|
Re: إستقبل العام الجديد...وشاكوش- كما الصاعقة- هوى على رأسى...!ه (Re: mekki)
|
مكي كل سنة و انت طيب بمناسبة العام الجديد معليش شاكوش يفوت و لا حد يموت موضوع الزواج ده الموضوع الوحيد المفروض الزول ما يشيل همه مش لأنه ما مهم و لكن لأنه احنا مسيرين فيه و في النهاية الموضوع كله قسمة و نصيب و زي ما قالت ليك الجندرية شايفنك قلتا السبب موضوعك داك ، لكن أظنك زعلت بت الناس شديد في حاجات تانية ما ليها علاقة بالبوست على العموم ربنا يقسم ليك و ليها السعادة
| |
|
|
|
|
|
|
Re: إستقبل العام الجديد...وشاكوش- كما الصاعقة- هوى على رأسى...!ه (Re: mekki)
|
بقى من راس السنة عندنا هنا يامكى ثلاثة ساعات بالتمام و الكمال، يعنى لسة عندك باقى زمن تلحق فى السنة دى...
أولا البوست بتاع الموس كافى لاى بنت جادة و ذت أحترام لنفسها لأن تنجو بجلدها...من من النساء يريد أن يكون مع بنى آدم ليس لدية راى و موقف قوى و جاد موضوع الخفاض.
ثانيا ماتسمع كلام البقولوا ليك هناك مية بنت ، و ماعارفة هو لسة البنات بيدو الشواكيش، و لا ستعوض بأحسن منها، و لا فى مليون بت غيرها وووولايهمك و ما ألية
لابد و أن هذة الشابة ليس لها من مثيل...
و اذا ما كنت جادا و أنسان أمين ووووكما قالت ماهو رايهافيكون لابد من أن تفير رأيك و موقفك فيما هو غير منصف للمرأة...و أن تعتزر لها و لنساء السودان عن أيرادك لمثل هذة الأمثال و لو بحسن نية...
و كل سنة و انت و هى طيبين و حظ سعيد...فالأنسانة الجيدة لا تعوض
| |
|
|
|
|
|
|
ندعو لك من كل قلوبنا بالتوفيق في كل حركاتك وسكناتك (Re: mekki)
|
الأخ مكـــــــــي ما تمنيت أن يأتيك العام الجديد وأنت بهذه الحال. لكن أقول ليك وما تشاءون الا أن يشاء الله. وكلام أهلنا ما بنلقي منو مفر العرس قسمة ونصيب أتفهم تماما الموقف الذي تمر به ولكنني أشد علي يدك وأقول لك أصبر فالصوابر جوابر, ولا تيأس حاول مرة ومرة ومرة فليس في ذلك منقصة لك فعسي ساعة خير من ساعة ولكن اذا لم يجد الأمر في النهاية ... فاتركها وعسي أن تحبوا شيئا وهو شر لكم. هناك أدعية نبوية وأيات قرآنية لتفريج الهم والكروب- مجربة مية في المية- عليك بها وتذكر دائما الأيام أكتر من المصروف ندعو لك من كل قلوبنا بالتوفيق في كل حركاتك وسكناتك وأنا هنا مع رودا لسع باقي لي 3 ساعات الا خمسة دقايق من السنة الجديدة
| |
|
|
|
|
|
|
Re: ندعو لك من كل قلوبنا بالتوفيق في كل حركاتك وسكناتك (Re: elhilayla)
|
استاذ مكى كل عام وإنت وهى بخير ،شكلك ده اول شاكوش تاخده ، ياخوى كلو بيتنسى مع عامل الزمن ،وزى ما قالت الاخت ندى الزواج ده مسيرين فيهو ، كدى بالاول اسمعها بتقول شنو وبعدين إنت ممكن تعالج معاها الاسباب اللى أدت لى كده
يعنى ما تقعد تقبل على الحيط وتبكى وتانى تقوم تجيب سيرة البحر
والسنة الجاية عريس
| |
|
|
|
|
|
|
Re: إستقبل العام الجديد...وشاكوش- كما الصاعقة- هوى على رأسى...!ه (Re: mekki)
|
يا ودالمكي أمشي أحفر ليك حفرة كب فيها حزنك ، أبكي وإتنخج ، وأودع فيها الرسئل والهدايا وكل ذكرى بينكما ثم هيل عليها التراب ، وأمشي أي ديسكو ، أشرب ، راقص أي واحدة تلقاها جاهزة ، غني ، وارجع البيت مهدود وحاذر ان تقع عينك على شيء نسيته يذكرك بها ، نوم واشبع نوم ،ومن الصباح ابدأ رحلة البحث عن حب جديد ، وأدخله بنية الخروج
| |
|
|
|
|
|
|
Re: إستقبل العام الجديد...وشاكوش- كما الصاعقة- هوى على رأسى...!ه (Re: nada ali)
|
عزيزي مكي كل حب جديد و انت اسعد.علي الاقل,سيبقي الجمال و الحميميه التي وصفتهما في ذاكره عشقك و الي الابد. الاحظ انك لست متاكدا ما السبب بالظبط؟ و اري هنا علامات ال break down of communication و هي كفيله بافساد اي علاقه انسانيه, غراميه كانت او غيرها.في المرات القادمات اقترح عليك الاستعانه ب "اواكس" الغرام لتتبين القادم حداك مبكرا,و تجهز.يبقي ان اقول اني اري الدخول في و الخروج من الحب هو process , و ليس event , و هنا غياب سبب الفراق قد يكون a bless in disguise و لذا لن استغرب لو دعيت بورداب الخرطوم قريبا لعقد قرانك علي نفس الحبيبه!!اتركك في هذه الرماديه...حيت توجد كل الاشياء و دمت. عادل
| |
|
|
|
|
|
|
Re: إستقبل العام الجديد...وشاكوش- كما الصاعقة- هوى على رأسى...!ه (Re: mekki)
|
الأخ الحبيب د/مكي كل سنه وانت بخير وعام سعيد
يكفرن العشير يكفرن العشير يكفرن العشير
زولتك دي "موس" طيرته لو كان "فرار" كان عملت شنو!!؟
يا زول الله خارجك تعال نديك اثنين وزياده عليهم واحده فوق البيعه وعلي قول حبوبتي "البنات ما بنسعن"
ووفر زعلك لفقدان شئ مهم اهم من كدا وعلي قولي "الوفره تلغي الأهميه"
وهيص يا صاحبي هيص فالأمر لا يفوق كسر جره نفتقدها حين كسرها ونسعد عند إقتناء غيرها.
وكفايه كدا عشان ما نجيب العيد
| |
|
|
|
|
|
|
Re: إستقبل العام الجديد...وشاكوش- كما الصاعقة- هوى على رأسى...!ه (Re: mekki)
|
إلى الجميع: أشكركم وأشكر مشاعركم...فقد إحتوى نقاشكم على الكثير المفيد..والمفيد جدا!ه اسف لتأخير مداخلتى...فحالتى أنتم أدرى بها...وقد قضيت رأس السنة ولسان حالى يقول:عيد بأى حال عدت يا عيد؟!ه...وقد روّست تحت البطانية أطارد فى نوم فر من عينى....!ه الأخ أبو ساندرا:كلامك-واللة- أعوج شدييييييييييييييييييييييييييييييييييييييييييييييد!ه الأخوان:هوبفل,دورنقاس,اش,ود عمى,نصر: أكاد أجزم إنكم لم تتذوقوا طعم الحب فى حياتكم....!ه الأخ سعد إبراهيم قلت: Quote: الله يصبرك وانا كنت قايلك متزوج |
متزوج؟؟؟؟؟؟..!ه هو ناس التجانى المشرف أدونا نفس نعرّس بيهو....؟!ه الأخت رودة:أول مرة أجد نفسى متفقا معك....!ه....فالحب والمشاعر-وبحكم تجربتى العملية-أشياء لا يمكن شراءها من الدكان....والإنسانة موضع النقاش هى إنسانة –كما قلتى إنت- كريمة للغاية...ولن أستطيع أن أتزوج غيرها.....!ه..ما ممكن إتزوج واحدة إسمها فرتكانة...وأناديها بيا فلانة....!ه وفلانة المعنية هى صاحبة الحب الفلانى....!ه الأخ نصر: آى بنات السودان بيدوا شواكيش ونص....وهل يوجد فى العالم أجمل من أم ضفائر؟؟؟؟!ه
| |
|
|
|
|
|
|
Re: إستقبل العام الجديد...وشاكوش- كما الصاعقة- هوى على رأسى...!ه (Re: بلدى يا حبوب)
|
استاذ مكي اولآ كل سنة وانت طيب والله الشاكوش حار للضاق الحب جد جد و مش تقضية الوقت وبس
الزمن كفيل بالتئام جرحك
لكن
أجعل تجربتك نصب عينيك و حاول ان تستفيد منها إخلو بنفسك وتعرف علي اماكن العلة تذكر فقط اللحظات الحلوة والحميمة بينكما بالتدريج ستنسي وستصبح الذكري بغير الم خاصة إذا وفقك الله بعشق جديد يمحو الشعور بالهزيمة ويعيد ثقتك بنفسك
قرأت قديمآ رواية انجليزية لا أذكر كاتبهاالآن فيها عبارة ثبتت بذاكرتي عبر السنين وقد علقتها يومآ بجدار غرفتي و استذدت بها عندما حاولت نفسي الإنكسار يومآ ما..وهي تقول
INDIFFERENCE IS THE FINAL NAIL IN THE COFFIN OF LOVE
وصدقني لما تصل للمرحلة دي تكون جراحك قد التأمت تمامآ
لك كل الود و التوفيق وطمنا عليك
| |
|
|
|
|
|
|
Re: إستقبل العام الجديد...وشاكوش- كما الصاعقة- هوى على رأسى...!ه (Re: haneena)
|
مكي ؟ حلجتها و قعدت ؟ الحالة انا وصيتك في الماسينجر اخر مرة تستاهل تلقاك قديتها بي نقاشاتك حول الديمقراطية و حقوق الانسان و نسيت حقوقها العاطفية و الكلام الحلو و الاهتمام ببلوزتها الجديد التي ترتديها خصيصا لحضرتكم جنك نقاش و قلنا ليك خلي صراحتك دي حاول كضب شوية تستاهل تستاهل تستاهل عشان قلنا ليك غير التكنيك بتاعك وانت ما بتسمع الكلام كل سنة وانت طيب يا حلو
| |
|
|
|
|
|
|
Re: إستقبل العام الجديد...وشاكوش- كما الصاعقة- هوى على رأسى...!ه (Re: khider)
|
اعتقد ان الموضوع شخصي جدا؛ ولكن ما دام مكي جابو هنا؛ فاقول ليهو اتمني ان تكون هذه سحابة صيف عابرة واتمني ان ترجع علاقتكما كما كانت واقوي وان تواصلان حتي الزواج وما بعده ..
تعليقات بعض الاخوة - والاخوات - هنا اقل ما يقال عنها انها سخيفة ولبس فيها احترام للمراة؛ ولا لمشاعر الاخ مكي والانسة مثار الحديث ..
عادل
| |
|
|
|
|
|
|
Re: إستقبل العام الجديد...وشاكوش- كما الصاعقة- هوى على رأسى...!ه (Re: Outcast)
|
مكى ياخوى الناس الفوق ديل كلهم منظراتيهِ
فيهم زول ضاق اللبع دا ما فى زول اقر بكدى
انا بسالك اسئلة لا اريد عليها اجابات بل احتفظ بها لنفسك
هى طالبة ولا خريجة ؟
فى نفس كليتك البتدرس فيها ولا كلية تانية؟
اذا كانت لسع طالبة وانت استاذها فسبب المشكلة الزميلات
واذا كانت فى كلية تانية فى واحد زميل اداها حنك بيش وقال ليها دا ما مناسب ليك
واذا كانت خريجة فتش عن السبب فى المحيط الاخر العمل او البيت
وانا بنصحك ما تخلى زولتك, مهما تزوجت غيرها ما حتشوف احسن منها
ربنا يرجعكم لبعض وسحابة صيف زى ما قال اخونا عادل
ولك ودى
| |
|
|
|
|
|
|
Re: إستقبل العام الجديد...وشاكوش- كما الصاعقة- هوى على رأسى...!ه (Re: mekki)
|
ندى علي المكي واخرين تحياتي وبعد ، ليس لدي موقف ضد المرأة ولا ضد الحب ، موقفي ضد هذه الحالة بالذات ( الشاكوش) ولكوني مجرب وصاحب خبرة في الشواكيش قدمت تلك الوصفة السحرية ، والبديل لها البكاء والنحيب وبمناسبة الدخول بنية الخروج ، هذه أنجع وسيلة للإستمرار والنجاح ، أي ان تخدع الحظ وتكف العين بأن تموه بالخروج وانت تضمر البقاء وهذه فعلتها مع بداية علاقتي مع رشيدة التي بدأت في العام 78 وبنية الخروج ومازلت متورط في حبها
| |
|
|
|
|
|
|
|