كتب الكاتب الفاتح جبرا المتوفرة بمعرض الدوحة
|
ليالي لندن..والناس الجميلة خواطر مصورة
|
|
|
|
|
|
|
|
|
Re: ليالي لندن..والناس الجميلة خواطر مصورة (Re: ahmed khair)
|
العزيز تنقو.. معاك حق والله يا خالد..حاولت أكتب عن التسعة أيام الماضية ولم أجد في قاموسي اللغوية ما يسعفني أن أعطي هؤلاء القوم الأفاضل حقهم أو أن أصف مقدار لطفهم وكرمهم..ففضلت الصمت.. لك ودي..
أحمد خير.. كيفك يا زول يا زين.. أرجو أن تكون بداية عامك أفضل من بداية عام أخونا عصام.. وأمنيات طيبة لك..
| |
|
|
|
|
|
|
Re: ليالي لندن..والناس الجميلة خواطر مصورة (Re: ASAAD IBRAHIM)
|
العزيزة ندا نسوي شنو لي حسين ملاسي المسخوت.. كشف اللعبة..وبالمناسبة ليه ما قلتوا لي حنينة مبروك الكرسماس وميلاد السيد المسيح عليه السلام.. والزولة برغم إنها خواجية بتتكلم عربي بي لهجة سودانية طليقة وبتكتب كمان..شن قولك
أسعد أبراهيم.. أسعد الله أعوامك بالخير يا إبن عمي والناس بالجد حلوة..
| |
|
|
|
|
|
|
Re: ليالي لندن..والناس الجميلة خواطر مصورة (Re: ASAAD IBRAHIM)
|
حمدالله علي السلامة ياخالد
اولا تشكر علي هذه الزيارة الظريفة ونتمني أن تكون اعجبتك تماما (طبعا يا جماعة خالد ده راجل حبوب جدا واخو اخوان واخوات والجميع مبسوطين منه) وطبعا فيها إتعرفنا علي اصحابك الظراف حسن واسرته والاخ فتحي واخوك صديق اللاقينوها بالصدفة في دكان الموسيقي وعرفنا فيها كمان فنانة اثيوبيا الاولي امل والاغنية نمرة ستة حسب وصف معاوية ورغم إن مروي صارت اديس لكنها لازالت تحمل ملامح الصديقة الجميلة مريم ياسين صاحبة الفكرة وتشكر علي الكلمات الظريفة والاغنية والصور والتي ستبقي ذكري لنا وتحياتي لاماني والاطفال ولكل الاصدقاء بهولندا وماتنسي ترسل لي بالماسنجر تلفون فرانس وسمية خالد ودمت
| |
|
|
|
|
|
|
Re: ليالي لندن..والناس الجميلة خواطر مصورة (Re: أحمد أمين)
|
أحمد أمين.. الزول الزين... فرقتوا معاي والله.. ويا زول زولك معاوية طلع خبير وأنا بجهز في غنية لي أخوانا يا زول يا زول وشنتير يعلم الله الجرسة حا تحصل خاصة كان لحقتهم بي صورة.. وأديس مروي سابقا صارت أكتر من ملامح وبعد كلام إشراقة مصطفي عرفت إني ما براي كتار القبلي غرقوا في محبة الناس العزاز الله يديكم العافية.. تحيات أماني والعيال..وسلامي لكل الأحبة...
| |
|
|
|
|
|
|
Re: ليالي لندن..والناس الجميلة خواطر مصورة (Re: Nada Amin)
|
خالد الحاج تحياتى وانشاء الله تكون استمتعت بلندن وربنا يديم السعاده لك وللاسره الكريمه وعام سعيد اها حنينه عرفا عمو حسين دوما دى بفستانا الاحمر دا الجابا لندن شنو وليه ما كلمتونا قلتو جايه كنا اجرنا طياره خاصه ولحقنا حفلتكم دى
| |
|
|
|
|
|
|
Re: ليالي لندن..والناس الجميلة خواطر مصورة (Re: خالد الحاج)
|
الغريبه انا عارف حنينه خواجيه,لكن ما كتا قايلا "مرها"
قلت لى معاويه الوكيل بعض شيبات !!!! والله ديل بقت الصبغه ما بتشتغل فيهم ذاتو,ولا شنو يا ملاسي يادفعه
وبعدين مولانا نقد قلب تانى ولا شنو؟؟ يكون طرا ايام شيل السيخ ؟؟
Quote: يا زول الحفلة فيها خواجات وأثيوبيين ..وديل يا سجم الرماد ما عندهم قشة مرة.. بس إنت مشتهيلك جغمة ساكت الله يقدرك علي كفيلك... |
لا خلاص السوادنه يعنى قاعدين "يفتحوا" بس على قول سعيد صالح,انحنا عشان نوع سجيمان دا منعنا التصوير فى حفلتنا ...والدليل الولو الفنان معاويه الوكيل والخلفيه موسيقي اثيوبيه ودى تحتها مليون خط يا ابا...دامت الافراح
| |
|
|
|
|
|
|
Re: ليالي لندن..والناس الجميلة خواطر مصورة (Re: مراويد)
|
مراويد.. يا زول كلامك ده بتاباهو..وبعدين شايفك بتعرف معاوية وحسين ملاسي لو كمان طلعت من ناس إسكندرية بنطلع دفعة لكن طبعا معاوية ولوف وطلع أحرف مني ومن أخوي الكاشف ملاسي خلص دراسة وركلس..ونحن في الجري لي يوم الليلة.. أما صاحبك نقد يعلم الله مصلايتو تحت أباطو
أما المليون خط وحيات خوتك أخوك قابض قوي في الخط الأولاني..
| |
|
|
|
|
|
|
Re: ليالي لندن..والناس الجميلة خواطر مصورة (Re: مراويد)
|
Quote: قلت لى معاويه الوكيل بعض شيبات !!!! والله ديل بقت الصبغه ما بتشتغل فيهم ذاتو,ولا شنو يا ملاسي يادفعه |
معقول انت دفعة يا مراويد .... يا زول ما بصدق .... معاشات زينا كدا ... طيب رسل لي ماسنجر و لا حاجة كدا عليك الله
ملاسى
| |
|
|
|
|
|
|
Re: ليالي لندن..والناس الجميلة خواطر مصورة (Re: haneena)
|
والله ياناس لندن، ما عارفة أقول شنو! ولكن زميلتنا الغالية هالة قوتة تقول دائما: الصمت في حرم الجمال جمال.... دعوني أستعيرها إذن!
حنييييييينة يا "خواجية" "مرها" دي يعني "سادة"، من غير ...... يعني!! لكم عاطر الورود ، وكل الأمنيات الطيبة بالعام الجديد إيمان
| |
|
|
|
|
|
|
Re: ليالي لندن..والناس الجميلة خواطر مصورة (Re: إيمان أحمد)
|
حنينة.. تعرفي زمان كنت كل ما ألقي لي فرصة أقرق عليك وأهظر أها كتلتي لي قلبي بي لطفك وشهامتك ولو لا الخوف من النبيشة كنت كتبت قصيدة..الله يديك العافية يا أحسن خواجية في الدنيا
إيمان أحمد.. قلتي لي (مرها) معناته شنو من غير شنو.. لقيتي لي الخواجية المستشرقة دي تقومي تغشيها... عليكي الله (مرها) يعني شنو كل سنة وإنتي طيبة..
| |
|
|
|
|
|
|
Re: ليالي لندن..والناس الجميلة خواطر مصورة (Re: خالد الحاج)
|
خالد الحاج حمدا لله على السلامة ويا زول وين باقى الصور انا الحفلة السمعتها اضانى فى التلفون دى ما صورها كلهم ما تاكلنا ونزل صور الهجيج بعدين شايفاك نمت غلى قصة حنينة الخواجية دى ولا خايف تنزل صورتها ما فى زول يقدر يدخل البوست من العيون النورك بجهرن
بنصلى على النبى وندخل ما تخافى يا حنينة
| |
|
|
|
|
|
|
Re: ليالي لندن..والناس الجميلة خواطر مصورة (Re: خالد الحاج)
|
Dear Khalid Aba Thanks for sharing the photos and for the wonderful text accompanying the photos. Now I feel even more 'baghraana' for missing these wonderful programmes, but I was really glad to talk to you while in the Hague.
best regards to you and all. haneena, the blonde you look great in the photos
| |
|
|
|
|
|
|
Re: ليالي لندن..والناس الجميلة خواطر مصورة (Re: nada ali)
|
ألم أقل لكم ناس لندن برجوازيين لنا الله وعيشة السوق نحن نضهب من إستراحة لي إستراحة خوفاً من المطاوعة (المطاوعة ديل ناس الهيئة) ناس الهيئة ديل جماعة الأمر بالمعروف والنهي عن المنكر.. يعني أي حركات زي حقتكم دي يا ناس لندن بنروح في خبر كان...
بوست جميل يا خالد.. وربنا يديم الإنبساط عندكم... حنينه طبعاً عامله زي أم العروس في اليوم السمح داك.. مش كده يا خالد
| |
|
|
|
|
|
|
Re: ليالي لندن..والناس الجميلة خواطر مصورة (Re: خالد الحاج)
|
Khalid salam just wanna wish both, you and London community a happy new year allow me to be (apportunistic ) for a second to use your post and ask about a friend of mine with whom I have lost contacts for quiet some time. Just wondering if any of London community membes knows
احمــد الأمين احمــد يوسـف
| |
|
|
|
|
|
|
Re: ليالي لندن..والناس الجميلة خواطر مصورة (Re: خالد الحاج)
|
Ahmed Amin salam and thanks for your rapid reply mid 90ties is about time that I lost contact with him. I will switch my search towards KSA hoping one of the brothers will pick up the gloves. thanks again and I am out of here before spoiling your celebration
| |
|
|
|
|
|
|
Re: ليالي لندن..والناس الجميلة خواطر مصورة (Re: haneena)
|
خالد كل سنة وانت طيب وكل سنة و(بورداب لندن) طيبين وزينين وملمومين يبدو أنو أمسيتكم كان شي لا يوصف ، ونحن زي ما قال اسماعيل وراق ( ومعانا ساطور) حسن الملك لافي بينا الليل كلو قربنا نصل السودان بنفتش على استراحة في آخر الدنيا (عشان المطاوعة) . مشتاقيييييييييييييين للندن والله
| |
|
|
|
|
|
|
Re: ليالي لندن..والناس الجميلة خواطر مصورة (Re: MUNA OBIED)
|
خالد الحاج والله زعلانة انا على الليالى الجميلة الفاتتنى دى لكن بأعزى فى نفسى و باقول الجايات اكتر من الرايحات
تحياتى لكل بورداب لندن و ربنا يجعل كل ايامكم زى الصور دى....اى زول بعدين يرفدوه من الشغل او من البيت انا ما مسئولة لوووووووووول
حنينة لكن طلعتى خواجية تفتيحة و ماسكة مفاتيحها قلتى لى بتتكلمى عربى زى الطلقة؟اهه الرندوق كيف معاك ؟؟؟؟ ها ها ها
| |
|
|
|
|
|
|
Re: ليالي لندن..والناس الجميلة خواطر مصورة (Re: خالد الحاج)
|
بعض الخواطر:
الاستاذ الخاتم عدلان... كنت أحمل فكرة عن الرجل وتحدثت عنه مع صديق مشترك الدكتور حسن قطبي الذي يكن لأستاذ الخاتم محبة خاصة ..جاء الأستاذ الخاتم لإجتماع بورداب لندن وتحدث وشارك حين طلب منه وكان حكيم جدا في تناوله للموضوعات المطروحة للبحث والمناقشة..يتكلم بعمق دون إسهاب ويدلف للب الموضوع مباشرة..زول حبوب ود قبايل يحمل هم الوطن علي أكتافه. له عميق الود وتصحبه السلامة وهو يستعد للرجوع للوطن..
عادل إسحق.. جاء بالسيارة من مسافة بعيدة فهو يعيش خارج لندن..زول مريح جدا يكفيك مشقة التكلف وتحس أنك تعرفه من زمن بعيد ..
حنينة.. هنا الكلام غير مجدي ...زولة حبوبة محبوبة تبتسم علي الدوام لها قدرة عجيبة في خلق الإلفة بين الناس..منظمة جدا تمتاز بطولة البال..
عبد الرحيم.. كانت فكرتي عنه أنه حاد بعض الشئ وأنه بالعامية كده زول صعب..وجدته في منتهي اللطف يشارك ويحرص علي مشاركة أسرته..يرهق نفسه جدا بهموم الأخرين يحرص بشدة علي المجاملة ولا يجامل في الحق..
أحمد أمين.. شعلة من الود ..يبث الفرح حوله..
سأواصل
| |
|
|
|
|
|
|
|