|
|
 مبروك الطيب بشير .. بعد ما شاب
|
سلام علي كل من هو هنا
لا أعرف ان كان فرحة أو - ربما - ذهول
أم بشير العزيزة حرم الطيب بشير زفت الي خبر تخريج الطيب
ولان الطيب كان اول المهنئين لي عندما تخرجت
من مدرسة العزوبية رأيت ان أرد قيدومة السبت أحد.
مبروك يا أبو الطيب
|
|
 
|
|
|
|
|
|
|
 Re: مبروك الطيب بشير .. بعد ما شاب (Re: omer ibrahim)
|
العزيز عمر إبراهيم
شكرآ للتهانيء
بارك الله فيك
أما {الروب} بتاع الدكتوراة فأنا في الصف و إنت قلت الرووووووووب
قبالي .....و بالنسبة للشيب يعني زي سبعة تمانية حبات كدة و لايمكن كشفه بدون تدقيق....لكن في رمضان عملت لي دقن لقيت فيها ماية واحدة حلقتها ليك قبل العيد بيومين!!
شكرآ ليك تاني
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: Abureesh)
|
أبوالريش
تسلم يا أخي و بارك الله فيك
أتعبنا الزمل قلنا نريح شوية و عقب بنعاود السرج
إن شاء الله
شكرآ ليك
مع تحيات أم بشير و بي صراحة قلت لبشير عمك أبوالريش بيسلم عليك قال لي أبو الريش؟ يعني عندو {فيذر؟}
لحدي ما لحقتو ليك بي محمد عثمان
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: الجندرية)
|
أماني يا جندرية يا بت طابت
تحياتي و ألف شكر
جاييكم بي هناك ....نزار قال بيحب علي السقيد ....قلت ليهو {وانا كمان} ...أها أبسط حاجة الشريط الجديد دة عاجبني فقمت رسلت ليهو نسخة أصلية عشان الفنانين ما بيحبو النسخ...يستاهل نزار و إنت و كل السميعة.
شكرآ تاني
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: Adil Ali)
|
عادل علي يا صديق
كيف حالك؟
و الله ضحكتني...الصورة فعلآ قديمة لكن ما للدرجة دي
أنا ح أجيب صورة التخريج بتاعة أولتمبارح {أشان تيآمنوا}
عمر ود البروف دة حاقد هو بداالدكتوراة السنة الفاتت يبقى أكبر مني موش؟
أنا غايتو صاحب أسامة أخوهو و أسامة أكبر من ياسر و عمير...أنا ذاتي صاحب أسامة عيلا أكبر منو بي شوية ما كتير هههها يعني الفرق بيني و بين عمير ما يتم عشرة سنة ...أها تاني في كبر؟
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: omer ibrahim)
|
سلامات تانى يا خال ..من ناحية قربت دى قربت شديد لكن عارف الشبه دا نحنا ما بنفع معانا كدا انا حاشتكيك للناس الكبار فى طابت ..اقول ليهم خالى نكرنى والله ...وعشان تقرب انتا ليك تحية من الدروشاب ..اولاد احمد على صالح كلهم والحاجة بت الشيخ .
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: Ashraf Mahmoud)
|
العفو يا ود أختي
إنت نسيت عنوان البوست؟
خالك كبر طب...و الشيب ضربو
| Quote: ..اولاد احمد على صالح كلهم والحاجة بت الشيخ . |
يرحم الله السابقين
من أبناء أبينا الشيخ محي الدين
و البركة فيكم...و في أحفاد أب حربة الرائعين
أبلغ تحياتي لجميع أهلي في الدروشاب
و إن شاء الله نزورهم لما ننزل السودان قريب
شكرآ ليك يا إبن أختي يا أشرف يا مشرف.
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: omer ibrahim)
|
الأخ العزيز الطيب بشير
لقد أزددنا قوة ومنعة بعلمك وشهادتك
كما ومازلت أردد لموصلي هذه هي معركتنا مع أنفسنا وهذا المجتمع الأمريكي المتعلم
سوف أثير وأتحدي منك وفيك الكامن والقابع في داخلك وفي تجربتك ...كيف؟ ومتي؟ولماذا؟
هنا مربط الفرس...أن كنت لاتدري ولاتفهم ما أكتبه الآن ف تماضر ومريم الطيب وأسماعيل سمعه يدرون حقيقة ما أقصد رجائي لاتسألهم والأ سوف تسقط في أمتحاننا هذا ونعودك السنة تاني
أعتز بأخوتك وأفخر بشهادتك وذي مابيقول أبو هديل لقدام
أخوك د. متوكل
لوس أنجيليس
بالمناسية أخدت نمرة تلفونك من أسماعيل وسوف نتهاتف من بعد أذنك
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: Mutwakil Mahmoud)
|
الأخ الكريم د/ متوكل محمود
ثلاثة يمكن الرجوع إليهم
1/ إسماعيل محمد الحسن
2/تماضر شيخ الدين
3/مريم محمد الطيب, و بالطبع عبد اللطيف علي الفكي -ولدنا-
فإذا رأيت ثم رأيت كيف أحطتني...ما كنت تستأذنني الدخول و معك ثلاث مخرجين من {أشرس} -بحسب جمال حسن سعيد- و أروع الحبايب في سكة الحرف المرهقة و الخشبة المبدعة و {ديسك} الملتميديا الإضافة و الإستمساك بجمرة القضية الأصل.
لن أسأل بخرة من الإمتحان و يسعدني {تصحيحك} و معكم أعيد العمر كلو...إسمح لي أن أشكر تهذيب لغتك و إسمح لي أن أكتشف أن لإسماعيل صديقآ عاقلآ
و ما تكلم زول.
شكرآ ليك
و بيكم و معاكم لي قدام
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: ASAAD IBRAHIM)
|
أسعد إبراهيم يا صاحب كيفك؟
شكرآ ليك كتير يا حبيب و للأسرة الكريمة
لكن
| Quote: وتعرف البلد دي الماطلع منها بشهادة يكون بيضيع في زمنو |
خليني أستثنى الناس العملو قروش {شغل خاص}, أو الناس النجحو في مشاريع يرونها هامة و لا نستطيع الحكم عليها, و الناس اللي إشتغلو شغل كويس بتوفيق و خبرات و حظ.....و عمومآ {البيزينس} برضو بيعتبر نجاح كبير لأنو القروش بتجيب الشهادات و العكس صحيح.
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: omer ibrahim)
|
يا الطيب
ألف مبروك (بالنت) .. ولي قدام.
و يا عمر الحاج شكرا ليك. طبعا نحن ناس مينيسوتا كان مفروض نعمل البوست دا ، لكن الحالة واحدة و بعدين العريس أصحابو بعمل ليه "حنة" برضو زي أهله.
و يا الطيب ، بشير بنعرفو و صاحبنا جدا لكن الأمورة دي ما عرفناها
خالد الحاج قال ليك:
Quote: لكن نصيحة حاول تبقي ولوف في PHD زواج وإتزوجت ، أولاد الله يحفظ بشير والأمورة
الباقي شنووووووو |
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: خالد الأيوبي)
|
الحبوب خالد الأيوبي يا باشمهندسنا يا ريسنا
قلت حنة و عرس و كدة؟ إنت فكو ليك الحبل شوية؟
أظن خالد الحاج قاصد أم بشير بالأمورة دي
أو يكون خطأ مطبعي زي بتاعك إنت لمن قلت
| Quote: و يا عمر الحاج شكرا ليك. |
و إنت قاصد عمر إبراهيم اللي هو عمر عبد العزيز صاحب البوست
أما عمر الحاج فهو إما قريب إيهاب من ناس الولي
أو عمر الحاج صاحبي الفنان و المثقفاتي الكبير بتاع البشير الريح
تاني إلا المرحوم عمر الحاج موسى!
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: الطيب بشير)
|
هكذا عهدناك (ودالبشير) طموحا ، لاتلوحُ بارقةُ علمٍ إلا وتُمسك بتلابيبها .. أذكر تماما شغفك وولعك بتصيد ما تجود به أرقة الإذاعة والتلفزيون السودانييْن من منح دراسية ودورات .. كانت (شنطتك) التي ظلت رفيقا لك لسنوات طوال ، شاهدا على قطع المسافة مابين مقاعد الدراسة ودهاليز الاستوديوهات .
كنتَ كذلك عندما قررت هجر (الحيشان الثلاثة) ، ورغم انضمامك للعسكرية وقتها ، إلا أنها لم تحد من بركان التعلم الثائر في دواخلك ، فكان التحاقك بجامعة الخرطوم (الدراسات الإضافية) دارسا للإعلام وممهدا للماجستير .
كانت المدام (أم جاسر) والتي هي زميلة لك (جامعيا وليس عسكريا!!) تحدثني كثيرا عنك وعن مثابرتك وطموحك .
تهاني القلب .. ودعوات الصدق بحصد المزيد من الشهادات .
لقمان همـّـام
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: لقمان حسن همام)
|
حبيبنا لقمان همـام
هل تراها تعود تلك الأيام...و أنت تدخل الكافتيريا ممسكآ بترانزيستور صغير و أشرح لضيفي {هو شايل الرادي لأنو شغال الليلة في الإذاعة} فيجيبني و بكرة ح يمشي وزارة الزراعة يعني؟...لكل ناس مصطلحاتهم فالحبايب في الإذاعة يسمون إستوديو البث المباشر {الإذاعة} و هي كلها محنك يا لقمان و ناس د. حسن دوكة...آآآآهه أيام كانت أيام.
أبلغ تحياتي لزميلتي أم جاسر و قول ليها إن شاء الله نعرفك علي أم بشير في كونكشن ساعات بالدوحة في طريق الإجازة قريبآ إن شاء الله.
| |
|
|
|
|
|
|
|
|
|
بخيت عليك التخرج (Re: omer ibrahim)
|
الأخ الطيب
سعدنا أيما سعادة بسماع الخبر
ربنا أحقق ليك كل الأحلام السعيدة
بخيت عليك التخرج
وبرضو نقول زي راوية عقبال التانية بتاعت الدال والا الدي علي أولاد جون
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: mekki)
|
أخى الطيب
مبروك للماجستير لانو زيك حل فى ارضها
وبقول ليها
استمتعى بالطيب الطيب كثيرا لانه سيبقى
عندك قليلا ... لانى عارفو غتاى قدحو ..
وبت عمو الدكتوراة بهناك منتظراهو
اخى تقبل تهانى الاسرة
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: دورنقاس)
|
الأخ العزيز دورنقاس
شكرآ للتهنئة الرقيقة المتميزة
من شخص قليل الكلام جم الأدب عالي التواضع
أبلغ بنت عمي -عهدتك- تحياتي بشوق دافق
و بنت عمي -قدحي- أنني ح أنزل السودان إن شاء الله
و أجي راجع أغطيها لمن تنوم
رمزية القدح/الدكتوراة أقلقت أم بشير...و حمبكت منك
لكنها تابعت القراءة و ضحكت
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: alfatih)
|
الأخ الكريم الفاتح
فتح الله عليييييييييييييييك
الدكتوراة هينة و مقدور عليها بالطريقة بتاعة {إن تذاكر تنجح} لو تتذكر الإعراب بتاع زمان أماالمناصب في السودان فتحتاج لمهارات أسأل الله ألا يفقهني فيها يومآ أبدآ!!
أشكر معاليك
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: omer ibrahim)
|
اخى العزيز الطيب
نان النجاح والفلاح مو هيلكم يا اولاد الصلاح
دى دعوات جدودى ناس كدباس وانا بهديها لاحفاد
جدودى ولاد طابت الشبخ عبد المحمود
الف مبروك الاخ الصدبق الطيب
وعقبال الدكتوراة
ومبروك للاخت العزيزة ام بشير
ام وضاح
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: essam&amal)
|
الأخت العزيزة آمال أم وضاح
التحيات الطيبات الزاكيات
لك و لحاج حمد الجعلي و لرجال كدباس يلحقونا و ينجدونا
تسلمي يا بت الأصول و عقبال أفراح الوجيه وضاح و الأمورة
تقبلي تحايا أم بشير
و نسأل الله أن يرد الغربة و نرجع للبلد سالمين غانمين غير خزايا و لا مفتونين ببركة الصالحين أجمعين.....آآآآآميييييييين
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: عزيز)
|
يا ااااا أعـز عزيز
ترراارم
يا عزيز دنياي
أنا .... طاااامع
خرافية الأغنية دي يا عزيز
بالله جربتها؟
مع إني قليل فهم في الجانب دة لكن يبقا لي دايرا ليها نفس طويل و راحة كدة و لا شنو؟
شكرآ ليك يا عزيز للتهاني و الأماني و عقبال بيك نفرح...بالسمح و الفال
يا أعز عزيز
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: ali othman)
|
ألف مبرووووووووووك الأخ الطيب
وعقبال الشهادة الكبيرة....
وبالمناسبة هذه دعوة من حبوبةً لي كانت "الله يرحمها" كل ما نجحت وحصلت على شهادة كانت تدعو لي وتختم دعوتها "بعقبال الشهادة الكبيرة".
وطبعا وقتها الشهادة البنعرفا واحدة، فالجماعة ديل لسه ما كانوا طلعوا لينا بعرس الشهيد، وعرس مرة الشهيد.
وعشان ما تصنفني بسؤ النية فأنا أقصد الشهادة البتقصدها حبوبتي"
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: nadus2000)
|
نادوس ألفين
سودان ألفين
حبابك
ألف شكر
و الله كلام حبوبتك دة ذكرني كلام جدي...أنا خلصت طابت الثانوية و هو لاقاني قال لي المدرسة كيف؟ قلت ليهو أنا خلصت الثانوي العالي يا أبوي..قال لي أها شد حيلك باقي ليك حنتوب.
| |
|
|
|
|
|
|
|
|
 Re: مبروك الطيب بشير .. بعد ما شاب (Re: الطيب بشير)
|
الأخ الحبيب الطيب الطيب
لك الشكر والحب على الاحساس الجميل
ودعنى أقص عليك ما بينى وبين أغنية عزيز دنياى وأيضا (طابت كانت حاضرة)
فى ذات يوم كنا بالمعهد وكنت حينها بالسنة الثالثة والاخ عماد أحمد الطيب كان بالسنة الخامسة ( ولحظات التجلى والعشق العفيف للفن كانت ما أكثرها) كنت فى إحدى صالات المعهد عندما كان بشمبات فأستوقفنى الاخ عماد وهو ممسك بالعود وبدأ يغنى لى عزيز دنياى وهو فى اخر مقطع كان يردد أنا طامع طامع ابقى عزيز دنياك فقلت له حينها ينظر ويفاد
واسرعت للحاق باللكشر الذى حان وقته
فزعل منى الاخ عماد الى أن استسمحته بعد أيام بأمضاء نهار بحاله فى مشاوير تخصه قضيناها سويا وقمنا بزيارة بعض اصدقائه بالخرطوم 2
كما كنت أغنيها للحبيبة التى اصبحت أم رزين ويزن مستقبلا والحمدلله لم تقل لى ما قلته لاخى عماد وإلا كان مؤشر الحياة اتجه غربا
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: عزيز)
|
عزيز خطاب يا حبوب
أنا كمان قصتي مع الغنيوة دي تبدأ و تنتهي بعماد
فقد غناها لي يوم حنتي بتحريف {يا ألذ عرييس} و ترديد الجمهور و الأهل أها أنا زي الصدقت الحكاية دي و هسي الفيديو بيأكد المسألة دي و سأظل أرددها {ألذ عريس} عمدأ..أشكر لطفك و تحياتي لأم العيال.
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: omer ibrahim)
|
يا بن مايكي الأثيري الآسر ، أيها الطيب البشير بن طابت الطيبه .
كامل التهنئة - المتأخرة - بفعل ( فايروسات الحواسيب ) ..
لكم هو عاديٌّ جداً أن تسعى إليك ( الشهادات ) - ماجستيريها و دكتوريها - ، وذلك لسبب بسيط هو ما يعتمل في الروح الطيبة البشيرية ( الطابوية ) من حب و توقٍ خرافي للعلم و اكتشاف مجاهيل الكون !!
لا أقول بأنك من أبناء ( المايك ) القليلين في ارتياد المجاهيل ، بل أصرُّ - في عناد - بأنك من رواد المعرفة من ألمع أبناء ( الحيشان التلاته ) الذين وضعوا نصب أعينهم خوض غمار التجارب الحياتية في آفاقها العلمية بثباتٍ و ثقةٍ و مثابره .
متأكدٌ هذا المنوت بأن العام 2007 سيشهد احتفالاتنا بالدكتوراه .. مليون كوبٍ من عصير الليمون المنوتي لك ، و لأم ( بشير ) أحقية الرشفة الأولى !!
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: منوت)
|
العزيز الحبيب منوت
على أعتاب العام السابع غربة و شوق و لا {مايك} أكاد أجن...و بالخاطر حنيني يفني و ذكريات لا تنضب لأيام يتوسط عقدها منوت بليمونية لا يضنيها إحتلاب {المايكاب}...ونحن نصف جلوس على نهاية جدار إستوديو الإذاعة فيما هيأ لنا الأثير أنه متكأ آمن.
| Quote: متأكدٌ هذا المنوت بأن العام 2007 سيشهد احتفالاتنا بالدكتوراه .. |
إن شاء الله يا دكتور حسن...أنا عاقد العزم و لا خطة لي غير ذلك يبقى التوفيق من عند الله بكرمه و بفضل دعواتكم...بعدها إن شاء الله نتواصى على العودة, و أرجو أن تفعلها قبلي و لنا في العزيز د/ عوض أسوة حسنة .... عسى الله أن يأتني بهم جميعآ.
منوت أسألك أن تألف التألق في مساحاتنا و تنشر الليمون في ساحاتنا فأنا و أم بشير-بعد الجهود الأكاديمية- بحاجة لرشفات و قد وصفها الدكتور بأنها هنا {عن منوت}
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: garjah)
|
الأخ الطيب البشير ( أبو بشير )
هذا و الله بشرى خير و بشير سعد
فألف مبروك و إلى الأمام.
و الله أفرح كثيرا لأي نجاح سوداني و بشكل خاص خارج الوطن ،، فالتهنئة مرة أخرى و إلى مزيد من التقدم و النجاح و رد الله غربتكم لإثراء الوطن.
أرقد عافية
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: ابو جهينة)
|
الأخ الكريم أبو جهينة
أحسست بفرحك لي يقطع الفواصل الطبيعية
و يجتاز الحدود الوهمية و يأتني بالتهنئة حارة هنا
نعم أخي الحبيب
التواصل فوق الحاسي لا يحتاج وسيط غير الصدق الذي ألمسه في كل حروفك ... لا سيما التي تخالف رأيي
أدام الله عليك نعمة التفرد
شكرآ ليك كتير
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: omer ibrahim)
|
ابو بشير شيخ شيوخ الاعلام:
1000 مبروك وعقبال الدكتوراة.. والتهنئة موصولة لام بشير ..وبشير ايضا..وللاهل بطابت والولي وما بينهما..
ودي دايره ليها خروف بروشستر..
ونأسف للتأخير لانى كنت غائب عن البورد وعندما عدت وجدته مغلق للصيانة ..فلكم العتبي حتى ترضوا فنرضي..
ولك التحية يا عمر لسبقك لنا بالتهنئة ..
ودمتم,,,
| |
|
|
|
|
|
|
|
|
|
Re: مبروك الطيب بشير .. بعد ما شاب (Re: Ehab Eltayeb)
|
الباشمهندس إيهاب الطيب
يا قريبي يا حبوب
و الله ألف شكر على المشيخة الإعلامية في بورد فيه أساتذتنا د/ حسن دوكة و د/حيدر بدوي صادق و آخرين من دونهم لا تعلمونهم الله يعلمهم.
عارف يا حبوب الخروف بتاع روشستر ما فاتك و الله الرشيد آدم ضبح لينا و أم آدم ظبطت شية ما حصلت لكن إنت حايم.
شكرآ ليك حتى ترضى.
| |
|
|
|
|
|
|
| |
Rawia
الطيب بشير
Raja
الجندرية
omer almahi
Abureesh
بهاء بكري
Ahlalawad
ودقاسم
Ashraf Mahmoud
Adil Ali
yasiko
Mutwakil Mahmoud
Abd-Elrhman sorkati
Osman Hamad
ASAAD IBRAHIM
kamalabas
خالد الأيوبي
elhilayla
Elmosley
سجيمان
mekki
دورنقاس
alfatih
essam&amal
عزيز
sari_alail
Kostawi
فتحي البحيري
tariq
nadus2000
nada ali
ملكة سبأ
منوت
haneena
garjah
ابو جهينة
Ehab Eltayeb
فيس بوك
تويتر
انستقرام
يوتيوب
بنتيريست