|
|
 سودانى فى يوم استغلال ارتريا
|
سلام اهلى البعرفة دقة فوق الكتف ومعاه كمان مصافحة وسؤال عن الصحة والعافية والاخبار عادة فينا ما اتغيرت حتى ولو قعدنا فى امريكا ولا طشقند وما اظن تتغير حتى لو رسلنا اول رحلة سودانية مأهولة لسطح القمر.
ليى صديق فى امارات الشيخ ذايد جانى زائر ويا سلام كان مبسوط شديد امريكا والحرية والتقدم وتفتح العقول والناس الرايقة.. وقعد يوم اتنين
اسبوع شهر لا شاف روقة ولا شاف انبساط ... طلعنا فى اول يوم وشاف خلق الله كان بوب مارلى شاف ولا كان هندى شاف ولا كان صينى برضوا شاف وفجاة كورك (صاح) يا هشام دة شكلة سودانى الجاى علينا دة ارحكا نسلم علية
وقلتا خير ارح ونسلم لكين لامن السودانى شافنا جايين علية قطع الشارع وغير اتجاهة ولا كانو نحنا هنا وزعل صاحبى وشالها فى قلبة وقال ليا كيف يزوغ مننا ونحنا سودانيين زيو ياخى حتى السلام ما عاوز يدينا ليهو.. هنا بديت احكى لي صحبى كيف نحنا مشغولين وكيف وكيف نحنا مهمومين وكيف القليل منا بيحاول يلم شمل السودانيين كان جالية ولا كان رابطة ولا كان اى تجمع كان لكن حتى دة ما قادرين علية
وهنا نطط صحبى عيونة وسالنى ما عندكم دار سودانية قلت ليهو لا وسال تانى وما بتقدموا مساعدة للناس الجايين جوداد قلتا ليهو يعنى
2% بس وضرب صحبى كف على كف وقل ليا معقول فى بلد زى دى وما قادريين تساعدوا بعض وجاوبتة اااى لا قادرين نلم قرش نساعد بية بعض ولا حتى لو مات زول فينا حق كفنة الا من السفارة او من السودانيين المقتدرين وديل قلة وما بظهروا علينا زاتوا سالنى طيب والجالية قاعدة بتسوى فى شنوا جاوبتة وقلتا الجالية قايمة على اكتاف الناس الفيها وتعاون السودانيين مطلوب لكن تعال وما تقول لهم عامليين حفلة وفيها تبرع والتبرع يا ناس بيسند عمل الجالية وبتقدر تساهم وتحلحل مشاكل وتجيك الردود اى وخلاص ولازم نعمل و ينفض القوم وتموت الوعود وناسنا محلك سر ولمن تسال اخر اليوم لميتوا كم يجيك الرد ولو بالغ شديد 3400 $ معقولة اكثر من 1400 سودانى وجمعنا المبلغ دة بس كيف بس كيف ..
وتجى دعوة للمنان من ابراهيم ادريس << ناشط ارترى ويعزموا فى يوم استغلال ارتريا والحفلة مدورة والناس مبسوطة وابراهيم ادريس ماسك ضيفة السودانى ويعدد ليهة فى اعمال الجالية الارترية والمنان مبهور ومبسوط من عملهم الناجح وفى النهاية يجر ابراهيم ادريس المنان من يدة ويقول لية تعال نشوف جمعنا اليلة كم ويتقدم ادريس ويسأل المسؤل اها جمعنا كم ويرد علية ويقول 163 ويركز المنان اكتر ويسمع المسؤل كم وقالها تانى وبتمعن وتلكوْْء فى الارقام 163000$ مئة وثلاثة وستون الف دولار فى يوم استغلال ارتريا ويتذكر المنان حال السودانيين ويطلع ويقول اريتوا حالنا
اما صديقى الفى الامارات اسى قاعد هناك وقل ليا يا ابوى امريكا دى الله لى منها وما عايزاا اخير لى هنا على الاقل لو متا بلقا حق كفنى.
ويا اهلى وين عاداتكم وين طيبتكم وحنيتكم ووقفتكم فى الحارة..
انشاء الله ما تتنسى يوم نطلع القمر
وليكم حبى واحترامى
|
|
 
|
|
|
|
|
|
|
|
Re: سودانى فى يوم استغلال ارتريا (Re: Hisham Amin)
|
عفوا يا هشام أظنك تقصد يوم إستقلال إرتريا وليس إستغلالها...المعني يختلف كثيرا
علي العموم أنا أؤيدك كثيرا في أننا لم نعد أهل الحارة الزمان....والمغتربين السودانيين ممكن يصرفوا القرش علي دهب النسوان والفشخرة...لكن الحارة دي كانت عند أبوي و أبوك...ويا خسارة.
المشكلة أننا مازلنا بنعتقد أننا أحسن ناس في الدنيا!!!!!!!!
| |
|
|
|
|
|
|
|
|
|
Re: سودانى فى يوم استغلال ارتريا (Re: Hisham Amin)
|
الاعزاء اسامة ودوما وتحياتى ويا اسامة والله غلطة فى الاملاء لكن وبما انوا عيونك لمحتا وكتبتا وصححتها فياالحبيب تسلم وعيونى هى عيونك وتسلم لينا انشاء الله وزى ما قلتا الحارة كانت زمان ويا دوما اشاء نرجع ولو بسيط لزمان و ناس زمان على الاقل لاننا فى وقت محتاجين فية للناس البتعرف معنى الحارة والله المستعان
ويا حليل ايام زمان
| |
|
|
|
|
|
|
|
|
|
Re: سودانى فى يوم استغلال ارتريا (Re: Hisham Amin)
|
يستحضرني هنا حديث للسيد الأمين محمد سعيد أمين عام الجبهة الشعبية في أريتريافي أحد أجتماعات التجمع بالعاصمة أسمرا كان الجميع يتذمر من شح أمكانيات التجمع فقال للمجتمعين:أنتم عارفين نحن وقت الحرب مع أثيوبيا جمعنا من المملكة العربية السعودية كم؟ 700 ألف دولار وكلكم عارفين أنها من بناتنا الذين يعملون في خدمة المنازل وبالمناسبة معظمها منازل السودانيين فكيف أنتم ما قادرين تجمعوا المبالغ البسيطة اللى بتتكلموا عنها؟؟؟
عدم الجدية يا شباب وعدم المعرفة الحقيقية بمعنى الأوطان ...وقال كيف يكون الحال لو ما كنت سوداني ؟؟
| |
|
|
|
|
|
|
| |
Hisham Amin
Osama Mirghani
doma
فيس بوك
تويتر
انستقرام
يوتيوب
بنتيريست