|
|
 لمحبى الشواكيش
|
طبعا كلمة شاكوش من أكثر الكلمات ايلاماً ... أقصد انتشارا بين السودانيين .. وليها مرادفات اخرى كثيرة ... زي شنكل .. صاطور ..وكل الكلمات على وزن أتعب .
بقى انه اكيد شرح سبب الشاكوش ــ عشان الداير يشوكش يكون وشو ابيض اثناء وبعد الشاكوش ــ مهم جدا ومتنوع على حسب الانسان .
هنا نحاول نجمع الانواع دي من تبرير الشواكيش واخواتها :
فى كلية طب الأسنان :
لمن يحصل تسوس بالشكل ده في حياتنا يا منال...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتناوقدر ما حركت فكي معاكي برضو مصرة تجيبي لي التهاب في اللثة.. انتي بقيتي حشوة مؤقتة لقلبي وانا محتاج حشوة دااااااااااااااايمة .
فى كلية علوم التغذية .
ندى انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق ..وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت ..كفانا مواد حافظة يا دي .
فى كلية هندسة الجينات .
رشا..انتي عارفة انو جيناتك هي السبب؟!!...ضعف المناعة العاطفي موروث في عيلتك.. أنا آسف بس أحماضنا النووية ما بتتفق ولازم نتحلل وكلو كروموسومايةتمشي جهةوكلو نواة تطلع خليته .
فى كلية علوم الطيران
نهى ...يؤسفني اقول ليكي اني دقيت ليكي خروج نهائي من حياتي...اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق ..انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة .
فى كليةالموسيقى و المسرح و الدراما .
اسمعيني يا سمر انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟ ..رأيك شنو في الدور ده؟...ما انفع ممثل يا سمر؟ ..اسمعيني يا سمسم...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟ .. هاااااا؟؟...لأ المرة دي انا جاااااااااااااااااااادي....تمثيل شنو يا دي؟ ما تفهمي ياااااااااااخ ..الا ألحن ليك كلامي ده ؟
فى كلية هندسة الاتصالات .
بصراحة يا مروة انا كنت قايلك في السلك...لاكين طلعتي موبايل بلا بطارية... اناوانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت..ومشاعرنا بقت مشوشة لأنو عواطفنا للأسف بقت لاسلكية ..ياخي باختصار...حبنا طلع برة الشبكة .
فى كلية الهندسة الزراعية .
عارفة يا اميرة ؟...الحب ده بذرة دايرة ليها تربة ممتازة...وموية نضيفة...واضاءة كافية عشان تنمو...وانت للأسف تربتك ما نضيفة وماااااااااااااااالحة تب... ومويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا .
فى كلية علم البصريات .
أروى انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي
I
H
A
T
E
U
أها غمضي العين الشمال...وافتحي اليمين...قريتيها؟ ...... كلك نظر يا أروى .
|
|
 
|
|
|
|
ابو تميم
فيس بوك
تويتر
انستقرام
يوتيوب
بنتيريست