دعوه الي افضال الشمال والوسط يعانى الجميع من الشمال والوسط يعانى الشمال منهم ايضا لماذا الوحده معهم اذا كان مامكن ان نعيش مع بعضنا فمرحبا بالانفصال الباب البيجيب الريح سده استريح
02-08-2004, 04:57 PM
نصار
نصار
تاريخ التسجيل: 09-17-2002
مجموع المشاركات: 11660
عاريف يا نيل انت النيل و انا الفقير لله و وطن ح نتزق لا سمح الله ان خرج عن البلد اى جزء عزيز...ح تقول دا كلام عاطفى ساكت ... اقول ليك الوطن نفسة فكرة تستند على عاطفة الانتماء...بالمناسبة شروط التماسك الوطنى المتوفرة للسودان تفوق ما توفر لكثير من البلاد الراسخة فى عالم اليوم ..ما جرب منذ الاستلال هى صيغة واحدة ممتدة و هى التى وصلت الحال لما هو عليه...تمزقى ياتى من حقيقة انى ولدت فى اقصى الجنوب و نشأت فى اعلى الشمال و وعيت فى تنقل فى ارجاء الوسط و لى اواصر دم فى الغرب الحبيب على قلبى و خارج الوطن نتشكل بشكل و مضمون المليون ميل... اخى ارجئ الامر و اعمل على ازالة السبب الذى اوصلك الى آخر العلاج و معك ساعدى و عقلى و فؤادى
02-08-2004, 06:02 PM
Tabaldina
Tabaldina
تاريخ التسجيل: 02-12-2002
مجموع المشاركات: 11844
.. . مالك مستعجل على الانفصال كدا ..؟؟ شايف لمن الحروف نقصت واتلخبطت .. كدى روق شوية .. الوسط عرفناهو عندو نيلين ويمكن تأهيل الجزيرة .. لكن ناس الشمال ديل يقلوا يا منو ؟؟ على العموم انا كرفاني غرباوى بدعم رأيك دا ؟؟ ومقتنع لكن البقنع الديك شنو ؟؟ وما اكثر الديوك الان ..
تحياتى
02-08-2004, 08:36 PM
Bashasha
Bashasha
تاريخ التسجيل: 10-08-2003
مجموع المشاركات: 25803
الاخ theNile يعني بدل ما الشمال "اللي هو الوسط برضو" يقر ويعترف بما اقترفت يداه من جرائم تقشعر لها الابدان، ومن باب الاصرار علي الباطل، والعزة بالاثم الان بتكلم عن الانفصال!
سيحان الله!
طيب فوق كم كاتلين ليكم اكثر من 2,000,000سوداني كل جريمتهم المطالبة بالانفصال!
حاجة غريبة جدا، لو الاخرين سعو للانفصال كمخرج من جحيم ظلم الشمال، يبقي الشمال مالو، راكب موجة الانفصال؟
ثم منو القال ليكم بصيرة البصيرة ام حمد دي هي الحل؟
الشمال بعد ما يقطع راس التور عشان خاتر عيون الزير، حيروح كاسر الزير عشان ما يطلع راس التور!
هذا الشمال، رجل السودان المريض حتي اللحظة ماعارف ذاتو ليه ذاتو اصلا في حرب اهلية في السودان!
لذلك فهو يعيد انتاج الازمة البتنتهي بي بتر جزء من اجزاء السودان، لحدي ما، ما يفضل فيهو نفاخ النار!
هذا الشمال الجاهل المتغطرص ما عنده ادي فكرة كيف تقطيع اوصال السودان ابدا ما حيودي الي سلام او استقرار!
بالعكس الحاصل الان مناظر ساكد، مقارنة بالحيحصل لمان المليون ميل يبق كتلة لهب لا تبقي ولاتذر!
حينها المرافعين وبالذات المفرعين المصري حيجي مارق ويغتنم فرصة العمر لانو شيك "الولفير" بتاع الفلسطينين، حيقيف قريب!
حينها متنطعي ومتقطرسي الشمال حيرجعو تاني لي كرب العمة في المخروقة ك"مرماطونات" في قصور بشاوات مصر، او بوابين في ناطحات السحاب الحتتبني من خير السودان!
طبعا هيجوني الجماعة مطفرفين، ويقولوا لي عنصري، مامهم كيف لاني واحد منهم... او حاقد ماتعرف كواحد منهم حأحقد علي ايه؟...مريض، ما تعرف من ايه؟
الي اخر مافي البرميل من نعوت معلبة تطلق عادة علي سكان الغرب والجنوب كدعاية مصاحبة لي حرب الابادة والتطهير العرقي بغرض تركيع وتدجين اشاوس الغرب والجنوب.
وبمااني شمالي صاحب حظوة بالميلاد، فبامكاني القيام بدور ضخم جدا غير متاح لمستضعفي السودان ومضطهديه الغير ممثلين في هذا المجتمع الشمالي الابارثيدي.
خير دليل ما تتعرض له رودا ودينق كممثلين اثنين فقط، لملايين المنبوذين والمضطهدين.
فيا متجبري الشمال الظالم والمجرم، فاني لكم بالمرصاد حتي تقروا وتعترفوا بما اقترفت اياديكم الملطخة بدماء الابرياء.
اصراركم علي التملص من مسؤليتكم التاريخية في تخريب السودان، دليل قاطع علي اصراركم علي تكرار ذات الخطيئة، ونحن علي اعتاب مرحلة جديدة.
الاعتراف بالخطأ شرط مسبق واولي لفعل الصواب.
فنجيب من وين عمر تاني لنعيد انتاج نفس شريط الفلم الهندي المعروض من خمسين سنة ضاعت من عمرنا.
ماعندنا 2,000,000نفس طاهرة وبريئة ولا السودان عاد يحتمل مثل هذا الاستهتار والعبث واللامبالة، من نخب الشمال.
خير دليل علي اللامبالة وتبلد الاحساس هو هذا المنبر المنفعل بهموم الغير وقضايا الغير والمنصرف عن قضايا شعبو، بينما العالم باجمعو يقيم في كينيا، وحتي كندا تعبر عن قلقها لما يحدث في دارفور، وامريكا تقترح الحلول.
عزيزي القارئ راجع فقط الصفحة الاولي للمنبر لتتأكد بنفسك حجم الترف الذهني واللامبالاة فيما يتصل بقضايا الموت والحياة في بلادنا.
هذا ليس باحتجاج او مطالبة بأي شئ، وانما محاولة للاستشهاد علي ماندعي بالقول-بشواهد الممارسة العملية علي صفحات هذا المنبر.
لانطالب لان ذهنية وعقلية هذا المجتمع الشمالية، العروبية، الاقصائية، لايمكن ان تعطي ما تفقده!
02-08-2004, 08:43 PM
WadalBalad
WadalBalad
تاريخ التسجيل: 12-20-2002
مجموع المشاركات: 737
خير دليل علي اللامبالة وتبلد الاحساس هو هذا المنبر المنفعل بهموم الغير وقضايا الغير والمنصرف عن قضايا شعبو، بينما العالم باجمعو يقيم في كينيا، وحتي كندا تعبر عن قلقها لما يحدث في دارفور، وامريكا تقترح الحلول.
عزيزي القارئ راجع فقط الصفحة الاولي للمنبر لتتأكد بنفسك حجم الترف الذهني واللامبالاة فيما يتصل بقضايا الموت والحياة في بلادنا.
والله يا بشاشة سطورك دى براها كفاية ..لصباح يحدونا فيه الامل ..
دمت
02-09-2004, 09:09 AM
Habib_bldo
Habib_bldo
تاريخ التسجيل: 04-04-2002
مجموع المشاركات: 2350
يا النيل وكل الاخوة سلام وتحية يلام لكل سوداني شمالي جنوبي شرقي وغربي يا النيل السودان للجميع وما ملك لأحد أنا من أقصا الشمال وقناعتي ان السودان وطن للجميع لا يتزعزع ولكن إذا أراد البعض أن ينفصل وهان عليه هذا السودان فلينفصل ويقتطع من أرضه ما يريد المهم البيفضل في النهاية هو سودانا الذي نحبه ونفتديه بأرواحنا فلتسقط اي دعوة للأنفصال
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة