|
مفهوم الشيوعيه عند السودانييين
|
السلام على من اتبع الهدي بدايه بعترف انو الدافع لي كلامي ده اخونا سجيمان لانو اثار موضوع اصلا في بالي من زمن في مقالته شيوعيه بنت كلب السؤال البفرض نفسو على من زمن ماقصير وهو جد مفهوم الشيوعيه عند السودانيين تحديدا شنو هل هو مفهوم سياسي بحت ولا ديني ودي تبقى كارثه لانو انا بؤمن بي انو الشيوعيين من الناحيه دي بيؤمنو بي انو لا اله والحياة ماده لانو في السودان انا لمن كنته في الثانوي العالي كانو بيقولو على شيوعيه ده كلو عشان رفضته اكون مع الاتحاد ساعتها استغربته وزعلته وهجته وكلمته الناظره كيييييف يقولوا على ملحدا لانو على حسب فهمي انو الشيوعيين ملحدين بعد شويه الحكايه اطورت بقت مربوطه بالحكومه اي زول يقول بغم في الحكومه معناهو شيوعي ابن كلب زي (ابن عوف ياودقاسم) وحسه اتضح كمان من كلام سجيمان انو حتى الزول المتفلسف او حتى عامل فيها فاهم بيطلعوا انو شيوعي فالمعيار حقهم البقيسو بيهو وبيعرفوا بيهو الشيوعي من الماشيوعي شنو ولا هي كده والسلام؟ وهل لفظ شيوعي اصبح مفخره ولا عار؟ وهل ليهو علاقه بالدين ولابالسياسه ولا بالاتنين ولا هو اصلا ماداخل في الدين؟ اسئله كتير دايره من ماقالو في المدرسه اني شيوعيه وزعلته وهجته واشتكيت للناظره......... لكم كل التحايا نوف
|
|
|
|
|
|
|
|
Re: مفهوم الشيوعيه عند السودانييين (Re: WaD OmI)
|
نوف تحياتي وكل عام وانتم بخير ببساطة بامكان المرء في هذا الايام ان يجد طريقه ببساطة للقراءة عن الفكر الفلسفي سواء كان شيوعي اورأسمالي عبر مواقع عديدة في الانترنت. بالمقدوران تعمل داون لود لكل كتب ماركس وهيغل وغيرها لماا لا تجد اجابات لهذه التساؤلات بالقراءة عن الشيوعية في مظانها.
لن تجد من يجيبك بصراحة حتى من معتنقي الشيوعية لانه ما عادت عقيدة كما كانت في الماضي ... ولم تكن حل لمشكلات الحاضر...
ابوساره
| |
|
|
|
|
|
|
Re: مفهوم الشيوعيه عند السودانييين (Re: WaD OmI)
|
Quote: تانيا انا ما بسال عن الشيوعيه عموما كمبدا او عقيده او حتى فكره انا سؤالي عند السودانيين تحديدا لانهم خالطين الحابل بالنايل لمن غيرو المفهوم الاصلي ولو قالو بسم الله ح يلقوا انو الشيوعيه في بلدا انتهت وهم لسه معلقين |
إزيك يا نوف.. إنتي دايرة تفهمي شنو ماهو إنتي عارفة الحاصل ؟؟؟ الزول البيسأل بيكون ما خاتي حقائق قطعية يعني بالعربي بيسأل عشان يعرف إنتي بتسألي ليه ما دام عارفها؟؟
| |
|
|
|
|
|
|
|