|
|
 دارفور..وليدك محب.وصعوبه الكتابه في زمن الكلام السهل..
|
اعود رغم قسوه بعضهم عليك يادرافوري فالسلام عليك ورحمه الله تعالي وبركاته ,,ماذا اقول ومن اين ابداء ليك يمة....البارحه اكلت ثلاث وجبات ~,,نمت. ونمت .وحلمت كتير ..صحيت تاني يوم ..تاوقت علي البورد فانه عملي في نهايه الاسبوع ..كل شويه اصلي علي النبي كلما اشوف بوست في عن الرسول المبارك .اصابح علي الناس,,اكلمهم واقول ليهم عافي عنهم..انت عارفه ياحاجه يادرافور ..كنت انتي قاعده هناك وزول شغال بيك مافي ..وانا اعاين من بعيد لي بعيد واشوف عمي الاستاذ ابوريش يناغم فيكي وانتي ولا هنا ولاهناك ..سرحانه ملك يامة ..انا سالت نفسي ,,,سرحانه مالك يمة ,,..وانا بعيد اشوف اخوي وحبيبي الاستاذ نهار يقوم ويقعد ينادي عليك وانتي لا هنا ..نهار وليدك يامة بنادي عليك يمة ..وانت لا هنا ولا هنالك..عرفقتك من وشيشك يمة ..تعبانه خالص ..ماقادره خلاص علي الحاصل ..زي انا كدا لكن في اختلاف بسيط بقول ليك يالحبيبه الصامده .. انتي طلعتي بره وشلتي السلاح ..نعم والله انتي ياحاجه ارجل مني ..انتي ارجل من رجال مابينوموا مابنوم جيعانين ..انتي ارجل مني الي اصلوا مافكرت فيك وفي احداثك واشغالك ..انشغلت عنك يمة ..السماح يمة .اقول لك شنو ..مشاغل الدنيا ؟ بعدي عن الحبيب لو اصلوا في حبيب ؟ اكون غاطان ..انا اتناسيت وتناسيت ..ياهوا دا انا زاتي ..محب الامدرماني الاناني والمره دي ياست الكل انا في اقبح صوري..فاقبليني رغم قسوتي عليك يمة ..تقبلي ابنك العاق ..رغم اني امدرماني الولد لكني برضي وايدك ..كل يوم اقوم الصباح ..اقرا البوست واقراء التايمز ..تجي سيره السودان ..واقول في نفسي عدي عدي ياود سودان ايه وبتاع ايه ..بس زي ايات القران الي بتقول لمحبي السكر والخمر والجنس .لأاتقربوا ..وهم يعدوا يعدوا ويقولوا يا جماعه الايات دي علينا صعبه علينا ..لمتين اعدي انا وافاضل سايبك ..يمة خليك من همي انا الخاص فانا مقدور عليه ..لكن انتي يالبتقومي كل يوم في الفجريه مش علي نغمات الطيور ولامش علي نغمات المنبة بتاعي ..بتقومي علي انغام المدافع والرصاص ..لك الله يمة..انتي لسه عائشة ودايشه يمة..وانا انتهي من قرايه الجريده وعديتك زمااااااااااااااااان وماجبت ليك خبر ..واجي صادي علي المنبر ..حبيبي المنبر دا وناسوا عسليين يمة ..تحبي تعرفي منهم يمة ,,جدا ..هاكي البنبر دا ياخاله .. ..هناك اب جلابيه داك ..عمي الاستاذ ابوريشه ..هناك ياحاجه ..لسه عمنا ابو ريشه بناغم فيك يمة ..ونهار وليدك ..اسكتي .. يكورك ويصفر في الناس علشان تقوم وتشوف حالك واحوالك يمة ,وانا ,,دي من طينه ودي من عجينه ..ايمان بيغادي تعيط بصوت عالي علي احولك ..واحمد الريح يقول انك من يومك يمة تعبانه وما جديد عليك الشقي وانتي ستوا ..وكتيرين يمه ,,..امي وخلتي وكل حياتي العزيزه دارفور ..الكل يتناغم ويتفاعل معك بطريقته الخاصه ..والله انتي في بالي ..ماطالباني حليفه ..وبالامس من دون الايام قربت منك خالص ..وقلت لك ..لوميني ..عاتبني يمة ..قول لي كلمه ....ماتقعدي تعاين لي كدا ..في خضم النظر ومعينتي ليك ..جاني خبر ..وفجاء يجيني خبر ..ضحكت للخبر ..الجماعه ياحبيبتي عايزين يفتحوا مول وسوبرماركت في وسط الخرتوم ..خلاص ..نهوكي نهايه مره ..وحليل جبل مره .. ..ديل من اسي قالوا انتصروا عليك. ..يمة .صرختي وشلتي السلاح ..قتلتي منهم وقتلوا منك اكتر ..في الحقيقيه ديل من يومهم بقتلوا فيك وفي كل الناس الي عايزة تعيش حره ومانتي براك .. ..دارفوري ..اكون مجنون لو قلت ليك كيف حالك ..اكون بخادع .....دارفوري ..اكون مجنون لو قلت ليك كيف حالك ..اكون بغادع دارفور ..صبرتي كتير انتي ..جات حكوميات وانتي صابرة ..شالت مكن خيراتك وانتي صابره ..رضعوا من نهودك وانتي صابره ..اتضهدوا اولادك وانتي صابره .. دفنوهم بالحياة وانتي صابره ..وبعض اولادك اتمردوا عليك واصبحوا نصير للطغيان ونسوا صدرك الحميمي ..وانتي صابره ..انا اتولدت وجيلي اتولد وانتي صابره ..كبرنا شويه ..شمينا العافيه ,,وانتي صابره ..قلنا …ديل من وين جونا الغرابه دول ملوا علي شوقنا العربي الما عربي ..بكل وقاحتنا ..وانتي صابره ..
تعدينا عليك وانتي صابره ..جونا من وين ملوا علينا الاسواق بتاعين مويه وكماسره وشئ تاني مابعرفه كدا ..كدا يادارفوري الحبيبه تتدار الاحاديث في ارقي البيوت الامدرمانبه ..منتعي العنصريه وانتي صابره ..دارفوري ,,انتي صابره ..وسمن البيت جاي من اراضيك ..وكل الخيرات منك ,,وانتي صابره ..مع بتاعيين المويه ..نشرب منهم ونسبهم ..اولادك ديل ..وانتي صابره ..مابتاعين المويه بس التعبانيين ..المتعلميين برضوا اخدوا نصيبهم من الدفن وقلت ادبنا وعنصريتنا في الماضي .. ,,كدي اتيني كف حار قبل مااحكي ليك كبف نظرتنا كانت للاستاذه الغرباويه….مدرسه العلوم في مدرسه الهجره ..المدرسه المفخره ..المدرسه الي قراي فيها الازهري ..واظن الطاغيه نميري برضوا ,ماغريبة يكون طاغيه ,,اديني كف في الاول ياحبيبتي ..طغينا نحن ..نعم كنا شفع ..ولكن تعدينا ..انا ماعارف جبت الفصاحه دي اقول بيها الحق علي نفسي وانشاء الله ناس محمد احمد يفهوموا برضوا ,,وانشاء اولاد دفعتي يلقوا الحديث دا ....وانتي صابره يادارفور..مع كل كمساري نعمل شمطه وقيامه ..وانتي هناك صابره ..تعايني ....المدرسة بتاعه العلوم ..مابندورنا ..غرابيه كانت ,. لا عربيه ولاشرقيه ..ولا مابنريدها ..مافي نفس للحصه بتاعتها ..وانتي صابره ..نجيب نص النمره ونعدي ..وانتي صابره ..ولا نتفاهم مع المرة دييك ابدا .. ..طغينا ..وظلمنا ..اولاد امدر نحن عاد ..نطلع من المدرسه الهجره عاد ..في حي العمده ..ومين هذا العمده ..الراجل قصر معانا وخلي دي تبقي استاذه علينا ..وانتي صابره يادارفور ..نطلع من الهجره .نعاين للبكري ..وندخل كل الجوامع .ونمشي للكنائس نشاغل بنات الحلب ....وانتي يادارفور صابره ومتصبره …عنصريه كانت جد جد ولا كذب ..وانتي صابره .. ويستمر المسلسل وانتي صابره ..صابره ..متصبره..انا تبت من عنصريتي وجيت هنا فضحت نفسي وانتي برضوا شايلا الصبر ....مابتكلي ..كبرت خلاص ..سافرت كتير يالحبيبة ..سوريه ..وانتي صابره ..سعوديه ..وانتي صابره ..مصر حبيبتي ..وانتي صابره ..ماما امريكا وانتي صابره ..تعلمنا اللغات وعملنا الصحبات والصحبات وارتكبنا الزنوب ولالثام ..وانتي صابره صابره صابره وانتي صابره ..ركبنا العربات ..وانتي يادارفور هناك تعايني وانتي صابره ..اخ منك ..رغم عمرك المتقدم لكنك لسه شديده ومليحه ! صابره يامة ..دخلنا المنابر الحره والغير الحره والي عايزه تبقي حره وانتي صابره ..دخلنا بالواسطات ..وانتي صابره ..وانتي صابره ..لاقبت الاخيار من اولادك وبناتك هنا وهنالك وانتي صابره ..فهموني الصاح من الغلط ..وانتي صابره..حبوني شويه وكيتير وانتي صابره..جاطوي فيا يامة ..وجيت شكيتلك ووانتي صابره .. ..وانتي صابرة ..طعننوني الومني وانتي صابره ..وانتي صابره ..انا لاشئ مقارنه مع وضعك ..من انا ..انا انسان غير صابر .. لاشئ .وقد اواصل ,,وقد لا اواصل ,,قد اعيش للغد ..قداموت ,وانتي هاتظلي صابره ..النسيت يامة اكلمك بحديث ..الجماعه ناس الخرتوم قصدي ناس الحكومة فتحوا المول يامة ..وانتي صابره ..اظنك عرفتي ..وانتي صابره ..دارفور ياحبي ..صبرتي كتير ولا الومك وشفتي كيف انا العفين صغير العقل عديم الضمير ما صابر ..شفت ظلمتك كبف ..وبعد دا كله انتي سامحتيني ,,وقلتيلي .انا صابره ياوليدي ..رغم ظلمك لي يلوليدي ..انا صابره ..ابهاتك عملوا السبع وزمتها وانا صابره ..وبالقنابل ومن زمان القصف متواصل علي ياوليدي واني صابرا ..شفعي في الاراضي اتشتتوا ..واني صابرا ..وفي البقاع اتظلوما واني صابرا ,,اة ياوليدي سماحي ليك هين ... انا اسماح بتاعي ياوليدي .. وحتي من غير طلب كلمة سماح ..اسامح واني انشاء الله صابرا ..او ياوليدي الحاصل اسي صعب علي وكتر علي وشفعي زاقوا المر ووواني صاااااااابرا ..جاتنا الجيوش من كل البقاع وقالوا لينا سمعنا احتجاجكم وجينا نديكم من الويلات شويه واننننني صابرراااا.. ..واني صابرا ..اة ياوليدي ,,هو فضل لي وليدات ..ماكلهم ماتوا واتشردوا واني صابرا ..محميد والساره والناظر ..واللسته طويله ,,المات مات ..والباقين ماعارفه ليهم طريق وانا صابرا ..اة ياوليدي ماعندي سند فلكل بعيد مني فعمده البلاد فسد,,, وطغي,,, وحرق ,,,جوفي والله يجازي عمر البشير وعصابته ..وانا صابرا ..آه ه ه ه ه ه ياوليدي ..ازيدك من الجع حبتين ولا دا كفاك. ..قلت ليها ..والدمع نازل مني ..زيدي مااصلوا يوم الفراق اظنوا قريب ..وكمبموتري ماشي ابيعوا يمة ومااظن بجي صادي من نهدك لكي ارضع تاني .. ..زيدي يمة .. وقالت لي ,,ويدها ادمت لي عيني ..تمسح دميعاتي ..ياوليدي ..كفاك ..شفت كتير ..عرفت كتير ..وماك قدر كلام امك ..امك الحره يوم.. وعشره لا ..بسبب الملاعين الطغاة ..واني صابره ,,وقفت وقت ..زي ماتحبي يمة وصدري علي صدرها اتلم في احلي وادفء حضنه ..اتوضيت وصليت ..وكانت هناك نعاين لي ..وهي صابره ..يدي مرفوعه بالدعاء عليهم يمة ..وهي صابره ..بركت انا ..بكيت ..وبكيت تاني ..وصليت علي النبي وامي جنبي وقمت اناجي ربي..ربي انصر الحاجه دارفور ..ربني ارينا يوما في من اغتصبوها ..ربي احفظها واحفظ اولادها وبناتها ,,ربي سامحني ..فانا نفسي جنيت عليها ..ربي اقبلني تائبا ..امين ....
حته خاصه ..اسعد ..والله ماقادر اتصل عليك اصلوا انا خايف الدمع ينزل مني وتبقي عيبه علي..ارجوك ان تعود الي المنبر ... ,,ودوما محب والعفوا والعافيه من الجميع .....
|
|
 
|
|
|
|
|
|
|
 Re: دارفور..وليدك محب.وصعوبه الكتابه في زمن الكلام السهل.. (Re: Muhib)
|
شكرا علي هذا الشعور الوطني الدافي والروح الوثابة
والضمير الحي الذي ينفعل ويتفاعل مع المسحوقيين
والمهمشيين من ابناء وطني يشار كك الكثيريين هذا
الموقف بينما يقف أنصار الانقاذ ودعاة الاسلام السياسي
في الضفة الاخري يبررون ممارسات الانقاذ ويحاولون
جاهديين تمييع القضية وقتلها بالتعميم وذلك بالقاء
المسؤولية علي عاتق الحكومة والحركات المسلحة علي
حد سواء علما بأن البشير هو الذي دفعهم لحمل السلاح
بتصريحاته الهوجاء التي تقول أنه لن يفاوض أو يحترم
الا من يحمل السلاح لذا أصبح حمل السلاح هو الوسيلة
الوحيدة لحمل الانقاذ لرد المظالم ورفع التهمييش
... وعلما بأن النظام هوالذي يحرق القري ويملك
الطائرات التي تقذف بالمواد الكيماوية الحارقة علي
الناس وهي من سلحت بعض الاطراف لضرب أخوانهم وأشعال
فتيل الفتنة العرقية
شكرا أخ محب مرة أخري ودمت ذخرا لابناء شعبك
كمال
| |
|
|
|
|
|
|
|
|
 Re: دارفور..وليدك محب.وصعوبه الكتابه في زمن الكلام السهل.. (Re: ASAAD IBRAHIM)
|
شكرا سادتي .....تصعب علي الكتابه ..ويسهل علي التفكير والتامل..ماضي بغيض ..وانشاء اللة حاضر مشرق يسع الكل وبفرح الكل ..شكرا لهذة التجربة علي المنبر الحر ويستمر معها تعلمي للاشياء الجميلة رغم قماتة الزمن المغبر ..شكرا سادتي وتاجي راسئ..شكرا يامن ترون خلف السطور .. هنا انسان يشكركم ..محب لكم ..والسلام
| |
|
|
|
|
|
|
|
|
|
Re: دارفور..وليدك محب.وصعوبه الكتابه في زمن الكلام السهل.. (Re: Muhib)
|
وليد دارفور / محب
اطال الله فى عمرك... سرد جميل
و رائع .. تابعت البوست و اعدت
قرائته مرات لك الشكر على هذه
التحفة .. الفقر ,, الجوع ,,التشريد
لا يشبه اهل دارفور و لكن المصيبة و قعت
لا مفر منها .. و دائما كان ابى يردد
المثل القائل ..(الله جعلا دقن شايب نار اكلا ..)
الفولانى
| |
|
|
|
|
|
|
| |
Muhib
nahar osman nahar
kamalabas
ASAAD IBRAHIM
hamid hajer
عوض الله الفولانى
Rawia
hanouf56
Deng
Raja
فيس بوك
تويتر
انستقرام
يوتيوب
بنتيريست