|
|
 والله زمان....... من ارشيفي الخاص
|
From Message
Star
Sudanese
Sunday
Nov 04, 2001
19:49:04 GMT
Subject: RE: معذرة - شتات وريم
Posted From IP Address: 213.42.0.243
Message:
شتات
بناديها
ميزو
تبلدينا
أنا .. "هى حتما س ت ع و د"
الرمانة
ولياب
ريم
ال ش م س
تغريد
أماسى الفرح
و الذين يقراوننا و هم صامتون
الاحباب "ضمّة"
محتفى انا اليوم بود الاميــن
اترك الموسيقى لخيالكم الا اذا تضامن معنا عمو كوستا أو سى الصادق
...
..
.
يــا غالى ليك هويـــنا
الشــباك بيشــهد ليــنا
كم مرة رحنا و جيـــنا
لو بالعيون قول ليــنا
انك ياجميل حابيــنا
........
يــا معاين من الشـــباك
يـــا أحلى زول شـــفناك
أرحم قــلوبنا معاك
و شـــاركنا .. شــاركنا نحنا هواك
Star
muzzawi
Sudanese
Sunday
Nov 04, 2001
19:49:53 GMT
RE: معذرة - شتات وريم
Posted From IP Address: 194.170.1.130
Message:
...
..
.
ستار..
كما باشرتك..العزيزة رمانة
وكفى..
هكذا نحن .. يملانا النزق ..و يصعد الدم سريعا فوق الخلايا فيغيب الصبر وتفاصيل أخرى..
هذه تفصولة كتبتها ذاتك الجميلة..لذاتى المهترئة فى لحظة عرى من
زيف فى أحد تعاريج هذا الزمن الجميل..وإن أدركتها أنت بغير المحتوى
والمضمون هنا وهناك وذاك الذى يمارس شىء من بعض غموض يتلبسه بشكل اللاأراده
لعلّك الان أدركتنى..وإن لم يكن؟؟فالسؤال مهم..
ادينك باثنين..وإن لم أرد(بضم الهمزة)
وحتما كما قلت لازال الدرب طويل..
أيها الجميل...
شتات..
العمود اكتسب لمبة اضافية..شديدة الإضاءة
كل يوم أنت فيه تمارس هذا الجمال الذى هو بعض منك
بكل هذا التفرد..الإنفرادى النكهة..
بناديها..
بنادى عليك
دعنى..أمهلنى افرد لك الشراع..بلا تفاصيل الضوضاء..على
ذلك الركن القصىء..القريب بملامح الضوء والعتمة ونمارس شىء من
إتكاءة سمر مسائية نغوص فيها معا فى تفاصيلية التفاصيل وهذه
الحميمية الأسرة التى تطل من بين عينيك..أيها الثائر الجميل...
BLUE IS THE COLOUR
prins
Sudanese
Sunday
Nov 04, 2001
21:09:11 GMT
RE: معذرة - شتات وريم
Posted From IP Address: 129.217.129.132
Message:
يا ناس البوست دا ما عوزنو يروح ....... كلكم نظر.....
>نكون عاي Still برضو
singawi
Sudanese
Sunday
Nov 04, 2001
22:01:00 GMT
RE: معذرة - شتات وريم
Posted From IP Address: 212.138.47.4
Message:
الخال الحبيب
والحبيب وليـاب
ماني حاسد إلا مفجوع
أخيراً تم اللقاء
واسمحو لي اتخيلو بطريقتي
يدخل بناديها ويسلم
السلام عليكم .. الأخ فلان
يرد ولياب هاشا باشا ويقف وقد مد يده مسالما : وعليكم السلام .. مرحب ويشير بيده إلى المقعد أن تفضل
يفاجئه بناديها معرفا بنفسه فيهتف : ما معقول ما معقول ويقذف بنفسه في حضن الخال ويستمر العناق فترة مع الكلمات الدافئة المتبادلة ثم الافتراق لحظة وتبادل النظرات ثم الرجوع للعناق وقد ترققت الدموع في عين شخص ما
انه الحب
يشهد الله اني أشتهي في هذه اللحظة حضور هذا اللقاء
يشهد الله أني أحبكم جميعاً لأن الطيور على أشكالها تقع
يقول الحبيب المصطفى : أصحابي كالنجوم .. بأيهم اقتديتم ، اهتديتم . أو كما قال
وأنتم أصحابي .. ونجومي .. أيها الرائعون .. قديما قالوا .. رب أخ لك لم تلده أمك .. وحديثا أقول .. رب أخ لك لم تره عينك
تحياتي وأشواق وأمنياتي لكم جميعا بنعيم الدنيا وفلاح الآخرة
ودمتم
singawi
Tabaldina
Sudanese
Monday
Nov 05, 2001
05:41:01 GMT
RE: معذرة - شتات وريم
Posted From IP Address: 212.138.47.6
Message:
سطله مسائية .. تفكها القهوة الصباحية ...
هذه القصيدة الروعة للرائع هاشم صديق كنت ابحث عنها من فترة ولا ادري هل نشرت واطلعتم عليها ام لا ..؟؟ وما في واحد يقول قديمة بقول ليه قديم .... انتِ هآهآهآهآهى في ناس فاكرين حاجه تانيه .. ولا ما كدا يا ميزو ما تتبسم لي مع الدقش ..شايف اول كلمتين في المقدمة شنو ؟؟
ولقد وصلتني هذه الروعة في الايميل امبارح من زوله رائعة من ارض الصمود والمعاناه ولا تفوتكم روعة واحببت ان اشارككم الروعة يا روائع ..
طبعا متعتها في الالقاء يا شتااات وبناديها وميزو وسنجه واستاروسجمنا وسونكيل وفرانكي وريمووو والساره ورمانه وكل الشباب الحلوين ،،اه لو كنت اقدر القيها ليكم ولو من غير ساوند سيستم ..هئ هئ هئ ..دي( بئي) بالطريقة الشطية .. يعني لازم تقروها القاء .. ماشي الكلام ..قولوا ماشي .. ولا بغير رأييّ .. ولابلاش ...آهي جاتكم زاحفه ..
قرنتية ... ما غواصة روسية
قرنتية ،، لا دبابة برمائية ،، لا جاسوسة مدسوسة
لا جندية في ( حركة ) ،، لا مختلسة مال شركة
لا قصفت حدود ( فشلا) ،، لا كسرت صريف كسلا
ولا معروفة ( ختمية ) ......
****
قرنتية ،،،
لا صعلوكة لبست ( شورت ) ،، لا بتعرف شنو ( البظبورت )
لا محتاجة (جنسية ) ،، هي قايلة النيل سقف بيتها
وقايله ضفافو ( محمية ) ،، جات منسابه عز الصيف
قايلة الناس بكرموا الضيف ،،وقايلة النيل امان والقيف
وقايلة ( الحاضره ) عصرية ...
قرنتية ،،،
جات بصغارا دايره الخير ،،لا شافت يفط تحذير
لا نزحت تكوس ( توزير) ،، لا جاطت حركة السير
لا دارت وسام تقدير ،،لا مستلفه عشرين وش
ولا بتعرف تعيش بالغش ،، كانت محتاجه بس للقش
وجات احلامها دوغرية ،،،
****
قرنتية ،،،
لا بلعت عديل السوق ،، لا نضمت بدون طايوق
لا كنزت دهب او ماس ،، لا ظلمت بدون إحساس
لا عصرت شباب الناس ،، لا كتمت علي الانفاس
لا قطعت عشم بفاس ،، لا داستنا زندية ..
****
قرنتية ،،،
لا شربت مريسة العيش ،، لا ضبطوها في التفتيش
لا سجنوها شالو( الفيش ) ،، لا خانت قسم او ديش
لا اجتمعت (بمستر جون) ،، لا اكلت مؤنة ( العون )
لا سدت علينا الكون ،، لا سبت كتاب او دين
لا سامتنا حمرة عين ،، ولا باعتنا ضهرية
****
قرنتية ،،،
جات مشتاقة للخرطوم ،، تزور احبابها خايفة اللوم
تصيح وتنادي بالحلقوم (جنينة النزهة ) وين يا زول ؟؟؟
جنينة النزهة وين يا زول ..؟؟؟ لقت حال الجنينة خلا
حليل زمانها وحليل اهلها ،، لا قرنتية لا اصله
لا صوت ككو .. لا بغله لا حلوف ،،
لا اسدا مهاب بالخوف ،، لا نمرا يشد الشوف
لا ضل فيل ،،لا تيتل جريهو جميل
ولا غزلان ،، ولا طاؤوس يباهي النيل
لا زفة طيور ونعام ،،لا نمرا دفر قدام
كل الشلة يا قرنتية ...- غمضة عين –
احالوهم لصالح عام ،،أتقول( الدنيا مهدية )
****
قرنتية ،،،
جات زي ضيفه ما غاره ،،لا محتاجه لي ( فيزا)
ولا تصديق علي زيارة ،، جات والشوق بصغارا دموع حاره
تجدد في العيون الشوف ،، بين (توتي ) و( علايل ابروف)
قايله الدنيا لسه سلام ،، ما خيم زمان الخوف
لسه هناك ضفاف حره ،، ما ( مطموره ) لل مره
قايله الناس بعزو الضيف ،، ما بيسوقوها لحفره وجوار القيف
وما بياكلوهو في (سفره) ،، ومصيرو مخيف
قايله ( الحاضره ) ما غابة ،، وقايله حقوقها محمية
****
قرنتية ،،،
لا قدلت في شارع القصر ،، لا حامت في وقت( الحظر )
لا خشت علي المامور ،، لا نطت سلك او سور
لادخلت علي امدرمان ،،، ولا كسرت قفل دكان
لا دفرت علي ( التلفاز) ،، لا عضت كراع فنان
لا ذاعت بيان للناس ،، لا احتلت كمان حيشان
ولا نصبت شبك للحش ،، جات كايسه القش
تلاقي القوت ،، صبح محظور ..
وخير( البقعة ) جوه السور ،، سماح لدنيا منسية
لا بتعرف عجن او لخ ،،،جات احلامها دوغرية
عجب ..ساقوها جوه الفخ ،،
عجب .. من طولها وقعت طخ
عجب .. سلخوها صبحية
عجب .. ونحنا بنسلخ الأنسان
كيف ما نغدر الحيوان
عجب .. والدنيا عصرية ..؟؟؟
****
قرنتية ،،،
لا دبابه ..برمائية .. لا جاسوسة مدسوسة
لا غواصة .. روسية ،، لا جندية في ( حركة )
لا مختلسة مال شركة ،،
لا حزبية بعثية ،،،
.......
....
قرنتية ....
.
..
اعود ..اكثر دفئاً
* اخر قصيدة لهاشم صديق كابوس صابر ( ست الشاي ..اف . بي .ايه ) تجدونها في إتكأءة .. في ظلال الكلمة (رحيل ).
نحن بينا الأمنيات والتضحية .... بينا العذابات والمعزات فى الحياة
alsara
Sudanese
Monday
Nov 05, 2001
05:43:10 GMT
RE: معذرة - شتات وريم
Posted From IP Address: 172.130.202.193
Message:
الأعزاء... جميعكم
رغم تسارع اللحظات و تتابع الأحداث ..لحد عدم التمييز بين الحدث و اللحظة... أجدني أفقد شيئا.. أبحث... أنقب في ذاكرتي الخربة التي أمتلأت بكل هذه المصطلحات و الأمراض.... أجدكم هناك في أعماقي ركنا تزينه عناقيدكم و يعطره ضوع البنفسج ...أرمي بكل ما أحمله في يدي.. كالطفل عندما تقدم له قطعة حلوى... أركض خلفكم ....يتسارع نبض الكلمة فيا و أنا أقراكم... يتسارع لحد إختلال الريزم... فأفقد النطق.. و تتسلل الأحرف هوجاء من بين شفتي لتصلكم و تقول...
كم أعزكم جميعكم
دمتم أبدا ركنا مضيئا في خرائب الزمن ودام هذا البوست الذي
لن تغيب عنه الشمس
أدعو لي يا أحباب... إمتحاني قرررررب
ياريت لو كان إمتحان البزورة يا بناديها... دي أمهم ذااتا.. بس ما تقول لي قراية الكبر موش إتفقنا أنو أنا بين 18 و 28 LOL
رمانة... عزيزتي ما أروع حبيبات الرمان تلك و هي تنفلت من بين أصابع فرحك الرقيق.... تنثريها علينا من علوك في طبق من الحب معبقا بقرنفلاتك ....نتلقفها نحن في شغف ..دون أن نكتفي منها ... ليتك تعلمين كم أحبك
ريمااا.... بالتوفيق يا ملكة يا ست البنات لحدهن... أدعي لي و أنا أدعو ليك ..بالحاصل بي.. سببو إنتي.... حني حني علي أنا يا ستي
أنوية حبيبتي بت ملوك النيل جاتكم بيجاي؟ كان جات سلمووووا عليها
موزاوي ...أيها المبحر ضد الرداءة ..الى شواطئ تصطاد فيها الجمال الذي فينا... فتأتي تحمله الينا على أواني الألق الروحي... لنري كم هو جميل هذا العالم
بناديها سطورك تنطق إبداعا و ترفا حسي.... متسلسل في سلاسة
بت الأحفاد و شموسة ربنا يوفقكم يا عسلات... تستاهلو كل خير إنتو
شتات ..تبلدينا.. ستار.. برنز.. سنجاوي.. فرانكلي.. كوستا.. .. حبيبة سودانية.. الرايق..و الجميع ... لكم الود كله ....
رعاكم الله ...و ما تنسوني من صالح الدعاء
يا بلدي يا فردة جناحي التانية وكت الناس تطير لي عالمها
أنا
Sudanese
Monday
Nov 05, 2001
05:43:29 GMT
RE: معذرة - شتات وريم
Posted From IP Address: 212.138.47.8
Message:
صباح الورد للجميع
بناديها
480
والخمسمية حاجزاها
بعدين...أين اجد كلاماً يوازي هذا الذي احس به من كلماتك؟؟؟
اعجزتني
دوماً يا رائع
أنا الكعب البسوي الويل وأنا الزول السمح بالحيل... تقول لي شنو وتقول لي
أنا
Sudanese
Monday
Nov 05, 2001
05:45:19 GMT
RE: معذرة - شتات وريم
Posted From IP Address: 212.138.47.6
Message:
صباح الورد للجميع
بناديها
480
والخمسمية حاجزاها
بعدين...أين اجد كلاماً يوازي هذا الذي احس به من كلماتك؟؟؟
اعجزتني
دوماً يا رائع
أنا الكعب البسوي الويل وأنا الزول السمح بالحيل... تقول لي شنو وتقول لي
Tabaldina
Sudanese
Monday
Nov 05, 2001
05:51:14 GMT
RE: معذرة - شتات وريم
Posted From IP Address: 212.138.47.13
Message:
بالتوفيق والسداد يا سروره .. تمشي وتجي بالسلامه ..نحن منتظرين تحت العمود حتي في الشهر الكريم ..
.
..
نراك اكثر تألقاً
نحن بينا الأمنيات والتضحية .... بينا العذابات والمعزات فى الحياة
alsara
Sudanese
Monday
Nov 05, 2001
05:56:58 GMT
RE: معذرة - شتات وريم
Posted From IP Address: 172.130.202.193
Message:
تبلدينا
قديييمة... لكن منك أنت طبعا بنقول جديدة و رهيبة ووو...نقط نقط نقط...وللا خلي.... حسي يجو ناطين لي في حلقي ناس هناي
أنوييية
صباحك عسل بالمربة (بفتح الميم و الراء)... بتك العانس كسرتني و دشدشت حرف الكلام... و قررت أخطب ليها أبوي... راجل شرط... حلاتو بالبدلة .....الحمد لله أمي ما بتخش الإنترنت
هئ هئ
يا بلدي يا فردة جناحي التانية وكت الناس تطير لي عالمها
alsara
Sudanese
Monday
Nov 05, 2001
06:03:28 GMT
RE: معذرة - شتات وريم
Posted From IP Address: 64.210.248.135
Message:
تسلم يا تبلدينا... تتعلى ما تتدلى... و تذيد ما تقل.. (كده طالباك دعوتين).... سأعود حتما... لأرتوي من رحقيكم
و ظل التبلدية أريح مقيل ساعة الهجير
يا بلدي يا فردة جناحي التانية وكت الناس تطير لي عالمها
Tabaldina
Sudanese
Monday
Nov 05, 2001
06:09:10 GMT
RE: معذرة - شتات وريم
Posted From IP Address: 212.138.47.7
Message:
بالله بالسلامه خبلينا نشوف شغلنا ..
ما قلنا بندعو ليكم في الحرم في عمره رمضان ..
خلاص قلنا باااي باااي .عايزين ترفدونا
تصدقي المدير جاء داخل عملت مجنون اصلو فاتل وشي ليه يومين
والله يغفر للسبب ..
بالمناسبة .ريموووووووو الظاهر برضو امتحان شغال ولا شنو ؟؟
شطة .. ليك وحشه ..
.
..
اعود اكثر ودهً
نحن بينا الأمنيات والتضحية .... بينا العذابات والمعزات فى الحياة
Star
Sudanese
Monday
Nov 05, 2001
06:12:59 GMT
RE: معذرة - شتات وريم
Posted From IP Address: 213.42.0.243
Message:
الغموض كان و ليس سوف يكون
اعريك حتى هيكلك العظمى و اعرفك
تمنحنا بعضا من روحك مع الكلمات .. و نجهلك؟
!!.......يـــا عيب الشـ
Star
alsara
Sudanese
Monday
Nov 05, 2001
06:15:54 GMT
RE: معذرة - شتات وريم
Posted From IP Address: 64.210.248.135
Message:
خلاص أمشي إشتغل إنشاء الله تبقى سمييين قدر القندران من الشغل... و المدير يخاف منك زاتو.... و ..و.. و .. بس
يا بلدي يا فردة جناحي التانية وكت الناس تطير لي عالمها
muzzawi
Sudanese
Monday
Nov 05, 2001
07:20:06 GMT
RE: معذرة - شتات وريم
Posted From IP Address: 194.170.1.72
Message:
...
..
.
ستار..
صباحات بتفاصيل
لحظة العرى المتوثبة..الجامحة
التى تحمل كل هذا الأمل..وتتوق
لتفاصيل الوصول..
أترانا نفعل؟؟ لعلنا نستطيع؟؟
الثريا..
لاتعليق !!!
BLUE IS THE COLOUR
bannadieha
Sudanese
Monday
Nov 05, 2001
07:40:14 GMT
RE: معذرة - شتات وريم
Posted From IP Address: 212.138.47.7
Message:
صباح المصابح عروسته في أول يوم من أيام شهر العسل..أقولها ليكم حقيقة لا مجاز..والقصة وراها إنو صاحبي أبو رزقة كان بقولها للصراف لما يجي يستلم منه الماهية..حليل أيام زمان
ويابرنس إنت جيت تكاجرنا وداسي منا حميد وصلاح بهناك..وهاك دي يالسارا نيابة عن برنس عشان تربطي بيها ضفيرتك أو مسيرتك وتنكربي للمذاكرة
محمد الحسن سالم حميد
ما طال فى بحرك فى مى
وتمرك مفرع بالجريد
شدرك أمد حد السمى
طينك معتق بالطمى
نبنيك أكيد .. نبنيك هوى
نبنيك أيوه
سوا .. سوا من وجديد .. نبنيك جديد
إيد أبوى علىإيد أخوى على إيدى انا على إيد و إيد
تجدع بعيد فى اللجة فى من راس ميضنه
حيكومة الفقر
الدمار
الكضبن والصهينة
اللى نقاص
أيامنا كاس
اليالطيف سوس البحر نردم
قفاهو حجر حجر من ها الرصيف
الما قدر قدام سريحة الموج يقيف
الماانستر الرزقية وناس
أيه نسقيها كاس
اسقنا يا
نوريها كيف عشق الحياة سنانا فوق حجر القصاص
سوانا ناس ضرب البحر جوانا احد من الرصاص
يا ضو حبيبين القسا
طول ما انت غرقان فى الأسى
تبت يدين ما ترمى ساس
ما تبنى مجدك من جديد تفتح شبابيك الخلاص
تدخل نسيمات النشيد بيت القصيد
يستقبله مستقبله .. والحاضر الماضى التليد
يابلدى يافردة جناحى التانى وكت الناس تطير لى عالمه
وآ فجعة الزول البيجيك ما يلقى فيك غير الهجير ناسا تواتىمسالمه
مل البشاشات القبيل تلقاها ميته مسممه
والجاته جاته من الأرض ما جاته من تالا السما
ما أعتى غبنك يا ولد وأعدل قضيتك وأعظمه
لاترجع السيف الجفير
والدنيا فايره مصادمه من غير تجيب
تار البلد .. ريح العوارض تهزمه
تطرد مع ابليس الأخير دعة الضلال
من جنتك يا آدمه تاكل من الشجر الحلال
يغشاك نعاس فى ضل رمى .. تختال
هضاريب الصعب كربة ليالى المظلمه
يانيل قبل خاطرك يطيب
أرضك تفزع باللهيب
تكشح تواريب الغضب .. صعب المراس
نوبه و زنوج وبجه و حلب رطانه عربان
مو أشو ومولدين
تلقانا أو نلقاك ضوء ظلمة لياليك العجاف
رشه نهاراتنا النشاف
آمنا بيك وموحدين فى إيدنا فاس وقلم رصاص
شتله و كمنجه ومسطرين و طبنجه فى خط التماس
حـراسة من كيد البكيد
وبعد إذنك يا برنس نرفع معانا صوتك بدل ما تكتم صوتنا وتكممنا خلينا نسرح معاك ومعاه وما تزعل عشان إعادة التوزيع ودا لزوم النقط وتقصير المسافة
عينيك
مدن منسية فى كتب التواريخ
والزمن ... عينيك وطن
مشدود على وتر التباريح والشجن ....ممدود
على حروف الكتابة ....مكدود
عنا ومكتول صبابة ....وفيه حط النيل سكن
... عينيك سفر
مكتوب اعيش فى غربتو ... واعشق عذابو وحرقتو
وليلو الطويل .... واتخيلك يا حلوة زى نسمة
سحر .....جيتى ومعاك حلمى المطول ...منتظر
وعدو الجميل ....عشقك زمان
جواى رحل ...وإتناه
فى الأعماق أمل ....ضمخ
رؤاى إحساس نبيل .... اذهل
طيوف خاطرى القبيل ... جاشت ملامح
روعتو ....ضج السكون فى وحشتو ....والكان
أمل فى عيونى لاح .... ذوب
مدارات فرحة الوهج
النضير ...والمزدهر
بالإرتياح ...فجأة
انحصد قبضة
رياح ...وسكت
الكلام
ياحلوة فى
القول
المباح ....وغاب
الصباح بعدك
رحل ...والكان
امل فى غيم
سماك ....ايقنت
إنو عدم بلاك... وانك قدر ....وانو البيحلم بى علاك ....بختار
ظروف أحلاها مر .....عينيك لو تصدق معاى الأمنية ....عينيك
لو اعرف ختام الأغنية ....بدء الكلام والمنتهى ...والمستطاب والمشتهى ....كل المباهج فى المواويل
والغنى ....والعاشقين
قلبى وانا ...هزتنا
فى عينيك تصاوير المنى ....يا امنيات من كم سنة ...يا اغنيات كل الأماسى المستحيلة وممكنه ....يا
المستحيل
عينيك تهون ....والمستحيل
قلبك يخون...ما الغدر ما طبع الوفا ...
والصدق ما شرط انتفى ...وانا حالى من بعدك كفى ....وانا حالى فى بعدك....كفاهو المغنى
والحب والشجن ....والوحشة والشوق والوطن ... ما العمر قبلك
ضاع سدى ... والعمر بعدك ايه يكون ..لو يبقى بحساب الزمن
مع
تحياتى الى شاعرنا الكبير صلاح حاج سعيد
banadieha
bannadieha
Sudanese
Monday
Nov 05, 2001
08:00:35 GMT
RE: معذرة - شتات وريم
Posted From IP Address: 212.138.47.13
Message:
ما بين أكل العيش وطق الحنك أقبل وين أنا
يادكتور مزمز
أيها المشدوه من عالمنا علمنا كيف نسمو إليك..أنت أيها المحلق بإتجاهاتنا الأربعة وما بينها من إتجاهات يا بعدنا الذي لا.. الذي لن تحده الأبعاد..أسكننا
تبلدينا
وهي كفت كتابها ودفاترها ومذكراتها وصوبت نحوك الأسماع والأبصار ثم إنت أيها الصنديد..ماذا أقول..الكلام الفي لساني ياهو كلامك والمعاني الشاردة مني واصلاك ما فيها شينة خلاص أمشي إشتغل إنشاء الله تبقى سمييين قدر القندران من الشغل... و المدير يخاف منك زاتو.... و ..و.. و .. بس ..وتنفتح عليكما محل ما تقبلوا
إستار
إن خاطبتك خاطبت مزمز وإن خاطبت مزمز خاطبتك ياشرارة إبداعنا
سنجاوي ياأبن الأكارم
بجيك جية يازول يازول وتلقاني متحكر وسط الصالون
أنا
لو ما بتستاهليهو صدقيني ما كان وصلك ولو كان وصلك بالغلط كان رجع منك لكنه سكن فيك يا بنتنا..وما زلنا في إنتظار نفضاتك الرائعة
banadieha
welliab
Sudanese
Monday
Nov 05, 2001
08:13:21 GMT
RE: معذرة - شتات وريم
Posted From IP Address: 212.138.47.7
Message:
معذرة يا صاحب شتات وريم ، معذرة يا صاحبي شتات ومعذرة يا الحبيب سنجاوي ، وعذرا لكل الأحباب والأصحاب ، عذرا لأن يراعي قد أنكسر ومدادي أصابه الجفاف وأفكاري تشتت
وده كلو حاصل لأني ما قادر أعبر عن لقائي وفرحتي بزيارة أخونا
بناديها
ألفت صوته على الهاتف ، يأتيك صوته عميقا عبر الأثير يوحي إليك أنه مخضرم ،
ولكن
كنت بالمكتب الذي يجاورني ، وما أن خرجت وجدت أمامي شابا في عنفوانه وما إن نطق إسمي سالمته بالأحضان ، وأنا غير مصدق ، هل هذا هو بناديها ، وقد خذلتني مخيلتي حينما كنت أتصور أنه على مشارف وداع الشباب ، وكنت أعتقد أن العمامة لا تفارق صلعته ولكن الشعر الكثيف غطى حبل أفكاري ، والتي شيرت ونظارته الشمسية حكوا عن شبابه . فكان اللقاء حارا كحرارة صيف الرياض
وكان على عجل من أمره ، قدرت إنشغاله وفي طريق وداعي له مررنا على أخونا وزميل السابق في البورد _ دغيم _ سالمه بالأحضان وتبادلا حديثا وديا قصيرا وودعا بعضهما البعض ، أخذنا سويا طريقنا عبر السلم الكهربائي ، وعند مدخل المبنى أستودعته في رعاية الله
وكان هذا لقائي بك ، ناديتك وأستجبت النداء يا بناديها
ولكم من الشكر أجزله ، ومعذرة إن خانتني الكلمات وأبت أن تخرج لتعبر لك ما تستحقه من شكر وثناء
ashea do wa halfa ared saemag ag onjna
Sajamna
Sudanese
Monday
Nov 05, 2001
08:42:11 GMT
RE: معذرة - شتات وريم
Posted From IP Address: 57.67.17.3
Message:
في عينيك عنواني
وقالت: سوف تنساني
وتنسى انني يومآ وهبتك نبض وجداني
وتعشق موجة اخرى وتهجر دفء شطاني
وتجلس مثلما كنا لتسمع بعض الحاني
ولا تعنيك احزاني
ويسقط كالمنى اسمي وسوف يتوه عنواني
ترى ستقول يا عمري بانك كنت تهواني
فقلت: هواك ايماني ومغفرتي وعصياني
اتيتك والمنى عندي بقايا بين احضاني
ربيع مات طائرة على انقاض بستان
رياح الحزن تعصرني وتسخر بين وجداني
احبك واحة هدأت عليها كل احزاني
احبك نسمة تروي لصمت الناس الحاني
ولو خيرت في وطن لقلت هواك اوطاني
ولو أنساك يا عمري حنايا القلب تنساني
اذا ما ضعت في درب ففي عينيك عنواني
فاروق جويدة
في الفؤاد ترعاه العناية ..... بين ضلوعي الوطن العزيز
يازولyazoalيازول
Sudanese
Monday
Nov 05, 2001
08:53:52 GMT
RE: معذرة - شتات وريم
Posted From IP Address: 212.138.47.4
Message:
قصيدة لهاشم صديق
ملطوشة من تبلدينا
فى بوست راحيل
عشان الحبان
كابوس صابر ايوب
الرادي يساسق .. بين بريطانيا وبين امريكا
(وصابر) سارح لنفسو يصارح
يا صابر هوي .. رمضان جايكيا
حتجيب من وين .. قروش السكر وحق الويكة ؟؟
الرادي يناهد وسط الحوش
بين ( بن لادن ) و(عمر (الملا) و( مستر بوش )
تصريح من لندن اخبار من ( غزه)
وجيران صابر عاملين ( قعدة )
انقلبت ندوة في الكأس العاشر
بالعرقي ( الداشر ) والليل مصبوغ بريحة ( المزه )
الرادي يكورك .. وسط الحوش
افغانستان .. موت افغان مستر بوش
وخواجه بيصرخ وصوته مرخرخ (زي حنكوش )
القصف يدك اركان ( كابول )
ووالدة صابر ( حاجه بتول ) .. مشدوهة تقطع عيش الفته
تكب سرحانه في موية الفول
يوماتي عشاهم (فتة بوش )
والرادي .. يساسق بين ( بن لادن ) و( مستر بوش )
وصابر يطنطن الصاح مقلوع .. السيف مرفوع
الكلمة غموض .. والمغني فروع
الدنيا خراب .. وألاقوي مهاب والعدل ارهاب
الليل مشروق ..بي فته فول
وصوت الحاجة ( الوالده بتول )
يناغم صابر شنو الإرهاب ؟؟؟
ويتمتم صابر ..قل ..قلتي شنو ؟؟
وترد الحاجه مالك مرعوب
تتلفت ليش ؟؟ تقول مزرور ..بي عسكر وديش
سألتك بس شنو الإرهاب ؟؟
واتنحنح صابر ..صنقع دنقر
حك رويسو .. اتمدد وصنقر
وقال للحاجه سؤالك يمه ..جوابو كتاب
لكن .. يا حاجه زي ما تقولي ..:-
طلع ربّاط ..في اللليل لي زول بسيف مسلول
وشال من جيبو قروش العيش وحق الفول
او زول آمن .. يقع في مكيده يموت مكتول
وزي تغيان علي الفقران ..علي المسكين
علي الأعزل ..علي المشلول
وتتدفق غبينة الحاجة زي راجمه
وتصبح ناغمه .. وحسع نان .. منو الربّاط ؟؟؟
امريكا - بن لادن – ولا الأفغان ؟؟؟ من التغيان
منو المسكين من المظلوم ..؟؟؟
مستر بوش ولا فلسطين …؟؟؟
شنو ال… منو …..
…..
ضحك صابر ..وحك رويسو واتنحنح
وقال للحاجه يمه اتعشي
اكلي البوش ..
لو عارف ردوود لي ديل ما كان الرويس مدووش
..
سكت صابر ..رقد مغبون
وصوت الرادي ..لافي الدنيا لسع بيدور
سرح صابر ودمه يفور
نكش حزنو وقال لنفسو .. من قلبو
اريت الدنيا ..حسه تغور
سمع صوت امو .. تاني يلح
دحين يا وليد بدور اسال ؟؟
ويرد صابر وضيق العبره طعمو ملح
نعم يمه ..قايلك نمتي
وترد الحاجه انوم كيفن
وصوت الرادي في اضني زي مكنه ؟؟
بدور اسأل دحين امريكا .. ما ياها
العذابا دنا ؟؟
ويرد صابر ..وضحكو علا
عذاب امريكا .. اولا هنا ؟؟؟
عذاب امريكا ..ولا انا ؟؟
ويصن لحظات .. دحين يمه ورمضان جاي
هم امريكا .. ولا اللقمه والويكه
ترد الحاجه ..تفتش لي كيس تمباكا
في الكراب نقول همين ..عذاب وعذاب
تخت السفه وتبرطم
دحين يا وليد .. ده مو الإرهاب ؟؟؟
ويصن الليل .. وراس صابر يدقدق ساي
يشرق جاي .. يغرب جاي
كراتشي ..
ابآتشي ..
انقره ..
عنقره ..
ربع الويكه ..
صوت امريكا ..
جمره خبيثة ..
مكيدة دسيسة ..
بي بي سي
اي ان تي
سي ان ان ..
توني بلير ..
كلام الطير ..
خبر وحواشي
ابراهومه ..
اموكاشي ..
ويقع صابر … في بير النوم
ويشوف روحو بدل امجاد ..ركب بعشوم
وشاف الناس توسوس ساي
خبر يا هناي …!!
ست الشاي (اف . بي .آي)
واحمد بيه ..!!
(سي.اى .أيه)
ووسط الموز ..لقينا كروز
برج كلتوم ملان بحمام .. وقع صاروخ شق حشاو
سكن جواهو سوا حطام ...
يغوص صابر .. غرق اكتر في بير النوم
ويشوف الحاجه ( امو بتول ) وسط الزحمه
رافعه ايدها .. بي قندول
تكورك وتهتف ..
لا امريكا .. بل فتريتا
(انحنا الساس ) رافعين راس ..
ما بنتهان .. ما بنخاف الأمريكان
ويشوف صابر ..
بيوت الحله تتغامز .. وتتريق علي الحاجه
وتتلامز ووسط اللمه .. صوت الحاجه عالي فصيح
(تشيلو الريح ) …
وصوت الرادي ..
مابي النوم .. الموت اخبار ..الظلم حصار
الرعب خيار .. الليل حزنان ..الليل عريان
والقمرة هدوم .. الليل مفضوح .. والنجم كتوم
الدنيا تصن ..لقيامه تقوم
صابر مجروح في نومه يئن
وفي الرادي تجن بالتار ( بيق بن )
والنشره تجيب اخبار الشوم
كابوس صابر ..قفه خضار
سوت جنحين .. طارت لي فوق والفاقة مطار
كابوس صابر ..
يعلم ايه والدنيا مصالح
وسي .آى .أيه
كابوس صابر ..
نا س بتوسوس .. وتنضم ساي
ست الشاي أف . بي .أي
كابوس صابر ..
الدنيا ممغازي ,, يموت الحب ،، ترمي اخوك
في بطن الجّب وتترتّر غادي
كابوس صابر …
الكلمة ضحية .. وارهاب مشروع
وارهاب وحشية .. ضحايا غبش وضحايا غنية
كابوس صابر ..
الناس بالقرجه .. تقيف للفرجه
تغير لونه ميتين درجه
كابوس صابر ..
هم الويكة والفتريته
ونار احزانو ونار امريكا
كابوس صابر …
الصاح مقلوع .. والسيف مرفوع
الكلمة غموض ..والمعني فروع
الدنيا خراب .. والاقوي مهاب
والعدل رهاب
والرادي يلغلغ ..
وسط الحوش … بين بن لادنوعمر الملا ومستر بوش
افغانستان ..
موت افغان ..
القايمه تطول ..
عراق ..سوريا
جنوب لبنان وما معروف تناني كمان ؟؟
تجي الحملة .. عقاب بالجمله ( علي الأرهاب )
علي الأنسان …
القصف يدك .. اركان كابول
ووالدة صابر حاجه بتول
حلمانه تقطع عيش الفته
تكب سرحانه في موية الفول
يوماتي عشاهم( فته بوش )
والرادي يساسق بين بن لادن ومستر بوش
صوت الرادي ..
مابي النوم .. والليل حيران
الليل حزنان .. الليل عريان
والقمره هدوم .. الليل مفضوح والنجم كتوم
كابوس صابر …
قفه خضار ..سوت جنحين طارت لي فوق
والدنيا مطار ..
كابوس صابر …
صوت مبلوع ..
حق مقلوع ..
والموت بالجوع ..
كابوس صابر ..
يعلم ايه .. والدنيا مصالح
وسي . اي . ايه
كابوس صابر ..
الناس بتوسوس ..
وتنضم ساي ..
ست الشاي ..
اف .بي .آى
يازولyazoalيازول
muzzawi
Sudanese
Monday
Nov 05, 2001
09:33:18 GMT
RE: معذرة - شتات وريم
Posted From IP Address: 213.42.0.243
Message:
...
..
.
بناديها..
هيجت علّى قافية الشعر
هيج الله عليك هذه التى تمارس الذاكرة
استدعاء ملامحها..
أسائل عنك..
لاردت علّى الريح لاواست..
ولاأنت..
ولا عاد الّصدى حتّى ..
عجزت امارس الأشواق حسب المتن رابعتى..
سألت الشيخ حوّل وجهه عنىّ
وماأفتى..
ومشتاق فما أدرى..
لأسمع منك أوألقاك..
كنت الّلصّ والمارق..
لأهمس بعد نوم الناس فى سرىّ:
أنا أهواك..خلّو نومهم ثاروا..
ومشتاق أنا مشتاق..
فكم حطموا مزاميرى..وكم حرقوا قصاصاتى..
وحّد الحنّ فى مثلى..
يقام أمام طائفة..ويكتب فى الممّرات..
ومشتاق فماأدرى..
على كلّ ..عليك الاثم لو نفشت..
كلاب الحى فى شبحى
عليك الاثم لوباتت..
شفاهى فى شفا القدح..
ولو جاءوك حسب وصيتى يوما..
بأوراق طوت فى طيها عشقى..
وتذكار عليه آخر الدمعات..
جفّ على دم صدق..
عليك الاثم لوسكتت..
على جدران أوردتى..
رتابة ساعة العرق..
لانّك أنت من أغرى..
BLUE IS THE COLOUR
muzzawi
Sudanese
Monday
Nov 05, 2001
10:03:07 GMT
RE: معذرة - شتات وريم
Posted From IP Address: 213.42.0.243
Message:
...
..
.
هل نمارس شكل الاختيار بتعمقية الكلمة..التفاصيل؟؟؟
أم أنها مجرد ترهات..تداخلنا..ثم تمارس الخروج..أردنا..
أم لم نرد!!!...
الباب لازال مواربا بشكل التعمد..لعّله يمارس دعوتى..أو
ربما لا..لايهمنى..أدلفة وامارس الدخول..أمتلك خيارى..فى
تفاصيل الولوج..
جرؤت على الذى جرأت عليه الريح فى
ترحالها العاتى
كأنك اذ ولجت أمامهانفقا ببطن الأرض
خلف ستارة حمراء
ولجت مكامن الاغواء..والاغراء
ونادمت الكؤوس الغابقات بخمرها
الشاتى
يقينا ماعرفت قبيلها طعما كهذا
الطعم!
هل ذاق الفؤادقبيلها ماذاق
من أرق..
ومن رهق..
ومن اسراء؟؟!!
وهل واتاك ماوتاكفى حضرتها
الزرقاء..
والحمراء..
والورقاء..
والهيفاء؟؟!!
يقينا قد جرؤت على الذى جرأت عليه
الريح فى ترحالها العاتى
وأدمنت الأسى العملاق واليأسا
فهل عانيت ماعانيت
قبل اليوم ترحالا وتجوالا
على صدر تحدر عبر أفياء المراعى
نحو فخذيها؟؟!!
فمن تل الى سهل
الى جبل
الى شلال
ومن واد الى نهر
الى بحر
الى اغوار
كأن رغائب العشاق مانطحت سوى صخر
ومادقت سوى صم المصاريع التى صفت
بلا مفتاح!!
لاشك..
نكمل.
BLUE IS THE COLOUR
muzzawi
Sudanese
Monday
Nov 05, 2001
10:05:02 GMT
RE: معذرة - شتات وريم
Posted From IP Address: 213.42.0.242
Message:
...
..
.
لازالت احاول امتلاك الوسيلة..من غير استجداء
ولاتوسل..للوصول..لكنى حتما أملك الاختيار!!!
نواصل..
يقينا لايخاف على فوأد العاشقين
سواهمو أبدا
لقد جرأوا على عشق يحيل قواهموا
بددا..
ولايلقون من معشوقهم فى صمته مددا
ولايلقون من معشوقهم مددا
.............
.............
أتهرب ام تموت وأنت أصغرهم؟؟!!
أتهرب ام تموت ولست أخرهم؟؟!!
وفى الصباح تستحثنى لواعج المزاج
الشاعرى
للوغى..والانتحار
لكننى ترددا..ورهبة
أدور غافلا حين يحين مغرب النهار...
نعود...
للغيبوبة..
ثم نغادر.لأجل.
BLUE IS THE COLOUR
muzzawi
Sudanese
Monday
Nov 05, 2001
10:06:33 GMT
RE: معذرة - شتات وريم
Posted From IP Address: 194.170.2.138
Message:
...
..
.
الوصول..بتفاصيل الخروج!!!
وشىء من غيبوبة..
المروحة الانسانة
والتبغ..والمخدرات
وصحف الصباح...لا
لا الأصدقاء
ولاتلاصق النجوم ضحكا..ولا البكاء!!
ليس الذى يعلكنى ذهول لحظة
وليس حقد حادث قديم
فى غرفتى لاماء..لاهواء..لانساء
لكن رئتى تمارس الصعود..والهبوط
لاتختنق
لفافتى..أنفث من دخانها ولاتحترق
وجسدى حين يمور شهوة
ينام فجاءة
الخنجر الذى يخسف
عبر بدنى
أنام..لايوقظنى
وحين أمشى غائبا..الى الأمام..او الى الوراء
يوجعنى ارتطامه العنيف بالاشياء!!
الخنجر المغموس فى البهار
الخنجر الطويل كالنهار
الخنجر الذى يسكننى..
يوجعنى..ولايوجعنى...
الأن...
نمارس..
الغيبوبة.
BLUE IS THE COLOUR
muzzawi
Sudanese
Monday
Nov 05, 2001
10:10:08 GMT
RE: معذرة - شتات وريم
Posted From IP Address: 194.170.1.132
Message:
...
..
.
بعد الولوج..
لابد نكمل تفاصيل الاختيار..
أتعلم أن موتك قد يجيىء فجاءة غما؟؟
لقد رصفوا حواليها
من الأبواب
مايعصى
على العشاق
والشعراء..والمداح
أتهرب..ام تموت بابها غما؟؟!!
أتهرب ام تموت؟؟!!
كأنها خصتك بالموت الذى يبكى
عليك الريح
والأشجار
والأنهار..والامطار
ولايبكى عليك الناس والصحفا
وهل يبكيك! من يبكى على مال
ومن يبكى على جاه
ومن يبكى على قتلاه مبتسما
دميم الوجه تحت قناعه الباكى..
لازلنا...
نمارس..
شىء من وصول.
BLUE IS THE COLOUR
|
|
 
|
|
|
|
|
|
|
|
Re: والله زمان....... من ارشيفي الخاص (Re: Frankly)
|
..
.
والله ايام يا زمان
لقد نكأت جرحاً اخي فرانكلي
نعم فهذه الذكري تدمينى وتخنقنى وتبكينى
لا اعرف هل هى عاطفة فائضة اما ان هؤلاء
اولئك ، انتم وهم وهن رسموا
وجدهم قهرا وقصرا
حبا واخا
ودا وجمالا
افتقدهم
افتقدهم حتى تكاد العبرة تخنقنى
نفتقد تلك السنوات التى مضت وتلك الظلال الوارفه وذلك الحب
نسأل الله لهم التوفيق والسداد اينما ارتحلوا وحلوا
واختم بحديث سنجاوى للخال ولياب فى اول البوست
يقول الحبيب المصطفى : أصحابي كالنجوم .. بأيهم اقتديتم ، اهتديتم . أو كما قال
وأنتم أصحابي .. ونجومي .. أيها الرائعون .. قديما قالوا .. رب أخ لك لم تلده أمك .. وحديثا أقول .. رب أخ لك لم تره عينك
تحياتي وأشواق وأمنياتي لكم جميعا بنعيم الدنيا وفلاح الآخرة
اسال الله لهم الصحة والعافية للمتواصلون والغائبون بعذر او بدون
ودمتم
لك الشكر يا فرانكي
واعود
حتماً
سافعل
مقولة صنعت فى ذلك الزمان ...
| |
|
|
|
|
|
|
|
|
|
Re: والله زمان....... من ارشيفي الخاص (Re: Frankly)
|
في ربيع الحب كنا
نتساقي
ونغني
نتناجي
ونناجي الطير ..من غصن..لغصن
ثم ضاع......الأمس..منا
وانطوت في القلب ...حسره
***
اننا..طيفان..في حلم سماوي..سرينا
واعتصرنا
نشوة الحب..ولكن
ما ارتوينا
انه الحب
فلا..تسال..ولا تعتب علينا
كانت الجنة مثوانا..فضاعت من يدينا
ثم ضاع الامس منا..وانطوت في القلب حسره
***
اطلقت روحي من الاشجان
ما كان سجينا
انا ذوبت فؤادي..لك لحنا..وانينا
فارحمي العود...ان غني لحنا..وحنينا
ثم ضاع..الأمس منا
وانطوت
في القلب
حسره
..............................
اخي العزيز FRANKLY
اجمل تحيه وعاطر سلام..وكل الاشواق
سيد اللبن قرب يجي..فمعذره لهذه الطله السريعه..في هذه العجاله
حبيت ان اهديك ومن هم في الخاطر..تحياتي واشواقي..وامنياتي لك
ولهم جميعابنعيم الدنيا وفلاح الآخره.
وزي ما قال الحبيب تبلدينا..حتما نعود.
مع تقديري وحبي الاخوي الصادق..صدق مشاعرك
انقر منو؟
| |
|
|
|
|
|
|
|
|
|
Re: والله زمان....... من ارشيفي الخاص (Re: shatat)
|
الاخ فرانكلي
أنا يا فرانكلي شتات .. توم SHATAT .. تومي وصديقي العزيز جدا ..
كم تمنيت ان اكون من هذه الفرقة التى تمتهن الصداقة النقية ..
نسبة لتشابه اسمي مع اسم شتات ، زارني في اول بوست لي معظم هذه المجموعة الرائعة بيان .. تبلدينا .. سنجاوي .. عطبراوي .. شيري ، وسعدت بهم جدا وذكرت لهم اني شتات آخر ويسعدني ان اكون منكم ووعدوني خيرا .. ولم أرهم مرة أخرى الا تبلدينا
جاءوا كطائر جميل على جناح رحيل ..
حطوا يوما في دياري وتركوا ريشة ملونة ثم مضوا على عجل ..
لكم التحية في شتاتكم ..
وأتمنى أن نلتقي
صلاح / شتات
| |
|
|
|
|
|
|
|
|
|
Re: والله زمان....... من ارشيفي الخاص (Re: Frankly)
|
..
.
تــاني .. تــاني ..
تاني راجعين مره تاني
للقديم الاتنسي ..
مالو عاد الشوق علينا ..
بعد ما روح مشي ..
مالو جرح الحب تعاود ..
بعد ما فارقنا عاد ..
قلنا دابا الراحة جاتنا ..
ليه تفارق غير ميعاد ..
يا زمان ،،، مالك علينا
القديم خليتو عاد ..
نحن ما فكرنا مره ..
نمشي للروح نعيدو
الأغاني القسمة قالت ..
مافى زول بيختار بايدو ..
يوم رجعنا لقينا فينا ..
الفؤاد ما خلا ريدو ..
هلي يا ريدتنا اهلاً ..
ما انتى كن جيتى عايده ..
فجري الاهات حبابه ..
قمريها وأمشي زايدة ..
العمر من غيرك انت ..
أصلو عاد ما فيهو فايدة ..
تــاني ..
تــاني ..
تانى راجعين مره تاني
للقديم الاتنسي ..
مالو عاد الشوق علينا ..
مالو ..
عاد ..
الشوق ..
علينا ..
SHATAT و شتات
ولا اختصما ولا افترقنا .. فى (الخرطوم) يا سمراء
ثم ضاع ..
الامس منااااااااا
وانطوت .. فى القلب حسرة
لكم معزتى السرمدية ،،،
| |
|
|
|
|
|
|
|
|
|
Re: والله زمان....... من ارشيفي الخاص (Re: Frankly)
|
اشوفك زي ملاك رحمه
اشوفك زي غزال نافر
اشوف فيك منتهى الرقه
اشوف فيك هيبة الظافر
اشوف في قامتك البدري
البفوق بدر السما السافر
ذكرى اهاجت الذكرى
دوام في فكري بتخاطر
حليل الماضي وايامو
حليل الرونق العامر
حليل زمن الحبيب طالع
حليل زمن الحبيب آمر
زمنا الكنا لاندري
بما كان الزمن ضامـر
.....................
الغالي فرانكلي..تومي شتات..الظليل تبلدينا
اهديكم الكلام الفوق ..وباقة ريد..وشكري المعاهو جزيل
لمن اقرا كلامكم..اصاب بعوارض الدهشه..وتواضع حروفي
واكتفي بالشكر الجزيل..وهذه فرصه لاقدم اعتذاري لكل الذين
لم اوفق في الرد علي مداخلاتهم في ذلك البوست الانيق..ليس
تجاهلا..ولكنه ..قلة الموارد الحروفيه..فهل تقبلوا عذري؟
....................من ذاك الزمان
هذه مداخله للاخ العزيز بعانخي..عن اختلاط الكلام
اختلاط الكلام قبل كده سبب لي مشكله مع جارتنا القبطيه ..اصل
الحكايه ..اخوي الصغير ابو خمسه سنين كان مشاغب والنوع البحب
ليك الضحك واللعب اليوم كلو..يازول جارتنا كان عندها مجرى لي
موية الخريف..وكانت مهتميه بيهو شديد..اخوي كان يمشي كل يوم يردم
ليها المجرى حجار ..اها يوم قبضتو ليك متلبس ..اخوي من اعجابو
الشديد ليها..قال ليها وشك عامل زي الصينيه
جارتنا العزيزه زعلت وجاتنا ليك البيت وهي منزعجه:آه دا مش انسان
ده امسكوه..الوالده العزيزه قعدت تهدي في خاطرها وتشرح ليها انو
المقصود ما الصينيه بتاعت الاكل وانما المقصود صينيه من الصينين
اسياد الاسم.
......................وقد رديت عليه بالمداخله التاليه
اصحابي العزاز ..امثالكم..قالوا مشتهين قراصه..كلمت الوالده
الحاجه يديها الصحه والعافيه..وطبعا زي ما عارفين انتو ..الحاجه
محسيه بالميلاد..الشباب جو البيت ضربو كم قراصه كده..واحد منهم
صاحب الحاجه موت وجنو مناكشه..وهو ماشي يغسل يدو ..قال للحاجه
قراصـــه فقريــــه
الحاجه قالت ليهو: فقريه..فقريه..انا ذاتي ماعاملو عشانك
الجماعه بيضحكو لحدي الليله ..ولسه ما خلو الفقريه
.......ومن يومها اصبح اسم القراصه عندنا........الفقريه
.............................
بين القلوب ميزان..صفا وزنها المعبور
قلبا يميلو الحب ..وقلبا يميل مجبور
اوعد جفوني غميض....والطيف يزورني مرور
..............
الاعزاء عندي فرانكلي ..تبلدينا وتومي
حبي الاخوي الصادق..ونلتقي.
| |
|
|
|
|
|
|
|
|
|
Re: والله زمان....... من ارشيفي الخاص (Re: Frankly)
|
تجدني مراقب اخبارك
اذا النسمات بها تخابر
تجدني على الفراش
وتجدني على الاسى صابــر
انا البعدك اصون عهدك
وليتك كنت بي خابـــــر
وليتك مره لي تذكر
ولو في ذكرك الغابـــر
فداك نوم عيني يا نايم
وهل بلغك انا مســـــــاهر
.................
احدى مداخلات الملك..مـــام ...وياليتنا عدنا..او عادت الايام.
...................وهي
اديكم حكايه من حكايات اخوانا الظراف..الاتنين خلو القرايه بعد
الثانوي ودقشو السوق..مره دخلو ليك مكتب بتاع واحد عندهم مصلحه
معاهو..قعدوا بره المكتب مع السكرتيره وفي بت احلى من السكرتيره
قاعده معاها..السكرتيره قالت ليهم المدير بجي بعد شويه ..واحد من
اخوانا الاتنين ديل شبك ليك ونسه مع البنيه الحليوه والتاني سكت ساكت ..يصور في الفلم..صاحبنا آخر ونسه وكلها هوا في هوا..قام فك
ليك مكنه للبنيه وقال ليها انا بقرا في جامعة النيلين..الفرقه
الثانيه..البنيه قالت ليهو بالله ..انا زاتي بقرا في النيلين.الفرقه
الثانيه..لكن اصلي ما شفتك قبل كده..قام كب ليها مكن تاني واتزاوغ
منها بي جاي وجاي ..نوع انا بقرا وبشتغل وبدك كتير..الجماعه قضو
غرضهم في المكتب ومشو لحال سبيلهم..نهاية اليوم كل واحد فيهم رجع
البيت براهو..صاحبنا البرى البنيه جاء بدري واتعشى ونام وما حكى
لي اي زول ...التاني جا متاخر رقد نام..الصباح بدري قام صحى رفيقو
من النوم...داك قام منزعج ..وقال ليهو ..مالك مصحيني بدري كده؟
قام التاني قال ليهو:
انت ماعندك محاضره الليله ولا شنو؟
..........................................
لكم..قارئة..قارئ هذه السطور.. ولمن هم في الخاطر ....مودتي
فتكم بعافيه.
| |
|
|
|
|
|
|
|
|
|
Re: والله زمان....... من ارشيفي الخاص (Re: shatat)
|
عدى فـــــــــأت
عدى فات زمن العيون الالفه
والحضن الملاذ
ورهافة الحس البِلوّنْ
ضحكة الناس العزاز
بعد الحنان الكان زمان
استوطن المطر الحراز
روّح زمانى وفى رجاك
عانيت قساوة الانتظار
فى ضل شبابيك السفر
صادقت ليلات الموانى
الساكنة فى بحر الأماسى بتنتظر
لو يوم طيوف لحظك تفوت
تعبر خيالاتك تمر
قلق المواعيد الضجر
سهر العيون الاحتراز
واتعزز النوم الخزاز
واتمدد الشقى فى العمر
مليت تباريح الجراحات
البقت بعدك اسى
وزمنا قسى وحالا اسيف
ومشيت افتش عن خطاويك القبيل
واضارى من زمنا وراك ملانى خوف
احتجت ارتاح فى عيون
فيهن ملامحك ذاتا من غير اى زيف
واشتقت لى ضحكة صباحك
والدعاش عطَّر رزاز مطر الخريف
وانا وانت والدنيا الامان
والناس وفا
وخوة صفا
ودفء المشاعر الشاتيه صيف
انا وانت والدنيا الامان
زمن الغناوى الطالعة من قلبا رِضى
وحسا ندى وزوقا رهيف
انا وانت والدنيا الامان
ما العمر شتان بين اوان زمنا حييتو
وعمر ما بتقدر بتعرف
بكرة يصبح حالو كيف
عدى فات
++++
تبلدينا شتات و SHATAT
الاخوة الافاضل اصحاب الكلمة والكلام
والنغم بكل روعة وانسجام
لكم تحيتي وانتم تعيدون احلى الذكريات
لزمان فات
نلقاكم
مرة تاني مرة
تذهب الحسرة على امبارح
ونستقبل بكرة
| |
|
|
|
|
|
|
|
|
|
Re: والله زمان....... من ارشيفي الخاص (Re: Frankly)
|
هدرا تقطع ريق حرفك .. جف ما بين التكهن والغناء
يا كيف تسحرك العيون .. وفي يديك القيد ..
تحلم بالتلطف والتجول بين أقبية السماء ..
وبلاد هذا العمر .. تعلم أنت .. مقفرة المحاط ..
تحسو مناقير الحوادث ضوء وجهك ..
كيف تنضح ما بجوف الغير من ترف وأنت بلا غطاء
.
..
الأعزاء .. فرانكلي .. SHATAT .. تبلدينا
وكلهم .. بلا استثناء
.
..
يسكننى دائما شوق قلق .. ورغبة متلهفة لسماع حديث الأصدقاء .. أخبارهم تحيط نفسي بالفرح الطاغي .. والدهشة الشفيفة .. لا تأتي الا وتسبقها بشاراتها الخضر .. ووعودها البيضاء .. تتنزل علينا هكذا .. نادرة .. مستحيلة .. لتوقف صرير الروتين .. وتصد جيوش السهد الباغية .. وتشك عين الفتور بالصحو .. وتحمل أيامنا الباردة على أكف الهناء والوضوح .. فنبحر معها بضوء البنفسج نحو أحضان الخليج .. ويرتخي وتر الصراع قليلا .. وتتيه قوافل الذكرى بنا سنينا .. ونطوف بجميع سوالف الخير والنعيم .. فتبتسم قلوبنا المهترئة وتتعبأ بالوسن .. وتتخدر حواصل العذاب بالسكر اللذيذ .. نذهب معهم عميقا .. عميقا .. للحد الذي يوصلنا لحافة السؤال .. ثم نصحو من الأحلام وفي مياسمنا يرتسم شكل الابتسامة اليتيمة..
..
ملامح الصحو تسكن في اليقظة ..
وروعة المدي في الرؤية ..
وفي الخاطر تتمدد الأشياء ..
وتمضي لما يستحق الغناء .. أو لما يستحق البكاء
..
لكم في فضاءاتكم .. قناديل الشوق وأناقة الذكرى
صلاح / شتات
| |
|
|
|
|
|
|
|
|
|
Re: والله زمان....... من ارشيفي الخاص (Re: شتات)
|
الاخ شتات بعد هذا الكلام العذب لا يسعني ان اكتب شئ
فماذا انا كاتب امام وتحت هذه الكلمات الساحرات
وبحق تبقى تلم الايام الخوالي في الذاكرة محفورة كما في قرص الكمبيوتر واعود اليها كلما طفق بي الكيل والملل مما ينشر هنا او هناك
ولا يضاهيها من ايام الا الايام الاوائل في في هذا المنبر
مع الاعتذار المسبق لبورداب اليوم ولكنه الحنين للماضي الحلو
| |
|
|
|
|
|
|
| |
Frankly
شتات
فيس بوك
تويتر
انستقرام
يوتيوب
بنتيريست