|
|
|
 Re: اجتماع بورداب الخرطوم وبالصور كمان... كيف معاكم؟ (Re: ملكة سبأ)
|
العمدة راح
شرفنا كثيرا الاخ البيعو
مكي كان معانا
الجريفاوي حاضر
مريم مشت بدرىىىى
ماهيتاب لا دكت المحاضرة ولا حاجة وهم ساندرا عملوا خيانة تانية
ومتآمر معاهم إسماعيل ميرغني
ود عقاب طبعا اساسي
ويا اساسي ماشفت البيتزا والحاجات
ابوحراز اتصل ورمي اللوم علي المهندس الكلمو متأخر وواعدنا بزيارة
بت النيل حضرت رغم مشغولياتها مع الثعلب الباراز يوما
زارية مشت بدري
ابونور عامل فيها تمبس الرياض على قول الجماعة وزعل الرسام الجبتو ورسلنا ليك الإيميل ياخ
شمهروش اتبرع بدار لسودانيز اون لاين من حر ماله
اسياد الجلد والراس المهندس ودريمز طبعا حاضرين ودريمز قضت على ثلاثة ارباع البيتز وعينى باردة
صفوان جاء سريع سريع وقال مادير يتصور عشان.... شنو ياربي؟
فتحي بحيري غائب وموبايل (قدر ظروفك) مابرد
وين ابو يسرا ياجماعة ؟؟
شيبة ظروفو ماسمحت
وقلقو وكفش مسجلين غياب جعل الله المانع خير
ود العجمي الايام دى ساكن في الشغل
شنو يابورداب الخرطوم عددكم الفعلي كبير ونايمين
صحصحو معانا شوية
واللقاء الجاي عايزين نرتب لجية عاصم
والمابجى يطرشو فى صوتي
وبري منكم ياناس برة زول يطرانا ساكن مافى
ماتبطلو وجاهات بقي
وهالة نحن ما اديناك العضوية الفخرية نسحبها ولا شنو
| |
 
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
بدون سلام وبدون كلام يا بورداب الخرطوم
زعلانة منكم شديد000
وخاصة المهندس و ملكة سبأ وابو نور طالما كتبتوا مفروض تسألوا من ابو وضاح .
لأنه انتوا عارفنوا ما بتأخر زى ما قال المهندس عشان يعمل ليكم تحليل كامل للجلسة .
عموما ابو وضاح طريح الفراش بمستوصف النيل بالخرطوم العمارات شارع 45 المت به الملاريا اللعينة ومعاها تايفويد كمان منذ اربعة ايام وهذا ما حرمه من مشاركتكم اللقاء الجميل وكنا عاوزين نرسل ليكم وضاح لكن ظروف عصام الصحيه حالت دون ذلك وانا بعيدة وزى ما قال ابو ساندرا متين نلتقى ونخلى الشلهته دى .
ادعوا معى لابو وضاح بالشفاء العاجل .
وتزمله وتدثره العافية كالسوار فى المعصم 000000
لكم التحايا واهنئكم على اللقاء الجميل
تحياتى لاحلام يا بلقيس والحبيبات ساندرا وماهيتاب طبعا واحدة منهم عروس وضاح يلا شدوا حيلكم يا بنات القبايل ده فارس الفرسان ونحن مصرين يكون ابو ساندرا ابو النسب حقنا .
امال
ام وضاح
| |
|
|
|
|
|
|
|
|
 Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
حنينه
والله الصور جايه بس صبرك علينا لحدي ما خالد يورينا الطبخه
تسلمي يا خواجيه
ابو ساندرا افتقدناك كثيرا فلك منا التحايا
بعدين فتحي يخش ياتو غابه ناس الغابه جوه الخرطوم الا يمشي للصحراء القاحله في الغرب الحنين مع ثوارنا
اساسي الما اساسي
كيف معاك البيتزا يا مان
ولسه في انتظار الفاخر المعلب
يا خالد الصور هسع بتكون في البحر الابيض المتوسط
يا تكون وصلتك، وناس عرب7 قالو خدمة التحميل متوقفه لفتره عشان كده رسلنا ليك جزء من الصور وسوف تصلك تباعا
تسلم يا غالي
ابونور
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
والله عاد حكاية يا بورداب الخرطوم...المهم بركا الظهرتوا.. والماظهر مقدرين ظروفو؟ والله....بس زي ما قالت ليكم تماضر..بتزا..لو كان فول مصلح..كان يكون حكاية تانية..ولو كان ختمتوها بزيارة ابو وضاح..كانت تكون مسك الختام..المهم الروح الطيبة... دا المهم في الموضوع كلو..وانا بأمانة ملكة سبأ دي كنتا قايلا في اليمن..طيب وكت هي في السودان.ما نحور الكلمة الي ملكة سوبا..كدة بيكون فيها رائحة البلد..أو الإقتراح الزمان داك..ملكة البركل..
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ملكة سبأ)
|
بلقيس
سنة يا نحن
الجلاليب ما عندنا
ام وضاح
الف سلامة والله
جد فقدنا ابو وضاح بس ما كان عندنا خبر
اكيد ح نسجل له زيارة ونسقت مع البعض انها تكون بكره اذا حيينا
تماضر
ما تزعلى كدا كدا المرة الجاية ح تكون كمونية مادام فى الضحية
ومن هسه عازمنك كمونية كرامة عاصم
تسلمو كلكم
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
ملكة سبأ وملكتنا كلنا000000
سلامت وشك وحاشاك اللوم ياظريفة وانا هاجمتكم طوالى من عشمى فيكم
واهلنا قالوا الما لامك ما دارك .
الحبيبة رجاء تسلمى ان شاء الله من كل شر واطمئنى الحمد لله اتحسن كتير لك الشكر .
الاعزاء0000
خالد الحاج
حمزة سليمان
أبو نور
البعيو
منصورى
يسأل منكم الخير وتسلموا من كل بلى ان شاء الله واطمئنوا على ابو وضاح الحمد لله كل يوم فى تحسن مستمر .
ان شاء الله ما نعدمكم يا شباب ولكم التحايا.
امال
ام وضاح
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: خالد الحاج)
|
والله بختكم لكن
بس حا تكونوا شاريننا كدا لي متين بس ما تورونا الناس اللي في الصور ديل منو؟
يا ود عقاب انت موقعك وين من الاعراب ما تكون ما ظاهر بس انا غايتو شبهتك على واحد من ديل بس ما تكون لسا صورتك الخايف عليها مافي هنا
لكم كل تحياتي يا بورداب الخرطوم ويا ريتني كنت معاكم
مع خالص تحيات الاخ الرائع بامسيكا بيسلم عليكم كتير لكن ظروف العمل ما بتخليهو يجي حايم بي جاي
وحتى نلتقي
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: Ala Asanhory)
|
من الساعة اربعة انا قاعدة فى حدائق الشهداء اتلفت براى و
بورداب الخرطوم كالعادة ماعندهم مواعيد قالوا الساعة اربعة ولغايت 5:30 ما كانت لمتهم تمت
المرة الجاية اعمل حسابى واجى بعد ساعتين من الزمن المحدد عشان اقدر احضر لى اجتماع لاخره
ام وضاح
سلامة ابو وضاح الف سلامة وربنا يواليه بالعافية
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: مريم)
|
العزيز سنهوري..
كده حنينة خليها علي الأقل كانت واضحة ما دايرة الناس يدوها عين
لكن شوف حسادة ناس الخرطوم قال شنو البيعرف الزولة المدسية ورا النقطة السوداء دي
عندو جايزة كبيرة.. وبيني وبينك دي دايرة ملاسي ..أها يا حسين رايك شنو في نوع الغتاتة دي
| |
|
|
|
|
|
|
|
|
 Re: اجتماع بورداب الخرطوم وبالصور كمان... كيف معاكم؟ (Re: Outcast)
|
ام وضاح
سلامة ابو وضاح وربنا يواليه بالعافية
لكن ما بسألكم
يا ملكة جينا و لقينا صورتك قبيل ...القش الحوش منو؟
وبعدين المندسية وراء النقطة السوداء دي
انا عرفت ليه
عاينوا لشنطتها التحت كرعينها دي
شوفوا مهربة فيها شنو؟؟
ياختي..حتي قزازة الموية ما رحمتيها
حنينة الخواجية 
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
فعلاً يا ابو الريش قزازة الموية السغمبتوتية دي هي فعلاً طبزة المعلم..ما شايفن كيف بورداب الخرتوم ديل غتيتين كدة.يورونا الصور بالقطاعي.. وفي ناس كنا عشمانين يظهروا ما ظهروا.. ظهروا في السوداة..ودا زادهم قيمة عندنا.. وفي ناس قلنا يجو..ما جو كلو كلو.. يا ريت كنا حاضرين لمتن دي.. الدنيا فيها شنو غير لمة الأحباب والصحاب.بقلب مفتوح وعقل صافي خال من أوضار الأغيار..
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
1- عصام محمد الحسن (أبو وضاح )
سلامتك وكفارة وشدة وبتزول يا زول يا عادي وزين ، ولو عارفك مطول كان نبهتك بأن الأبتعاد عن الحبايب وعمايل الشوق وتبعاتو ، بيؤثرو على المناعة الذاتية ( يعني بيكون في متلازمة عوز مناعي ) وأي حاجة بتفرق معاك ، باعوضة حقيرة ترقدك ، كان وريناك تتقي ذلك كيف وفنيات المقاومة عشان ترفع المناعة ، وأهمها ان تشيل ( صورتها ) معاك وين ما تمشي ، تشتاق تطلعها وتعاين وممكن -بعد ما تتلفت وتضمن خلو المنطقة من الشمشرجية والشينان ، شرطة النظام العام - و.....،كل سنة وانت طيب
2- بورداب الخرطوم (ابو نور)
يا غبيانين أول مرة يجيبوا التحلية قبل ( الفتة و الكوارع ) معقول تقدموا لينا الخشاف والكسترد في الأول ، كان تعكسوا الآية وتخلو ناس ساندرا وماهيتاب في النهاية عشان نختم بحاجة كويسة
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: أبو ساندرا)
|
سلام ومحبه
والله بقرتونى عديل كده، والله تجمعوا لى حق التزكرة حسع اجيكم ناطة
شكلكم/ن يثير البهجة ويبعث الدفء فى طيات الروح التعبانه
بجيكم/ن شايلها اشواقى واحلامى وجراحاتى، لكن عليكم الله كان تاكلونى بيتزا على قول تماضر، شوفى لى ملاح مرس وكان مابتعرفوا المرس خلوها تقلية وبالليل كوارع، بصراحه انا حاسه بالجوع الجليد بره نازل بتقلهو ومحتاجة افتح البوست ده من حين لآخر عشان أتدفأ بيكم/ن
ياسلام عليكم/ن
ام واصل المشتاقه لريحة التراب
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
سلامات كتارااااااات
ملكة سبأ ودريمز وأسماعيل ميرغنى
ماقايلاكم حسدتونا كدة,بالله نمشى نلقى العرض انتهى ؟
لكن عوضنا وما حأوريكم بى شنو,ده غير فراديس الكلام المشتهى عند قرنق توماس
يعنى برضو مغلوبين
أم وضاح
ياخى بعد الشر عليو
الله يطمئنك ويطمئنا
أبو نور
ساندرا قالت ليك كدى تعال بى هناك (بعد اذنك)
473789
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
سلام يا بورداب الخرطوم يا رائعيييييييييييين
شكرا وما مشحودين على السؤال من اخوكم عصام .
حبيت اطمنكم عليه والحمد لله الذى اتم عافيته .
الحبيبات
دوما ، مريم ، حنينه ، وماهيتاب العسل .
لكم الشكر والتحايا العطره 000000000000
الاعزاء الافاضل .
علاء ، وابو ساندرا 00000000000
عاجزة عن الشكر اعزائى00000000
تقبلوا جميعا تحيات ابو وضاح لحين ان يلتقى بكم .
امال
ام وضاح
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
سلامة ابو وضاح يا امال
لكن صحي بالغتو يا ناس الخرتوم في التسعة صحانة الشي شمومة ؟
ويا ملاسي
والله عالم جبنات ، فعلاً رحمة الله دي مايخلوها
هسي فيها شنو يعني كان متعنا عيونا
لكن المضرة حاصلة ؟
ويا قرمبز صدقت مافي اشد من كدي بس شيلوا الدائرة السوداء
ونخرج من حلقة الديون طوالي
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
الحميم خالد والله الجماعه ديل الفيهم إتعرفت وحسادتهم ظاااااااااااااااااااااااااااهرة ومافي زول بتغباو لكن برضو حنينه ما بخليها وياناس الماسنجرات الداخلية حصلوني بي واحد يورّيني مسقط رأس حانينه وإلا أنا بتصرّف براي وبعدين بعمل بوست كامل عن الموضوع ده وأجيب ليكم حتى إسم الروضة القرت فيها الحميمه حنينه ـــــــــــــــــ الحميمة .. أم وضاح إن شاء الله العافية تخضر حوشكم وحوشنا الإلكتروني ده أبداً علاء
(عدل بواسطة Ala Asanhory on 01-10-2004, 05:45 AM)
(عدل بواسطة Ala Asanhory on 01-10-2004, 05:48 AM)
| |
|
|
|
|
|
|
|
|
 Re: اجتماع بورداب الخرطوم وبالصور كمان... كيف معاكم؟ (Re: Ala Asanhory)
|
انتو ياجماعو
البعيو ده جاء اللقاء براهو والا شنو ؟؟
يعني صورتو هو براهو ؟؟
غايتو البعيو ده صورتو انا كتير خلاص ..
اها والبقية ؟؟ وين ؟؟
الشنا حاصله يعني ؟؟
يا بونور .. معليش اتاخرت عليك يوم الخميس لانو ما كان عندي طريقة خالص .. والبركة في الخال .. والبركة في لمتكم الحلوة دي
قالو الجماعة سموك تمبس الرياض علي وزن ثنائي العاصمة
نزلو الصور دي خلونا نشوف احسن ليكم .....
ما تحرقو لينا روحنا برانا روحنا محرقانا الليلة
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: tmbis)
|
تمبس
لكن لقيتك خطير في (النقر) بالله دى عرفتها كيف
وطبعا ابونور اكلها ساكت حكاية يشبه تمبس دى وانا غايتو اقنعتو انه على اسمح ومايسمع كلام الناس ديل حتى رضى شوية
وبعدين الصور نحن نشيل وننزل ونبدل من يوم طبيخ الرجلة والفاتك فوتهوالجايات اكتر من الرايحات
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
بورداب الخرطوم سلام
التحية من بورداب الرياض
مبروك اللمه الحلوه دي بالرغم من أنه الصور ما ظهرت وما عارف ليه؟
المهم الاستمرار على الدرب ونتمنى أن نراكم ونجلس معكم في جلساتكم الحلوه دي.
ودحين يا جماعه البعيو ده ما بعيو بورداب الرياض ولا بعيوا آخر...
ما دام الحكاية فيها بيتزا يبقى ياهو، لكن يابعيو ماكانت قراصه بت علي أحلى؟؟
....
| |
|
|
|
|
|
|
|
|
 Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
تمبس ازيك وعامل كيف مع البرد والامطار بعدين الحساده شنو ماتخلى الناس تصور لكن ياتمبس ابو نور ده يشبهك زى مابقولوا الخالق الناطق الله يديكم العافيه...
............
الشايقى كيفنك انشاء الله تمام والفاملى كلها بخير تعرف يالشايقى شدة ماعجبونى بورداب الخرطوم حاعمل خروج نهائى واجى اعسكر بجاى سلامى لشلة الكافتيريا
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
ابو نور
اخبارك شنو انت والشباب الما ظاهرين قلقو وكفش
معتز انا كنت اكتر واحد ظاهر فى الصور الكانت ظاهره
ويا المهندس الاجتماع الجاى يوم الاربعاء 21/1 /2004
نفس المكان الرجاء الحرص على الحضور
ام وضاح ابو وضاح بالف خير
اخيرا
و خالد الحاج لك كثير الشكر على اظهار الصور
وتسلمو جمعا
ودعقاب
| |
|
|
|
|
|
|
|
|
 Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
البورداب الحلوين
لكم كل الود والشوق رغم جفائكم الواضح وانتم تجتمعون في تلك
الامسيه والتي لم يكن لنا حظ لقائكم فيها نسبه لظروف المهنه والتي
لاتعطينا متسع من الوقت للقائكم الحار فكم من عليل ينتظر الشفاء
ونحن نحاول بقدر الامكان ان نعيد له الابتسامه المشرقه برغم من
الامنا واسهرنا ووقتنا جعلنا الله بلسما شافيا
اتمني ان يكون هناك
لقاء اخر حتي نحاول من التمكن في للحضور وان تدوم لقاءاتكم الطيبه
وتخيرا اشكر رجويه لانها الوحيده التي افتقدت وجودي
والي القاء
| |
|
|
|
|
|
|
|
|
|
Re: اجتماع بورداب الخرطوم وبالصور كمان... كيف معاكم؟ (Re: ابو نور)
|
مبروكين اللقاء
وانشاء الله دايما مجتمعين ومبسوطين
بيتزتكم دي ما في زول مر بيها وما اشتهاها
والاخوان ما قصروا في التعليقات عن عدد الاطباق
ذكرتوني نكتة قديمة
عن واحد ( من غير ذكر الجنسية)
طلب بيتزا بالتلفون
فالعامل سأله: تحب نقسمها ليك على 6 ولا 8 قطع؟؟
أخينا: لا 6 كفاية ما عازم ناس كتير
( اها بيتزتكم قسمتوها على كم؟)
تحياتي
زولة123
| |
|
|
|
|
|
|
| |
ملكة سبأ
اساسي
haneena
أبو ساندرا
essam&amal
Raja
Ibrahim Algrefwi
Hussein Mallasi
Tumadir
HAMZA SULIMAN
almohndis
ود العجمى
motaz
doma
Ala Asanhory
Abureesh
ASAAD IBRAHIM
Outcast
Ishraga Mustafa
mahitab barakat
Osman Hamad
الجندرية
Isam Widaa
tmbis
sari_alail
Al-Shaygi
مشتاق
zola123
فيس بوك
تويتر
انستقرام
يوتيوب
بنتيريست