الكرام قراء سودانيزاونلاين كل سنة وانتو طيبين تثنية لمقال ألاخ السيد/ الريح السنهوري و بمناسبة الأحداث الجارية أعيد نشر قصيدتي (حول أغنية نحن في السودان)التي نشرت في بعض البوردات قبل ذلك .فما رأيكم
******************************************************** حول أغنية (نحن في السودان) وانفصال الجنوب عن الشمال ------------------------ نحن في السودان وما أحلاها كلمة نحن عايشين من زمان في عزنا وفي سمحنا ما محتاجين جوازات سفر توصفنا ولا اثبات هوية عشان تأكد ( نحن) ومن زمنا بعيد وكل الخلوق تعرفنا ما اتهزت مقاماتنا ولا حدِّ داس في طرفنا وفي بلاد العرب علا اسمنا وشهرتنا وعلاقات المودة بي كل الشعوب تربطنا أدِرْنا المدارس بكل الذكاء والفطنة وفي كل البنوك بالأمانة عُرفنا وخزاين الراجحي تشهدلينا بي كل الصفات السمحة وتاريخ ( أرامكو ) بي أجمل صفات يوصفنا ************** واليوم حدث من غير حرج وبي كل (......) أوصفنا بالفقر المذل البيهو ضاعت (نحن) وبي كل السوالب يا سيدي نحن نُعتنا هُمّ ما شايفين دليل عشان يبريْ (نحن) ونحن ماقادرين نقول: (( نحن يانا نحن )) وكانت محنة!! وانقلبت موازيين الزمان وغيرنا صار يحدفنا بي أغرب وصوف .. ونحن؟؟ نسكت نحن !!!!!! وتتواصل سنين المحنة وينفصل الشمال من الجنوب ونفقد هويتنا وملامحنا ونضيع وسط الزحام وتضيع كمان ((نحن )) أم مجاهد المملكة العربي السعودية / أرامكو 12/8 /2002م
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست