|
كتب الكاتب الفاتح جبرا المتوفرة بمعرض الدوحة
|
|
 Re: ماذا يجري بسوق الكلاكلة الوحدة (Re: شمهروش)
|
اخواني حتي لا نظلم احدا اثرت ان اتحرى الخبر حول الاحداث التي وقعت ليلة امس بسوق الكلاكلة الوحدة المدينة التي شهدت اجمل انواع التعايش السلمي بين كل الاعراق والقبائل والسحن
بدات مدينة الكلاكلة حي واحدا حتي بلقت الان مايزيد علي السبعة احياء في شكل مدن كبيرة
على حسب ماذكر المصدر بان خلافا نشب بين احد الطلاب ومجموعة من الشباب نتاجه كان ان اصيب الشاب بجرح كبير في يده ومن ثم استنجد الطالب بزملائه من الداخلية وكانت واقعة وحدث تصادم بين الفريقين
عندها تدخلت الشرطة وفصلت بين الجمعان والي حين كتابة المقال تشهد المنطقة احتقان كبير وترغب حذر والجدير بالذكر ان البلاد تشهد تحرك لانتخابات اتحاد الطلاب
| |
 
|
|
|
|
|
|
|
|
Re: ماذا يجري بسوق الكلاكلة الوحدة (Re: شمهروش)
|
والله االكلام ما مفهوم
انت قصدك بسوق الكلاكلة الوحدة السوق الموجود فى وسط مربع تتلاتة والة سوق اخر محطة الجديد ؟؟؟
لانو الطلاب (طلاب الداخلية) ما بصلون للسوق الداخلى لانو سوق بيشتغل الفترة الصباحية بس ومافيه حركة ينتج عنها صدام ...
الصدمات دائما تحصل فى اخر محطة ودائما لا يكون لسكان الكلالكة الوحدة دور كبير فيه لانو ساكن الوحدة تقريبا كلهم بعرفو بعض ... كل الصدمات البتحصل بكون بسبب ساكن الاسكان الشعبى وتحديدا افراد جيش (فالبينو ) والشرطة وافراد جيش مجموعة اخرى من الموقعين على اتفاقية الخرطوم للسلام ...
وحتى مثل هذا التحركات والصدمات لا تؤثر فى التعايش السلمى الموجود فى المنطقة
لكن ان يكون الطلاب طرفا فى صراع فى الحى فهذا غريب ولا يشبه سلوك الطلاب ... واذا حدث اشكال بين طلاب واحد ابناء الحى لماذا يستنجد ببقية الطلاب ولا يذهب الى الشرطة (هم طلاب والة عصابة )
ومنتظرين تفاصيل اكثر لكى نطمئن على الاهل والاصدقاء بالوحدة ...
ولك الود
محمد
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: hanouf56)
|
الحادثة التي وقعت باخر محطة حيث ماذكرت من وجود بعض العناصر الجنوبية
عادي ان يكون الاشكال بينهم
ولكن ان يتطور الي ان يصل الي تدمير السوق بالكامل اي تعايش سلمي هذا الذي تتحدث عنه
وربنا يكضب الشينة
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: شمهروش)
|
سسسسسلام داء كلام شنو يا ناس السوق رغم انو صغير ومن يوم ما اتعمل الناس دي كولها اهل و عايشة في تسامح ديني شديد ومن ماقومنا الحي الناس زي الاسرة الواحدة من زمن هيكل كان امام بعد ذلك ظهور الكيزان بي فوة ع/الصادق الكندي والزمرة الكيزانية ربك يستر
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: Elkalakla_sanga3at)
|
كويس يا شمهروش
اقول ليك خبرك دة قلقنا شديد خالص
ومن الوهلة الاولى كانت الادانة ممكن تكون من نصيب الطلبة ..
فى اتصال هاتفى مع احد الاصدقاء بالوحدة قال :
1/ اخر محطة بقيت سوق كبيرة وفيه كمية من السينمات والكافتيرياومحلات شيشة (السينما عبارة عن راكوبة كبيرة بجيبو فيه تلفزيون 21 بوصة وفيديو ودخول الراكوبة طبعا بقروش يعنى ذى سنما القاعة بس راكوبة)
2/ طلاب المدينة الجامعة بيتعشوا فى اخر محطة كل يوم
3/ فى رجوع للمدينة الجامعة من اخر محطة بتعرضو لعملية نهب شبه يومى لى ما يحملونه من اموال وساعات واى شئ عندو قيمة من مجموعة من الصعاليق رواد السينما ..
4/ تم تبليغ ادارة الداخلية بحوادث الاعتداءات المتكررة
5/ ادارة الداخلية قالت ليهم ما عندنا شغلة بيكم ... اصرفو
6/ تجمع طلاب المدينة الجامعة وتحركون نحو اخر محطة وقامو باحراقات السينمات والمحلات التجارية بالسوق ...
7/ يوجد حظر تجول الان بالكلاكلة الوحدة اخر محطة يبدا من الساعة التاسعة مساء حتى اذان الرابعة صباحا..
حقيقة قالو الوضع سئ جدا وقابل للاشتعال فى اى لحظة ...
لكم الود
محمد
ملحوظة :
المسافة بين المدينة الجامعة واخر محطة فى الوحدة حوالى 5الى 7 كيلومترات وهى مساحة خالية من المنازل (يعنى خلاء)
(محاولة ربط بين الحادث والانتخابات لا اعتقد بانها محاولة موفقة منك حيث ان غالبية الطالب من جامعتى السودان والنيلين ولا يوجد طلاب من جامعة الخرطوم حيث يجرى الانخابات هناك)
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: شمهروش)
|
عزيزى
المنطقة الذى تتحدث عنها هى منطقى اقامتى بالخرطوم
وعلى حسب ما نقل لنا لا دخل لسكان الوحدة فى الامر
الاشتباكات كانت بين الطلاب وسكان مانديلا والاسكان الشعبى ولا دخل مباشر لسكان الوحدة ....
وحتى اصحاب محلات سينما(سبب المشاكل) اغلبهم ليسو من سكان الوحدة
(لا دخل للانتخابات فى هذه الاحداث ) اقرا المداخلة اعلاه بهدوء لتعرف ان السبب الاساسى للاحداث هم مجموعة من الصعاليق كانت تقوم بقطع الطريق اما الطلاب عند عودتهم من اخر محطة الى المدينة الجامعية ...
ولك الود
محمد
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: hanouf56)
|
الاخ شمهروش
لك تحياتى
شكرآ على نقل الخبر و الاستفسار عن تداعياته.
احب اؤكد لك ان مدن الكلاكلات السبع بها من التعايش السلمى ما لا تجده فى كثير من المدن الاخرى لا بالعاصمة و لا بالسودان ، ذلك لان سكانها يمثلون كل السودان المتسامح ، اقول ذلك و انا من مواطنى و ساكنى الكلاكلات و بالتحديد الكلاكلة صنقعت .
كل الاحداث التى مرت بهذه المدن هى من افراد لا يمتون لها بصلة .
و احب ان ابشرك بان اهل الكلاكلات جميعآ يعيشون فى وئام و امان يحف بهم التكافل و التعاضدو اغاثة الملهوف .
ما حدث كما ذكر من سبقونى من الاخوة لا يعدو كونه صدام بين طلبة المدينة الجامعية فى شرق الكلاكلات و بين بعض افراد سوق الوحدة و الذين معظم اصحابه ليسوا من قاطنى الكلاكلات .
نسأل الله ان تنتهى هذه الاحتقانات الى خير و ان يحفظ الله الكلاكلات لنامن كل شر .
لك التحية مرة اخرى اخى شمهروش .
| |
|
|
|
|
|
|
|
|
 Re: ماذا يجري بسوق الكلاكلة الوحدة (Re: شمهروش)
|
الاخوة الاعزاء ،،
تحياتي ،،
لا اريد تكرار ما ذكره الاخوه عن التعايش الانموذج بين سكان الكلاكلات رغم التنوع القبلي الا ان مثل هذه الحوادث الدخيلة علينا يجب الوقوف عندها وهي بكل تاكيد حوادث دخيلة ..
نسأل الله السلامة ...
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: شمهروش)
|
يا شاب
انا ما قادر استوعب انت بتفهم كيف .؟؟؟؟؟؟؟؟؟؟؟؟؟
الصراع الحدث فى اخر محطة ما صراع عرقى
الصراع ما بين مجموعة من الطلاب (سكان المدينة الجامعية) وبعض
الشباب الذين كانو يقطعو الطريق لهم وهم فى طريقهم الى الداخلية ..
وما تجى تحاول تانى تدى الصراع صبغة عرقية (فرز كيمان بتاع شنو ؟؟؟)
محمد ادريس
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: hanouf56)
|
فأنا ألأخر لي (شرف) أن أكون من سكان تلك المنطقة وعلي مقربة من مكان الأحداث التي تتحدثون عنها فهي تقاطع سكك مواصلات فعندها ينتهي خط الكلاكلة شرق ومنها يبدأ خط الوحدة في طريقهم الي الخرطوم مارين بصنقعت واللفة طبعا .وهي سوق ناشئ لم يكتمل بعد, غير أن ظاهرة العمران لاتخطئها العين والكثيرون يجأرون بالشكوي من أنعدام الأمن بعد الغروب فيها, ولكن نحمد الله بأن المسألة ليست عرقية كما يريد البعض تطويرها او تصويرها فهي عراك طلبة ناقمين يحاولون ان يأخذوا القانون بيدهم قد يكون أؤلئك الطلبة شماليون او جنوبيون .المنطقة تلك تحتاج الي نقطة شرطة لتحمي وتكون علي مقربة من مكان الحدث .
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: mo)
|
| Quote: ولكن نحمد الله بأن المسألة ليست عرقية كما يريد البعض تطويرها او تصويرها فهي عراك طلبة ناقمين يحاولون ان يأخذوا القانون بيدهم |
ينصر دينك
لكن حيفهمو ؟؟؟
محمد
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: mo)
|
هانوف
من الموكد انو فهمي تقيييييييييل لما غلبك انت يافهام زمانك تفهمني
وما اظن انك اقرب من مصادر في موقع الحدث
مو لك التحية
ان الحدث قد كان بافعل رضينا ام ابينا ومهما اختلفت المسميات
مانعنيه هو غياب التغطية الامنية للمنطقة كلها وليست السوق وحده
ومسالة النزعات العنصرية وهل الحدث مربوط معها فالرجاء الرجوع الي
دفتر الاحوال
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: شمهروش)
|
الاخ شمهروش
حقيقة محاولتك لجعل الامر موضوعا عرقيا هو المحيرنى وخلانى اشك فى انك فاهم شكل الصراع الحاصل
يا عزيزى انا متربى فى الوحدة وتحديدا فى مربع (6) واخر محطة هو المحطة الانا كل صباح بمر بيها عشان امشى الخرطوم وبرجع بيها برضو ..
تقريبا كنت بعرف كل اصحاب المحلات فى اخر محطة (اصحاب الاكشاك . اصحاب رواكيب الشيشة . ستات الشاى والاكل) الحاجة الوحدة الانا ما عاصرتها فى اخر محطة هو ( السينـــــــــــــــما ) ..
وتانى بقول ليك انو فى مسافة كبيرة خالية ما بين اخر محطة و والمدينة الجامعية والمساحة مظلمة ومافى بسط امن شامل الا فى اخر محطة وما بكون فيها اكتر من نفرين ...
حوادث الاعتداء على طلاب المدينة الجامعية جديدة على المنطقة ولكنها لم تظهر على مع افتتاح محلات السينما
الطلاب الذين تم الاعتداء عليهم يمثلون كل السودان والطلاب الذين اعتدوا وقامو بحرق المحلات فى اخر محطة ايضا يمثلون كل السودان ..
نعم ندين تصرف قلة من الافراد الذى كانو يعتدون على الطلاب وكذلك ندين ردة فعل طلاب المدينة الجامعة ونعتقد ان تصرفهم هذا لا يشبه سلوك طلاب ...
مصدرى للمعلومة هم اصدقائى المتضررين من الحدث والعارفين بالمنطقة واشكالات المنطقة والذين لا يتجاوز اخر محطة مسافة 50 متر من منازلهم
وارجو انك تقرا المداخلة التانية لى فى البوست دة ...
لك الود
محمد ادريس
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: hanouf56)
|
فكرتك في تنازلك لهذا الموضوع غريبة اخي حميد
لم اقصد تناول الخبر بانفصالية مع الامر متاح الان وفي كل البقالات
يعني اصبح شئ ما مدسوس او لم يعد بالشئ المخيفاتمني انك تكون فهمت من زول فهموا تخين
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: شمهروش)
|
شمهرور
هنوف
تحياتي
ماعارف لاكن جد وبما انني واحد من سكان الكلاكلات بشكل عام وعندي ارتباط قوي جدا بالوحده وعارف الاشكاليات البتحصل في اخر محطه بالتحديد اول ماقريت الخبر قلت اكيد قوات فالبينو كوانين عملو ليمه موضوع تاني بس مااتخيلت انو طلاب المدينه الجامعيه يكونو طرف الاساسي في الموضوع انو الظاهره جديده يعني رباطيه وعلي عينك ياشرطه دي دايره وقفه من الناس وياخوانه بدل مانتشاكل في طبيعة الصراع هل عرقي او غيره النتناقش في ظاهره الرباطه ديل ولا رايكم شنو
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: شمهروش)
|
سلام يا شباب ... طبعا بمجرد ما شفت انو الموضوع بتكلم عن الكلاكلة الوحدة طوالي وبدون ما احس ضغط على العنوان لاني من سكان تلك المنطقة منذ 1974م سكنت في بادي الامر في مربع 2 والان انا من سكان مربع واحد يهني انا ولد الكلاكة الوحدة وبعرفها اكتر من ما بعرف بلدي في الشمال وانا كنت في السودان جيت قبل تلاتةاسابيع كده وبصراحة عاوز اقول ليكم انو في ممارسات في اخر محطة ما كانت موجودة زمان وخاصة من قبل الاخوة الجنوبيين ومنها انو من بعد المغرب البنات بتعرضو للتحرش من اولاد مراهقين ولو حصل تدخل لمنعهم الحكاية تتقلب بين الناس الكبار وعلى الفور تتدخل قوات فاولينو والكلام ده حاصل يا جماعة .. واما بالنسبة للحصل اليومين الفاتو كنت كل فترة بدخل هنا واشوف الحاصل شنو الى ان توفرت لدي بعض المعلومات من احد الخوة من الوحدة عن طريق الماسنجر والكلام الحصل بينو وبينو كالاتي:
الحصل في اخر محطة
..أطلعْ مِنِّي يا جلدي المِنمِّل جِنيِّ واطلعْ مِنِّي يا حُزناً بِقى مكَجِّني says:
شنو الحصل في اخر محطة
بكرة القلـــب الباعــــــــــــــــنا يند م على يوم وداعــــــــنا says:
والله عنكبة بت كلب
بكرة القلـــب الباعــــــــــــــــنا يند م على يوم وداعــــــــنا says:
فاولينو وجمعتو
..أطلعْ مِنِّي يا جلدي المِنمِّل جِنيِّ واطلعْ مِنِّي يا حُزناً بِقى مكَجِّني says:
مالم في شنو
بكرة القلـــب الباعــــــــــــــــنا يند م على يوم وداعــــــــنا says:
والله الطلبة فى مصعب ابن عمير
بكرة القلـــب الباعــــــــــــــــنا يند م على يوم وداعــــــــنا says:
واحد منهم اتشاكل مع الدينكا
..أطلعْ مِنِّي يا جلدي المِنمِّل جِنيِّ واطلعْ مِنِّي يا حُزناً بِقى مكَجِّني says:
اها وبعدين
بكرة القلـــب الباعــــــــــــــــنا يند م على يوم وداعــــــــنا says:
طبعا تعيش انت
..أطلعْ مِنِّي يا جلدي المِنمِّل جِنيِّ واطلعْ مِنِّي يا حُزناً بِقى مكَجِّني says:
عليك الله
بكرة القلـــب الباعــــــــــــــــنا يند م على يوم وداعــــــــنا says:
وقام الطلبة هاجو
..أطلعْ مِنِّي يا جلدي المِنمِّل جِنيِّ واطلعْ مِنِّي يا حُزناً بِقى مكَجِّني says:
قتلو
بكرة القلـــب الباعــــــــــــــــنا يند م على يوم وداعــــــــنا says:
والله العظيم
بكرة القلـــب الباعــــــــــــــــنا يند م على يوم وداعــــــــنا says:
ايوة
بكرة القلـــب الباعــــــــــــــــنا يند م على يوم وداعــــــــنا says:
والحكاية مدورة من 9 مساء لحدى الساعة 4 صباحا
بكرة القلـــب الباعــــــــــــــــنا يند م على يوم وداعــــــــنا says:
نار حية
بكرة القلـــب الباعــــــــــــــــنا يند م على يوم وداعــــــــنا says:
واليوم داك اخر محطة كلها نيران
..أطلعْ مِنِّي يا جلدي المِنمِّل جِنيِّ واطلعْ مِنِّي يا حُزناً بِقى مكَجِّني says:
ناس البوليس جو عملو شنو
..أطلعْ مِنِّي يا جلدي المِنمِّل جِنيِّ واطلعْ مِنِّي يا حُزناً بِقى مكَجِّني says:
جمال ضرب النار كان من منو
بكرة القلـــب الباعــــــــــــــــنا يند م على يوم وداعــــــــنا says:
كان من جماعة فاولينو
| |
|
|
|
|
|
|
|
|
|
Re: ماذا يجري بسوق الكلاكلة الوحدة (Re: ابو طويلة)
|
الاخوان والاحباب
هانوف/ خضر/ ابوطويلة
لكم كل التحيات الطيبات وزواكي الامنيات الغالية
القصد من ادراجنا لمثل هذه المواضيع ان نبداء في تجهيز ثقافة بديلة
وناصل لفكرة السلااااااام القادم حتي تعم المحبة والسلام ارجاء اليلاد
وينعم بخير ها العباد
| |
|
|
|
|
|
|
| |
شمهروش
hanouf56
Elkalakla_sanga3at
KOSTA
mo
خضر حسين خليل
ابو طويلة
فيس بوك
تويتر
انستقرام
يوتيوب
بنتيريست