أخوي سجيمان
كيفن عاد تقول بت الأحفاد فازت في شنو ؟ ات ماك نصيح ؟
ما تابعت البوست دا بعد ما رفعتو وللا شنو ؟؟

حلمنتيشية رفع العتب


الأخ الكريم يازول يازول
مشكورين على التوضيخ و تسلم يا خال ويسلمو أولادك وبناتك
الله يبارك فيك ، ان شاء الله نخطط للأول ، بس دايرا وكت

الأخت الكريمه raja
ألف شكر و طبعا ما بفرح براي حمدالله على سلامة أختك
و ربنا يطول نفسنا زياده و يصبرنا

الأخ الصديق sado7
سلمك الله وهذا ظهور ، الشكر والله يبارك فيك
الأخت الكريمه مهـيره
آمين و جزيت خيرا ، وربنا يقدرنا نرفع اسم البلد في كل المجالات
وبالمناسبه ، كان هناك نقاش قبل كم شهر لمجموعة شباب سوداني عن أثر نتائج فرقنا الرياضيه في زيادة نسبة العطاله بين شبابنا !! لو ربنا سهل بذكر ليكم عن الموضوع دا يوما ان شاء الله

الأخ خالد عويس والأخ عبدالمنعم عجب الفيا
طبعا رأيتك هناك وكان أخونا العجب متحمسا ومقهورا في هذا البوست
فوز سوداني على مصر ، وخساسة اعلاميه وهي بطولة أخرى ، وحتى لما قابلت عجب الفيا ، كان لا زال ممغووسا والكاس أدناه هو للبطوله ديك ، ومهدى لجميع من يحمل عشق علمنا في قلبه

عقبال الجايات يااخواننا
وان شاء الله حنبدأ أنا ولاعب آخر من لاعبي منتخبنا بعض التدريبات في النادي السوداني بعجمان
فاللي عايز يشارك في التدريبات يقول وررورووك في الماسنجر

أخيرا الشكر من بت الأحفاد برضو ، وهي مشغوله في امتحانات آخر التيرم ، فعليكم الله دعا كدا بالنجاح والتوفيق في سركم سلمتم جميعا

(عدل بواسطة obay_uk on 01-18-2004, 03:04 PM)

بسم الله والسلام عليكم أجمعين يا ناس هذا البيت

الأخ رشيق الكلم كريم الشمايل عاطف الجريفاوي
آلاف التحايا والشكر ، والشكر الأول على استضافتك الكريمه جدا في بيتك يا أصيل يا ابن الأصول ، سلمك الله وأهل بيتك
وراجع ليك تاني في بوست محمد سيد أحمد بعد دقايق

الاخوة الكرام والأخوات
أنور الطيب - muhib - shalabi - abas - essam&amal - Hamza Suliman - ودعقاب - كبسيبة - ali othman - anwar king - shalabi - 7abib alkul - abir abdulla - elsharief - JAD - شتات - sari_alail - shalabi - خالدعويس - sado7 - zumrawi
آلفين سلام والشكر الجزيل ، ربنا يقبل أدعيتكم و يحقق أمانيكم ، وانشاء الله النجاحات تشوفوها أكان ما فيكم - زين في جناكم ، وفي ولاد البلد
تحيات مباركات مره تانيه يا ناس بلدي

الأخ الصديق حبيبنا maxab
أنا قايل نفسي كلمتك أخوك بلعب في المنتخب الأول بحمدالله وربنا يقدرنا نعمل حاجات تليق بينا ، رغم ما يدعى بشح الامكانيات وندرة الدورات التدريبيه واللذي منو ، لاكين نحنا ما ناس فتيش للشماعات
ربنا يوفق الجميع

الحبيب تبلدينا يا ناس زمان
والله من فتره بحاول أتصل وتلفونك ترفعو لي واحده سعوديه ! تقول لي منو هذا و منو تبغي وما بعرفو شنو داك ! قلت ليها داير تبلدينا ! قالت منو ؟ قلت ليها بدور صالح ! قالت لا واللخ ما عندنا هاذا الرقم
أما الخيانات فلسع ما جا دورا
قول الحمدلله على التالت ! دا زاتو ما مستوانا ! مستوانا بالنسبة للمشاركين أقل من كدا بس الحمدللموفق
تحياتي للشامخين

الأخت الكريمه الجندريه
الله يبارك فيك ، أهوالجماعه ما قصرو و ردو عليك ، بس تابعي ردي ل سـجـيـمـان
جايي في السكه

الأخت الخالة نجاة
بوركت وبورك أهل بيتك
وربنا يسمع منك ، ولا أراكم مكروها تب




to be continued
"check above zumrawi"

(عدل بواسطة obay_uk on 01-18-2004, 03:13 PM)
(عدل بواسطة obay_uk on 01-18-2004, 03:51 PM)