تنكمش أوراقها وتنغلق على نفسها سألتها الحاضرات عن رأيها في الرجل ، بصفتها أكبر الحاضرات سنا وأكثرهن خبرة ! فتلعثمت ! وأجابت قائلة أنها لا تعرف شيئا عن الرجل !! ذلك الآخر ، فهي لم تتزوج ( بعد ) ! قالت إنها لم تعرف من الرجل صورة الزوج ، ولا حتى صورة الأب فلقد توفى أبوها وهى صغيرة ، لم تعرف من صنف الرجال سوى أخ صغير معتل الصحة ، كانت تنتظره على بوابة المدرسة كل يوم لتصحبه إلى المنزل ، وحين كبر والتف حوله أصدقاء السوء كانت تنتظره على بوابة المخفر بالساعات قبل أن يتم الإفراج عنه .. هذا هو الرجل الوحيد في حياتها ! مصدر شقاء وتعاسة ، ولكنها لا تك عن انتظاره عجيبة حقا تلك البراءة التي بقيت في عيني هذه العذراء العجوز ! كم كان الشجن يملأ صوتها وهى تبوح بأنها لم تكن تتمني سوى رجل .. زوج من أولئك الأزواج الذين تتبرم منهم الحاضرات كانت كل تجعيدة في وجهها تقول أن العمر قد مر هباء ، وانه قد كتب عليها أن تكون صفحة بيضاء نزعت من الدفتر وألقيت في سلة المهملات دون أن تخط عليها كلمة ، أو تكون بئرا في صحراء لا تمر بها القوافل ، أو زهرة نبتت في الصباح وذبلت في المساء دون أن يشم شذاها صاحب البستان أو يلحظ وجودها أصلا
داليا سعودي
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
Quote:
العزيزة سودانية دي زول رايقة وراكزة وانت سيد العارفين |
هوزي العزيزة
اخوكي لامن جا ناطي بي هنا مسالة الركزان والروقان دي ما كانت في بالو.. اخوكي جا ناطي في البوست ده لان تشابه عليه الاتراك .. وطالما موضوع التشابه ده على ضمانتك.. انا شيلتي بره .. وانحنا والله ناس لو قتي قدامنا حرف العين ساي.. نتم الباقي موية ونقلبو عرس .. غايتو انتي مفوضة لي مدة اسبوع في موضع العرس ده .. بالعدم كده امشي لي ابوكي واقيفي بعيد وقولي ليهو (دكين ده هسع عيبو لي ) واجري اتغطي بالبطانية وقولي لي نفسك (دكين لي متين ؟؟)
Quote: أنا شخصياً أرشح موكلي بكل قوة وأتقدم بطلب يد العزيزة هوازن. |
يا جاد ياخوي مبروك عليك هوازن ونحنا لاقنك وين ذاتو... هوازن بنية مبروكة وسميحة...بس كيف تقول خير لكن اعتقد فيما اعتقد انو هوازن خطها مشغول من فترة .. لكن بما انو راسك كلو شواكيش ومافارقا معاك ..جرب مدو
Quote: كانت تنتظره على بوابة المدرسة كل يوم لتصحبه إلى المنزل ، وحين كبر والتف حوله أصدقاء السوء كانت تنتظره على بوابة المخفر بالساعات قبل أن يتم الإفراج عنه .. هذا هو الرجل الوحيد في حياتها ! مصدر شقاء وتعاسة |
ام در قصتك جابت لي وجع كلى
انتي كتابة كتابة كتابة عديييييييييييييييل
سودانية العزيزة
اسمعي يا حبة صحبتك الهدية ورضية كلمتيها ولا لسع ؟؟؟ شايفك زايغة من الموضوع وبتتحججي... انتي كدي كلميها يمكن ربنا يهدي سرها ويديها دكين عشا البايتات الماخمج ..
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
دومة العزيزة مسالة انو بتك منقة دي حتكون من نصيبي .. مسالة محسومة لا يشكك فيها إلا مبتدع وضال.. دي حاجة من البدهيات زي كروية الارض وخلود الشيطان...
هذه اشياء مجرد الخوض بالشك فيها تجديف... اطمئني واحمدي الله واثني عليه لانو بتك انا جاييها ولا تكرري ما قلتيه حتى لا ياتي الحاقدين من بين ايدينا ويقولوا وكانهم يتحدثون عن ثمار السافنا:
(يكدها صاحب النصيب....)
يكدهم كركدن افريقي بركة السيد الحسن.. قولي امين؟؟
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
موكلي .. موكلي ..
يا زول قلبت علي الطاولة الكلام مو كدي آ عشاي .. أنا قلت (أنا شخصياً أرشح موكلي بكل قوة وأتقدم بطلب للعزيزة هوازن) باعتبار أن هوازن وكيلة.
ها زول هوزي وين الناس تلقاها .. الله يجازيك آ ديكن
.. كديه صلوا على الحبيب المصطفى .. اللهم صلي وسلم على محمد وعلى آل محمد كما صليت وسلمت على آل إبراهيم وبارك على محمد وعلى آل محمد كما باركت على آل إبراهيم إنك حميد مجيد.
جاد
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: شتات)
|
الاعزاء الكرام شتات صدقت ايها النقي اين انت؟ ليك وحشة اقول اوردت لامر كتريح اجتماعي لقضية مقلقة و يا أبي كبر الفاتحة بس و علي قول بابا دين و تقي و غني لووووووووووول بس ما مدبل صديقتي ليست من رواد الشبكة و لا تعترف بفوائدها و تجدها مضيعة للوقت دكين لا عليك انا لا اتحجج و لكن الامر ليست بالسهولة و انت سيد العارفين تخيل الحديث الاتي سودانية : عسولتي جاء احدهم خاطبا لكي الصديقة: من هو سودانية: دكين الصديقة : من دكين سودانية : هو من الشبكة الصديقة : اين يسكن سودانية : لا ادري الصديقة : كم عمره سودانية : لا ادري الصديقة : يا بت انتي جنيتي سودانية : اظن كدة و تقوم الصديقة بانها الحديث ببكية او زعلة او تسلم يا عسل خلي جاد و هوزي يحلوها و ليك علي الباقي و برضو بجيك هواءءءء و الاجر تلاقيط
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
شبكة شنو ياخي ؟ الشبكة دي في ياتو فجة ؟؟؟ قولي ليها من الكدرو.. بعدين حاولي كشكري لي اخوكي شوية ..دي شنو الاجابات المختصرة دي انتي بتتكلمي مع محقق في الإف بي آي ولامع بت مفترض تكون مرتي ؟
عزيزتي سودانية الموضوع بسيط جدا بس انتي ختي الرحمن في قلبك الكبير ده . تخيلي الحديث الاتي : سودانية: عسولة جاء احدهم خاطبا لكي تخيلي؟؟ عسولة : ليه ما بتخيل بايرة ولا بايرة..بس منو ده؟؟ سودانية : ابو الدال يا عسولة تصدقي ؟؟ عسولة(بي فرح): ابو الدال ذاتو يا سلااااااااااام بس ابو الدال ده منو؟؟ سودانية:ابو الدال ياخي..دكين ود ناس ضحوي حسن عبد الرحمن .. عسولة: ياخي ..دكين ود انيسة ذااااااتو ؟؟؟ سودانية: تخيلي دكين ذااااتو . عسولة :اها وجاكي كلمك بتين وكيفن ؟ سودانية وقد تصببت عرقا طبعا شينة تقول ليها انا حكيت عنك في النت وقام هو سمع بيك هناك : ما مهم لاقيتو وين وكيف ، المهم هو قال لي اكلم عسولة واشوف رايها ..اها رايك شنو يا عسولة؟؟ عسولة (بي كل خجل الدنيا وهي مدنقرة راسا وماسكا طرف اصابعينا):الراي راي دكين يا سودانية ..هو في مرة عندها راي فوق راي راجلا؟؟ سودانية (وقد خرجت للحوش ):ايووووووووووووووووووووووووووي
انتهى السناريو.. وهكذا يا سودانية المسالة ابسط من كبكبتك دي كلها..يعني حتقول ليك لا خلي يجيب سبعة الف راس من البعير ومصلاية من جلد وحيد قرن ؟؟
ما ياها طلبات الحريم المعتادة شيلة وريحة ومهر .. وحاقول ليها ما عندي ظروفي زي الزفت ومقدم طلب لجوء عند ناس ست البنات في استراليا عسى ربنا يهديها وتشوف لينا فرقة..
ومسألة العمر دي اسالي منها هوزي وللضمان كده انا لامن جيت اولى جامعة هوزي دي كانت على اعتاب التخريج في اسكول .. ومسألة السكن بتتحلا ..مافي زول عرس ليهو مرة وقعد بيها في الفندق باقي عمرو..
وليتني اقعد..
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
العزيز دكين
ما اختلفنا طيب برضو اذا عاوز صديقة سودانية برضو روق شوية واركز ورسل لي باقي اوراقك عشان نكمل ليك الملف بتاعك
Quote: ومسألة العمر دي اسالي منها هوزي وللضمان كده انا لامن جيت اولى جامعة هوزي دي كانت على اعتاب التخريج في اسكول
|
بالله انا مره من صياغ الكلام فهمت انك في اسكول بس ياترى اتقابلنا قبل كده ولا كنت لسه برلوم المهم طيب خلاص شهدنا ليك انك زول صغير بس المشكلة صغر السن ما مرغوب فيه عند الرجال لووووووول
العزيز جاد
طوالي رسل باقي اوراقك انت كمان وانشاء الله ما حتتأخر ، في كتير حتى من ناس البورد وخارجه
تمنياتي للجميع بحياة زوجية !!!! سعيدة
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
عزيزتي سودانية .. شكراً يا همة عالية ..
دكين: الكرة في معلبك عبيء المعلومات المطلوبة بالفورم بطل غشامة وخليك حرك .. والباقي علينا.
ولجوء دي تاني لأنها ما تمرها لي لأنها ما في صالح القضية .. الناس يا بني يحزموا في الشنط للعودة وإنت ساكي الجوء لبلد أحفاد المجرمين!! الله يكسفك .
بعدين ما تركز على صغر السن زي ما قالت هوزان لأن السائد عند البنات أن كبير السن يعني أبو فورتي آند أبف رجل مسئولية وتفهم للحياة أكثر. خليك كبير يا فردة.
عزيزتي هوزي: معليش خطي مشغول .. محجوز والله بس برضو بخليك في الاحتياط .. أو إتياتي بلهجة جنوب الوادي .
تحياتي .. وصلوا على الحبيب:
اللهم صلي على محمد وعلى آل محمد كما صليت على إبراهيم وعلى آل إبراهيم وبارك على محمد وعلى آل محمد كما باركت على آل إبراهيم إنك حميد مجيد.
جاد
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
Quote: عزيزتي هوزي: معليش خطي مشغول .. محجوز والله بس برضو بخليك في الاحتياط .. أو إتياتي بلهجة جنوب الوادي .
|
الاخ العزيز جاد مالك بعد ما قمت تفتش الفورم تعبيه عند هوازن ، هسه داير تعزز احنا كده ما معانا لازم يكون موقف واحد ، هسه انا لميت ليك 5 عروسات ، لكن ظاهر ماليك في الطيب نصيب !! شفت كيف؟
قال مشغول قال
لا ومحجوز كمان
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: Hozy)
|
Quote: لي الكثيرون و لكني لم اجدهم مناسبين |
بعيدآ عن العاطفيه....نعيب زماننا والعيب فينا Quote: رسمت فارسا في خيالي لكنه لم ياتي ابدا |
وبعيدآ عن المجامله وحلمت بان تتزوجني بنت السلطان تلك العيناها اصفي من ماء الخلجان تلك الشفتاها اشهي من زقر الرمان وحلمت باني اخطفها مثل الفرسان وحلمت باني اهديها اطواق اللؤلؤ والمرجان علمني حبك يا سيدتي ما الهذيان علمني كيف يمر العمر ولا تاتي بنت السلطان(فارس الاحلام)
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: DKEEN)
|
السلام عليكم علي قول دوماانتو تضحكو الزول في جنازتة ابو قلبتو الموضوع و قفلتوا النقاش الجاد رغم وجود الجاد معنا من الضحك لميت ناس البيت و قالوا البت جنت بتضحك براه و لا القراية فوتت بيها اصل الحكاية اي قعدة في الجهاز مفترض تكون قراية الايام دي تسلم يا جاد الجاد و بقول ليك دعوااااااااااتك دكين و الله السيناريو رهيب و علي كدة اقوم امقلب صاحبتي و اقدم طلبي بس فارق عمري كبير اصل هوزي دي تكون برلومتي لمن بص عم محمد بيقيف في الاسكول و نلقط الايسكريم و نحن ننش النتمي حق الخرطوم رغم عدم وجود النتمي بالخرطوم و برضو صاحبتي زيد الكلام دا عشرة عشرين لووووووووووول بعد كدة تكو انت عاوز تقرأ صااااااااااااح تسلم يا رايق و رزين
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
الأخ وليد طه .. كيفك؟
أكان دكين وليدنا جاد .. أنحن جادين أكثر .. بس خليهو يعبيء الفورم .. هو وينو مشى وين؟ .. شايف قال حاجة ورجع بلعها تاني .. أفو آ دكين .. يبدو لي كلام الحبوبة دما خوفك
العزيزة سودانية .. الكلام جاد جداً لمن طاعم .. صدقيني لو دكين جاد هسع ننهي الموضوع على طريقة خير البر عاجله
وما يهمك بنعمل تسوية للفارق ما ح يكون كبير لو قلنا الوليد من مواليد 1976م مثلاً .. تكون الأستاذة من مواليد 1969م يعني الفرق يمكن تضييقه مع المميزات الأخرى .. تعليم + جمال + حاجات تاني + العنصر الأساسي الخلق والدين ..
عزيزتي هوزي: رغم أني محجوز لكن مافي مانع أشوف العروض إمكن إمكن أفكر في إلغاء الحجز .. بالبحث عن واسطة في سجن الترحيل بالشميسي (الرياض) لإطلاق سراحي قبل الترحيل للسودان ..
اصلي مجهز الشنطة وفيها الشبكة والمهر ما مهم عندي قطيع بقر وكم غنماية
تحياتي،،،
جاد
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
سودانية اسمعي ما تاخدي الموضوع بي هظار ومزح.. انازولا جادي وعنواني معروف مسالةالبيت ما بتتحلا وعندنا اقتراح فوق حاولي راجعيهو فيما يختص بحلها.. ود قبايل واخو اخوات.. بالنسبة لي العمر مكن نحسبا هسع قدامك انتي قتي انو هوزي اصغر منك بي سنة وانا هوزي قتا ليكم اكبر مني بي سنتين والحقيقة اني اكبر منها بي سنتين لانها لامن كانت بتقدل في المين كبرلومة انا كنتا طالع من الاكزام هول مسخن وفجاة شفتها حيلي برد.. يعني اربعة سنين هوزي +سنيتين البرليم _13%بتاعة الشهادة العربية معاك سنة التقفيلة 98 ..ممممممممممم معناتا مناسبين جدا لي بعض انا وانتي.. مبروك الفاتحة ........ ....... ........... آمين تاني ما القاك حايمة بره بعد المغرب فاهمة؟؟
هوزي زي ما شايفة وكالتك طلعت فشوش والموع حسمتو بي الفاتحة سااااااااااااي بالمناسبة اتلاقينا كتير لكن ما بنعرف بعض كتير في علوم وفي فيزياء مع ناس تماضر وهاجر .. اخر مرة في الاجازة وجن قات لي ديك هوزي الماشة على الود داك والود داك طلع ابو الزيك لاحقا قتا خلاص مافي داعي للغلاسة لو حيين بنتلاقي تاني
جاد العزيز رايك شنو نشوف ليك البت القلتا سودانية بتاعة عشرة عشرين سنة كده اكبر من البت العقدتا عليها فوق دي
لو قتا خير اخوك جاهز طبعا بقت صحبة حرمنا وكده
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
تقول الدكتورة فوزية الدريع : البنت غير المتزوجة في عمر متقدم تعيش ألم الحياة بعزوبية في كل دقيقة ولكن هناك لحظات وأوقات يكون فيها الوجع أكبر، مثل :
- زواج صديقة أخرى لها وإحساسها بأنها باقية وحدها والقطار يأخذ الجميع إلا هي.
- مولد طفل جديد في العائلة يحرك أمومتها ويشعرها بالحرمان.
- حيض كل شهر إنذار أحمر يقول لها : بويضة ودعت هذا الشهر أيضا بلا زوج بلا جنين، بلا إخصاب.
- ذكرى يوم ميلادها وهو يضيف كل عام سنة جديدة كالمطرقة على إحساسها تخبرها بأنها أكبر وهذا يعني أنها أقل حظا في الزواج.
- الإعلام العصري بندواته وأبحاثه وأفكاره وبحسن نية يطارد البنت غير المتزوجة ويعرض مشكلتها طبعا، النية الصافية في طرح الموضوع هي وراء ذلك لكن البنت تتعب نفسيا وهي تفتح مجلة لترى موضوع العنوسة، تضغط زر الراديو في سيارتها لتسمع رأيا في العنوسة، التلفزيون والندوات – كلها مرايا تخبرها بوجعها.
.. كل نهار فيه لهث .. يأتي وراءه ليل .. الليل سكون، خلود، ومخدة، وفراش .. والبنت غير المتزوجة .. كل ليلة حين تخلد في غرفتها، وفراشها وحدها تكون في مواجهة مؤلمة مع واقع عمرها
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
اول شي سلام يا زوربا شرفت البوست ،،، سودانية الف الف مبروك وما تشيلي هم اذا عندك اي استفسارات بجيب ليك باقي ملف ( الود دكين ) ، ما عارفه ليه دايما بيقولو ليه كده ، وهسه داير يعمل لينا فيها كبير،، دكين ، وريني تماضر اي واحدة ، تماضر من اداب ولا تماضر من اقتصاد ؟ لانه انا فهمت انك من اسكول وضحكتني شديد بحسبة العمر دي والله وبالذات طرح ال 13% مع انه ما عارفا الدخلها شنو !!!!!! المهم يازول مبروك عليك الزولة الواعية الراقية سودانية الف مبروك وما نلقاك حايم تاني في بوستات البنات بعد المغرب ولا مع شاي الصباح ، مفهوم؟ يا جــاد ،، شنو حجوزاتك كلها خلاص اتلغت ولا عاوز تملى الرف بتاعك وبعدين انت كان ما عبيت الفورم نشوف ليك بي وين لكن
انا قريبا انشاء الله بنزل ليكم فورم للتعبئة تمنياتي
ده اكتر بوست اثمرت نتائجه
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
الأعزاء الأفاضل ..
- (سودانية 2000 + دكين) - (هوزي + && ) - اللطيفة الظريفة زوربا .. نرحب بيك معنا في المربع الذهبي - نزار حسين .. جد جد يا كابتن .. شد حيلك وجهز معلوماتك.
معليش يا جماعة لا أتواجد آخر الأسبوع على الشبكة.. ما تقولوا زوغة .. بالعكس سوف أمضي مع دكين حتى أدخله القفص أو أتشوكش دونه..
هوزي الموضوع الموضوع سخن ما نخليهو يبرد بالله عليك ..
يا دكيـــــــــــــــــــــــــــــــــن وينك؟؟؟
جاد
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
إييييييييييييييييييييييييييييييييييك يا هوزي .. دكين ما راح .. وبلعوا التمساح ..
إيييييييييييييييك يا طلائع مايو
عشان كدا يا جماعة اسمحوا أنزل في المحطة دي ..
عزيزي زوربا .. المعذرة للخلط في الأسماء .. ونرحب بيك وما إنت برضو ظريف ..
أعزائي الزواج جده جد ومزاحه جد.
تحياتي،،،
جاد
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: JAD)
|
السلام عليكم و انا في اجتماع مع البروفسير أستاذي و زارني زرة شديدة في النتائج تجيني مسج من زول لذيذ و بوردابي قديم (مبروك يا عروسة و العرس متين) و اذا بي انفقع بالضحك و استاذي مبهور امامي لما اضحك وحدي و بعد هذا الضغط الاكاديمي الذي اعيشه أجننت انا ؟؟؟؟!!!!!! الله يجازيكم يا بورداب الجن و من الاجتماع جيت علي هنا اقول ليكم يا جاد اصبحت غير جاد عرس شنو الله يجننك الموضوع عنوسة وتشريح لظاهرة اجتماعية و لكن ليس بحثا لعريس لاي منا و لا احب الهظار في ذلك و يا هوزي من الليلة البوست دا حقك و انا برة مبروووك و السلام عليكم سودانية المستقيلة عن هذا البوست لتهريج و مافي زعل بس في لوم وبلاش مشاكل السلام عليكم
| |
|
|
|
|
|
|
Re: دمعة حزن ....من امراة انتظرت الفارس و لم يأتي بعد (Re: sudania2000)
|
عزيزتي سودانية .. تحياتي لك وتمنياتي لك بالتوفيق والإجازة العاجلة لرسالة الدكتوراة ..
رغم أني نزلت في المحطة القبل دي .. معليش يا ستي .. واعتبري كلامي السابق يندرج تحت الجزء الأعوج من رأي. بس تأكدي أني مازلت جاداً ..
أرجو للجميع حياة طيبة وسعيدة خالية من بلا ضنك وبلا منكدات ..
لكن أحب أترك وصية أخيرة .. أحلى مافي الحياة الحياة الزوجية المؤسسة على تقوى من الله ورضوان .. وبعدين مش تقولوا أيام العسل بس .. ستكون كلها عسل وتزدان يوماً بعد يوم بإنجاب الأطفال .. فوصيتي ألا تفوتي هذه السعادة على أنفسكم .. بعدين تصابوا بالكدر وتعلقوا على شماعة القدر.
صدقوني يجد/تجد الزوج يغني/تغني للآخر .. الحجل بالرجل يا حبيبي سوقني معاك (في سره/ها طبعاً.
أها أشوفكم عافية .. بلقى لي ناس افهموني ..
هوزي إنت فاهماني نعم .. لكن برضو بلقى غيرك يفهمني لأني صنفتك مع الجماعة ديل.
دكين: زي ما قلت لي الشاكوش الجاك أصاب أخوك جاد .. وما يهمك رأسي سدادة
أخوكم ..
جاد
| |
|
|
|
|
|
|
|