|
Re: ماهو عارف قدمو المفارق _ إسرار بابكر (Re: خالد الحاج)
|
راكوبه يا لذيذ....طبعا السرعة عندك..البرنامج ده اذيع قبل نص ساعة أو أقل من كتابة البوست...الكلام ده لناس اوروبا المحرومين ديل...
قولي شن سويت للطوارق...
الاغنية أفصح من فصيحة و خليل فرح يستحق كل الاحتفاء..عبر اعماله ممكن بالرااااحة ترسم خريطه معبرة جدا عن حال السودان منتصف القرن العشرين..دي لكن دايرة ناس شوقي بدري و حسن الجزولي..
اذكر في ليلة شعرية نظمهامنتدى شموس الثقافي بالقاهرة .....عاطف خيري الجميل حلل نص الاغنية دي و شرح عبرها انو الرمزية في النص شي موجود و قديم في النص السوداني...كدي انا استمخ بالغنية و اجيكم...
راكوبة....ياخ ما كان تخت لينا صورة ذلك ( الشيطان الراكب موتر و اول حرف فيهو نسرين) ...
| |
|
|
|
|
|
|
Re: ماهو عارف قدمو المفارق _ إسرار بابكر (Re: almohndis)
|
راكوبة يا عزيز
كل سنة وأنت طيب ياخي والله نحن دائماً متابعين روائعك ربنا ما يحرمنا من مثل هذه الأعمال الجميلة في اجازتي الماضية قابلني في المطار صديقي الدكتور عبدالله حسن شريف وهو موسيقي معروف وقال لي عندنا مفاجأة ليك أختنا أسرار بابكر حا نجيبة ليك في حفلة الخطوبة بتاعتك وبشرني بأنها متميزة في جداً وسوف تشارك في مهرجان المغرب ونحن بنضع لها الترتيبات اللازمة للمشاركة وفعلاً لم تخيب ظن صديقي ولكن المؤسف أنني لم ألتقيها ولظروف خاصة لم تحضر مراسم خطوبتي . لك كل الود ..
| |
|
|
|
|
|
|
Re: ماهو عارف قدمو المفارق _ إسرار بابكر (Re: Rakoba)
|
راكوبة؟؟
ياخى انتا عمارة عديل كده نلتجأ لمشاركاتك المعمرة للوجدان و الافهام و الله يا اخى الكريم دى خاصية نادرة جدا هذا الايثار و الرغبة الصادقة فى اشراك الاخرين فيما تجد فيه فائدة و متعة
الله يديك العافية و يخليك لينا مبادرا للخير
| |
|
|
|
|
|
|
Re: ماهو عارف قدمو المفارق _ إسرار بابكر (Re: نصار)
|
فى اللحظه النزل فيها البوست..كانت اميمه شقيقتنا تحزم امتعتها لاوان سفرها عايده الى اسبانيا..
وانطلق صوت اسرار ..بخة من عطر يدعى شجن..
وانهمرنا فى بكاء ذى نحيب..
يا للصوت..وروعة الاداء يا اسرار..
وشكرا لاتحافنا به يا راكوبه..
وبالطريقه دى يوم بتكتل ليك زول
| |
|
|
|
|
|
|
|