من شعري..الشايقي

مرحبا Guest
اخر زيارك لك: 03-28-2024, 05:09 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الأول للعام 2004م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-05-2004, 06:56 AM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
من شعري..الشايقي


    أحب إلهام القوافي
    واحب الناس التصافي
    تعيش بالفيها والمافي
    قليب المحبوبة دافي
    يكفكف لى اسرافي
    يطمني وكت مخافي
    أجيهو ويخدمني حافي
    وكان شافني يقول عوافي
    هو ابداً ماشاف خلافي
    أريد( قاريق الصيافي)
    في بحور ريدو تراني طافي
    وين غزلاني وزرافي
    وين ناس مروي و( قرافي)
    و( العفاض) زولا ..جافي
    (حزيمة) ( قريرنا)بس كافي
    (ونوري) الزول هو جرافي
    جزر حامدابنا..واعرافي
    كريمة النورا رفرافي
    سلام للناس الضعافي
    ونال تربالا إعترافي
    قسم بلدي انتي أهدافي
    بريدك ريداً خرافي
    صلاه وتسليماً يوافي
    على النبي الحبو شافي
    .....كلمات. صديق منصوري








                  

01-05-2004, 09:21 AM

الكيك
<aالكيك
تاريخ التسجيل: 11-26-2002
مجموع المشاركات: 21172

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)

    من اعز ديار
    منصورى موقد نار
                  

01-05-2004, 12:27 PM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)


    تسلم يا أخونا الكيك ما تقصر...
    مكان نومي مكان نعاسي
    مكان انا فيهو رواسي
    ................
    مكان الناس بتضحك لي واحس إنو الزمن ماشي
    مكان لا قلنا لا قالوا ولا هماز ولا واشي
                  

01-05-2004, 09:14 PM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)


    تماسيح الحامداب.. قالوا من شعر إسماعين حسن.في قصيدة طويلة...
    عرب ممزوجة بي دم الزنوج الحارة ديل اهلي
    اقيف في الداره، واتنبر واقول للدنيا، كل الدنيا ديل أهلي
    تصور كيف يكون الحال، لو ما كنتا سوداني، واهل الحارة ما أهلي
    بلادي، بلادي اهلاً يا بلادي.الف تحية ليكي من الفؤاد
                  

01-06-2004, 12:38 PM

انا بنت النيل

تاريخ التسجيل: 08-06-2003
مجموع المشاركات: 717

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)

    اخي المنصوري ..والف تحية ليك من الفؤاد ولكل الشايقية المبدعين..أمثالك
    شعرك سمح بالحيل ولكن " دايرالي شوية شرح" زي " قاريق الصيافي" ..!
    وياريت تدينا مدحة من مدحاتك الرائعة وبلكنة الشايقية المحببة والتي ادمناها مع اولاد حاج الماحي ..
                  

01-06-2004, 01:08 PM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)


    ذكريات نشأنا عليها.لن تنمحي
    ......................
    1..كفارة البيك يزول.. المرض ما بكتلو زول
    يا مريسيل من عندي قوم
    الخبر من عندي مردوم
    يملا بابور..بابور يقوم
    تلقي جاهلة جداية أم رشوم
    والحبيب فرشولو للنوم
    ...................
    2.. تومات سكونكن وين
    فاقد النوم أنا لي يومين
    .............
    3..يا زينب كنتي وين..الليلة..يا زينب كوني وين
    جيتا في حوشكم مرتين
    أصلوا حوشكن فيهو بابين
    الليلة يا زينب كنتي وين
    ...................
    4.. النار أم لهيب جذابة
    يا زهرة جناين الغابة
    ........
    يومو اللبسو ( الدبابة)
    سجل في قليبي إصابة
    ............
    شفتا لي زهره قالوا فريده
    والعشاق قالوا لي عنيده
    ربنا في جمالا يزيده
    ...................
    5..الغزال الراق سكن جوه الصرايا
    يغازل نفسو يا خوي في المرايا
    جمالو.كآية سبب ليها آيه
    فراقو .مولع النار في حشايا
    مشيت للحكما لى اهل القراية
    كشفوا عليا.. وصفوا لي دوايا
    قالوا لي دواك ما داير عنايا
    دواكا هناك عن ناس الجدايا
    ............................
    6..الله الليل واللينا..ألله الليل يا ناس الليل واللينا
    الأمان يا ناس
    ........
    بعد ما كت فقير بقرا القرايه
    رجعتا أنا تاني صديت لي غنايا
    الأمان يا ناس
    كسر لوحي وكسر حجر الدوايه
    لي فقير الخلوة قوم يلاك معاي
    القديم يا ناس
    شتيلة المشرق الفدع السبيطه
    بقيت مشغولبها الآيات نسيتا
    .............
    يهب باب الرزق براقو غربي
    ويجود هو المولي الجدي بيا غربي
    ...................
    7..عليكم الله يا عشاق وليا
    من نار الغرام الديمة حيه
    ............
    جمملا خلقه ذو القدره العظيمة
    مأصلا من جدوده ملوك حزيمة
    .......
    سمح الروقة فوقا حلات رقيصة
    حلات وجناتا دي الدر النفيسة
    ............
    8...يا سايق القطار قوم بينا
    لي بت الشمال ودينا
    ..............
    عجبني مشيك طويت الوادي
    والمحبوب هناك ما راضي
    يا العامل تعيش لبلادي
    ............
    9..في عمر الزهور نديانا دابا
    يا الله الكريم تحفظ شبابا
    صغيرة
    .........
    تشوفك عيني في البركل تحومي
    تزيل احزاني يا عينيا نومي
    صغيره
    تفررح أمها الباكية الحزينة
    كمان حبوبتا الزارت نبينا
    صغيره
    .................
    10..مسافر والفراق لحظاتو صعبة
    أنا اخترتا السفر ما ليا رغبة
    يا ناس مسافر والفراق لحظاتو صعبة
    ..............
    يا خي لحظات الوداع لحظات رهيبه
    تعيش فيها النفوس هايمه وغريبة
    خليك من حبيب فارق حبيبة
    يا ناس مسافر والفراق لحظاتو صعبة
    .......
    شريكة روحي هيا حياتي والروح
    حياتي براها ما تم ينقصا النوح
    يا ناس مسافر والفراق لحظاتو صعبه
    ..........ز
    مسافر والرجوع يعلمبو الله
    طاف بيا الغرام وقليبي دلاً
    ......................
    11..يا جميل انا سويتلي لوم
    ما ودعتك قبال أقوم
    ..............
    بالغرب لى وادي اب دوم
    بالشرق لي وادي سلوم
    ..............
    امي قارشي الحنضل المر
    خالتي تندردق في الجمر
    ...............
    12..الله.الله ..الله كريم فوقنا الله
                  

01-06-2004, 01:38 PM

انا بنت النيل

تاريخ التسجيل: 08-06-2003
مجموع المشاركات: 717

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)

    سياحة جميلة في عالم الكلام الحنين والناس الحنان إلي حد البكا..

    ولا شوفتن ترد الروح ولا رداً يطمن
    اريتك تبقي طيب ..انت ..انا البي كله هين

    ***

    الزول الرزين في طبعه دائما هادئ


    ***

    ويارمال حلتنا ..ووووو

    ياريت تواصل هذا الزخم الحنين
                  

01-06-2004, 02:58 PM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)


    في البدء شكراً للاخت الكاتبة الكبيرة الأخت بنت النيل..وهي بالطبع اقرب الي تذوق معاني ومفردات الشمال.وسوف نعد إن شاء الله لنقدم شيئاً من مدائح الشيخ حاج الماحي..لعله مع باب هذا التراث هنا.أو في بوست منفصل..والله وحده ولي التوفيق.والتراث قد يتفق المرء معه او يختلف في تفاصيله ولكنه في النهاية تراث.. وتقتضي امانة الكاتب او الباحث، او الناقد.أن يرويه بحذافيره غير التدخل فيه.. وتراثنا هناك.هو محبوب الينا جميعاً...بخصوص السؤال سيدتي عن بعض المفردات التي وردت في القصيدة..
    ( قاريق الصيافي).. القاريق.. والأشميق.. والقارسيق..هي مفردات محليه.. ومعظمها يدخل في الزراعة بطبيعة المنطقة من حدودها مع الدناقلة في منطقة الغابة الي مناطق الكاسنجر والحامداب والمناصير ومنطقة امري حتي التقاء المنطقة مع حدود الرباطاب علي مشارف ابوحمد.وحتي لأخواننا الدناقلة طرفاً من هذه المسميات..نحن هنا بصدد كلمة( قاريق) بتعطيش القاف الأولي والأخيرةوفتح الراءوالياء..مين اين اصلها لا ادري.في كتاب قبائل الشمال و القبائل النيلية.. وردت هي كلمة نوبية مع قليل التحريف فيها.. في كتاب اللهجة العامية في السودان لدكتور عون الشريف قاسم..ورد شرحاً لمعناها..وكل الشرح الذي اتي.هو يكاد يكون متطابقاً مع الكلمة..ولكن من حيث الإستعمال المحلي للمنطقة.يبرز طعم الكلمة.. وحلاوته من إختلاطه مع البيئة الفاعلة...يستطعمها الطفل على نيلنا وجروفنا غير الطفل الذي يتذوق معناها في وسط السودان مثلاً حينما تشرح له شرحاً.. ويتذوقها من يبحث عنها في المعجم بصورة جافة لا ينبعث منها في ذهنه شئ...مثلاً إذا سألك طفل وسط العاصمة عن معني كلمة ( بعير) لقالت له والدته هو الجمل نفسه، وقد لا يكون راي جملاً في حياته..أو قد يكون رآه على اطراف العاصمة يحمل حطباً وكفي...أما إذا قلت لطفل او شاب في بادية الكبابيش مثلاً ( جمل) ماذا ينبعث في ذهنه... وهو قد عاش حياته كلها بين الجمال..في البداية قد يقول لك الطفل...حدد اي نوع الجمال تعني.الأشهب.. المربوع.. بعير.. حاشي..قعود..جمل حساني..جمل شكري..أبو غرة. ابو دومة.. أصهب...ود الريح.بنت الريح.. زبيدي.. وهكذا مما يجيد وصفه اكثر مني من عاش في تلك البوادي إذن فالكلمة تستطعم من إعاشة معناها..من هنا يجئ الإرتباط بالتراث وإعاشته...فإن انا مثلاً جئت من قريتي في الشمال الي العاصمة.وقد كنت اسمع بالموز مثلاً.. ولكني لم اراه إلا في الصورة.فلما جئت الي العاصمة...قال لى صديقي.. ذلك هو الموز الذي اخبرتك عنه..على زنك الخضار.أصبح عندي علم اكثر بالموز.فإن اشترينا منه كيلو مثلاً وبدانا نقشره وناكله ، اصبح عندنا حقيقة مثالة وعلم يقين بالموز.خلاص لا نتغالط فيهو بعد كدة... هكذا الكلمات تأخذ مدلوها من إعاشتها
    ( قاريق)...بتعطيش القاف الأولي والثانية.. وفتح الراء والياء..وتسمي ايضاً( الفوسيب) بضم الفاء والواو..وفتح السين..وهو قش الجروف الأخضر اليانع.. الصغير..من لوبيا أو دخن أو ذره..0( وقاريق الصيافي) من الصيف.اي مزروع في زمن الصيف..يرويه النيل من الساقية او الوابورات الرافعة أو يزرع على الجروف بعد انحسار الدميرة.ولأنه قش اخضر يانع صغير زاهي الأغصان.يتوق مع الهواء يمنة ويسري مع حركة مرور الهواء على اوراقه وهو في حيضانه أو جروفه على النيل.يجلب الهواء منه الروائح العطرة وانت تمر على الجروف في العصر. او يأتيك فيحه مع نسمة الليل الباردة إذا كانت دارك قريبة من النيل، او ما حولها كان مزروعاً.. ومن هنا جاء تشبيه الشعراء به للمحبوبة ووردت مفرداته في المدائح والأغاني..لنضارة عوده ولشدة خضرته، ولتدلي اوراقه ولذكاء وزكاء رائحته الفواحة من اريج الخضرة اليانع على ضفاف نيل غزير الخضرة.بعض القري عندنا تحدده بالضبط هو قش الجروف التي انحسرت عنها مياه الدميرة... وبعض القري تحدده.هو قش الذرة الصغير المروي بالوابور ولكنه في تربة الجروف مزروع..وبعض القري تحدده هو صغير قش اللوبيا .ولكن يبقي المعني العام من شرحنا هذا موجوداً...
                  

01-06-2004, 05:19 PM

ملكة سبأ
<aملكة سبأ
تاريخ التسجيل: 06-18-2003
مجموع المشاركات: 3855

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)

    منوري موقد نار
    انا قاعدى هنا
                  

01-06-2004, 08:37 PM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)

    [ blue]

    نعم يا استاذة ملكة سبأ
    فرحنا قعادك إنتي قاعدي هنا..الدار دارك ونحنا الضيفان..مرحب بالأستاذة صاحبة القلم الرفيع الطاعم الذي ينقل لنا الواقع وكأنه ماثل أمامنا.. وقلمها الذي يذكرنا.طين الجروف وأحاجي ابنعوف( يا مسيكة الكتلو أبنعوف
    أممن الحامداب من الخوف
    ضربو بين الدوش والصفوف
    ضربو بالمرتين أب ظروف
    عاشة للعميان إنتي شوف
    وا حلاتا لبينة الضيوف
    .......................
    أو ان يقول
    تمساح دار جروف............ يا بلالي أنا
    دا ما بيعرف الخوف............. يا بلالي انا
    الغللب اب نعوف..... يا بلالي انا
    ...................
    ما نقص تموك....يا بلالي انا
    وما رووح جابوك يا بلالي انا
    يتمك خير ابوك......... يا بلالي
    ........... سيد الفي الحفير
    ........... وسيد شتيل البير
    ...........ما مسوي الغفير.... يا بلالي انا ترا العشمان يشيل..يا بلالي انا
    .........
    لي ( قوشابي) صاح
    سيد الفي المراح
    ...............
    ........... إتفضلي لا جوة يا استاذة ملكة سبأ.. أشربي معانا( شاي المغرب الصاموتي..مغلي فيهو حرجل جروف الحامداب) وشوية محريب اخضر محشور في الكفتيره... ما إنتي ست الجلد والراس..عايزين منك كم مساهمة من بيت الكلاوي.. ما عندي كلام معاكي غير كدة.( أمسك لى واقطع ليك).ما إنتي خلاص حششيتي تمرك..( حش التمر) ذلك البوست الرائع منك.الذي قد كان بحق كما وصفه القراء هو بوست الموسم...شايفة الأمثال السودانية دي كيف( ست الجلد والراس) أو ( بيت الكلاوي)... او ( أمسك لى واقطع لك)أو اقطع ليك بلهجة ناس العاصمة لمان كانت عاصمة...شايفة الأمثال السودانية دي كيف كلها ما فاتت الخروف.......المهم كدة كدة يا استاذة مطلوب منك رد الجميل.ما بعرف مشغوليه.. ما بعرف غيرو...شوفي لينا حاجة.من قش الجروف.. أو من حش الصيافي.. أو النقح والحفر والبوغة..أو الدميري..أو دق العيش.أو النوريق....أو طلليقة الغنم البدرانيي.خلاص عيد الضحيي قررب عندنا خرفان مدوعلنهن.من زمن عيد الفطر.ونحسب ونعد في الشهور..الكرامات إتنين.الضحايا إتنين.الوحيد سايق الضحايا.قصيير..وتراها شهورنا نعدها كدي.التمر طبعاً حشيناهو عرسنا بيهو لى حسن اخوكي.. أما الخرفان المدوعلات ديل عايزين نعرس بيهن في العيد الكبير لى سيد احمد.. عايزين نشحن لوارينا بالشرق وحس طنابيرنا على مسجلات اللواري والبكاسي تعططر عقبة الجابريي.. الجابرية.. بالغرب لغاية سوق بلالة في نوري
    وبالشرق نشحن خرفانا للعيد الكبير نقطع بيها عقبة الكاسنجر لى سوق كريمي او كريمة. السوق عطشان باقي.. عندنا اخونا سرالختم دا عندو ميتين خروف مدوعلن.. قبل ما يغررق جروفو الخزان.. ويرحل الملتقي.عايز يبيع خرفانو ديل..أما نحنا ترانا بعاد للليلي مافي غراق..
    شوفي لينا حاجة طالبنك جميل يا استاذة.ما بيغلبك الحجا والحكاوي..وتراني هنا انا قاعد...( يلاحظ اني اضععف الحرف المشدد لتوصيل المعني للقارئ فقط.وذلك لتعذر التشديد بالحركة.آسف لذلك)

    (عدل بواسطة منصوري on 01-06-2004, 08:45 PM)
    (عدل بواسطة منصوري on 01-06-2004, 08:48 PM)
    (عدل بواسطة منصوري on 01-06-2004, 08:51 PM)

                  

01-06-2004, 09:24 PM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)


    تراث بلد لن ينمحي من الذاكرة...
    ولم ينمحي من الذاكرة
    .................
    مقتطفات فقط منه.. وتحصيله كاملاً موجود ومكتوب لدينا ومدوون
    .....
    حسوني ومدوني .وناس الشاعر ابراهيم الشاعر.خريج الجامعة الإسلامية ولكنه اغبش متربط بالغبش..وصاحب الحكاوي استاذنا محمد محمد صالح المنصوري.مدير التعليم المتوسط.شاعرنا الفحل حسن الدابي..محمد سعيد دفع الله..شاعر التجديد السر عثمان الطيب..شاعر الإبداع السر عثمان الطيب.وصاحب اللسان العذب محمد جيب الله كدكي، وشاعر الخضرة والجمال الحامدابي...والشاعر المرهف محجوب شريف...وشاعر اللونية الخاصة عبد الله محمد خير.. وحميد... وغيرهم الكثير الكثير..
    ................
    13..الغرام يا ناس الغرام
    جنني انا يا سلام
    ....
    قلبي روق يا قلبي روق
    قلبي روق املك تم ليك
    زالت النيران العليك
    .............
    تلقي جالس في حوش ابو
    اصلو من الجنة جابو
    اللموت انا واليعيش هو
    ............
    يلا يا الصلاح أجمعين
    فتشوني ازاي من وين
    قالوا لاهو ظهر لاهو عين
    بس غرام بيناتكم اتنين
    ..................
    14...ضهب شيبون.القمر المضوي الكون... واناري من.ضهب شيبون
    قادر ربنا السواك
    زادك وبالجمال خصاك
    سارح يا جدي في هواك
    بخافلك قبضة الشرراك
    ...........
    صلاح نوري والبركل
    راجل الزومة ليا تصل
    تشهدوا بالعليا حصل
    أطير بجناح ما بتعطل
    وارفع زولي فوق لى زحل
    ................
                  

01-06-2004, 10:40 PM

ملكة سبأ
<aملكة سبأ
تاريخ التسجيل: 06-18-2003
مجموع المشاركات: 3855

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)

    من اعز ديار انا
    منصورى موقد نار انا
    انا بالكرم مشهور انا
    للضيف بعقر التور انا


    الدنيا عيد وضبائح والما ساعي بهيمتو بنجيبو لاخونا سرالختم بس ابعدونا من الخرفان امات قرون وانا ليوم الليلى ماني عارفى خرفان وأمات ديل اتلمن في ياتو ساقي ؟
    المهم كلام حفضناهو من عمتي وهي تهز فى راسها وتصفق فى ايديها ( اريتا قدر تجارتك ياعبد الله اخوي – مالقيت غير الخرفان امات قرون ديل؟) ودا كان طبعا ابوي لمن حاول يتمردعلى شغلة الميرى وعديى البنطون كل صباح ويتفك من لقيط البامية وقومة مع الهجعة عشان يلاقى (فورد كى) ود التوم يوم سوق كريمي ولا باص عوض ابراهيم يوم سوق التلاتاء فى تنقاسي ، والبيفوتو الباص دا طيارتو قامت وخضارو لحق الصح عشان كدا ليلة الاثنين دى عندنا ليلة مشهودة لا مُحمد يشفولو نوم ولافاطني تاخدلها غمضة
    وبمناسبة سوق التلاتا ومناسبة الامثال السودانية عندنا راجل فى بلدنا قام اليوم داك دغش وبعد ربط قفاف خضارو وكرّب شوالاتو مرق يصلي في (شارع العربات) خوفا من يفوته باص عوض ابراهيم .. زولك اقام صلاتو وقرأ الحمدو ويجيب في السورة السغيري بلا يسمعلك حس العربيي !! تتخيل زويلك سوا شنو ؟؟؟
    حاشاهو ماقطع صلاتو بس مد ايدو واشر للعربية وهو ماسك (إلافهم رحلة الشتاء والصيف) لمن سلم قالولو دا شنو آزول ؟؟ فكان الرد اللي يومي ويومك مثل شهير جدا عند ناس بلدنا (( منها صلاة ومنها معبشي ))
    ناس بلدنا ياصديق اخوى سمحين بالحيل والحجى مابكمل الا خايفين من كعوبية الزمن الساقنا بعيد خلاص وايد المشاغل القدر مانقطع اصبعها ونشيلو من على مفتاح ( الباك اسبيس) ينبت لها الف صباع وصباع
    بنلقى الفرج فى زي واحاتكم دى وكل مانشم لينا ريحة إلفة بنجى جارين عليها

    (عدل بواسطة ملكة سبأ on 01-07-2004, 08:59 AM)

                  

01-06-2004, 11:46 PM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)


    سمعنا من جيهتكم يا استاذة ملكة سبأ...تجينا الأشعار تقول:
    الشالوا عوض ابراهيم صباح
    مالو بالنسيان هو ما راح
    يا رجال الدين والصلاح
    ألحقوني افردوا الجناح
    ...............................
    ايوة كدة يا استاذة ملكة سبأ.دا المقصود..البوست دا يا دوبه بقي طاعم..زي ملاح السبروق العملوا ليهو لحمة سوق...وبالمناسبة خرفان الحامداب كلها فيها قرون...زمن الإنجليز وكان ضابط المجلس إنجليزي في مروي.. مرتو قامت اشتكت وقالت صوت السواقي بالليل بيصحيها..وعليه يجب إيقاف ( الفجراوي) لي ناس السواقي.. وطبعاً كدة كدة القرار نفذ..وقفوا( التتق)بتاع الفجر عشان مرة الحاكم الإنجليزي تنوم.. وجات الغنية الشهيرة.
    يا رجال نوري تقولوا كب
    الوراريق أهل القبب
    تقعلوا النصراني من صنب....( القيزم او القيزب ) صنب...مروي
    بس عشان أنو قليل ادب
    المهم لأنو عيشة الناس في السواقي.. وحياتهم.. بعد اجاويد الحاكم تفهم الموضوع.. وبس اخروا الفجراوي شوية. لغاية ما تصحي المدام الإنجليزية...
    المهم بمناسبة خرفان الحامداب....عندنا واحد عمنا راجل كبير كان جزار في سوق مروي..وكانوا عشان يربحوا يلخبتوا لحم الغنم مع لحم الخرفان..قام ضابط المجلس الإنجليزي منع ضبح الغنم في سوق مروي..وصار هذا قرار..عمنا هذا بقي يجيب الغنم الشكلها غريب وجلدا غريب يضبحا..المامور الإنجليزي ما عارفو.. وهو كل يوم بالصباح بي حصانوا يجي يتفرج على الذبائح..وما كان له أن يعرفوا...المهم في جماعة حاسدين من زملاهو الجزارين.لما شافوهو يربح..مشوا كلموا المامور البريطاني..المامور جاء.قالو( يا مهمد الهسن..شنو الإنتا ضابهوا دا... ما تضبه أنم..غنم..تاني) فقال له محمد الحسن..دي ما غنم...دا خروف حامداب اصلو كدي... راح المامور بعد شال الجلد.. وبالليل.عرض الجلد على جماعة اصحابو من مروي يثق فيهم..ويجمعهم معه مجلس سكر وشراب... وقال لهم والله محمد الحسن لقيتو ضابح دا وقال لى دا خروف حامداب وفعلاً انا صدقتوا ما حاكمتو.. هل فعلاً في الحامداب في خرفان زي دي.جلدا لا يشبه الخروف لا يشبه العز...الجماعة كلهم ضحكوا.طبعاً ناس بلد وعارفين الحكاية... قالوا للمامور.. والله دا لا خروف ولاحاجة..دي بس عز كبيرة.. وبعدين غنم الحامداب دي قايلا وين..لغاية ما خرفانا يختلفن..ما تراها ورا نوري دي...المامور جاء الصباح زعلان...( يا مهمد الهسن...تاني ما تضبه هروف هامداب...مفهوم .)
                  

01-07-2004, 08:44 AM

انا بنت النيل

تاريخ التسجيل: 08-06-2003
مجموع المشاركات: 717

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)

    صبحك الله بالخير الأخ العزيز منصوري..
    تعرف ..انت وسبا ..خليتوني اشم ريحة الجروف واسرح بعيد ..بعيد " كما قال المغني"..لا اخفي اعجابي بكلام الشايقية المنظوم ..المنضوم بحلو الريق والحنية البادية..ومنذ وعيت كنت محاطة بالشايقية من جميع الجهات بحكم السكن ونشأت علي حبهم والتعود علي لغتهم المحببة ..وتذوق اغانيهم ..وسماع نغمات الطمبور ..ورقصاتهم الجميلة التي لا يتقنها إلآهم ..حتى "الصفقة" ..الموقعة والتي "يشترها" من غيرهم .. عرفت القرير ..ومساوي والزومةِ..واكلت من تمرهم الكثير المتنوع اللذيذ ..ويطربني "
    بلاص " ..وهو فنان موهوب ويجري الطرب في دمه وله صوت جميل جداً ..ذكرتني به " البوغة" والنغمة التي تسللت من حديثك وتمثيلك الشععري ..وكأني اسمع صوت " دلوكته" التي ينقرها بخفة وحزق عجيب وهو يطلق العنا لصوته الأخاذ بلا حدود وبمتعة بادية ..وكنت استمع إليه كثيرا عند جيراننا " خال لهم" ..وبمناسبة المحريب الأخضر ذكرتني اهلي ..نحن كذلك بالنيل نشرب الشاي بالمحريب الذي "كما ذكرت" يحشر حشراً في " الكفتيرة" فهو عشي طوال ..وياحليل الشاي بالمحريب .." هنا لا يستثيغونه تصور ! ..وما دروا انه من الأعشاب الشافية لكثير من الأمراض ..ودونكم الغلاية ..هل تعرفونها !!اكيد يعرفها اهل الشمال جيداً وجدوي استعمالها في حالات مرضية كثيرة..
    يأخي الله يديك الفي مرادك ..ويسعدك ياسبا اختي الحبيبة ..من الصباح بليتوا ريقنا بالنضم السمح المنعش.
                  

01-07-2004, 09:11 AM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)

    شفتو يا جماعة.كمان بنت النيل ما قصرت..كيف تكون هي بت النيل وما تتحدث بهذه الحنية عن أهلها في النيل..شكراً للاستاذة بنت النيل وهي بالضبط صنو ملكة سبأ في الإبداع من احتفاظ كل منهما بصبغته الخاصة وفرديته المحببة
    ................
    لا يفتي ومالك في المدنية يا استاذة بنت النيل...نخلي ملكة سبأ تكلمك زيادة بتفصيل عن ( الغلاية) او ( براد سيدي) أو ( النزر).( شاي المغرب الصاموتي)
                  

01-07-2004, 09:16 AM

yasiko
<ayasiko
تاريخ التسجيل: 02-05-2002
مجموع المشاركات: 2906

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)

    عواااااااااااااافي عوافي
                  

01-07-2004, 12:40 PM

منصوري
<aمنصوري
تاريخ التسجيل: 09-28-2003
مجموع المشاركات: 2504

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من شعري..الشايقي (Re: منصوري)

    شكراً اخونا يا سيكو..تراهو صديق أحمد ذكر لينا بصورة رائعة الجروف والخضرة,, وصديق احمد يمكن من الناس الساهموا في إخراج اغنية الدليب من المحلية الي ارجاء الوطن الفسيح. معاهوطبعاً شعراء وفنانين ومبدعين وحتي سفراء الكلمة طبعاً.لكن صديق له وضعه المميز.. المتفرد...شكرا يا سيكو على هذه الإضافة الرائعة..
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de